परदेशीछोरा र शहरियाबुहारी बिचको सवालजवाफ-मुक्तक दोहोरी

Ram, Krishna, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ “फुच्चे”

प-हजुरले जे भन्यो त्यै मान्छु भन्थ्यौ हिजोसम्म,
सासूलाई नी आमाजस्तै ठान्छु भन्थ्यौ हिजोसम्म।
एकाएक फेरियौ रे एककल फोननी गर्दिनौ रे,
चाडबाडमा सम्झेर फोन हान्छु भन्थ्यौ हिजोसम्म।।

श-सधैभरि कचकच मात्र गर्छिन तिम्री आमा,
मनमै लाग्ने तीखोवचन भर्छिन तिम्री आमा।
गरेकिछु राम्रै सबलाई सधै सधै तर पनि,
खोट लगाई पर पर सर्छिन तिम्री आमा।।

 

Continue reading


गजल

Ram, Krishna, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ “फुच्चे”

जन्मेपछि मर्नुपर्ने कस्तो बिडम्बना ।
आफ्नै भूडी भर्नुपर्ने कस्तो बिडम्बना ।

सदावहार एकैनास फक्रिरहन पाएपो,
फुलेपछि झर्नुपर्ने कस्तो बिडम्बना ।

पौरखमा रमाएर ज्यून सिकोस् मान्छे,
अर्कैको भाग हर्नुपर्ने कस्तो बिडम्बना ।

 

Continue reading


समय

Shrestha, Manju, Manjushree, श्रेष्ठ मञ्जुश्री, pallawa, पल्लव

श्रेष्ठ मञ्जुश्री

बुन्थेँ स्वप्नहरू यिनै नयनमा ताँती लगाईकन
भन्थेँ यी करमै छ यो समय ता राखे समाईकन
डुल्थेँ साँझबिहान नै शहरमा भट्केर चारैतिर
खोज्थेँ मेट्न म तिर्सना कुन यहाँ हेरेर चारैतिर ।।

झार्थिन् आँसु मुमा सधैँ बरबरी सन्तान जागोस् भनी
सोच्थे होस् शुभ नै भनेर सबले जस्तै भए तापनि
राम्रो खातिर जे भने नि मनले ठानेन आफ्ना भनी
ढोका बन्द विवेकको किन थियो सोच्दैछु आजै अनि ।।

 

Continue reading


गजल

Ramesh, Sanyog, Shrestha, रमेश संयोग श्रेष्ठ, pallawa, पल्लव

रमेश संयोग श्रेष्ठ

बिरामी भई राखिएको थियो अस्पतालमा ।
सपना धेरै थियो रे उस्को मरेछ अकालमा ।।

प्राय सबै डाक्टर नर्स भन्दै दाबी गर्नेहरूले ।
पेटको अप्रेसन गर्दा मुटुमा गर्छन् नेपालमा ।।

मबाट तिमी कसरी छुटेर गयौ थाहै भएन ।
सके सम्म तिम्लाई मैले पारेकोथे जालमा ।।

 

Continue reading


गजल

Ramesh, Sanyog, Shrestha, रमेश संयोग श्रेष्ठ, pallawa, पल्लव

रमेश संयोग श्रेष्ठ

सिधा कुरा बङ्ग्याउने समाजमा छन् मान्छेहरू ।
सत्यकुरालाई लुकाउने समाजमा छन् मान्छेहरू ।।

धनाड्यकै राज चल्छ हरेक काम काजमा भन्दै ।
पैसाकै पावर देखाउने समाजमा छन् मान्छेहरू ।।

गल्ती गरिरहनु पर्दैन कहिले गरिव अशक्तहरूले ।
बिनागल्ति दोष लाउने समाजमा छन् मान्छेहरू ।।

 

Continue reading


रामकुमार श्रेष्ठ ‘फुच्चे’ का तीन गजल

Ram, Krishna, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ “फुच्चे”

गजल– १,
कुनैसमय थियो भाईभाई आफु आफैमा डराऊथे।
स्कुल पढ्न भनी हिडेको नाबालक बच्चा हराऊथे।।

काख रित्याईयो सिन्दुर मेटाईयो सिऊदोको,
पार्टीको आदेश हो भन्दै सात जंघार तराऊथे।

ऐय्याआत्था भन्दैतड्पी अन्धाधुन्दागोली चल्दा
कोही भने हान हान नछोड भन्दै कराऊथे।

 

Continue reading


गजल

Ram, Kumar, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ

दुख केहो हुम्ला अनि कर्णालीको गामलाई हेर।
बिजुली र मोटर समेत नपुगेको ठामलाई हेर।।

रेमिट्यान्स भित्रीएको देख्छ मात्र सरकार सधै,
यरपोर्टमा उत्रीएको बन्द लासको लामलाई हेर।

खा को छ कि भोको छ खै छोरो परदेश मा,
पीरलेज्यान सुकाऊनेको बिवशता हामलाई हेर।

 

Continue reading


रमेश संयोग श्रेष्ठ का जोर गजल

Ramesh, Sanyog, Shrestha, रमेश संयोग श्रेष्ठ, pallawa, पल्लव

रमेश संयोग श्रेष्ठ

गजल– १,
आज फेरि दर्जन यात्री मरेका छन् त्रिशुलीमा
एउटा घरका सबै परिवार परेका छन् त्रिशुलीमा

सोच नेपाल सरकार बारम्बार दुर्घटना हुन्छकिन
दिनहुँ भल्का रगत तरंगी झरेका छन् त्रिशुलीमा

अब छोराछोरीका आँखा फुलेनन् खुशीले कहिले
ससाना नाबालककोआमा हरेका छन् त्रिशुलीमा

 

Continue reading


नुवाकोट साहित्य पदयात्राका पदचिन्हहरू

Shreeram, Shrestha, श्रीराम श्रेष्ठ, pallawa, पल्लव

श्रीराम श्रेष्ठ

दोस्रो पटक प्रकाशन
राजधानी काठमाडौँसँग जोडिएको भए तापनि प्राज्ञिक, साहित्यिक, सांस्कृतिक, आर्थिक एवम् मानव विकासको सूचकाङ्कको आधारमा नुवाकोट जिल्ला धेरै पछि परेको पाइन्छ । यहाँको सौर्न्दर्यभित्र लुकेको मानवीय जीवन पद्धति, पर्यटकीय, धार्मिक, ऐतिहासिक एवम् पुरातात्विक महत्वका स्थल र साहित्य, कलासृजनाका लागि वास्तविक आधार हुन सक्छन् ।

 

Continue reading


नुवाकोट साहित्य पदयात्राका पदचिन्हहरू

Nuwakotko Bhairavi Mandir

Shreeram, Shrestha, श्रीराम श्रेष्ठ, pallawa, पल्लव

श्रीराम श्रेष्ठ

अनुभूति
राजधानी काठमाडौँसँग जोडिएको भए तापनि प्राज्ञिक, साहित्यिक, सांस्कृतिक, आर्थिक एवम् मानव विकासको सूचकाङ्कको आधारमा नुवाकोट जिल्ला धेरै पछि परेको पाइन्छ । यहाँको सौर्न्दर्यभित्र लुकेको मानवीय जीवन पद्धति, पर्यटकीय, धार्मिक, ऐतिहासिक एवम् पुरातात्विक महत्वका स्थल र साहित्य, कलासृजनाका लागि वास्तविक आधार हुन सक्छन् । यसै सन्दर्भमा यस जिल्लाको साहित्यिक विकासमा ठोस योगदान दिन र यहाँ रहेका बौद्धिक एवम् साहित्यिक प्रतिभालाई प्रस्फुटन गर्न गराउन आवश्यक महसुस् गरीएको हो ।

Continue reading


श्रीराम श्रेष्ठका केही हाइकुहरूः

Shreeram, Shrestha, श्रीराम श्रेष्ठ, pallawa, पल्लव

श्रीराम श्रेष्ठ

हारेको युद्ध
सम्झन्छु सधैंजसो
आपत पर्दा ।

आँखा चिम्लदै
मायाको अङ्गालोमा
सपना हास्यो ।

एकान्त बास
मनमा कुरा खेल्यो
भुँइ रित्तो छ ।

 

Continue reading


गजल

Ramesh, Sanyog, Shrestha, रमेश संयोग श्रेष्ठ, pallawa, पल्लव

रमेश संयोग श्रेष्ठ

हेर्नुछ यो दुनियाँमा को को जाली रहेछन् ।
धनकै कारण इज्जत किन फाली रहेछन् ।।

श्रीमानले खाडी मुलुकमा बर्षौ बर्षदेखि ।
आफ्नो प्रयसिको प्यार सँ’गाली रहेछन् ।।

सीप छैन जागिर छैन बेरोजगारी युवाहरु ।
चोक-चोकको भट्टि तिर ब’राली रहेछन् ।।

 

Continue reading


श्रीराम श्रेष्ठका कोरियन कविता सिजोहरूः

Shreeram, Shrestha, श्रीराम श्रेष्ठ, pallawa, पल्लव

श्रीराम श्रेष्ठ

नेपाली राजनीति बुझ्दा बुझ्दै वाक्क भए
विरोध समर्थन नाटकमा उस्तै खेल
नेताजी परिवर्तन हुन खोज्नै नमान्ने ।

सम्झियो आफ्नै बिर्ता आफ्नै सान अफ्नै मस्ती
खुशीले मात्तिएर माथि हेर्दा पोखिएको
झल्यास खुलेको आँखा सुकुलमा उत्तानो ।

खडेरी राजनीति खोज्दा पनि नेता कम
सोचाई शुन्य जस्तै हाउभाउ देखाउदै
यसरी चल्दै आएको झुक्याउने बानीले ।

 

Continue reading


श्रीराम श्रेष्ठको कोरियन शैलीको गीति कविता: सिजो

Shreeram, Shrestha, श्रीराम श्रेष्ठ, pallawa, पल्लव

श्रीराम श्रेष्ठ

पाखुरा बलवान परिश्रम गर्नैपर्छ
पौरख आफ्नै सान गौरवमा रमाउदै
यसरी नेपाली भई बाँच्नुपर्छ फुर्तिले ।

आक्रोश बुझ्नुपर्छ आफैंलाई समालेर
रिसले निम्त्याउछ डरलाग्दा दुर्घटना
सोचाई सकारात्मक भलो हुन्छ सबैको ।

थर्केर एकनास प्रलयमा फसेपछि
जिस्कायो सधैंजसो प्राणधान्न पनि धौधौ
सोचेको सपना भनि भागि हाल्यो बिर्सेर ।

 

Continue reading


रामकुमार श्रेष्ठ ‘फुच्चे’को जोर गजल

Ram, Kumar, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ

गजल– १,
नफुल्दै ओईलिएर झरे के गर्छौ।
आफन्तैले अन्तर्घात गरे के गर्छौ।।

कस्तुरी चिन्दैन त आफ्नै सुगन्ध,
सुघेर सुगन्ध छरे के गर्छौ।

भो अब नदेख ठुलो सपना ,
अभावमै जिन्दगी टरे के गर्छौ।

 

Continue reading


गजल

shrestha, priya, patthar, श्रेष्ठ प्रिया ‘पत्थर’, pallawa, पल्लव

श्रेष्ठ प्रिया ‘पत्थर’

बाहिर भने सौम्य मुहार, भित्र क्रूर उहाँ
साम, दाम, दण्ड, भेदले, भरपूर उहाँ ।

जो सत्तामा गए पनि, त्यसमा घुस्नै पर्ने
नत्र भने सदनमा, चूर-चूर उहाँ ।

जसले चारा हाल्न सक्छ, उतै लाग्नु हुन्छ
नैतिकता नै हराएको, कस्तो झूर उहाँ ।

 

Continue reading


श्रेष्ठ प्रिया पत्थरका जोर गजल

shrestha, priya, patthar, श्रेष्ठ प्रिया ‘पत्थर’, pallawa, पल्लव

श्रेष्ठ प्रिया ‘पत्थर’

गजल– १,
लाटा माझमा बाठा बन्छन्, बेकम्माका गाँडेहरू
विकासका नारा लाउछन्, बिथोल्ने ती फाडेँहरू ।

जता हेर्यो जगजगी छ, लूटाहा र फटाहाको
सोह्रै आना चोखो बन्छन्, धुती खाने धाडेहरू ।

कमिसनको ओइरो लाग्ने, ठूल्ठूला पद जम्मै
ओगटेर धम्म बस्छन्, बलिया बाङ्गा ढाडेहरू ।

 

Continue reading


‘तिलहरी’

Shrestha, Manju, Manjushree, श्रेष्ठ मञ्जुश्री, pallawa, पल्लव

श्रेष्ठ मञ्जुश्री

तीजको लहर छाएको थियो।विभिन्न समूह र संस्थामा आबद्ध महिलाहरूको दिनहुॅ दर खाने क्रम जारी थियो।तीजको व्रत बस्ने दिन आउन अझै तीन साता बाॅकी थियो।
महिलाहरू महङ्गा पहिरन र गहनामा सजिएर निस्कन्थे।
जमुना सधैॅ त्यो दृश्य हेर्थी अनि मनमनै सोच्थी ‘विहेकै रातो सारी छॅदैछ।हरियो पोतेमा एउटा तिलहरी बनाएर हाल्न पाए- -।’
“सुरुदेखि नै घर खर्चबाट जोगाएर जम्मा गरेको केही पैसा मसॅग छ यसपालि एउटा तिलहरी लाउने रहर छ बनाऊॅ ?” आज उसले लोग्नेसॅग सोधी।

 

Continue reading


पर्खाईको त्यो क्षण

Baburam, Shrestha, बाबुराम श्रेष्ठ, pallawa, पल्लव

बाबुराम श्रेष्ठ

तिमीसँग सुस्ताउँदै बादलु भित्र
हराएका ती पलहरू
अँगालोमा कस्सीएर कुट्कुट्याउँदै
बिताएका ती क्षणहरू
झझल्कोमा आईदिंदा
झस्काएर सारा यादहरुले
एकान्तमा रूलाईदिन्छ किन ?
सक्दिन चाहेर पनि अँगाल्न
आज फेरि तिमीलाई
जसरी अँगाली सुम्सुम्याउँथें
ती प्रेमिल भावहरुले हिजो।

 

Continue reading


मञ्जु श्रेष्ठका छन्दोबद्ध मुक्तकहरूः

Shrestha, Manju, Manjushree, श्रेष्ठ मञ्जुश्री, pallawa, पल्लव

श्रेष्ठ मञ्जुश्री

कहीँ जिन्दगीदेखि भागी नजाऊँ
सबै कष्ट बिर्सी यहाँ मुस्कुराऊँ
मरी जानु पर्ने छ चोला सबैको
रहुन्जेल हाँसीखुशी नै सजाऊँ ।।

नियति(छन्दोबद्ध मुक्तक)
किन जीवन दुख्छ यहाँ यसरी ?
नफुलीकन झर्छ मुना कसरी ??
बिपना किन बन्छ चिहान यहाँ?
सपना किन उड्छ धुँवा जसरी ??

 

Continue reading