कवि

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

वन सज्जन हो मन फुल्दछ रे
ललिता वनिता सुख साधन रे।
मधुमास भए धरणी रमिता
पहरा छहरा जनका कविता ।।१

रचना रचिऊन् रस सुन्दरमा
तब साधक छुन्छ सही गरिमा।
कवि चन्द्र बनून् रवि हून् जगका
हिमशैल चुमून् कविका कविता।।२

 

Continue reading


‘मान्छे ’

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

सुख सयल भएमा झुक्छ मान्छे विछट्ट
तन मन धन खोज्दै बन्छ सान्निध्य झट्ट।
मनमुदित बनाए दिव्य भन्ने छ शब्द
विचलित मन बन्दा हुन्छ शत्रु सशक्त।।१

अधिक सयल पाए सृष्टि कै उच्च ठान्छ
खलबल सबमा यो गर्छ उद्दण्ड चण्ड।
सहज सरल खोज्दै भावनामा बहन्छ
प्रतिपल सपनामा चाह नौलो कहन्छ।।२

 

Continue reading


पारसनाथ आचार्य का तीन टुक्रः

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

१) नेपाल बन्दै छ रे
सस्तो भाषण सुन्दछौँ सदनमा आशा निराशा हुने
नारा चल्छ अझै सधैं सडकमा आक्रोश फैलाउने।
कैयौं पल्ट लडेर आज यसरी समृद्धि आयो अरे
चक्काजाम छ तोडफोड अहिले नेपाल बन्दै छ रे।।१

आयो तन्त्र अनेक यो मुलुकमा नेता हजारौं भए
लुट्ने मन्त्र जपे सुशासन कठै फर्केर टाढा गए।
जन्मे भ्रष्ट दलाल धुर्त चतुरा अज्ञानका सारथी
फेर्छन् कानुन व्यर्थ यो दिनदिनै भेटिन्छ के उन्नति ।।२

 

Continue reading


आँसु

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

आत्मासाथ घनिष्ट मित्र बलियो आँखा सधैँ बन्दछ
भित्री चेत उदार बन्दछ त्यहाँ आँखा सबै जान्दछ
हाँसो क्रोध तथा विरोध बहको साझा यही आँसु हो
आफ्नै चाहतमा समाहित हुने झल्को यही आँसु हो ।१

मायाप्रेम दुवै हुने हृदयमा आस्था बढेको क्षण
आफ्नै प्राण विशेषले नियममा साँच्चै विवेकी मन ।
बग्ने गर्छ सदा समुच्च पथ भै यात्रा बिराए पनि
साँचो सत्य बताउने जल भयो यौटा अनौठो कसी ।।२

 

Continue reading


युवा आह्वान

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

आमा रुन्छिन् धुरुधुरु सधैं चोटले छट्पटाई
हे तन्नेरी किन पर अझै बस्दछौ लर्बराई।
हाम्रो माटो परपर सरे लान्छ सीमा बटारी
छिट्टै आओ मुलुक परको शत्रुलाई पछारी ।।१

खोलौँ आँखा शुभसमयमा एक भै जग्मगाऔ
नेपाली हौँ भुवनभरमा सूर्यझैँ झल्मलाऔ ।
जाली झेली छलकपटका चाललाई पछार्न
जागौँ लागौँ नवयुवक हो देश हाम्रो सपार्न।।२

 

Continue reading


मीत घाम हो

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

राप बर्सिए शीतले मजा
शीत आउँदा घामले मजा
छन्द आउने सुन्दरी भयो
शीत यामको मीत घाम हो।।१

छैन हातमा दूर हुन्छ झन्
शारदी छटा मग्न पर्छ झन्
चस्स देहमा घोच्छ यो चिसो
शीत यामको मीत घाम हो।।२

 

Continue reading


पारसनाथ आचार्य का तीन कविता

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

१) सम्झना आइदिन्छ
हाँस्दै खेल्थ्यौ रमझम सधैं गाँउमा प्रेम बोकी
मीठो माया हृदयतलमा भावना माझ छोपी।
मेरै भाका कुहुकुहु गरी कोइली गाइदिन्छ
बिर्सूं भन्दा पनि किन उही सम्झना आइदिन्छ।।१

हाम्रो जस्तो मधुर रसिलो साथ कस्को रहन्छ
चोखो प्यारो मृदुल मननै चाहनामा बहन्छ।
नौलानौला रहर मनले भावना छाइदिन्छ
बिर्सूं भन्दा पनि किन उही सम्झना आइदिन्छ।।२

 

Continue reading


रारा सधैं सुन्दर

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

यौटा दृश्य हिमालको नजिकमा हाँस्दै छ रारासित
सेता चन्द्रअमूर्त रूप छ सुधा वात्सल्य भो मूर्छित ।
आफ्नै लोचन माझ तस्बिर बनी नेपथ्यमा रङ्गिदै
नाच्दै छिन् सरिता निकुञ्ज वनमा संसारमा चम्किदै ।।

फेवा ताल अहा! मनोरम छ यो रारा छ झन् सुन्दर
साँच्चै स्वर्ग समान हो विकटको छाँया परेको तर ।
हेर्दै छक्क अनेक दृश्यहरूले पार्ने छ लालायित
आफ्नै भाव सुरम्य बन्छ रमिता लालित्यले सज्जित ।।

 

Continue reading


पारसनाथ आचार्य का जोर कविता

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

१) सधैँ रम्न पाऊँ
गुनासो र चिन्ता हटाऊँ मबाट
रमाएर सारा बसूँ स्वच्छ फाँट
सबै जात भाषा मिलाई सजाऊँ
म आफ्नै कलामा सधैँ रम्न पाऊँ ।१।

बुझौँ आज हाम्रो कलाको बयान
अनेकौँ कथा छन् यसै भित्र मान
बनाएर बाटो खुशीसाथ जाऊँ
म आफ्नै कलामा सधैँ रम्न पाऊँ ।२।

 

Continue reading


काव्य लेखूँ म कैले

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

वरिपरि बनपाखा काव्यको नै छ फेरो
प्रियजनसित राम्रो काव्य आभा छ घेरो
किनकिन मन मेरो भन्छ जाऊँ यसैमा
पढ बुझ बन दानी छन्दका लेखनीमा।।१

कविवर कविता हून् ज्ञान धान्ने सबैका
सरल सरस पारे दोष हुन्नन् कसैका।
मुदित मन छ हाम्रो रम्य होस् साधना यो
छलफल शुभ पारौं काव्यआराधनाको।।२

 

Continue reading