सुभाव

Dinanath, Pokhrel, दीनानाथ पोख्रेल, pallawa. पल्लव

दीनानाथ पोख्रेल

छ प्रेम देशभक्तिको खुलोस् कला सुधारको ।
छ दण्डहीनता अझै रुँदै छ न्याय भाव त्यो ।।
सुधामयी सुशान्तिको छ मोह नित्य चेतमा ।
विचार भाव हुन् नयाँ सुधार हुन् स्वदेशमा ।।०१।।

उठोस् विचार कर्ममा खुलोस् विकास हारमा ।
रमाउँदै सुप्राप्तिले जुटौँ सबै सुधारमा ।।
सुतीसुती नछाँट रे अह्रोट भन्छ चेतले ।
उठेर लौ नबाझ रे सुप्राप्ति हुन्छ मेलले ।।०२।।

 

Continue reading


सिद्धार्थ देवकोटा जिन्दगी का जोर गजल

Shiddarth, Devkota, Jindagi, शिद्धार्थ देवकोटा ‘जिन्दगी’, pallawa.पल्लव

शिद्धार्थ देवकोटा ‘जिन्दगी’

गजल–१,
आयो गयो दशैको माहोल खास थिएन,
ज्याला गरेर पुग्दैन्थो ठिक्क गास थिएन।

पक्कै केही भएको होला रुदैछिन प्रिया,
नाडी समाउदै आगनका छेउ सास थिएन।।

फाटेर खेर जाने जाले रुमाल त्यहीँ ,
चल्यो बतास टाढा लग्यो त आस थिएन।।।

 

Continue reading


दीनानाथ पोख्रेल का जोर कविताः

Dinanath, Pokhrel, दीनानाथ पोख्रेल, pallawa. पल्लव

दीनानाथ पोख्रेल

१) छ्नोट
धर्म ज्योतिष कला सब खोजी ।
पढ्छ शास्त्र पनि मानिस रोजी ।।
बढ्दछन् मनविषे किन दोष ?
कृत्यतर्फ मन मान्दछ खोट ।।०१।।

त्याग गर्न जन पढ्दछ हिंसा ।
गर्न बढ्दछ खुदै नर हिंसा ।।
दोष देख्छ मन यो परमात्र ।
हेर्न भुल्छ मन यो निज गात्र ।।०२।।

 

Continue reading


देवकी निराैला केही मुक्तकहरूः

Devaki, Debaki, Niraula, देवकी निरौला, pallawa. पल्लव

देवकी निरौला

कोही फूल कोही माला लिएर आउनु
कोहि अबिर कोही खादा लिएर आउनु
सरकार कर असुलगर्न आउँदै छ आज
मर्नेहरूको घरबाट बाजा लिएर आउनु

मलाई तिम्रा यादहरूले पोलिरहे भनेँ ?
के गर्नु फेरि हरप्रहर बिथोलि रहे भने ?
मौनतामा हज्जारौं प्रश्न पनि हुनसक्छन्
जवाफ के पठाउँ तस्बिर ले सोधिरहे भनेँ ?

 

Continue reading


हाम्रो झण्डा

Dinanath, Pokhrel, दीनानाथ पोख्रेल, pallawa. पल्लव

दीनानाथ पोख्रेल

हाम्रो झण्डा मृदुल मनको प्रेमको पुष्पहार ।
श्रद्धा पस्की मृदुल दिलले पुज है बारबार ।।
काला धब्बा विषय विषका पर्न सक्छन् विचारी ।
गर्छन् रक्षा अटल मनका दिव्यकर्मी पुजारी ।।०१।।

हामी छानी पर छ म भने देश बोकेर उठ्न ।
सक्छौ भन्थे स्वजन अघिका यत्न होस् साथ जुट्न।।
पारी टुक्रा दिल सब धुजा दुष्टले गर्न सक्छन् ।
गिद्धे चाला रिपुगण बढी अर्थले छोप्न सक्छन् ।।०२।।

 

Continue reading


गजल

Devaki, Debaki, Niraula, देवकी निरौला, pallawa. पल्लव

देवकी निरौला

हलो बिर्सियो उसले जुवा बिर्सियो
अनि शहर पसेपछि फरुवा बिर्सियो

हिजो त्यही अमृत पिएर बाँचेको हो
जरुवा बिर्सियो अब कुवा बिर्सियो

अचेल मधुशालमा रमाउँन थालेको छ
आमा चियामा तुलसी अदुवा बिर्सियो

 

Continue reading


गजल

Devaki, Debaki, Niraula, देवकी निरौला, pallawa. पल्लव

देवकी निरौला

जायौ मिठो वाँसुरी धुन सुनेर आउँदैछु
सुगन्ध छर्ने बैजन्ति माला उनेर आउँदैछु

पाउको चाल राखेर ख्याल लुकेर सुटुक्क
खोलेर पाउजु सुस्तरी ढोका थुनेर आउँदैछु

शिशिर रात तुषारो पर्ला सिरेटो बिझाउला
प्रेमको धागो जोडेर मफ्लर बुनेर आउँदै छु

 

Continue reading


श्रद्धाञ्जली

Dinanath, Pokhrel, दीनानाथ पोख्रेल, pallawa. पल्लव

दीनानाथ पोख्रेल

झुल्के घाम भनी भनेर जनले भन्छन् कराईकन ।
बाँड्छन् शीतल चाँदनी शशि खुली फिक्का छ आफ्नै मन ।।
आमा हुन् ममतामयी जगतकी वात्सल्यकी स्वामिनी ।
आत्मा रुन्छ खुदै विलाप दहमा डुब्दो छ आँखा पनि ।।०१।।

छाती ढक्क फुली छ दर्द दिलमा आमा कता छिन् कता ?
लौलौ यो घृतदीप दे अब भनी भन्छन् म जाऊँ कता ??
धर्ती शून्य बन्यो सबै सुख लुक्यो भारी भयो चेतना ।
भाग्यो होस हवास दृष्टि पथमा बड्दै गयो वेदना ।।०२।।

 

Continue reading


देवकी निरौलाका केही मुक्तकहरूः

Devaki, Debaki, Niraula, देवकी निरौला, pallawa. पल्लव

देवकी निरौला

उजाड बगरमा पनि मोती फलाउन सिक्नु
धर्यता र परिस्रमले पत्थर गलाउन सिक्नु
जिन्दगीको गोरेटोमा धेरै आउँछन् कठिनार्इ
छिचेलेर बाधाहरु पाइला बढाउन सिक्नु

टुक्रिएर झरेपछि समेट्नु को के अर्थ भो ?
मरेपछि ईच्छा पानी भेट्नु को के अर्थ भो ?
सक्छौ मुटु चल्दाचल्दै बरु प्रहार गर छुरा
पिलाएर जहर घाँटी रेट्नु को के अर्थ भो ?

 

Continue reading


दीनानाथ पोख्रेल का जोर कविता

Dinanath, Pokhrel, दीनानाथ पोख्रेल, pallawa. पल्लव

दीनानाथ पोख्रेल

१) ‘सुचाल जम्नुपर्दछ’
छ प्रेम देशभक्तिको खुलोस् कला सुधारको ।
छ दण्डहीनता अझै रुँदै छ न्याय भाव त्यो ।।
सुधामयी सुशान्तिको छ मोह नित्य चेतमा ।
विचार भाव हुन् नयाँ सुधार हुन् स्वदेशमा ।।०१।।

उठोस् विचार कर्ममा खुलोस् विकास हारमा ।
रमाउँदै सुप्राप्तिले जुटौँ सबै सुधारमा ।।
सुतीसुती नछाँट रे अह्रोट भन्छ चेतले ।
उठेर लौ नबाझ रे सुप्राप्ति हुन्छ मेलले ।।०२।।

 

Continue reading


देवकी निरौलाका मुक्तकहरूः

Devaki, Debaki, Niraula, देवकी निरौला, pallawa. पल्लव

देवकी निरौला

हिजोसम्म आँखा पनि ओभानो थियो
खुसि नै थिएँ आकाश को छानो थियो ।
आज प्रिय मित्रले प्रेमिल उपहार पठयो
हेरेँ खुकुरी थियो अनि अचानो थियो ।।

उपचार बिना नै बिरामी घरमा पठायो ।
बिरामी लाई आफन्त निगरानि पठायो ।।
खै के भन्यो डाक्टरले सुटुक्क उसलाई
रहर बटुलेर सपना को मलामि पठायो ।।

 

Continue reading


‘सुख’

Dinanath, Pokhrel, दीनानाथ पोख्रेल, pallawa. पल्लव

दीनानाथ पोख्रेल

जब सुख घर मिल्ला हाँस्छ मान्छे निदाई ।
सबसित हित नाता गाँस्छ मान्छे मिलाई ।।
परपर सब फ्याँक्दै कष्टका स्रोत छानी ।
रसमय सुख खोज्छन् दिक्क मान्दै नमानी ।।०१।।

जल थल नभ सारा हेर्छ आँखा उघारी ।
असल सडक बढ्दै जोड्छ सद्भ्रान्ति भारी ।।
सब विधि हितकारी मार्गमै देख्छ आँखा ।
विधिवश घर आफ्नै खुल्दछन् शिष्ट भाका ।।०२।।

 

Continue reading


काम छाडा

Ramesh,khakurel, रमेश खकुरेल, pallawa. पल्लव

रमेश खकुरेल

न वीरेन्द्र बाँचे न बाँचे भँडारी
छ यो देश खाने गरेको तयारी
न ता मिल्न दिन्छन् न ता बढ्न दिन्छन्
सकेसम्म मासेर नै छोड्न खोज्छन् ।।

यहाँ राष्ट्रवादी छ तिम्रो चिनारी
भने मारिदिन्छन् मुसारी मुसारी
गरी हिंड्छ जो राष्ट्रमा भाँड चाला
उसैमा लगाइन्छ खादा र माला ।।

 

Continue reading


गजल

Gajendra, Prasad, Awasthi, गजेन्द्रप्रसाद अवस्थी गौरब , pallawa. पल्लव

गजेन्द्रप्रसाद अवस्थी गौरब ,

मुस्किल छ मलाई पैसा कमाउन मुस्किल छ
बाबा-आमाको सम्पत्ति बचाउन मुस्किल छ

महिनौंसम्म मरिमेटि काम गरेपनि परदेशमा
भनेजस्तो तलब सुविधा पाउन मुस्किल छ

कयौं चाडपर्वहरु एक्लै बिताएँ परिवार बिना
अझैं यो दसैं तिहारमा घर आउन मुस्किल छ

 

Continue reading


डोटेली भाषा गजल:

Bhupee, Bhupi, Sarowar, भुपी सरोवर, pallawa. पल्लव

भुपी सरोवर

के हुन्थो हुन त मेरो खबर बेकार छ यार ।
तब लै जसो लै छ सुणाउने बिचार छ यार ।

क्यै त दे न सुझाव प्यारे! कस्याँ हो खोली तद्दुँ ,
आखाँभरि आँसैअाँस भेल असार छ यार ।

आखाँभरि आँसैआँस मुटु मरुभूमि हुञ्ज्याँ ,
नयाँ यै यात्राकिलाई न केइ आधार छ यार ।

 

Continue reading


गजल

Ajita, Dahal, Kranti अजिता दाहाल क्रान्ती, pallawa पल्लव,

अजिता दाहाल क्रान्ती

जति अमीर भएपनि एकदिन सबले मर्नुपर्छ।
धन दौलत सबै छोडी परलोक बसाइँ सर्नुपर्छ।

घमण्ड किन गर्नु छ र ,नजर भ्रमित पार्ने रूपमा,
फक्रिएको फूल नि एकदिन ओइलिएर झर्नुपर्छ।

मिल्काइनु भन्दा पुर्व, उपयोग बनोस् कसैलाई ,
सकेसम्म धराले झैं सहनशील भै काम गर्नुपर्छ।

 

Continue reading


गजल

Sahityik, Anurag, Ram, ji, साहित्यिक अनुराग राम जी  pallawa, पल्लव

साहित्यिक अनुराग राम जी

म सबै कुरामा परिपक्काछु भनेर जानी आए पछी
फेरी पनी डर लाग्दो रहेछ नी राजधानी आए पछी

यो सहरको भिड भाड देख्दा म त झट्पटिन थाले
बोल्नै नजान्ने गाउँको लाटो जस्तो बानी आए पछी

क्या बोलि चाली क्या रूप रंग छ यहा की केटीको
हेरेको हेरै भए यार राम्री राम्री सान्नानी आए पछी

 

Continue reading


गजल

Pratikshya, Sharma, Subedi, Poudel, प्रतीक्षा सुबेदी पौडेल शर्मा, pallawa.पल्लव

प्रतिक्षा शर्मा

कहिले यतो कहिले उतोतिर गर्दै बित्छ जिन्दगी
कहिले उकाली कहिले ओराली झर्दै बित्छ जिन्दगी

जन्मदा कति निश्चल थिए यि आँखामानिसको हेर
समय संगै यहि आँखोमो के के भर्दै बित्छ जिन्दगी

भोविको लेखनी कसले देखेको छ र के के पर्छ पर्छ
कहिले आँशु कहिले फेरी खुसी छर्दै बित्छ जिन्दगी

 

Continue reading


गजेन्द्रप्रसाद अवस्थी गौरवका केही मुक्तकहरूः

Gajendra, Awasthi, Gaurav, ‎गजेन्द्रप्रसाद अवस्थी गौरव‎ , pallawa, पल्लव

‎गजेन्द्रप्रसाद अवस्थी गौरव‎

माछो छैन तलाउमा यदि भने के जाल थाप्नु त्यहाँ
माग्नेले जसरी बसेर पथमा के थाल थाप्नु त्यहाँ ।
आफ्नै देश विकासले पिछडियो नेपाल नेपाल नै
नेताकै घर भो रजाइँ गरने के काल थाप्नु त्यहाँ ।।
#शार्दूलविक्रीडित_छ्न्द

आएर कैल्यै ॠतु सिद्धीदैन
लाएर माया मुटु रित्तिदैन।।
स्वीकार मात्रै गर एकबार।
संसार तिम्रै अनि बारबार।।

 

Continue reading


गजल

Hemraj, Dhungana, हेमराज ढुङ्गाना, pallawa. पल्लव

हेमराज ढुङ्गाना

बुझ्दै जाँदा बालुवाको घर रै छ जीवन,
चौतारीमा एक्लिएको बर रै छ जीवन ।।

कहिले भेट्ने कहिले छुट्ने सम्बन्धको बाटो,
यस्तै यस्तै नियती को भर रै छ जीवन ।।

जस्तो परे पनि आखिर हाँस्नु पर्छ भने,
भोगाईमा मलाई लाग्यो कर रै छ जीवन ।।

 

Continue reading