बहरबद्ध गजल

Sankar, Dhakal, Palpa, शंकर ढकाल, pallawa, पल्लव

शंकर ढकाल

म अाजको सुवासमा त तीक्ष्ण धार देख्दछु ।
सुरम्य जिन्दगीभरी बतास हार देख्दछु ।।

हिमाल सुत्छ व्यर्थ भै गरेर खान्न क्यै गरी,
मनुष्य चाहिँ उफ्रिदै चढेको कार देख्दछु ।

सुवास छर्न फूलले, सकेन दुष्ट देशमा
म बुद्धको यो देशमा नि काटमार देख्दछु ।

 

Continue reading


शंकर जी सिंह के कुछ मेरी काव्य संकलन कि टुकुडें

Sankar, Ji, Singh, शंकर जी सिँह, pallawa, पल्लव

शंकर जी सिँह

(“स्मृतियों के दंश” से)
प्रेम आँच से सज जाती तू
स्वाभिमान से तन जाती तू
तू लड़ती मैं तुम्हें मनाता
काश ! प्रेमिका बन जाती तू।
*
सिसकी – संग पीड़ा की कैसी कराह हैं
गाँव – गाँव बाढ़ में हो रहे तबाह हैं
मुखिया के घर पर मुजरे का जश्न है
दरबार हैं, सभासद हैं , और वाह ! वाह ! हैं
नम्बर दो के पैसे से कोठी भी धनी आज
बूढा भी कर रहा गरीब कन्या से निकाह हैं
ऐसे में क्यों नही किसी जाति का झुका सिर
सो गए हैं मंदिर क्या, गुरुद्वारा , ईदगाह हैं?
कितने की गई जान कितने ही गाँव बहे
गुस्साई हुई नदी का यह कैसा प्रवाह हैं
सिसकी संग——————- कैसी कराह हैं
गुस्साई हुई ————————-कैसा प्रवाह हैं
*

Continue reading


गजल

Sankar, Dhakal, Palpa, शंकर ढकाल, pallawa, पल्लव

शंकर ढकाल

माया गरे कसैले बिर्सिन्छ याद राख्नु
यो प्रेम भूल हो खुद तड्पिन्छ याद राख्नु

नाच्ने सधैँ रमाई आनन्दले गगनमा
उड्ने चरा कसोरी छोपिन्छ याद राख्नू

मानिस बरू इलम यो थाक्नेछ नित्य गर्दा
बग्ने नदी कसोरी रोकिन्छ याद राख्नू

 

Continue reading


‘रहर’

Sankar, Dhakal, Palpa, शंकर ढकाल, pallawa, पल्लव

शंकर ढकाल

निक्कै उज्ज्वल देखिने गगनका नौलाख तारा मुनी,
झण्डामा रवि चन्द्र झैँ चहकिदै लाखौं सितारा छुनी।
नेपाली जनता र भूमि गतिला पारी सपार्दै जुनी
पीडा दु:ख सहेर नित्य प्रभु झैँ बन्ने छ सन्जीवनी।।

झर्ना ताल हिमाल शृङ्ग सरिता जस्तै छरी झङ्कृति
रक्षा गर्नु छ भेष लोकलहरी भाषा कला सस्कृति।
मौरी वा कमिला जसो मिलिजुली गर्दै सदा उन्नति
तारा झैँ छ बनाउँने झिलिमिली नेपालको आकृति।।

 

Continue reading


गजल

Sankar, Subedi, Utsa, शंकर सुबेदी 'उत्स' , pallawa, पल्लव

शंकर सुबेदी ‘उत्स’

कति दुख्छ मेची काली कति दुख्छ सूस्ता..
जङ्गे पिलर हराइसके छिमेकीले लुस्ता ।

काला पानी, मानेभञ्ज्याङ केशीगन्डकी,
सीमा/साँध मिची सके छिमेकीले घुस्ता ।

लिपुलेक, टनकपुर, हाम्रै मेची फाँट
मिचाहाको मिचार्इ खेप्दै बस्यौँ हाम्रो पुस्ता !

 

Continue reading


भो जिन्दगी उज्जर

Sankar, Dhakal, Palpa, शंकर ढकाल, pallawa, पल्लव

शंकर ढकाल

तारा जून टिपे यही अवनिमा प्यारो भयो फूल झैँ
बर्षाको पलमा सधै जल दिने संसारमै मूल झैँ
पृथ्वी गौतम शुक्रराज भृकुटी काजी जसै शूर झैँ
बन्छन् मानव जिन्दगी गगनका तारा जसो नूर झैँ ।।

पुस्तौँ सम्म अजम्मरी समय झैँ आई दिने सम्झना
बन्छन् यी कमिला जसो मिलिजुली लाखौ गरे सिर्जना
बाँच्छन् मानव भै सुरम्य जहिल्यै पुग्छन् सबै तिर्सना
छर्छन् फूल सुनाखरी मखमली जाई जसै वासना ।।

 

Continue reading


शंकर ढकालका केही मुक्तकहरू

Sankar, Dhakal, Palpa, शंकर ढकाल, pallawa, पल्लव

शंकर ढकाल

सदा लाेकापवाद् काम नगरी सत्य काम गर्नु कहिल्यै हुदैन लव,
यसै बाट व्यक्ति,परिवार समाज र देशकाे बुझ्न सकिन्छ वास्तव,
भाषा,धर्म,जात विरुद्ध भेदभाव अन्त्य गरि भष्टाचार राेके,
दरिद्र दीन दुखी धनाढ्य मनुजहरू पनि एउटै फूल झैँ हुन्छन् अब ।

सिस्नाे ढिँडाे गुन्द्रुक अाँटाे खाई गुजारा गरेर
झण्डाका रवि चन्द्र झैँ चहकिने उद्देश्य राखेर,
अाफ्नै जन्मभूमिमा बाँझाे बारी खनेर बसिरहे
दिगाे काम विकास गरी देश सिगार्न माैरी झैँ जुटेर ।

 

Continue reading


“सम्झना”

Sankar, Dhakal, Palpa, शंकर ढकाल, pallawa, पल्लव

शंकर ढकाल

खेल्ने आँगनमा क्रिकेट चिमुखी गट्टा र डण्डीबियो।
गर्थेँ धेर रमाइलो समुहमा छ्यापेर बर्खे हिलो।।
चोर्दै माम लुकीलुकी घर तिरै खाने गरेका दिन।
प्यारो बन्न सक्यो हुदाँ चकचके गर्ने गरेका दिन।।

गाई वस्तु लिई चराउन सधैँ जाने पखेरो तिर।
चढ्दै रूख असाध्य शीतल हवा खाने उठाई शिर।।
आमा लेख्न र पढ्न सम्म घरमै सक्दो सिकाई दिने।
राखेँ बल्ल म लक्ष्य फूल पथकै आकाश भेटी छुने।।

 

Continue reading


सपना

Sankar, Dhakal, Palpa, शंकर ढकाल, pallawa, पल्लव

शंकर ढकाल

छर्ने ज्योति अमूल्य गाउँघरमा नाैलाख तारा तल।
राती चन्द्र र सुर्यले दिनभरी पार्ने सधैं उज्ज्वल ।।
भन्दै दाउ हलो कुटो र हँसिया अाफै उचाल्ने गरि।
खन्दै खेत पवित्र ती जमिनमा खाद्यान्नले नै भरी।।

पानी मन्दिर चैत्य पर्वतहरू माटो नदी जङ्गल।
लाखाै लाख छ सम्पदा मनुजका निक्कै हुने अव्वल।।
रक्षा गर्न दिगो नमेट्न कहिल्यै नाैलाख तारा सरि।
भत्केको पनि सम्पदा मिलिजुली निर्माण गर्ने गरि।।

 

Continue reading


छोडिजानेलाई´

Sankar, Dhakal, Palpa, शंकर ढकाल, pallawa, पल्लव

शंकर ढकाल

आमा बाबु दिदी सधै भर दिने नि:स्वार्थ माया पनि।
स्वार्थी छौ र पवित्र जन्मजननी छोडेर जान्छौ अनि।।
छौ के काम कता विदेश तिर गै लाचार भो जीवन।
कालो दाग भई पवित्र मनमा छायो अध्यारो पन।।

अर्को देश गई हिमाल जसरी उद्देश्य राख्ने तिमी।
आफै ले पसिना सरी रगत ती फालेर हाँस्ने तिमी।।
तिम्रो नाम सरी शरीर अब ता ज्यूँदो मरे झैँ भयो।
अर्काकै जलपानमा कुकुर झैँ बाँचे मरे भै गयो।।

 

Continue reading


सन्तान प्रति आमा बाबुको सपना

Sankar, Dhakal, Palpa, शंकर ढकाल, pallawa, पल्लव

शंकर ढकाल

आमा बाबु दुबै निकै रहरले सन्तान जन्माउँछन्।
हो साँच्चै नगरी कुकर्म, खुकुरी मा हिड्न सम्झाउँछन्।।
हामी आज हिमाल जित्नु छ भनी सन्तान जन्म्यो घर।
सक्दो प्रेम दिने बुबा र जननी मानेर साह्रै भर।।

राखून् लक्ष्य अमूल्य जीवन भरी ती चन्द्र तारा छुने।
तिम्रो नाम सरी सुकर्म सहजै यो विश्व सारा हुने।।
यो सन्तान सुवासकै नयनले संसार देखोस् भनी।
आमा बाबु पुर्‍याइ दु:ख सुखमै शिक्षा र दीक्षा पनि ।।

 

Continue reading


बहरबद्ध गजल

Sankar, Dhakal, Palpa, शंकर ढकाल, pallawa, पल्लव

शंकर ढकाल

दरिद्र दु:खी मनुष्यलाई धनाढ्य बन्ने रहर त होला।।
पहाड बोकेर छाक टार्दै हिमाल देख्ने नजर त होला।।

कुकर्म मेट्दै सुकर्म गर्दै उठी ,उठाई समाज देश।
सुवास जस्तै सुगन्ध छर्दै समाज राख्ने अमर त होला।।

चली रहेको असाध्य प्यारा र सत्य ती चालचलन बुझेर।
सधै रमाएर लेँकबेसीँ असाध्य गर्ने सफर त होला।।

 

Continue reading


नेपाल हाम्रो घर

Sankar, Dhakal, Palpa, शंकर ढकाल, pallawa, पल्लव

शंकर ढकाल

फुल्ने फूल सुनाखरी मखमली जाई गुहेँलीहरू।
गाई गीत अजम्बरी वन चरा डाँफे मलेवाहरू।।
हाम्रो सत्य समाज लोक लयमा मीठो बनी गुञ्जने।
झन् माटो मलिलो भयो जमिनको खाधान्न नै उब्जने।

डाँडा चाैर सधै असाध्य हरियो देखिन्छ प्यारो वन।
नेपाली हुन सक्नुमा मनुजका निक्कै सफा जीवन।।
भाषा सस्कृति धर्म लोक नृत्य छन् लाखौँ कला झल्कने।
ठूल्ठूला छ हिमाल पर्वतहरू निक्कै यहाँ चम्कने।।

 

Continue reading


फर्की आऊ

Sankar, Dhakal, Palpa, शंकर ढकाल, pallawa, पल्लव

शंकर ढकाल

जान्छौं बाहिर काम गर्न किन हो बाँझो छ नेपालमै।
गर्नैपर्छ छ उब्जनी जमिनमा नेपाल संसारकै।।
चाले हात हुँदैन के इलममा आधार बाँच्ने हरू।
हुन्छन् त्रास र कष्ट बाहिर निकै फर्केर आऊ बरू।।

गर्दैमा धन लोभ जीवन सदा लाचार साँच्चै हुने।
के भो लक्ष्य भविष्य बाहिर गए हो चन्द्रमा ती छुने।।
साहूको करले विदेश रहँदा बाँच्ने कि मर्ने डर।
छन् कालो अझ गाउँठाउँ सबमा फर्की उज्यालो छर।।

 

Continue reading


भरिया

Sankar, Dhakal, Palpa, शंकर ढकाल, pallawa, पल्लव

शंकर ढकाल

हुर्क्यो ऊ भरिया भई जगतमा माटाे सितै खेल्दथ्याे।
के शिक्षार्जन पढ्न लेख्न नसकी बाेल्ने कला जान्दथ्याे।।
नाङ्गाे अाड लिई गरी इलम ऊ साह्रै थला पर्दथ्याे।
खाना खान बिहान साँझ पखमा भारी सधै बाेक्दथ्याे ।।

नाना बेस कुनै हुदैन उसकाे फाेहाेर नै लाउँछ।
बाटाे नै घर हाे हिमाल छ भनी ऊ गीत त्याे गाउँछ।।
पैसा काम गरी सकेर कहिल्यै साहू दिदै दिन्न रे।
अर्काे बार भनी लिने बचनमा साहू त भेटिन्न रे।।

 

Continue reading


बहरबद्ध गजल

Sankar, Dhakal, Palpa, शंकर ढकाल, pallawa, पल्लव

शंकर ढकाल

म सम्झि अाप्नो सदैव माया थिएँ गरेको तिमी करायाैँ।
सदैव तिम्रो म दु:ख पीडा सधैं सहेको तिमी करायाैँ।।

मुहार तिम्रो सधै उज्यालो म देख्न चाहेँ सुखी दिलाएँ।
पहाड बोक्ने हिमाल जित्ने भनी उठेको तिमी करायाैँ।।

म साथ हाम्रो नमेट्न ज्यादै कसम र बाचा सबै गरेथे।
म बुझ्छु भन्दै तिमी भनेथ्याैँ,सबै भुलेको तिमी करायाै।।

 

Continue reading


किसान

Sankar, Dhakal, Palpa, शंकर ढकाल, pallawa, पल्लव

शंकर ढकाल

जहान प्यारो छ उच्च कोटी,विवस्त्र सानै छ खेतबारी
सुकार्य गर्दै जुटेर खाने र मेट्छ ऊ अन्नको भकारी।
हलो जुवा गोरु मान्छ आफ्नो,जहान बोकेर पाल्छ भारी
सदैव लाखौं छ दु:ख पीडा,सहेर ऊ देख्छ फूलबारी।।

खनेर बाँझो सुबीज छर्दै हराभरा पार्छ लेकबेसीँ
सफा छ बानी दिनेछ सेवा,हुनेछ साह्रै युगान्तकारी।
कुनै नयाँ आउदा छिमेकी,प्रभुत्व पाएँ भनी रमाई
दिनेछ उस्ले अपार माया सुखी छ आँटोपिठो खुवाई।।

 

Continue reading


शंकर ढकालका केही मुक्तक

Sankar, Dhakal, Palpa, शंकर ढकाल, pallawa, पल्लव

शंकर ढकाल

चन्द्र जस्तो तिम्रो मुहार हेरिरहूँ झै लाग्ने।
निकै गर्छौ होला शृङ्गार सम्हालिरहूँ झै लाग्ने।
जस्तो रूप बाहिर हुन्छ भित्रि रुप त्यस्तै भए।
सपूत हौँ तिमी देश सुधार भनिरहूँ झै लाग्ने।।

भाग्यबाट समय होईन समयबाट भाग्य चल्छ।
भोली कहिले भेटाउदैन मानिस पशु अाजै मर्छ।।
जीवन हो दुईदिन हाँसि खेली बितोस् रुन किन पर्यो।
हरेक मोडमा सत्य काम गर्दा पनि सजाय आउन सक्छ ??

 

Continue reading


माटो

Sankar, Dhakal, Palpa, शंकर ढकाल, pallawa, पल्लव

शंकर ढकाल

माटोमा सुन कै मनुष्य घर हो उभ्याउदै छन् यहाँ।
तारा जून छरी प्रकाश छिनमा कालो हटाई जहाँ।।
पैताला जनले र जीव सकलै माटो भरी चाल्दछन्।
हाँस्दै जन्म भई हिमालय चढी माटो तिरै मर्दछन्।।

माटोनै भगवान हुन् सकलका खेती छ भण्डार हुन्।
माटोमै जननी बुबा महलका खानी छ संसार हुन्।।
माटोको त यहाँ सखा गगन हो छाता छ आकाशकै।
माटो मै छ मनुष्य बाँच्न सकिने हावा छ यो रूखकै।।

 

Continue reading


पाल्पा छ प्यारो

Sankar, Dhakal, Palpa, शंकर ढकाल, pallawa, पल्लव

शंकर ढकाल

वसन्त आए कुहूकुहूका र गीतमै गुन्जिने छ ठाउँ।
बढेँ म हुर्केँ पढेँ यही नै म गर्छु माया असाध्य गाउँ।।
सदैव सिस्नो र साग खाँदा हरेक हुन्छन् दिनै उज्यालो।।
बसेँ म हुर्केँ लिएर माया सदैव पाल्पा छ ठाउँ प्यारो।।

गुराँस निक्कै टिपेर खाँदै मयूर नाच्छन् म हेर्छु सारा।
र साँझ हेर्दा त गाउँबाटै असाध्य राम्रो झुलिन्छ तारा।।
पवित्र साथी पवित्र आमा बुबा मलाई छ भुल्ल गाह्रो।
बसेँ म हुर्केँ लिएर माया सदैव पाल्पा छ ठाउँ प्यारो।।

 

Continue reading