बहरबद्ध गजल

dr. Ghdr. Ghanashyam, Neupane, Parishramee, डा. घनश्याम न्याैपाने ‘परिश्रमी’ , pallawa, पल्लवanshyam Parasarimi

डा. घनश्याम न्याैपाने ‘परिश्रमी’

निदाउँदै र बिउँझिदै बिताउँदै छु जिन्दगी
समयको राजमार्गमा गुडाउँदै छु जिन्दगी

प्रशस्त मोड छन् यहाँ उकालिने ओरालिने
उतारमा चढावमा हिँडाउँदै छु जिन्दगी

कुनै बखत अचानकै तुफान सक्छ अाउन
समुद्र बीच नाउझैँ बगाउँदै छु जिन्दगी

 

Continue reading


छ मेरो देश सुन्दर

Dr., Shyam, Neupane, डा. श्याम न्यौपाने, पल्लव

डा. श्याम न्यौपाने

काश्य कार्पास हो यद्वा नवनीत चुल्याएको
हो वा शङ्करले हुक्का तान्दा गिरि धुँवाएको
सेतै देखिन्छ कैलाश दृष्य सेतै मनोहर
शिवको धामजस्तै यो छ मेरो देश सुन्दर

नभ छुन्छ कि छुन्छ झैं अत्युच्चगिरि शृङ्खला
निस्कन्छन् गर्भदेखि नै पीयूषतुल्य निर्झरा
निकाली वेदका ध्वनि गाउँछन् समका स्वर
रम्य प्रकृतिले युक्त छ मेरो देश सुन्दर

 

Continue reading


छाती चिरेझै भयो

Prativa, Devi, Neupane, प्रतिभादेवी न्याैपाने, pallawa, पल्लव

प्रतिभादेवी न्याैपाने

ए आमा म तओर्लिए तल झरे पक्का बिदेशी बने
हाम्रा खेत गरा पसेर भलले जम्मै लग्यो रे भने
केभो हाल ढलेछ रे त झुपडी पैर्हो पस्यो के गरी
त्यो बेहाल सुनेर नै मन उड्यो भैयो मरेको सरी॥०१

हुर्कायौ टुहुरो म छैन घरमा बस्छ्यौ कता के गरी
मेरो थाक थलो बनाउन झरे साथै दिदैनन झरी
जम्मै गाउ चिरा चिरा परि खस्यो भन्ने सुने के भयो
मेरो स्वच्छ कमाइ नै लगिदियो छाती चिरेझै भयो॥०२

 

Continue reading


अमेरिका अहा कस्तो !

dr. Ghdr. Ghanashyam, Neupane, Parishramee, डा. घनश्याम न्याैपाने ‘परिश्रमी’  , pallawa, पल्लवanshyam Parasarimi

डा. घनश्याम ‘परिश्रमी’

अमेरिका अहा कस्तो सफा, शुद्ध मनोहर
संस्कृति छैन जस्तो छ, सभ्यता तर सुन्दर

साना बाटोहरू राम्रा राजमार्ग फराकिला
बाहिर देखिने उस्तै छन् सबै चिज बान्किला

व्यवस्थित सबै बस्ती, प्रकृति क्या हराभरा
सुनिन्छ चिर्बिराएका सङ्गीते ध्वनिमा चरा

 

Continue reading


डा. श्याम न्यौपाने का केही मुक्तकहरूः

Dr., Shyam, Neupane, डा. श्याम न्यौपाने, पल्लव

डा. श्याम न्यौपाने

हनुमानहरूको चर्तिकला बुझिसाध्य छैन
बोसहरूबाट हुने घोटाला बुझिसाध्य छैन
मिंयो विनाको दाइँ जस्तै छ यहाँ अचेल
कहिले टुङ्गिन्छ यो सिलसिला बुझिसाध्य छैन ।

जसले जे भन्यो त्यसैको पछि दौडने हामीहरू नै
सत्य लत्याएर भ्रमको दहमा पौडने हामीहरू नै
दोष के नै पो दिनु छ र ! अरुलाई अब
आफ्नै हातले आफ्नो कपाल खौरने हामीहरू नै ।

 

Continue reading


बहरबद्ध गजल

dr. Ghdr., Ghanashyam, Neupane, Parishramee, डा. घनश्याम न्याैपाने ‘परिश्रमी’ , pallawa, पल्लवanshyam Parasarimi

डा. घनश्याम न्याैपाने ‘परिश्रमी’

चाहिन्छ केही बाँच्ने आधारको निमित्त
इच्छा छ गर्ने केही संसारको निमित्त

वास्ता भएन घरको परिवारको निमित्त
उर्जा सक्यौ तिमीले दरबारको निमित्त

हुन् दृष्टिहीन भन्ने थाहा थियो तथापि
ऐना किनेर ल्यायौ उपहारको निमित्त

 

Continue reading


बहरबद्ध गजल

Komal, Prasad, Neupane, Nuwakot, कोमल प्रसाद न्यौपाने, pallawa, पल्लव

कोमल प्रसाद न्यौपाने

पुग्यौ लीखु पारी,कहाँसम्म जाने ?
हतारी हतारी कहाँ सम्म जाने ?

चिहाई रहेछन् खोली बैँश पर्दा-
पछ्यौरी लतारी कहाँसम्म जाने ?

बनाएर बाटो मुटू भित्र मेरो-
गरेछ्यौ सवारी कहाँसम्म जाने ?

 

Continue reading


‘मूर्छित राष्ट्रवाद माग्दैछ गुहार’

Baburam, Neupane, Utts, बाबुराम न्याैपाने ‘उत्स’, pallawa, पल्लव

बाबुराम न्याैपाने ‘उत्स’

आभाष पाएर – घोर संकटको
सन्तुलित परराष्ट्रनीतिको बुदा
माग्दैछ गुहार
देशको माटोसँग ।
पञ्चशीलका हस्ताक्षरहरु
बन्दैछन् – किनाराका साक्षी ।
ससंकित छ – उत्तरको वादशाह
हो,
ड्रागनको कित्तामा
मञ्चिएको छ – खैलाबैला।

साक्षात देवदूतको स्वागतमा
लम्पसार छ – राष्ट्रवाद
सडक सडक र – मञ्च मञ्चमा।

 

Continue reading


‘बेइमानहरू’

dr.Ghanashyam, Neupane, Parishrami,डा. घाश्याम न्यौपाने ‘परिश्रमी’, pallawa, पल्लव

डा. घाश्याम न्यौपाने ‘परिश्रमी’

कलमजीवी हुँ भन्दै
खोकिलामा बन्दुक च्यापेर हिड्नेहरू
हातमा कलम देखाएर
चौबाटोमा मान्छे गिंड्नेहरू
शब्दको बदला
बन्दुकका गोली बनाउनेहरू
मान्छेको रूवाबासीमा
उत्सव मनाउनेहरू
मसीको साटो
बारुद भर्नेहरू
दीनदु:खीको उद्दारक बन्दै
गरिबको खेतीमा चर्नेहरू
निर्घिनी सफेदपोशहरू
बेइमानहरू

 

Continue reading


ढुङ्री औँठी तिलहरी फुली तिमीलाई

Komal, Prasad, Neupane, Nuwakot, कोमल प्रसाद न्यौपाने, pallawa, पल्लव

कोमल प्रसाद न्यौपाने

मैले गर्ने चोखो माया ठुली तिमीलाई
ढुङ्री औँठी तिलहरी फुली तिमीलाई

जिन्दगानी सजाउने चाहना छन् धेरै
म’नि तिम्रो बनी दिन्छु तिमी बन्नु मेरै
सुखदिन्छु सबै दुःख भुली तिमीलाई
मैले गर्ने चोखो माया ठुली तिमीलाई

 

Continue reading


अनिश न्यौपाने “मनको आँखा” का जोर गजल

Anish, Neupane, Manko, Aankha, अनिश न्यौपाने "मनको आँखा", pallawa, पल्लव

अनिश न्यौपाने “मनको आँखा”

गजल– १,
तिरस्कारमा छौ कि आज, प्यारमा छौ
तिमी अझै सम्म पनि दोधारमा छौ

तिमिले नभने पनि म बुझ्न सक्छु
पक्कै पनि कुनै कुराको, मारमा छौ

बाहिर स्वतन्त्र जस्तो देखिए पनि
तिमी आफ्नै मनको, कारागारमा छौ

 

Continue reading


अनिश न्यौपाने “मनको आँखा” का केही मुक्तकहरू

 

Anish, Neupane, Manko, Aankha, अनिश न्यौपाने "मनको आँखा", pallawa, पल्लव

अनिश न्यौपाने “मनको आँखा”

टोड्दिन भन्दा भन्दै पनि टोडेर जानुपर्यो !
नचाहदा नचाहदै बाटो मोडेर जानुपर्यो !
लाखौ पटक उठाउँदा पनि उठ्न नमानेपछी !
मैले बाध्य भइ तिमीलाई छोडेर जानुपर्यो !

झुपडीलाई देखाइदिए , दरबार कहाँ छ ?
दरबारभित्र लुकाएको , हतियार कहाँ छ ?
सरकार घरैमा आएर, मेरि आमालाई सोध्यो !
त्यो ‘अनिश’ आतंकारी मुक्तककार कहाँ छ ?

 

Continue reading


गजल

Bhawani, Timalsina, Neupane, भवानी तिमिल्सिना न्याैपाने, pallawa, पल्लव

भवानी तिमिल्सिना न्याैपाने

निकै हेरचाहा गरेको छ मेरो
यो खाली सिउँदो भरेको छ मेरो .

अनेकौं विचित्रको बहाना गरेर
हृदय नजिक सरेको छ मेरो !

पन्छाएर वाधा र चट्टान सारा
जीवन यात्रे नदी तरेको छ मेरो ।

 

Continue reading


भवानी तिमिल्सिना न्यौपानेका केही मुक्तकहरूः

Bhawani, Timalsina, Neupane, भवानी तिमिल्सिना न्याैपाने, pallawa, पल्लव

भवानी तिमिल्सिना न्याैपाने

प्रेमको प्याला पिलायौ तिमीले
पीडा मनैका जिलायौ तिमीले
विपतिमा हात छोडिदिए सबले
समाई भरोसा दिलायौ तिमीले

अँध्यारोमा प्रकाश छर्ने शशी खोज्दैछु
खाली रहेछ भाग्य लेख्ने मसी खोज्दैछु
विना कसुर दोषी बनाई दियौ मलाई
बेकसुर साबित गराउने दसी खोज्दैछु

 

Continue reading


गजल

dr. Ghdr., Ghanashyam, Neupane, Parishramee, डा. घनश्याम न्याैपाने ‘परिश्रमी’ , pallawa, पल्लवanshyam Parasarimi

डा. घनश्याम न्याैपाने ‘परिश्रमी’

सुनेका कुरा नै सुनायो कसैले
नसुन्दा नसुन्दै सुनेँ आज मैले

न छन् तर्क बलिया न राम्रा प्रमाण
कुरैटेहरू जित्न खोज्छन् कुरैले

फुपूको थियो धन, गरेँ दान भन्दै
दिए सूचना यो मलाई उनैले

 

Continue reading


डा. श्याम न्यौपाने क केही मुक्तकहरूः

Dr., Shyam, Neupane, डा. श्याम न्यौपाने, पल्लव

डा. श्याम न्यौपाने

न रह्यो राष्ट्रको शान न समृद्धि भयो कुनै
न भयो जनसम्मान न अस्तित्व रह्यो कुनै
न हट्यो चाकडी प्रथा न व्यवस्था सुधार भो
दबोच्ने जनको घाँटी के यही गणतन्त्र हो ?

षड्यन्त्रको जालो कति पो टिक्ला र ! हेरौंला हामी पनि
भ्रमको लड्डु कहिलेसम्म बिक्ला र ! हेरौंला हामी पनि
आँखा चिम्म गर्दैमा संसार अँध्यारो हुँदैन बुझे हुन्छ
सत्यको बत्ती त्यसै कसरी निभ्ला र ! हेरौंला हामी पनि ।

 

Continue reading


‘लामिछाने रवि’

Khagendra, Samarpan, Neupane, खगेन्द्र समर्पण न्यौपाने , pallawa, पल्लव

खगेन्द्र समर्पण न्यौपाने

पक्कै त्यो दिन चन्द्र सूर्य धरती हाँस्दै बसेका थिए
त्यै बेला रवि देव भै जगतमा पैदा भएका थिए
यस्ता सज्जन सम्झिएर कविता लेखौँ न हामी कवि
हैनन् मानव देव हुन् जगतका, यी लामिछाने रवि ।

अाफ्ना लागि नसोच है रवि तिमी के दिन्छ नेपाल यो
तिम्रा भ्रष्ट बिरोधि यी कदमले फेरिन्छ नेपाल यो
यी अन्याय विरुद्ध काँध दिउँला उठ्ला पहाडै पनि
तिम्रा साथ सधैँ युवा रगत छन् ए लामिछाने रवि ।

 

Continue reading


परिश्रमीका परिचय सहित तीन गजल

dr. Ghdr., Ghanashyam, Neupane, Parishramee, डा. घनश्याम न्याैपाने ‘परिश्रमी’ , pallawa, पल्लवanshyam Parasarimi

डा. घनश्याम न्याैपाने ‘परिश्रमी’

(एक)
सुनेका कुरा नै सुनायाे कसैले
नसुन्दा नसुन्दै सुनेँ अाज मैले ।

न छन् तर्क बलिया न राम्रा प्रमाण
कुरैटेहरू जित्न खाेज्छन् कुरैले ।

फुपूकाे थियो धन, गरेँ दान भन्दै
दिए सूचना यो मलाई उनैले ।

Continue reading


घनश्याम परिश्रमीका केही हाइकुहरूः

dr. Ghdr., Ghanashyam, Neupane, Parishramee, डा. घनश्याम न्याैपाने ‘परिश्रमी’ , pallawa, पल्लवanshyam Parasarimi

डा. घनश्याम न्याैपाने ‘परिश्रमी’

निला आँखामा
मैले खोजेको आँसु
सुरा रहेछ

गन्तव्य टाढा
नजिकै देखिँदै छन्
प्रिया प्रकृति

उज्यालो कोठा
कसैले बनाएछ
अँध्यारो दिवा

 

Continue reading


नारी वेदना

Bhawani, Timalsina, Neupane, भवानी तिमिल्सिना न्याैपाने, pallawa, पल्लव

भवानी तिमिल्सिना न्याैपाने

तिमी बातबातमा
मलाई तर्साउदै
लात बर्साउँदै
भन्छौ थुक्क पशु !
तर तिमिलाई थाहा छैन होला
सायद,
तिमीभित्र एउटा यस्तो पशु छ
जो विनाकारण
विना गल्ती
मसँग सिँगौरी खेल्न आईरहन्छ
अब भन म पशु कि तिमी ?

 

Continue reading