श्रीराम श्रेष्ठ का केही मुक्तकहरूः

Shreeram, Shrestha, श्रीराम श्रेष्ठ, pallawa, पल्लव

श्रीराम श्रेष्ठ

तिमी आयौ र त मेरो जीवनमा आशा छायो
मुसुक्क हाँस्दा मेरो हृदयले स्वर्ग नै पायो
हाम्रो मन्दिर देखेर भत्काउने पनि निस्के
तिमीले रोपेको मायाले हरियाली नै आयो ।

तिम्रो स्नेह बढेपछि एक्लो मात्र भएको छु
मैले पनि दह्रो पारी मनलाई ल्यायको छु
एउटै आत्माहुँदै जिउनु पाए पनि हुन्थ्यो
तिमीसँग साथ लागि बाच्ने प्रण लिएको छु।

 

Continue reading


शर्मिला श्रेष्ठका केही मुक्तकहरूः

Sharmila, Shrestha, Lalitpur शर्मिला श्रेष्ठ , pallawa, पल्लव,,

शर्मिला श्रेष्ठ

माना रोपी मुरी फलाउने असार झैं बहार नै फलोस् देशमा
असारे रोपाईको माटो गले झैं दुःख कष्ट सबै गलोस् देशमा
सर्ब सम्पन्न हरियाली सुविचार् उर्वर रहुन् सम्पूर्ण निकाय
एकताको हलो,ब्याड, बीऊकै हातको नै मिलन चलोस् देशमा।

कतै विलिन भइहाली कि नसम्झनु मित्रवर
साथ दिन पाईनछु भने नठस्कनु मित्रवर
निजी जीवनका कर्तब्य नि बहन् गर्नु पर्दोरैछ
क्षमा गर्दै, धैर्य गरी सद्भाव सुम्पनु मित्रवर।

 

Continue reading


बहरबद्ध गजल

Lal, Kaji, Shrestha, लालकाजी श्रेष्ट, pallawa , पल्लव

लालकाजी श्रेष्ट,

कहाँ भन्थें यसै औधी मजा आयो
नसोंचेकै मिल्यो केही मजा आयो

थियो प्रस्तावनै यस्तो कि के भन्नु
सुनें आधी भएँ राजी मजा आयो

थकाई कुन चराको नाम हो बिर्सें
नथाकेकै थियो जाती मजा आयो

 

Continue reading


शर्मिला श्रेष्ठ का केही मुक्तकहरूः

Sharmila, Shrestha, Lalitpur शर्मिला श्रेष्ठ , pallawa, पल्लव,,

शर्मिला श्रेष्ठ

दुई मुटु एक धड्कन बन्न त्याग तपस्या चाहिन्छ हेर
एक आपसको समझदारी,सहारा बिना आतिन्छ हेर
जीवनको पथ तय गर्न आत्मियताको उत्तिकै महत्व
दुबै सबल नभए जिन्दगी हर प्रहर गाजिन्छ हेर ।

सोचेको सबै पुग्दैन र नी आशको माला उनिहालु लाग्छ
गन्तब्यमा पुग्न कठिन छ र नी पाईला चालीहालु लाग्छ
शिखरमा सफल्ताको झण्डा गाड्ने रहरमा बाधा नआए
ज्यानकै बाजी राखेर नी देशको नाम राखी हालु लाग्छ ।

 

Continue reading


बुढो समयको

baburam, shrestha, yatri, Yatree, बाबुराम श्रेष्ठ "यात्री", pallawa, पल्लव

बाबुराम श्रेष्ठ “यात्री”

आकाश कालो लाग्छ
बादलका चादनी घेरा देखिदैन
घाम चिसा छन् धरती मलिन छन्
सम्बन्धहरू तुवालाले ढाक्दै छन्
बिहान- बिहान जस्तै लाग्दैन
रात- रात जस्तै लाग्दैन
एक्लिएर
सम्झनाका तातिहरू एककोहोरो खनिइहन्छ
मयालुहरूले मानसपटलमा काउकुती लगाइरहन्छ
अपसोच! सपनाहरू खडेरीमा छ्न्
बिपनाहरू रेस्ट्मा छन्
भबिस्यहरू बेठेगानमा छन्
बिचरा ! बूढो समयको

 

Continue reading


‘कालखण्डको निर्माणमा’

shrestha, priya, patthar, श्रेष्ठ प्रिया ‘पत्थर’, pallawa, पल्लव

श्रेष्ठ प्रिया ‘पत्थर’

म हलाहल विष पनि पचाइदिन सक्छु
दिउन् सबैले
आ-आफ्ना क्षोभ, द्वेष, र कुन्ठाहरू
ईष्र्या, कुटिलता, घृणा र तिरस्कारहरू
क्रोध, आवेश र तनावहरू
म सबै विसङ्गतिहरू
आफूमा विलय गरिदिन्छु
अनि धोई, पखाली, पवित्र गरी
पुनः जीवन दिनसक्छु तिमीलाई
किनकि म ज्ञानको सागर हु–

 

Continue reading


शर्मिला श्रेष्ठका केही मुक्तकहरूः

Sharmila, Shrestha, Lalitpur शर्मिला श्रेष्ठ , pallawa, पल्लव,,

शर्मिला श्रेष्ठ

हाँस्ने दिन भने हाँसियो बेसरी
दुःख पीडा सबै नाँसियो बेसरी
अरे कती सम्झी रुनु तिमीलाई
सबै भुली खुशी गाँसियो बेसरी ।

दिग्द्य देवाली पुजामा सामिल हुदा खुशी बेग्लै भो
आफ्नो नेवारी संस्कार थाम्न पाउदा खुशी बेग्लै भो
सपरिवारको जमघट थियो हाॅसी खुशी रम्दै
समय ,सगुन लिई एलाले छुदा खुशी बेग्लै भो ।

 

Continue reading


गजल

Ram, Krishna, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ “फुच्चे”

आज तिम्रो हातसमाई फेरीटोलाऊ सक्दिनम।
तिमीबिना एक्लैरमाई फेरीटोलाऊ सक्दिनम।।

अतालीन्छ यो मन त्यसै तिम्रो प्रतीक्षामा सधै,
अर्कैतीर घरजम जमाई फेरीटोलाऊ सक्दिनम।

रित्याएर सबै दिए अब बाकी छ यो सानो मुटु,
त्यैमुटुनी तिम्लाई थमाई फेरीटोलाऊ सक्दिनम।

 

Continue reading


श्रीराम श्रेष्ठ का केही सिजो गीति कविता

Shriram, Shrestha, Nuwakot, श्रीराम श्रेष्ठ, pallawa, पल्लव

श्रीराम श्रेष्ठ

मायालु तिम्रो रुप हेर्दाहेर्दै लोभिएछ
प्रस्ताव राख्नलाई आट गर्दै लम्किएको
मनको चाहनालाई बुझिदिंदा अनौठो ।

सुन्दर देखेपछि मन लोभ्यो आफ्नै सम्झे
एक्लिदै हेर्दाहेर्दै लठ्ठिएका आँखाहरु
सपना जस्तै भएछ अतीतका मिलन ।

मायाको फुलवारी सजाएर राख्दै थिए
पर्खेर बस्दाबस्दै रित्तो मन ढल्किएछ
आशाको विश्वास पनि ब्यर्थ भो कुरेर ।

 

Continue reading


रामकुमार श्रेष्ठ’फुच्चेको मुक्तक दोहोरी

Ram, Kumar, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ’‘फुच्चे’

जनता-
जीते मैले सबथोक गर्छु भन्छौ नेताज्यू,
चुनाव हार्छौ तर मन्त्री बन्छौ नेताज्यू।
देशको बिकास गर्छु भनी लाग्यौ राजनितीमा,
तर ऊल्टै जरा किन खन्छौ नेताज्यू ।।

नेता
आफुनखाई अरुकोपेट भर्नकहा सकिन्छर,
मुखले मात्र बोल्दिने हो गर्नकहा सकिन्छर।
कुर्सीकोखेल अनौठोछ चलीआको चलन योत,
त्यसै तल कुर्सी छाडी झर्नकहा सकिन्छर ।।

 

Continue reading


रामकुमार श्रेष्ठ ‘फुच्चे’का जोर गजल

Ram, Kumar, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ

(सन्दर्भ कैलाली बोक्सीआरोप काण्ड)

गजल– १,
कोही अझै चरम यातना भोग्दैछन बोक्सीआरोपमा।
मुकुटधारी ढ्याङ्ग्रो ठोक्दैछन बोक्सीआरोपमा।।

अस्पताल र मेडीकल कलेज बन्द गर्दिए भो अब,
झाक्री तान्त्रीक बिधा घोक्दैछन बोक्सीआरोपमा।

अनाथ अशक्त एकल वृद्दा बोक्सी देख्छ हाम्रो समाज,
डाम्दै पनिऊले चुल्ठो छोप्दैछन बोक्सीआरोपमा।

 

Continue reading


‘मन्दाकिनी’ बारे केही चर्चाः

Shreeram, Shrestha, श्रीराम श्रेष्ठ, pallawa, पल्लव

श्रीराम श्रेष्ठ

स्रष्टा सिर्जना शर्मा मुक्तक सङ्ग्रह ‘मन्दाकिनी’ लिएर आएकी छन् । तीन सय पन्ध्र थान मुक्तक समाविष्ट सङ्ग्रह उनको पहिलो कृति हो । प्रस्तुत मुक्तकहरूमा विविधता, स्तरीयता, मौलिकता तथा लयात्मकता सबै पाइन्छ ।
विशेषतः स्रष्टा शर्माले प्रेम, प्रणय, रोग, भोक, पीडा, सामाजिक असन्तुष्टि, राजनैतिक व्यङ्ग्य, विश्वास, अन्याय, अत्याचार, हत्या, शान्ति जस्ता विषयवस्तुलाई केन्द्रित गरेर लेखिएका मुक्तकहरू चोटिला तथा मर्मस्पर्शी छन् ।

 

Continue reading


रामकुमार श्रेष्ठ’फुच्चे’ का जोर गजल

Ram, Kumar, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ

गजल– १,
प्रविधीको नाऊमा मेरोदेश माटोको चूलो बनाउछ।
गर्छौ कृषिक्रान्ती भन्दै खेतमुनी कुलो बनाउछ।।

बिकल्पमा जमिनमुनी रेल कुदाऊछन छिमेकीले,
मेरोदेश सडकविस्तारको बाहानामा धुलो बनाउछ।

बैज्ञानीक युगमा हामी पढ्छौ गुन्द्रुक पकाऊने विधी,
संस्कारअगाल्न अझै ऊ टाउकोमुडुलो बनाउछ ।

 

Continue reading


गजल

Ram, Krishna, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ “फुच्चे”

बस्छन् लुट्ने दिन गनि कठैबरा मेरो देश।
भन्दे भैगो गर्छु भनि कठैबरा मेरो देश।।

नौलोखाका कोर्दैगर्दा इतिहासले धिकारेसी,
ज्यूनै पर्ने कठोर बनि कठैबरा मेरो देश।

नगरेर पछि पर्यौ सबलाई चाहिने मोजआराम,
खोज्यो भने सबथोक छनि कठैबरा मेरो देश।

 

Continue reading


काठमान्डौहरू

baburam, shrestha, Yatri, Yatree, बाबुराम श्रेष्ठ "यात्री" , pallawa, पल्लव

बाबुराम श्रेष्ठ “यात्री”

गोधुली साझमा,तेजिलो मुस्कान
छर्छन हिमालहरू
स्वथ्य हावा सुसेल्दै
हरियाली ओढ्छन
पहाडहरू
हिमाल र पहाडको फेदीमा
राजनीति गर्छन
काठमान्डौहरू

प्राकृतिक छटा धुमिल पारेर
अघोषित यो रजनिती?
गजब छ बा !

 

Continue reading


‘सक्छौ त दिन ?’

shrestha, priya, patthar, श्रेष्ठ प्रिया ‘पत्थर’, pallawa, पल्लव

श्रेष्ठ प्रिया ‘पत्थर’

केही दिन्छु तिमी नभन
केही लिन्छु तिमी नभन
तिमीले दिने कुरा नै के छ र
तिमीले लिने कुरा नै के छ र ?

जो तिमी दिन सक्तैनौ
त्यो लिएर व्यर्थ के गर्छौ
जो पाएर पनि पाउदैनौ
त्यो व्यर्थ साँचेर के गर्छौ ?

 

Continue reading


गजल

Ram, Krishna, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ “फुच्चे”

सुख्खा रोटि र पानीमा दिन काटेकैछन यी परदेशीहरू।
पेट्रोल र कोईला खानीमा दिन काटेकैछन यी परदेशीहरू।।

चुल्हो अलग भएपछि हरक्षण आफ्नै भविश्य सोचेर,
दोधार र आनाकानीमा दिन काटेकैछन यी परदेशीहरू।

घर खेत बन्धकी राखेर जीऊ ज्यान कै बाजी थापी,
दवाब र खिचातानीमा दिन काटेकैछन यी परदेशीहरू।

 

Continue reading


परदेशीछोरा र शहरियाबुहारी बिचको सवालजवाफ-मुक्तक दोहोरी

Ram, Krishna, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ “फुच्चे”

प-हजुरले जे भन्यो त्यै मान्छु भन्थ्यौ हिजोसम्म,
सासूलाई नी आमाजस्तै ठान्छु भन्थ्यौ हिजोसम्म।
एकाएक फेरियौ रे एककल फोननी गर्दिनौ रे,
चाडबाडमा सम्झेर फोन हान्छु भन्थ्यौ हिजोसम्म।।

श-सधैभरि कचकच मात्र गर्छिन तिम्री आमा,
मनमै लाग्ने तीखोवचन भर्छिन तिम्री आमा।
गरेकिछु राम्रै सबलाई सधै सधै तर पनि,
खोट लगाई पर पर सर्छिन तिम्री आमा।।

 

Continue reading


गजल

Ram, Krishna, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ “फुच्चे”

जन्मेपछि मर्नुपर्ने कस्तो बिडम्बना ।
आफ्नै भूडी भर्नुपर्ने कस्तो बिडम्बना ।

सदावहार एकैनास फक्रिरहन पाएपो,
फुलेपछि झर्नुपर्ने कस्तो बिडम्बना ।

पौरखमा रमाएर ज्यून सिकोस् मान्छे,
अर्कैको भाग हर्नुपर्ने कस्तो बिडम्बना ।

 

Continue reading


समय

Shrestha, Manju, Manjushree, श्रेष्ठ मञ्जुश्री, pallawa, पल्लव

श्रेष्ठ मञ्जुश्री

बुन्थेँ स्वप्नहरू यिनै नयनमा ताँती लगाईकन
भन्थेँ यी करमै छ यो समय ता राखे समाईकन
डुल्थेँ साँझबिहान नै शहरमा भट्केर चारैतिर
खोज्थेँ मेट्न म तिर्सना कुन यहाँ हेरेर चारैतिर ।।

झार्थिन् आँसु मुमा सधैँ बरबरी सन्तान जागोस् भनी
सोच्थे होस् शुभ नै भनेर सबले जस्तै भए तापनि
राम्रो खातिर जे भने नि मनले ठानेन आफ्ना भनी
ढोका बन्द विवेकको किन थियो सोच्दैछु आजै अनि ।।

 

Continue reading