तारादेव शर्मा ‘प्रादर्शन’
तिमी हिड्ने बाटोमा फुल छरेपछि थाहा भयो
यादहरुले पोल्ने कुरा गरेपछी थाहा भयो
जुगौ जुगको प्रेम साची बसेको यो प्रदर्शनलाई
अर्कै आइ तिम्रो सिउदो भरेपछि थाहा भयो
मुटु भित्र राखी परेलिको आश गर्दा गर्दै
कर्के नजर लगाइ आँखा तरेपछी थाहा भयो
तारादेव शर्मा ‘प्रादर्शन’
प्रजातन्त्र गणतन्त्रका नारा रोएका छ्न
विकासका मुल नफुट्दा सारा रोएका छ्न
निमुखा र असह्यले न्याय नपाउदा आज
लज्जित भइ संविधानका धारा रोएका छन
नरहेर समानता नभएर एकीकृत
आँखा गाड्दा पराइले बारा रोएका छ्न
तारादेव शर्मा ‘प्रादर्शन’
प्रेमिल कुरा गर्न आँट नगरेकै जाती
खाली सिउँदो भर्न आँट नगरेकै जाती
वास्तविकता बताउदा टाढा हुने सँग
प्रेम शिखर चढन आँट नगरेकै जाती
हिजोले केही बताएँ आजले नि बताउँला
फुलको सुवास छर्न आँट नगरेकै जाती
तारादेव शर्मा ‘प्रादर्शन’
गरिबलार्इ अन्याय गर्ने यो सरकार कस्को लागि ?
जनप्रतिनिधी भुमिकाबिहिन सिंहदरबार कस्को लागि ??
जो पनि बाचेको छ यहाँ इज्जत र इमान्दारितामा ।
तैपनी सोझो पन काट्न खोज्ने तरबार कस्को लागि ?
किन गुलाम हुनु परेको छ यी मेरा दाजुभाइ बिदेशमा ?
नेपालमा नेपालिले नपाउने रोजगार कस्को लागि ??