रमेश साउदका जोर गजल

Ramesh, Saud, रमेश साउद, pallawa, पल्लव

रमेश साउद

गजल– १,
लेखे मैले सेता पानामा मेरो जिन्दगी!!
सकियो त्यो चाहानामा मेरो जिन्दगी!!

उसैको नाम हुने छ अन्तिम सासमा!!
मर्छु मत कुन बाहानामा मेरो जिन्दगी!!

हेरन तिमी अमिर्त पनि बीस होला!!
त्यो मैले खाने खानामा मेरो जिन्दगी!!

 

Continue reading


रमेशचन्द्र घिमिरेका एकजोर बालकविता

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

१.छुच्चो मुसो
थोत्रो गाना गाउँदै कुद्छस् घरको छाना–छाना
ठीक् लागेन मुसा मलाई तेरो तानाबाना

बस्ने घर छैन तेरो मेरो घरमा बस्छस्
राति–राति हल्ला गर्छस् दिउसो कुना पस्छस्
किताब काट्न, लुगा काट्न अघि सर्नुपर्ने
मेरो घरमा बसी मेरै अहिरो गर्नुपर्ने

मुलाको झैँ चाना पारी काट्छस् मेरो नाना
ठीक् लागेन मुसा मलाई तेरो तानाबाना

 

Continue reading


गजल

Ramesh, Saud, रमेश साउद, pallawa, पल्लव

रमेश साउद

जो भेटछु उसलाई सान बनाई दिन्छु!!
मुस्किलमा पनि आसान बनाइ दिन्छु!!

पत्थरले एनालाई जति दबाय पनी!!
म एनाको पनि पहिचान बनाई दिन्छु!!

पिठीउ मा छुरा हाने पनि दुस्मनले!!
उनिलाइ आफनु मेहमान बनाई दिन्छु!!

 

Continue reading


प्यारी तिमी सम्झना

Ramesh, Sanu, Ojha, रमेश सानु ओझा, pallawa, पल्लव

रमेश सानु ओझा

चोखो प्रेम र भावना विनयता सोझी र राम्री तिमी
राम्रो लाग्छ तिनै सुकोमलयना सौन्दर्यता हौ तिमी
मीठो वोल्न तिमी सदा मनुजमा वुझ्छ्यौ निती भावना
साँच्चै भन्न चहान्छु यो विषयमाप्यारीतिमी सम्झना ।।

कोहीखोज्न तयार छौ र युगमा केही त सन्देह छ
उस्कै याद र सोचमा मगन हुँ भन्देउ सन्देश छ
भागीआउनु यो समाजजनको आँखा छली धाउनु
आऊप्यार सजाइयो नगरमाप्यारी तिमी सम्झना ।।

 

Continue reading


पर्खूँ कि के गरूँ ?

Ramesh, Chandra, Ghimire, रमेशचन्द्र घिमिरे ,pallawa, पल्लव

रमेशचन्द्र घिमिरे

दिन ढल्दै गयो, साँझ पर्न लाग्यो फर्कूँ कि के गरूँ ?
अाउँछ्यौ कि भन्ने अाशामा अझै पर्खूँ कि के गरूँ ?
दायाँ र बायाँ जाँ बस्छ्यौ त्यहीँ बस्ने ठाउँ खाली छ
जतन गरि राख्या छु दिल पस्ने ठाउँ खाली छ ।

मुखले बोल्न नमिल्ने मनको भाषा छ मसित
थाके नि नजर भेट्नलाई झिनो अाशा छ मसित
बादलले किरण छरेर बाटो देखाउन ख‍ोज्दै छ
जूनको ठुन्को बिस्तारै मुन्टो उठाउन खोज्दै छ ।

 

Continue reading


रमेशचन्द्र घिमिरेका दसैँ सम्बन्धी दुई टुक्रा

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

१. गरिबको दसैँ
हाम्रो घरमा खुसियाली छाए पनि हुन्थ्यो
नत्र भने जाबो दसैँ नआए पनि हुन्थ्यो

ठूल्छोरालाई जाँगे छैन स्यान्छोरीलाई जामा
धोती फाट्यो किन्देऊ भन्छे छोर्छोरीकी आमा
आफूले नि सुर्बाल फेर्न पाए पनि हुन्थ्यो
नत्र भने जाबो दसैँ नआए पनि हुन्थ्यो

 

Continue reading


गजल

Ramesh, Lamichhane, Abiral, रमेश लामिछाने ‘अविरल’, pallawa, पल्लव

रमेश लामिछाने ‘अविरल’

बिस्तार बिस्तार म अचम्मै जड भएछु
उस्को प्रभाव हो सायद गडबड भएछु

जिम्मेवारी हैन मैले उस्कै भारी बोकेँ
म त उस्को भारी खेप्ने खच्चड भएछु

सपथ मात्र खाइयो यता सेवा उतैको
देशको कथा नबुझ्ने म अनपड भएछु (अनपढ)

 

Continue reading


यति यति पानी

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

बालकविताः 
निहुरी पर्दा साह्रै देखिँदैछ्यौ सानी
भिज्यो पैतालामा कठै बरा नानी !
यति यति पानी खेलौँ गङ्गे रानी !!

साथी साथी भई हात समाएको
हेरून् दुनियाले हामी रमाएको
मिलिजुली खेल्ने साह्रै राम्रो बानी
भिज्यो घुँडासम्म कठै बरा नानी !
यति यति पानी खेलौँ गङ्गे रानी !!

 

Continue reading


रमेशचन्द्र घिमिरेका जोर गीतिकविता

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

१. साउने झरी लाग्यो अब…………

साउने झरी लाग्यो अब भयो रिमिझिमी
यता म छु यता ओभानोमा उता रुझ्यौ तिमी

कति रुझ्छ्यौ आऊ यतै पस छाताभित्र
ढोका खोली बस अनि दिलको हाताभित्र
यो बिजोकमा ओत नदिऊँ पापी बनिन्छ कि
दिऊँ उल्टो अर्थ लाग्ला घाती बनिन्छ कि

 

Continue reading


रमेशचन्द्र घिमिरेका जूनकिरी जोर बालकविता

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

कविता– १.
उज्यालोमा देखिँदैनौ खालि अँधेरीमा
जता पनि पिल्पिल् गर्छ्यौ खोलो-पँधेरीमा
कहाँबाट आयौ तिमी कहाँसम्म जान्छ्यौ
यति सानो पेट रै´छ भन के-के खान्छ्यौ ?

ढाडनेरै बलिरहने त्यति सानो बत्ती
बोकी-बोकी उडिरहन्छ्यौ पोल्दैन कि कत्ति ?
ब्याट्री छ कि टाउकामा आगो छ कि पेटमा
भने हुन्थ्यो हामीलाई’नि कैले-काहीँ भेटमा

 

Continue reading


के गरौं भेट छैन

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

नौलो सारै भएको,छु म सहजहरू!के गरौं भेट छैन
धेरै नै भाव लेख्दै,घडि र समय गो,के गरौ सेट छैन
बेर्थै यो राम भन्छन्,कपि कलम लियो,जान्छ लौ नेट छैन
बस्नै गाह्रो छ साथी,गुमसुम ननिको,के गरौं भेट छैन ।

उठ्दै आँखा भिजाई नियमित जति हो,गर्छु कामै म पैले
बस्दै पूजा म कोठा,सुर गुरु शिवजी,प्रार्थना गर्छु जैले
आफ्नो जे कर्म गर्दै,ठिक समय हुने,हुन्छ जो लेट छैन
खायो,पीयो कुनामा,बसिकन सहजै,के गरौं भेट छैन ।

 

Continue reading


गजल

Ramesh, Pokharel, रमेश पोखरेल, pallawa, पल्लव

रमेश पोखरेल

छिन्-छिन् चुरा मेहेन्दी हातमा कति सुहाउँने
मन्दिर जाँदा थाली साथमा कति सुहाउँने।

केश फिजाई मन्द मुस्कान हरिणको चाल
फरक छ पहिचान जमातमा कति सुहाउँने।

सोह्रश्रिङ्गार सजिएर पुतलीझैं फुर् ! फुर् !
फूल सिउरेको त्यो माथमा कति सुहाउँने।

 

Continue reading


रमेशचन्द्र घिमिरेका जोर गीति कविता

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

१) हाँसूँ कसो गरी…………..
वेदनाले यो मुटुलाई हान्छ घरी–घरी
यस्तो बेला मन खोलेर हाँसूँ कसो गरी ?

यो मन न त हाँस्यो कैल्यै न त कैल्यै रम्यो
हृदयको पोखरीमा आँसु मात्रै जम्यो
थुप्रँदै छन् कलेजीमा पीडा नानाथरि
यस्तो बेला मन खोलेर हाँसूँ कसो गरी ?

 

Continue reading


रमेशचन्द्र घिमिरेका केही मुक्तकहरू

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

हाँस्छु तिमी हाँस्दाखेरि, रुन्छु तिमी रुँदाखेरि
दु:ख-पीर टाढा भाग्छ, तिमी साथमा हुँदाखेरि
के हुन्न र जे नि हुन्छ तिमी नजिक भयौ भने–
मेरो ज्वरो निको हुन्छ, तिमीले निधार छुँदाखेरि ।

अँध्याराको ढुङ्गो हुँ म, उज्यालाकी जून तिमी
हीरा तिमी, मोती तिमी, झल्मलाउने सुन तिमी
छोए पनि दाग लाग्ला, तिम्रो रूपको ज्योति भाग्ला –
तर्किएर उतै बस नआऊ मलाई छुन तिमी ।

 

Continue reading


रमेशचन्द्र घिमिरेका एकजोर बालकविता

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

शीर्षकः कुखुराको भाले
कविता– १.
हेर्न अाइज काले
कुखुराको भाले !

झोला सोला भिरी
गाउँतिर छिरी
ल्याउनु भा´को रैछ
धेरै पैसा तिरी
हाम्रा माइला बाले
कुखुराको भाले !

 

Continue reading


रमेशचन्द्र घिमिरेका तीन बालकविता

Ramesh, Chandra, Ghimire, रमेशचन्द्र घिमिरे ,pallawa, पल्लव

रमेशचन्द्र घिमिरे

१) तिग्रे लाइदिन् आमाले …..
उरुङ बनाई पातको
मर्‍याकमुरुक मिचेर
आँख्ला डाँठ निकाली
सिलौटामा थिचेर
हत्केलामा फिँजाई
सुत्ने बेला रातमा
तिग्रे लाइदिन् आमाले
दाहिने हातमा

रातो पार्न मेरो हात
बज्यैसित सोधेर
तिग्रेसँगै पिनिछन्
मकरकाँची खोजेर
मुड्की पार्दै घुसार्दै
कर्कलाको पातमा
तिग्रे लाइदिन् आमाले
देउरे हातमा

 

Continue reading


रमेश पोखरेलका मुक्तकहरूः

Ramesh, Pokharel, रमेश पोखरेल, pallawa, पल्लव

रमेश पोखरेल

सन्ध्या पनि तिम्रै, बिहानी पनि तिम्रै
सधैं सुनिरहुँ लाग्ने कहानी पनि तिम्रै
कसको के नै छ र ? यहाँ तिम्रो सामु,
मनै लोभ्याउने त्यो जवानी पनि तिम्रै।

अनुहार भरी केश नझार्नु कान्छी
फरिया धेरै माथि नसार्नु कान्छी
गाजल मात्रै लाए काफी सुहाउँछ
नचाहिँदो नक्कल नपार्नु कान्छी।

 

Continue reading


गजल

Ramesh, Pokharel, रमेश पोखरेल, pallawa, पल्लव

रमेश पोखरेल

गाउँ फर्केर,एक हल गोरु खोज्छ छोराले
आफ्नै बा’को पाखो बारी जोत्छ छोराले

महिलापुरुष बराबरी विभेद छैन पक्कै !
सिउँदो मात्र हैन अब घरै पोत्छ छोराले

कुनै कदम बाँकी रहन्न अब चाल्नलाई
जाने आफैं गर्छ, नजाने सोध्छ छोराले

 

Continue reading


रमेश पोखरेलका मुक्तकहरूः

Ramesh, Pokharel, रमेश पोखरेल, pallawa, पल्लव

रमेश पोखरेल

घामले भेट्दा छाला बिग्रन्छ
खियाले भेट्दा ताला बिग्रन्छ
टाढै बसौं, भो नजिक नआऊ
गाला जोड्दा चाला बिग्रन्छ।

कहिले पानीसँग खेल्न मन लाग्छ
कहिले सिरानीसँग खेल्न मन लाग्छ
हल्ला गर्दै हिड्न पो नमिल्ने खासमा,
उनको जवानीसँग खेल्न मन लाग्छ ।

 

Continue reading


रमेश पोखरेलका जोर गजल

Ramesh, Pokharel, रमेश पोखरेल, pallawa, पल्लव

रमेश पोखरेल

बहरबद्ध गजल– १,
सपना सजाउँला मनमा सुटुक्क
पिरती लगाउँला मनमा सुटुक्क

धनको गरीबले कमजोर हुन्न
महलै बनाउँला मनमा सुटुक्क

जिउँला यथार्थमा जसरी दुखैले
सुखले रमाउँला मनमा सुटुक्क

 

Continue reading