कवि परिचय काव्यका केही सर्गहरूः

Mukunda, Sharma, मुकुन्द शर्मा, pallawa, पल्लव

मुकुन्द शर्मा

सर्जकमा प्रणाम, सुयोग्य सन्तान सरस्वतीका
थिए वीर पृथ्वी उदाहार्य राजा उनैले बनाए महान् देश साझा
यही देश नेपाल पाएर हामी बन्यौं विश्वविख्यात आदर्श नामी १

थिए बाइसे चौबिसे मल्ल राजा सबैमा बजाएर एकत्व बाजा
दिए शाहले सत्य सन्देश सार फुटे भाइ लुट्छन् विदेशी गँवार २

उनैबाट पाएर दिव्योपदेश भयो भव्य यो राष्ट्रभाषा विशेष
यहाँ गाँथिए काव्य माला अनेक नयाँले पुराना भए रेखदेख ३

 

Continue reading


कवि परिचय काव्य

Mukunda, Sharma, मुकुन्द शर्मा, pallawa, पल्लव

मुकुन्द शर्मा

सर्ग ३
सुयोग्य सन्तान सरस्वतीका
यो थालिएथ्यो अघि भानुद्वारा
मोती हुँदै छल्बलिएर धारा
नयाँ नयाँ सिर्जन छ्यालब्याल
बन्दै गयो काव्यछटा कमाल १

सर्काउँदै छन्द मयूख मीठा
लर्काउँदै काव्यकला छरीता
आभा छरी आनन—पुस्तिकामा
रमेश झुल्के खकुरेल नामा २

 

Continue reading


कृष्णादेवी शर्मा श्रेष्ठ का केही मुक्तकहरूः

Krishnaa, Devi, Sharma, Shresth, कृष्णदेवी शर्मा (श्रेष्ठ), pallawa, पल्लव

कृष्णदेवी शर्मा (श्रेष्ठ)

हाँसो अनि रोदन त जीवनको पर्याय हो
हर्ष अनि दुःखलाई सम्झाउने सहाय हो
कैले हाँस्नु कैले रुनु जीवनका दुई पाटा
जीवलाई चलाउने कानुनको अध्याय हो।

पीडाहरू मनभित्र आकाशका ताराजति
आँखाबाट बर्सिदिन्छन् मेची काली ईन्द्रावती
भीडबीच मान्छे एक्लो अन्त्यकाल भएपछि
माया भन्दा घृणा गर्ने हुँदारैछन् कति-कति ।

 

Continue reading


गजल

Sirjana, Sharma , सिर्जना शर्मा, pallawa, पल्लव

सिर्जना शर्मा

जहाँ जान्छु ठक्कर खान्छु गतिलो तक्दिर छैन
सजिलै भनि दियो साथीले मलाई त पीर छैन

हे भक्ति थापा बलभद्र र भिमसेनहरू हो
अहिले हेर त देशमा तिमी जस्तो वीर छैन

देशमा स्वाभिमान हरायो धेरै चाकडी बढ्यो
पाउँमा कुल्चिदियो यहाँ शरीरमा शिर छैन

 

Continue reading


सत्यम् शिवम् सुन्दरम्

Mukunda, Sharma, मुकुन्द शर्मा, pallawa, पल्लव

मुकुन्द शर्मा

गाना गाउँछ यो चरी चिरिचिरी च्याँच्याँ र चीँचीँ गरी
मैले सम्झिरहूँ यही समयमा श्रीकृष्णको बाँसुरी
यो कैलास निकुञ्ज भन्छ बहुधा साहित्यसेवी ! तँ गम्
संसारैभरि एउटै छ कलना सत्यम् शिवम् सुन्दरम्

जो हो वास्तव सत्य हो शिव उही हो सुन्दरम् आखिर
चाहे त्यो नर होस् कि अन्यतिर होस्, जम्मै उसैको घर
आओ मानव हो ! यतातिर छिटो पाओ सदा स्वागतम्
मैले लेखिरहेछु हेर कविता सत्यम् शिवम् सुन्दरम्

 

Continue reading


स्वर्गीय वीर पुर्खाको पत्र मुकुन्दलाई

Mukunda, Sharma, मुकुन्द शर्मा, pallawa, पल्लव

मुकुन्द शर्मा

प्यारा मुकुन्दजी ! धन्य ! पत्र आइपुग्यो यहाँ
पाएपछि भयौं दङ्ग, पुग्यौं पढ्दा भरङ्गमा

नेपालको हाल सुन्दै छल्किए आँसु दृष्टिमा
त्यहाँ पनि खसे होलान् अस्तिको अल्प वृष्टिमा

देशभक्ति थियो मेची—महाकाली सबैतिर
आफ्नो इज्जतमा बाँच्ने गरी ईश्वरमा भर

 

Continue reading


गृहिणीसित संवाद

Mukunda, Sharma, मुकुन्द शर्मा, pallawa, पल्लव

मुकुन्द शर्मा

मैत्रेयी अनि याज्ञवल्क्य ऋषिले जस्तो गरेथे अघि

यो संसार असार हो र यसको आकार निःसार हो
भित्री तत्त्व विचार गर्न नसके शिक्षा निराधार हो
के हो त्यो अघि धीर दार्शनिकले खोजी गरेथे जुन
यी न्याना दिनमा बसेर गृहिणी ! गर्दै रहौँ गुन्गुन

धेरैपल्ट प्रमाणपत्र बटुले सम्मान पाए ठुला
औँला माथि लगाउँदै पनि गरे व्याख्यान झन् दर्बिला
अर्काका मतमा दिए विमतिका आधार चर्का पनि
ल्याए पक्षविपक्षवाद कतिले आफ्ना र अर्का भनी

 

Continue reading


स्वर्गीय वीर पुर्खालाई चिठी

Mukunda, Sharma, मुकुन्द शर्मा, pallawa, पल्लव

मुकुन्द शर्मा

वीर पुर्खाहरू ! मेरो बारबार प्रणाम छ
त्यहाँको हाल कस्तो छ ? यहाँ भनिनसक्नु छ
छरी पौरखको रक्त जानुभो स्वर्गमा अघि
हामी सबै रमाएथ्यौ देशलाई उभो लगी

देशभक्ति थियो मेची—महाकाली सबैतिर
आफ्नो इज्जतमा बाँच्ने गरी ईश्वरमा भर
आज आए कहाँबाट देशलाई भँड्याउने
खरानीमा गरी द्वन्द्व आफ्नै छानो डढाउने

 

Continue reading


सिर्जना शर्मा का केही मुक्तकहरूः

Sirjana, Sharma , सिर्जना शर्मा, pallawa, पल्लव

सिर्जना शर्मा

चुनौती छिचोल्दै हिँडून् पाइला यी
र अन्यायलाई किचून् पाइला यी
सदा कामना गर्दछे सिर्जना यै
कुना कन्दरामा पुगून् पाइला यी !!

उडेर आज चन्द्रमा छुने छ लक्ष्य साथमा
म कर्मशील भैरहूँ दिवा प्रभात रातमा
न हेप मूर्ख झैँ गरी, म यत्तिमात्र भन्दछु-
टिपेर सूर्य ल्याउने कला छ हेर हातमा !

 

Continue reading


कस्तो रचूँ काव्य म

Sirjana, Sharma , सिर्जना शर्मा, pallawa, पल्लव

सिर्जना शर्मा

छैनन् राम यहाँ न लक्ष्मण कुनै या कृष्ण नै जन्मिए
खाली रावणको भयो बिगबिगी मान्छे खुवै मारिए ।
रुन्छिन् मातृ बगाइ आँसु गहमा सम्झेर नै मर्म ती
आमाको ममता भुलेर अहिले विग्रे कठै ! सन्तति ।

बाँच्ने औषधको अभाव अति भो हुम्ला र जुम्ला तिर
खाने अन्न भएन आज घरमा रोल्पा र डोल्पा तिर
भत्केको घर बन्छ लाग्छ सपना जस्तै छ हाम्रो गति
चिप्ला भाषण के सुनन् जनहरू देखिन्न क्यै उन्नति ।

 

Continue reading


मेरठ !!

Ramhari, Sharma, रामहरि शर्मा ‘शराह’, pallawa, पल्लव

रामहरि शर्मा ‘शराह’

(आभार पद्य – अनुष्टुप् )
जाँदा मेरठ यात्रामा केही तथ्य भए खुला
क्रान्तिको पूर्व सन्ध्याका योजना बुनिए ठुला
त्यसैले त्यो धरालाई भने क्रान्तिधरा भनी
बज्यो ढोल जहाँबाट क्रान्तिको नगरा बनी ।।

सारा गाउँ जुटे किल्ला आफैँ तयार भो भरे
कुनै अङ्ग्रेजका शैन्य पस्नै मुस्किल भो अरे
दृढता चुलियो आफैँ भत्किएनन् इमारत
जस्का प्रभावले गर्दा भयो स्वतन्त्र भारत ।।

 

Continue reading


सिर्जना शर्मा का केही टुक्राहरू

Sirjana, Sharma , सिर्जना शर्मा, pallawa, पल्लव

सिर्जना शर्मा

अचेल हजारौं सपना बुन्दै घरमा पाइला टेक्छु
सन्तान भेट्ने आशमा बा को आखामा खुसी भेट्छु
मलाई मेरा दाजुहरूको सम्झना बेहद हुन्छ साथी
जब म घरको आगनको डिलमा सयपत्री देख्छु !!

लागेको थिएन यस्तो जात्रा गर्न सक्छौ
पठाइदिन्छु को संग वार्ता गर्न सक्छौ ?
कति सजिलै मलाई बिर्सी दिनु भन्यौ
के मेरो सिङ्गो मुटु फिर्ता गर्न सक्छौ ?

 

Continue reading


कस्तो रचूँ काव्य म

Sirjana, Sharma, सिर्जना शर्मा, pallawa, पल्लव

सिर्जना शर्मा

छैनन् राम यहाँ न लक्ष्मण कुनै या कृष्ण नै जन्मिए
खाली रावणको भयो बिगबिगी मान्छे खुवै मारिए ।
रुन्छिन् मातृ बगाइ आँसु गहमा सम्झेर नै मर्म ती
आमाको ममता भुलेर अहिले विग्रे कठै ! सन्तति ।

बाँच्ने औषधको अभाव अति भो हुम्ला र जुम्ला तिर
खाने अन्न भएन आज घरमा रोल्पा र डोल्पा तिर
भत्केको घर बन्छ की सपना जस्तै छ हाम्रो गति
चिप्ला भाषण के सुनन् जनहरू देखिन्न क्यै उन्नति ।

 

Continue reading


सिर्जना शर्मा का केही मुक्तकहरूः

Sirjana, Sharma, सिर्जना शर्मा, pallawa, पल्लव

सिर्जना शर्मा

पाइला टेक्नुपर्ने रहेछ साथी भिरमा पनि
बाधेर हिडेकी छु कफन आज शिरमा पनि
जिन्दगी जिउँदै गर्दा मैले मुस्कुराउन सिकें
जसरी आमा मुस्कुराउनु हुन्थ्यो पीरमा पनि !!

अचेल हजारौं सपना बुन्दै घरमा पाइला टेक्छु
सन्तान भेट्ने आशमा बा’को आँखामा खुसी भेट्छु
मलाई मेरा दाजुहरूको सम्झना बेहद हुन्छ साथी
जब म घरमा आगनको डिलमा सयपत्री देख्छु !!

 

Continue reading


गजल

Sirjana, Sharma , सिर्जना शर्मा, pallawa, पल्लव

सिर्जना शर्मा

पैताला राख्नुपर्ने रहेछ साथी भिरमा पनि
बाधेर हिडेकी छु कफन आज शिरमा पनि

सिद्धान्त जतिसुकै बन्देज गर्न खोज तर
सल्बलाउछ बिचार हडबडाउँने धीरमा पनि

जिन्दगीले के के गरायो कहाँ कहाँ पुर्‍यायो
हेर्नुहोस् न ठगिएछु म आखिर तक्दिरमा पनि

 

Continue reading


गजल

Ram, Sharma, राम शर्मा, pallawa, पल्लव

राम शर्मा

बाँझै छन खेत र बारि भत्किएर गए आलिहरू
अन्न छैन भकारिमा छटपटिदै छन थालिहरू।

बुढाबुढी मात्रै छन गाउँमा खन्ने जोत्ने कोहि छैन
गाई गोठको कुना तिर खिई राहछन फालिहरू ।

चौतारिमा छाहारी छैन भरियालाई सितल दिने
पिपलु र वर रुँदै छन चोईटियर डालिहरू ।

 

Continue reading


गृहिणीसित संवाद

Mukunda, Sharma, मुकुन्द शर्मा, pallawa, पल्लव

मुकुन्द शर्मा

कैले बर्त उपासियो सँगसँगै एकादशीका दिन
कैले पूजन—कीर्तनादि गरियो श्रीसत्यनारायण
ठूला भोज लगाइएर घरमै कैले मनोरञ्जन
जे गर्दा मन शान्त सुस्थिर भयो, त्यै हो नगुम्ने धन १५

हाम्रा शास्त्र—पुराणमा जति भए ज्ञानीमहात्माहरू
भन्छन् जे समवेतको स्वर गरी आऊ सुनौँ त्यो बरु
वेलामा परमार्थ चिन्तन गरौं ऐश्वर्य सोही भनी
हीरा प्राप्त गरेर पत्थर भनी फाल्दैन कोही पनि १६

 

Continue reading


सिर्जना शर्मा

Sirjana, Sharma , सिर्जना शर्मा, pallawa, पल्लव

सिर्जना शर्मा

आफ्नै स्वार्थ ढुकी सिकार वनमा खोज्दै हिँडेकाहरू
बिर्सन्छन् “घरका प्रसून, सबको उस्तै त हो आबरू
यो हाम्रो पहिचानको धरहरा भत्काउनेले बुझून्
देवी हुन्, जननी अझै भगवती सम्झी स्वयं ती पुजून्

बाटो छैन कतै हिडूँ वरपरै ब्वाँसाहरूको भय
जाने खै कुन मार्गबाट कसरी बन्दै अहो निर्भय !
नारी हिँड्न हुँदैन आज पथमा व्याधाहरू ढुक्तछन्
ज्यूँदै च्वाम्म चपाउने नियतले मौका सधैं खोज्दछन् !

 

Continue reading


हिंसामुक्त समाज निर्मित गरौं

Sirjana, Sharma , सिर्जना शर्मा, pallawa, पल्लव

सिर्जना शर्मा

मारी मानिस यो धरा रगतले रातै बनाई दिए
लाग्ने छैन यहाँ त ऎन तिनमा नेता उसैको भए
घुम्छन् आज तिनै स्वतन्त्र रुपले हत्यागरी गाउँमा
बाच्नै मुस्किल भो कठै गरिबले को सोच्छ यो ठाउँमा

हिंशाले मनमा अशान्त अझ भो नर्कै भयो राष्ट्रमा
सानो चित्त भयो कलङ्कित बन्यो नेपाल यो देशमा
सत्तामा अझ मख्ख पर्दछ सबै चर्चा बटुल्ने भनी
आगो दन्दनले बले समरमा बर्षौ बिताए अनि !

 

Continue reading


छोरी को सुरक्षा ?

Sirjana, Sharma , सिर्जना शर्मा, pallawa, पल्लव

सिर्जना शर्मा

आफ्नै भाग ठूलो लगाउन गए आफन्त टाढा भए
आँखा नै रसिला भए हरघडी सोझा यहाँ मारिए
कस्तो दुर्मति हो अझै पनि यहाँ मान्छे त जाली भए
ठग्ने कै दिन यो रहेछ, जनता अन्यायमा पारिए !

नानाभेद विभेद यो बढिरह्यो ठूलो र सानो भयो
नेपाली पन भत्कियो अनि यहाँ दुष्कर्म बढ्दै गयो
चित्कारी मनका ब्यथा क्षितिजमा बढ्दै छ यस्तो किन
रोक्नै पर्छ सखे सबै जनमिली देशै भयो रोदन !

 

Continue reading