जगदीश प्रसाद पाण्डेयका जोर गजल

Jagdish, Pandey, जगदिश पाण्डेय, pallawa, पल्लव

जगदिश पाण्डेय

बहरबद्ध गजल– १,
गरेरै बहाना जगायौ मलाई
ति आँखा तरेरै भगायौ मलाई ।

सधैंको दयालु बनाई नचायौ
अचम्मै गराई ठगायौ मलाई।

बनाई दिवाना गएछौ अलग्गै
बिनासित्ति घाँडो लगायौ मलाई ।

 

Continue reading


‘खेल’

Radha, Pandey, राधा पाण्डे, pallawa,पल्लव

राधा पाण्डे

मसँगसँगै गट्टा खेल्ने
बालसखी !
ए उजेली र काली !!
उतिखेर तिमी हामी खेल्दा
तिमीहरू मलाई उछिन्थ्यौ
म सबै बाजीमा
सधै हार्थे नि है !!
म हार्दा
नानी, सानी र फूपुहरू थपिएर
खुब हाँस्थ्यौ नि है !!

 

Continue reading


कहरमा कवि

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

लेखी सुन्दर काव्य शान्त जनता सारा जगाए पनि
आफ्नो देश भनेर रक्त पसिना धारा बगाए पनि ।
सामन्ती घर ढाल्न एकजुट भै लेखी सघाए पनि
एक्लो भैकन मर्छ लेखक यहाँ कालै नआए पनि ।।

आफैँ खर्च गरेर पुस्तकहरू छाप्छन् यहाँ लेखक
ती जान्छन् उपहारमा कि धमिरा आहार बन्छन् न त ।
काटी छाक रचेर काव्य रचना भण्डार जो भर्दछन्
रोगी,जीर्ण,विदीर्ण भैकन छिटो ती व्यक्ति पो मर्दछन् ।।

 

Continue reading


गजल

Radha, Pande, Poudel, राधा पौडेल पाण्डे, pallawa,पल्लव

राधा पौडेल पाण्डे

छ ज्वाला, हृदयमा, देखिन्छ ! देखिन्न !!
छु खोज्दै, लुकाउन, छेकिन्छ ! छेकिन्न !!

छ राको, त्यो मुश्लो, दनदन बलेको ,
झिल्का, आगोको, भेटिन्छ ! भेटिन्न !!

साउने झरिझै, दर्किन्छ, यो मन ,
भाग्यको, दस्ताबेज, मेटिन्छ ! मेटिन्न !!

 

Continue reading


अध्यात्म मार्ग

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

राम्रो मानिसबाट प्रेरित भए, फेरिन्छ रे आदत
सोझै मन्दिर पुग्छ कीट छ भने पुष्पादिको सङ्गत।
थाँक्रोमा पनि बेरिएर लहरा,उक्लेर जान्छन् उँभो
लड्छन् वृक्ष धकेलिँदा पवनले, लड्दैन सानो दुबो ।।

राम्रा छन् उपदेश मान्यजनका लाग्छन् अनौठो सुने
हाम्रो जीवनमार्ग हुन्छ सजिलो अर्ती सबैका गुने ।
अर्ती बिझ्छ चसक्क भैकन सुई बुझ्छन् कमैले तर
गर्छन् रोग निको परन्तु सबले मान्छन् असाध्यै डर ।।

 

Continue reading


‘च’ चिन्तन

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

चन्दा,चोर र चक्रव्यूह,चतुरा,चम्चेहरूले चुसी
चासो,चिन्तन,चाख,चेत चुप छन् चर्कै चल्यो चाप्लुसी ।
चौडा चोक चिनेर चिन्तित हुँदै चाहे चलून् चालक
चल्ने चाट, चना,चुरोट कि चिया,चुस्की र चन्दा चक ।।

चल्ने, चर्च, चरेस,चोक र चिनी,चौका,चुलो चामल
चोली,चर्म र चुम्बकीय गुणको,चर्चा चले चञ्चल ।
चोखो चन्दन,चन्द्रमा चहकिलो,चाञ्चल्य त्यो चाखको
चर्चा चल्दछ चारुको र चरुको चार्वाक ,चाणक्यको ।।

 

Continue reading


गजल

Suresh, Pandey,सुरेश पाण्डेय, pallawa, पल्लव

सुरेश पाण्डेय

आतुर हुन्छ यो मनलाई सुन्न समाचार तिम्रो!!
पटक्कै मन पर्दैन भयको खेलमा हार तिम्रो!!

बाध्यताले म तिमी बाट टाढा भय पनि यहाँ!!
हरपल हरक्षण याद आउने बारम्बार तिम्रो!!

कसैले नराम्रो खबर सुनाउँदा तिम्रो बारेमा!!
यस्तो लाग्छ किन गर्दैछ कुरा बेकार तिम्रो!!

 

Continue reading


गजल

Jagdish, Pandey, जगदिश पाण्डेय, pallawa, पल्लव

जगदिश पाण्डेय

मंसिरमा लगनको ठुलै तामझाम हुदैछ
सुनिन्छ सबैतिर एकनासको लाम हुदैछ ।

कित्ताकाट गरेका फसलमा चित्त नबुझी
मिलेर भकारी भर्न सबै एक ठाम हुदैछ।

जति जोगी आए पनि कानै चिरेको भन्दै
युवाहरुको सानोगौचरणमा जाम हुदैछ ।

 

Continue reading


गजल

Suresh, Pandey,सुरेश पाण्डेय, pallawa, पल्लव

सुरेश पाण्डेय

मुटू मै राख्दाँ पनि तिम्लाई पाउन सकिएन!!
खुशी अनि तिम्रो बिदाईमा आउन सकिएन!!

जब आयो तिम्रो बिहेको निमन्त्रणा कार्ड!!
थर्कियो शरीर हातमा कार्ड समाउन सकिएन

बेहोसी तालमा लड्दालड्दै अँध्यारो रातमा!!
आएर तिम्रो घरमा प्रेम गित गाउन सकिएन!!

 

Continue reading


गजल

Suresh, Pandey,सुरेश पाण्डेय, pallawa, पल्लव

सुरेश पाण्डेय

तिम्रो जित मेरो सधैं हार खुशी लागेन!!
गर्छौ कति घात बारम्बार खुशी लागेन!!

खेल हो जित्छ हार्छ एउटाले अबस्य!!
सोच्यौ हराउन कुबिचार खुशी लागेन!!

बाले सिकाएनन् शिर झुकाउन मलाई!!
खाए तेसैले त आज मार खुशी लागेन!!

 

Continue reading


बहरबद्ध गजल

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

कतै स्वच्छ रारा बन्यो जिन्दगानी
कतै जून तारा बन्यो जिन्दगानी ।

थियो सोच सानो नपुग्ने भयो त्यो
न पानी न धारा बन्यो जिन्दगानी ।

स्वयम् बेचिने बाध्यता पेट पाल्न
र पो ज्यानमारा बन्यो जिन्दगानी ।

 

Continue reading


गजल

Jagdish, Pandey, जगदिश पाण्डेय, pallawa, पल्लव

जगदिश पाण्डेय

पाइलो पाइलोमो हारेको छौ आज
प्रगतिको सपना मारेको छौ आज ।

सत्ताको कलह झन झन चर्काउँदै
आमालाई पिरमा पारेको छौ आज ।

दुर्बाशोको क्रोध र शकुनि चालले
कृतिम गोही अश्रु झारेको छौ आज ।

 

Continue reading


कविताको जीवन

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

मिठो भाषाशैली रस,लय मिसाओस् रचयिता
कथा आफ्नो हो झैँ महसुस गराओस् न कविता ।
भए कोरा नारा लवज घटिया झर्छ कविता
प्रशंसा वा निन्दा अतिशय भए मर्छ कविता ।।

ग-यो जम्मा ल्याई मधुकणहरू वा मधुरस
भ-यो चाकाचाका मह,रज मिलाएर क्रमश: ।
मरेझैँ त्यै मौरी महबिच डुबी, सर्जक पनि
बनाए भाषाको महल त्यसमै डुब्दछ त नि ।।

 

Continue reading


सुरेश पाण्डेयका जो गजल

Suresh, Pandey,सुरेश पाण्डेय, pallawa, पल्लव

सुरेश पाण्डेय

गजल– १,
आफुलाई मारेको अखबारमा समचार देखियो!!
एकबार होईन मलाई मारेको बारम्बार देखियो!!

हजारौं आमाको कोख रित्याएको थियो जस्ले!!
आज उहीँ देशभरि जनताको ईमान्दार देखियो!!

सहिदको ईतिहास मेटाएर आफ्नो नाम लेख्दै!!
के गर्न खोजिरहेछ सहमतिमा सरकार देखियो!!

 

Continue reading


भूस्वर्ग हो बैतडी

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

अग्लो पावन धाम, देव रहने हो तीर्थ रौलेश्वर
आस्थाको प्रतिमूर्ति सुन्दर गुफा पातालभूमेश्वर ।
साह्रै सुन्दर ठाउँ पाटन यता अग्लो उताको गडी
हो भन्छन् अपभ्रंश’वायुतड’को विद्वान् हरू बैतडी ।।

गर्छन् देख र भाल नित्य जसको बाबा जगन्नाथले
देवीस्थान समान सुन्दर धरा टेकूँ त्यहाँ माथले ।
गौरा मौलिक चाड भिन्न रसको गाइन्छ ड्यौडा बढी
मेलौली,सतबाँझ ,च्वाँगढ हुने भूस्वर्ग हो बैतडी ।।

 

Continue reading


गजल

Suresh, Pandey,सुरेश पाण्डेय, pallawa, पल्लव

सुरेश पाण्डेय

दशै तिहार किन आउँछ भारी बोकेर!!
साहुले धाउछ आँगनमा गद्धारी बोकेर!!

पिरै पिरले कति पिरोल्छ गरिबी भित्र!!
बाढी आउँछ कहिले खेत बारी बोकेर!!

जब आँधी हुरीले उडाउंछ घरको धुरी!!
तेसै बेला आउँछ महङ्गी सारी बोकेर!!

 

Continue reading


बहरबद्ध गजल

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

वस्त्रादि बाँध्न र समाल्न तुनो रहेछ
सोझ्याउने कि टपरी कि दुनो रहेछ ।

सानो भनेर उति ध्यान दिँदैन मान्छे
रोगादिको जड भने ‘भुसुनो’ रहेछ ।

भित्ता दुई फरक,पत्थर भिन्न माटो
जोड्ने दुवैतिर तटस्थ कुनो रहेछ ।

 

Continue reading


फेसबुक विहगावलोकन

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

कस्तो लेख्यो गजल कविता गर्दछन् नित्य गस्ती
स्रष्टा, द्रष्टा विमल मनका पूज्य छन् कृष्ण वस्ती ।
भाषा, शैली, पद, लय तथा भाव, माधुर्य, साज
हेरी ‘यस्तो गर’, ‘हुनु प-यो’ भन्दछन् ‘कोशराज’ ।।

होस्टे हैॅसे ‘उठ बढ’ भनी नित्य उत्प्रेरणा दी
साँच्चै स्रष्टा, सरल गुरु हुन् सत्यवक्ता ‘गिरी’ श्री ।
पढ्दै सारा गजल कविता लेख्दछन् मित्र ‘सोम’
हेरी सारा विवरण बुझी झिक्दछन् सार ‘होम’ ।।

 

Continue reading


सुरेश पाण्डेयका जोर गजल

Suresh, Pandey,सुरेश पाण्डेय, pallawa, पल्लव

सुरेश पाण्डेय

गजल– १,
बिपनीमा आउनु थियो सपनामा आयौ तिमी ।।
मध्ये रातमा बिमारीको बाहानामा आयौ तिमी ।।

धेरै पहिला समन्ध छुटेको थियो हाम्रो बिचको,
सपनीमा नाता जोड्ने चाहनामा आयौ तिमी ।।

कति गर्थिउ चिठी पत्र आदान प्रदान तेति बेला ।।
घुम्दैफिर्दै यो ईन्टरनेटको जमानामा आयौ तिमी ।

 

Continue reading


गजल

Suresh, Pandey,सुरेश पाण्डेय, pallawa, पल्लव

सुरेश पाण्डेय

सधै किन धाउछस् मन्दिर भन्नुहुन्छ आमा।।
मागेर कहाँ पाईन्छ तक्दिर भन्नुहुन्छ आमा।।

जोगिएर हिड्नु छोरा घात हुन्छ आफ्नो बाटै।।
दुख पर्दा ती देखाउछन भिर भन्नुहुन्छ आमा।।

जति सक्छस् आफै गर्नु साहेदा हुदैन कसैको।
जिन्दगी सङ्घर्ष हो नगर्नु पिर भन्नुहुन्छ आमा।

 

Continue reading