म र आजको परिवेश

Keshav, Raj, Aamodi, केशवराज आमोदी, pallawa, पल्लव

केशवराज आमोदी

पराइ भो समाज झन् बिरानु देश भो घर-
सुखान्तका कथाहरू हुँदै गए निकै पर ,
म भित्रका व्यथाहरू अकाशिएर झ्याड्’गिए-
कसो गरूँ ?स्वबान्धवादि इष्ट-मित्र बाड्’गिए ।

जताततै घृणा, स्पृहा र राग, द्वेष छन् बडा-
अनेक लोभ – मोहका बनेलु वृक्ष छन् खड़ा,
कतै छ सेप छिप्छिपे, हिलो छ गज्गजी कतै-
कतै छ उच्च टाकुरो, अनेक भीर छन् कतै ।

 

Continue reading


सम्झेर आफ्नै घर

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

आमाको पटुकी अहा ! हृदयको मातृत्व पोल्टा भरि
साँच्चै सुन्दर चाँदवाग जननी भूस्वर्गकी हुन् परी ।
आफ्नै प्यार सुगन्ध चिन्न नसकी दौडेर कुद्ने पर
साथी फर्क न फर्क देशतिर नै सम्झेर आफ्नै घर ।।

काला ती कनिका मकै मयलका टाला सधैँ खोज्दछन्
थैलीका खुजुरा सुका डबलले ऐश्वर्य सम्झाउँछन् ।
पाक्चे काफल छैन खै मरिसक्यो धारा सुक्यो मास्तिर
साथी फर्क न फर्क देशतिर नै सम्झेर आफ्नै घर ।।

 

Continue reading


सहनको पराकाष्ठा

Chaturvedi,, Mohanraj, Raj, Khanal, मोहन राज खनाल ‘चतुर्वेदी’,pallawa, पल्लव

मोहन राज खनाल ‘चतुर्वेदी’

उभन्दा म सानो त्यसैले म प्यारो
परन्तु उसैले सधैँ ताक्छ घारो
उही जन्मभूमि दुवैको भए नि
म आउँदा थुन्छ उस्ले तगारो।

हमेशा रमाई उसैसंग खेल्थेँ
म उस्ले दिएका ख़ुराफ़ात झेल्थैँ
सहन्थेँ सहन्थेँ उ साथी भनेर
भएमा अचाक्ली म उस्लाइ पेल्थेँ।

 

Continue reading


गजल

Keshav, Raj, Aamodi, केशवराज आमोदी, pallawa, पल्लव

केशवराज आमोदी

रस पिऊँ कति तन्तन प्रीतिमा,
गहिरियो स्मृति झन्झन प्रीतिमा।

मृदु-मिलाप भएन यसै पनि-
भन गरूँ कति गन्गन प्रीतिमा ।

गजलका जलका दहमा डुबी-
गरिरहें जप मन्मन प्रीतिमा ।

 

Continue reading


शारदी मौसम

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

आऊ आऊ शरद ऋतुको मादमा जून चुम्न
कोशेली छन् सुन झिलझिले टल्किएका बिहान ।
लाली छर्छिन् रमरम सुधा मत्मते मात लाग्ने
मुर्झाएका मन तरुलता जीवनी प्यार जाग्ने ।।

लाखौं तारा सगरभरि छन् चाँदनीका तिलस्मी
मातेकी झैं झुमझुम धरा साँझमा दिव्य रश्मि ।
धर्ती जस्तै अब मखमली फूल गोदावरीमा
बास्ना भर्ने सुललित उषा जादुयी या कलामा ।।

 

Continue reading


म रहे नरहे पनि

Govinda, Raj, Binodi, गाेविन्दराज विनाेदी, pallawa,पल्लव

गाेविन्दराज विनाेदी

बोक्लान् सौन्दर्यको भारी लाखौं फूलहरू फुली
खोज्लान् सुगन्ध आआफ्नै कस्तूरी वनमा डुली
निचोरी शैलको छाती दूधे झर्ना रसाउलान्
पोखेर वेदना आफ्नै न्याउली गीत गाउलान्

ऐना हेरेर फेवाको मुख बादलले धुँदै
अन्नपूर्णा चुली हाँस्लिन् किशोरीझैँ रमाउँदै
खेत बारीहरू नाच्लान् अन्न बाली फलाउँदा
खुशी किसानले साँच्लान् श्रमको फल पाउँदा

 

Continue reading


नाङ्गै हिडौँ सगौरव

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

छोटा छोटा धुजाधाँजा लुगा लगाउँदा मजा
देखिने भित्र जामामा सुहाउँछ अझै मजा ।
फाटेका छिद्रमा प्वाल आँखीझ्याल कलैकला
स्वतन्त्रता यही नै हो भोगौँ यौवन चञ्चला ।।

पाखेहरू उतै रुन्छन् पखेरा खेतका गरा
डोकेहरू उतै चुम्छन् आदर्श रीतका कुरा ।
ढिँडो र सिस्नुको खोले खानेको बुद्धि के छ र ?
ब्यूटिपार्लरमा थाइ मसाज रुप सुन्दर ।।

 

Continue reading


मोहन चतुर्वेदी का केही मुक्तकहरूः

Chaturvedi, Mohanraj, Raj, Khanal, मोहन राज खनाल ‘चतुर्वेदी’,pallawa, पल्लव

मोहन राज खनाल ‘चतुर्वेदी’

मन हो शान्ति मन हो कान्ति मन नै सुन्दर
मन हो क्षान्ति मन हो भ्रान्ति मन नै सुन्दर
समुद्र मथे जे पनि मिल्छ दानव देवता
मन हो क्लान्ति मन हो क्रान्ति मन नै सुन्दर ।

मनको कुरा मनमै जम्छ आतुर सम्ममा
मनको छुरा मनमै गड्छ आतुर सम्ममा
आत्मवत् भन्ने उक्ति पुस्तकमा मात्र पढ्ने?
मनको धुरा मनमै घुम्छ आतुर सम्ममा ।

 

Continue reading


हे पृथ्वी !!

Chaturvedi,, Mohanraj, Raj, Khanal, मोहन राज खनाल ‘चतुर्वेदी’,pallawa, पल्लव

मोहन राज खनाल ‘चतुर्वेदी’

हे पृथ्वी
तिमी शान्त र मौन पनि छौ।
तिमी आनन्द र उमङ्गमै रहेकी छौ ।
तर तिमीमा म भन्ने शब्द निस्कन सकेन
तिमी उदारताकी खानी
तिम्रो आधारमा उभिने हरू
यहाँ राजा बनेकाछन्
कैयौं उपद्रो मच्याए पनि तिमी हेरि राछौ ।
आतङ्गका मैला सन्तान हरू जन्मेकाछन्
तर पनि तिमी शान्तिकी खानी बनेकी छौ ।

 

Continue reading


मोहन राज खनाल का केही मुक्तकहरूः

Chaturvedi,, Mohanraj, Raj, Khanal, मोहन राज खनाल ‘चतुर्वेदी’,pallawa, पल्लव

मोहन राज खनाल ‘चतुर्वेदी’

हाम्रो गौरव नेपाल जस्तै बर्मेलीको आगनमा
हाम्रो सौरव हिमाल जस्तै बर्मेलीको आगनमा
स्वच्छ शान्त बुद्ध भूमी स्वयंभूको दर्शन
हाम्रो गौरव श्री नाथ जस्तै बर्मेलीको आगनमा ।

हाँसे पनि हामीनैंहौं रोए पनि हामी
नाचे पनि हामीनैंहौं गाए पनि हामी
सुख दुख तातो छारो जीवनी माया
लाए पनि हामीनैंहौं छाए पनि हामी ।

 

Continue reading


गजल

Keshav, Raj, Aamodi, केशवराज आमोदी, pallawa, पल्लव

केशवराज आमोदी

दर्द पोखी धरधरी नरोऊ आमा एकान्तमा
साउनको बनी झरी नरोऊ आमा एकान्तमा

चेतनाको माया-दियो कहाँ नेर बाल्यौ भनी
एकोहोरो प्रश्न छरी नरोऊ आमा एकान्तमा ।

भेल-बाढी, आँधी-हुरी , जति चलिरहे पनि
बादलुको घुम्टो गरी नरोऊ आमा एकान्तमा ।

 

Continue reading


केशवराज आमोदीका तीन कविताः

Keshav, Raj, Aamodi, केशवराज आमोदी, pallawa, पल्लव

केशवराज आमोदी

१) चेतना
तिम्रो तागतले समस्त जग यो पारेर नै सोत्तर
वा आफैं परमाणु भै सकल यो ब्रह्माण्ड टुक्रा गर
चाहे अग्नि बनेर हर्हर बली यो सृष्टि स्वाहा गर
मेरा ती पथ रोक्न हिम्मत भने कैले नगर्ने गर ।
१.
फुट्लान् पत्थर ती असंख्य तटका चट्टान टुट्लान् कतै
होला ध्वस्त फुटेर विश्व-रचना ज्वालामुखी दन्किंदै
आँधी उग्र बगेर सोत्तर सबै गाँवै उड़ाए पनि
मेरो अन्तर हुन्न खल्बल यहाँ पहाड़ बज्रे पनि ।
२.

 

Continue reading


अरिङ्गालहरू . . . . .

Chet, Raj, Regmi, चेतराज रेग्मी, pallawa, पल्लव

चेतराज रेग्मी

घर नजिकै सिरुबारिमा
केही अरिङ्गालहरू
गोला बनाएर बसेका छन
बङ्कर भित्रका आतङ्ककारिहरू झैं
मलाई अरिङ्गाल सगं सख्त नफरत/घृणा छ।

एकान्तमा बाटो ढुकेर
दुश्मनले झैं युद्धमा
तपाइंमाथी धावा बोल्दै
सिसाको गोलि झैं खिल ठोकेर /गाडेर
मृत्युको उपहार दिने
अरिङ्गालहरू हत्यारा हुन।

 

Continue reading


टेकराज भण्डारी ‘टेकू’ का जोर कविता

Tek, Raj, Bhandari, Teku, टेकराज भण्डारी ‘टेकू’, pallawa, पल्लव

टेकराज भण्डारी ‘टेकू’

१) रहरै रहरमा
कठै बरा
रहरै रहरमा
आज
जन्ताको सिंहदरबार
रूदै छ ।
जन्ताका आशा भरोशा सबै
मरूभूमिमा पानीको ईच्छाझै
रहिरहे ।
गाॅऊघरमा सिंहदरबार
जन्ताहरूको रहर भन्दै ,
ऊफ्रिने भूसियाहरू पनि
बिलिन हूदै गए ।
अहो!

 

Continue reading


उपाधि, सम्मान र विभूषण

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

चाहिन्नन् पदवी विभूषण कुनै सम्मानका खातिर
तक्मा सुन्दर स्वर्णका पदकले झुक्दैछ मेरो शिर ।
छैनन् उच्च कला पुरस्कृत कतै खोटो छ रारा पनि
फेवामा किन चाहियो जलपको सन्त्रास लाग्ने जुनी ।।१

आमाको मन खिन्न हुन्छ कसरी थापूँ अलङ्कार म
साँच्चै इज्जत धान्छ के रहरले रुञ्चे कलाकार म ।
लेकाली सुन प्याउली र पसिना फैलाउने ज्ञान खै ?
पाखा पर्वत टारमा पदकका उत्कृष्ट सम्मान खै ?? २

 

Continue reading



गजल

Chaturvedi,, Mohanraj, Raj, Khanal, मोहन राज खनाल ‘चतुर्वेदी’,pallawa, पल्लव

मोहन राज खनाल ‘चतुर्वेदी’

कस्का लागि मर्नु छ र आतुरमा दौडनु !
कस्का लागि लड्नु छ र आतुरमा दौडनु !

रूने हाँस्ने संसार हो यस्तै छ लौ महाशय !
कस्का लागि बस्नु छ र आतुरमा दौडनु !

अन्धो भई सन्सारसंगै निहुँ खोज्ने किन ?
कस्का लागि सड्नु छ र आतुरमा दौडनु !

 

Continue reading


गजल

Chaturvedi,, Mohanraj, Raj, Khanal, मोहन राज खनाल ‘चतुर्वेदी’,pallawa, पल्लव

मोहन राज खनाल ‘चतुर्वेदी’

आफू आफू ठटाए ‘सि संस्था बन्छ क्यार!
ताउर माउर देखाए ‘सि संस्था बन्छ क्यार!

कसलाई के भन्नु खै आज सबै गुरु गुरु
आफ्नै बखान गाए ‘सि संस्था बन्छ क्यार!

कहाँसम्मको यात्रा हो लक्ष्य कुन दिशातिर
अत्तो पत्तो नपाए ‘सि संस्था बन्छ क्यार!

 

Continue reading


कविता-खेती

Keshav, Raj, Aamodi, केशवराज आमोदी, pallawa, पल्लव

केशवराज आमोदी

श्रमको खेती कविता नै भो, हाय ! उत्पादन शून्य भो !
ज्ञानको बाँझो हृदय छ जर्जर शब्द मात्रको डड्’गुर भो,

छन्द हराएँ, अर्थ गुमाएँ, पद-संगतिको मर्म चुँडाएँ-
ख़न-जोतको टन्टो बिसाएँ, कविता-खेती शुष्क बनाएँ ।

धान्नु छ मैले परिवार अझै आफैं धानिन गारो भो,
अर्थ चपाई पेट न भर्ने जिन्दगी धान्न पो सारो भो ।

 

Continue reading


सम्झनामा असार

Tirtha, Raj, Bhatta, तिर्थराज भट्ट, pallawa, पल्लव

तिर्थराज भट्ट

हे ! काले, धउले, तिले र कपरा, फुर्के, तिखे, झाल्लरे ।
हाम्रो पेट निमित्त जोतिन पुग्यौ, सम्मान तिम्रो गरें ।
तिर्छौ जीवनमा खुरुक्क ‘नुनको, सोझो’ भएरै ऋण ।
मान्छेमा बरु भाव शून्य हुन गो, खाएर तिर्ने गुण ।।

जोत्दा खेत रमाइला समयका, छन् सम्झना झल्झली।
मौनो ओडि हिलाम्य खेत थलमा खान्थ्यौं सधैं पोटली ।
चोतो साग, भुजो र आलु, लिउडो, उन्माद मीठाहरू।
पाक्लान् लाउन बाबरै र हलुवा, टाढा भए के गरूं ।।

 

Continue reading