गजल

Pandey, Radha, Kapilwastu, राधा पाण्डे, pallawa, पल्लव

राधा पाण्डे

आजसम्म जीवन बाँचेको तिम्रै लागि हो
आँसु चुहार्इ हाँसो साचेको तिम्रै लागि हो ।

अनकन्टार को भू–मण्डल को भकुण्डो झैँ
मुटुमा लात हान्दा नाचेको तिम्रै लागि हो ।

राम–सीता झैँ रम्दै घुम्ने इच्छा आकांक्षाले
वेदना भित्रै मस्की हाँसेको तिम्रै लागि हो ।

 

Continue reading


गजल

Radha, Pandey, राधा पाण्डे, pallawa,पल्लव

राधा पाण्डे

ब्यङ्ग्य तिम्ले गरेपनि मलाई मिठो भो
आँखा तिम्ले तरेपनि मलाई मिठो भो

सपनीमा आएर के -के बोल्यौ कुन्नि
निद्रा तिम्ले हरेपनि मलाई मिठो भो

मादक तिम्रा नयनले मन भयो घायल
विषै तिम्ले छरेपनि मलाई मिठो भो

 

Continue reading


वाशुदेव पाण्डेय का केही टुक्राहरूः

Basudev, Pandey,वाशुदेव पाण्डेय,pallawa, पल्लव

,वाशुदेव पाण्डेय

शार्दूलछर्छन् सुन्दरता तथा मधुरता लालित्य दिव्य स्थल
झर्छन् निर्झरसाथ रत्न जलका थोपा बनी चञ्चल।
लाग्छन् निश्चल शैल धीर मुनिझैं धर्ती तपस्यास्थल
मेरो सुन्दर शान्त पश्चिम अहा ! हो दिव्य देवस्थल ।।
शार्दूलविक्रीडित
माटो उर्वर शक्ति बोट नभए यी फूल फुल्थे कहाँ
पर्दै लट्ठ मिलिन्द लाख पुतली आएर डुल्थें कहाँ।
बामे सर्न सिकें जहाँ विगतमा बाटो कहाँ भुल्छु म
आमाबा गुरुतुल्य देश र त यो माटो कहाँ भुल्छु म ।।
शार्दूलविक्रीडित

 

Continue reading


‘सङ्घीयता’

Basudev, Pandey,वाशुदेव पाण्डेय,pallawa, पल्लव

,वाशुदेव पाण्डेय

राणा हटायौं अनि पञ्च सत्ता
ल्यायौं प्रजातन्त्र मिलेन पत्ता।
ल्यायौं नयाँ यो गणतन्त्र कस्तो
सङ्घीयता यो ‘गलगाँड’ जस्तो।।
(१)
भण्डार सानो घरखेत थोरै
खाने थपिन्छन् प्रतिवर्ष धेरै।
थेग्नै नसक्ने करको छ भारी
हेरौं न चस्मा भ्रमको उतारी।।
(२)

 

Continue reading


सुन्दर पश्चिम

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

किल्ला तुल्य डडेल्धुरा छ बलियो पुर्खाहरूको गढी
छुट्टै शान र मानमा अडिग छन् यी दार्चुला, बैतडी ।
सेती छाल बझाङमा छ जसको सैपालको माथ छ
हामी एक थियौँ हिजो र रहने छौँ एकता साथ छ ।।

प्यारो लाग्छ अछाम सुन्दर कला भाषा निकै मौलिक
हाम्रो सुन्दर बाजुरा पनि यतै हाँस्दै छ है दैनिक ।
डोटी सुन्दर, शान्त, मानिसहरू शालीन लाग्छन् अति
आफ्नो भिन्न छ रूपरङ्ग यिनको भाषा,कला,संस्कृति ।।

 

Continue reading


निराशा

Jagdish, Pandey, जगदिश पाण्डेय, pallawa, पल्लव

जगदिश पाण्डेय

निराशा सधैंको रह्यो हेर घोर
हदैसम्म बढ्दा यहाँ काम चोर
अझै मृत्तिकाले दुखै मात्र मोल्ने
उता भ्रष्टचारी कयौं कोष खोल्ने।

बढ्यो पाप सारा छ गिर्दो समाज
चढ्यो दानवी पन् हराएछ लाज
बलात्कृत चेली कहाँ न्याय खोज्ने
भए देश हाँक्ने नसोचेर घोच्ने ।

 

Continue reading


बहरबद्ध गजल

Jagdish, Pandey, जगदिश पाण्डेय, pallawa, पल्लव

जगदिश पाण्डेय

नगर हे युवा रोसका कुरा
छर न देशमा जोशका कुरा ।

अहित गर्छ त्यो क्रोधले अति
सफल हुन्छ है होसका कुरा ।

मुलुक आज लौ जाममा पर्‍यो
भन न राज्यका दोषका कुरा।

 

Continue reading


राधा पाण्ड्येका केही मुक्तकहरूः

Radha, Pandey, राधा पाण्डे, pallawa,पल्लव

राधा पाण्डे

चाकरी, चाप्लुसी रुचाइन र, तिमीसंग अपरिचित हुदै गएँ
देखें रङ्ममञ्च अनौठो अनौठो र, झनझन् चकित हुदै गएँ
म मान्छे हुँ त कसरी हुन सक्छु ! डमी, कठपुतली अनि बस्तु
मान्छे हुनका सिद्धान्तले, बुख्याँचाका सभामा बन्चित हुदै गएँ

न छ कुनै गुनासो तिमीमा, न खोजियो क्यै हर्जना तिमीमा
छ सुभ – सुभ प्रार्थना सधैं, नहोस् कुनै यार्तना तिमीमा
पर्दा थियो, ओझेल थियो, निष्पट्ट अधेंरो चारैतिर थियो
फगत् उजेलो दिप हौ दिप, म के गरुँ याचना तिमीमा ।

 

Continue reading


•भानुभक्तप्रति•

Basudev, Pandey,वाशुदेव पाण्डेय,pallawa, पल्लव

,वाशुदेव पाण्डेय

लाग्छन् पूरकतुल्य मासु-नङ झैं वास्ना तथा फूलझैं
नेपाली कविमाझ आदिकवि हुन् छन् काव्यका मूलझैं।
भाषामा लय शिल्प भाव गहिरो राखी मिसाई मिठो
साँच्चै सुन्दर ‘काव्यभानु’ सरि नै झुल्क्यो चुँदेली ठिटो।।

बेग्लै शब्द मिठास, वाक् चतुरता, छन्दादिको ओजन
सच्चा वर्णन चातुरी, सरलता,भाषा बडो कञ्चन ।
सग्लो आशुकवित्व,चित्रण कला,माधुर्य सम्मिश्रण
अग्लो,भिन्न,विशिष्ट ठाउँ उनको बेग्लै छ आकर्षण ।।

 

Continue reading


बहरबद्ध गजल

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

दुरुस्तै छ पोशाक छन् कोट पेटी
यहाँ चिन्न गाह्रो छ केटा र केटी

विवेकी तथा सभ्य मान्छेहरू नै
बसे सभ्यता, धर्म सारा लखेटी

गरी काम कालो धनी भैसके जो
तिनै चोखिॅदै छन् चढाएर भेटी

 

Continue reading


परिभाषा


Radha, Pandey, राधा पाण्डे, pallawa,पल्लव

राधा पाण्डे

वर्षौ भइसक्यो
मलाई निराशाले बिथोल्न थालेको
मेरो मस्तिष्क
वैचारिक शक्ति अतिक्रमणगरि
निरासाले म भित्र शासन गरेको
वर्षौ भइसक्यो

हिजोआज
निरासा , का तीन अक्षरहरू
मेरै विरुद्धमा
संगठित हुने दौडधुपमा छन्

 

Continue reading


बहरबद्ध गजल

Jagdish, Pandey, जगदिश पाण्डेय, pallawa, पल्लव

जगदिश पाण्डेय

लिएर लक्ष्य एक जो अपार शक्ति भर्दछ
तमाम बिघ्न जोसले सखाप हेर गर्दछ।

सदैव जुट्छ कर्ममा लिएर साथ धर्मको
जपेर नाम रामको तनाव कष्ट हर्दछ ।

अनेक भावना जहाँ घुमेर पुग्छ साथमा
मिलेर एक नासले अदम्य भाव छर्दछ।

 

Continue reading


जगदिश पाण्डेय का तीन कविताः

Jagdish, Pandey, जगदिश पाण्डेय, pallawa, पल्लव

जगदिश पाण्डेय

१) मनको परिधि
सारा कानुन या विधान जति छन् खोस्टा भएरै बसे
पीडा धेर लिएर आज जगमा निर्धा बनी ती फसे
पोख्छन् सीप नयाँ नयाँ किसिमका को गर्छ मूल्याङ्कन
नारा मात्र बने अनेक तहका पीडा त्यसै बल्झिन ।

डेरा खोज्न डुल्यो अहो सहरमा भेटिन्न डेरा जहाँ
घेरा भित्र हुल्यो र शोषण गर्‍यो उन्मुक्ति मिल्छन् कहाँ
छर्छन् आस अनेक भाषण गरी निस्तेज पार्छन् अति
सारा दु:ख सहेर बस्दछ सधैं धिक्कार्छ है जिन्दगी ।

 

Continue reading


बाबा र म

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

‘बाबा’ शब्द मिलेर ओठ दुइटा जो हुन्छ उच्चारण
‘बाबा’ शब्द म दन्तपङ्क्ति नहुँदा भन्थेँ त्यसै कारण ।
‘बाबा’शब्द सिकेछु बालवयमा माया हुनाले छिटो
‘बाबा’शब्द विशेष आज र हिजो वा भोलि उस्तै मिठो ।।

‘बाबा’ काम परेर बाहिर गई कैले नफर्के छिटो
‘बाबा’आउनु हुन्छ है अब भनी हेरेर बस्थ्यो ठिटो ।
‘बाबा’ पर्खनुको उमङ्ग भरिई खानै म भुल्थेँ लिटो
‘बाबा’साथ हुँदा त भोजन सबै लाग्थ्यो मलाई मिठो ।।

 

Continue reading


काठको फलेक

Radha, Pandey, राधा पाण्डे, pallawa,पल्लव

राधा पाण्डे

आँगनको एक छेउमा
उसैगरि बसेको छ
आँपको बोटसंगै टाँसेर बनाएको
एक जोर कुर्सीको विकल्प
काठको फलेक !

त्यो आसन स्थलभरि
ज्यादा अचेत !
कम चेत ! किरा मिश्रित
आँपको मुजुरा र धुलोको
एक पत्र लागेको छ !

 

Continue reading


गजल

Kamala, Harimaya, Pandey, Parajuli, कमला पाण्डे , pallawa, पल्लव

कमला पाण्डे

आज को यो सत्ताइमा हेर्दैछन कैलालीमा
रवि लामिछानेलाई देखेर घेर्दैछन कैलालीमा ।

दुख, पीडामा पिल्सिएका यहाँका नारीहरू
भगवान सम्झेर रविलार्इ बेर्दैछन कैलालीमा ।

कतिलात कयौँबात समाजको अगाडि हजुर
आँसु झार्दै राहातको सास फेर्दैछन कैलालीमा ।

 

Continue reading


गजल

 

Kamala, Pandey, Parajuli, कमला पान्डे पराजुली, , pallawa, पल्लव

कमला पान्डे पराजुली,

अबत बोल्न थालेछौ भनेर खुसिका लहर छाएको
खल्लो मुस्कान देखाउदै अहम को पहर लाएको ।

म देखी तिमीलाइ एति धेरै घिडा रएछ बल्ल बुज्दैछु
मेरो बोलिले गर्दा तिम्रो मुटुभरी धमिलो नहर आएको ।

भयो अब भुलेर पनि बोलाउदिन म तिमीलाइ
तिम्रो दुनियामा खुसीले म छुट्टै सहर धाएको ।

 

Continue reading


गजल

Suresh, Pandey,सुरेश पाण्डेय, pallawa, पल्लव

सुरेश पाण्डेय

जति थिएँ खुशी तिम्रो नाममा सारी दिए!!
गन्तव्यका बाटाहरू मैले सबै बारी दिए!!

बुझ्नै सकिनौ मेरो बाध्यता र परिस्थिति!!
जित्यौ तिमीले जित भयो मैले हारी दिए!!

तिमीले मलाई सधै खुशी मात्रै दिएकी हौ!!
मैले तिम्लाई दुखका ठुला ठुला भारी दिए!

 

Continue reading


●शोषण शृङ्खला●

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

गरे पूजाआजा महसुस गरी ईश्वर पति
गए लोग्ने मर्दा खुरुखुरु पठाएपछि सती।
बुबाआमा छाडी विगत दिनको यादसहित
बिहे भै सम्हाले घर नर भई स्वार्थरहित ।।

गरे हत्या हिंसा, छल कपटका साथ हरण
विना गल्ती दोषी असमय गरे मृत्युवरण।
पठाए बाबाले सहजसित धोएर चरण
जलाए आगोले भयसहित पर्दा नि मरण ।।

 

Continue reading


जगदीशप्रसाद पाण्डेयका जोर गजल

Jagdish, Pandey, जगदिश पाण्डेय, pallawa, पल्लव

जगदिश पाण्डेय

बहरबद्ध गजल– १,
आपसी मेलको गीत हो जिन्दगी
आश खोजी हुने प्रीत हो जिन्दगी ।

साथ हुन्छन् जहाँ याद ती चाहका
चित्त थामी रुने रीत हो जिन्दगी ।

कामको खोजमा तामझामै कतै
खोज पूरा भए जीत हो जिन्दगी ।

 

Continue reading