बहरबद्ध गजल

Gorkhe,Sailo,Rishi, prasad, Lamichhane, chitwa, गोर्खे साइँलो , pallawa, पल्लव

गोर्खे साइँलो

छ पुर्खाहरूले दिएका निशान
गिराएर छाड्यौ सबै स्वाभिमान ।

भएको छ नेपाल झनै दिक्क आज
पुरानो पनाको त देखिन्न ज्ञान ।

अझै छिर्न पर्ने छ होला सवारी
बिना अर्थ गिर्दै गर्‍यौ शान दान ।

 

Continue reading


आयो नूतन बर्ष

Gorkhe,Sailo,Rishi, prasad, Lamichhane, chitwa, गोर्खे साइँलो , pallawa, पल्लव

गोर्खे साइँलो

आयो साल नयाँ प्रफुल्ल मनमा, उल्लास बोकी कन
पिर्ने छैन कतै कुनै विगतका बल्झेर दुःखी दिन ।
हाम्रो बर्ष नयाँ उमङ्ग उसले बोकेर ल्याई सँगै
बन्ला देश र हर्षयो मनभरी पोखेर माया अझै ।।

हाम्रो आस सधैँ खुसी बनिदिए हाँसेर बाँच्ने थियौ
बाँड्दैछौँ शुभकामना दिनदिनै सारा रमाई जिऔँ ।
आशा धेर गरौँ नयाँ समरमा सद्बुद्धिका साथमा
नेताले अब सोच्न पर्छ गतिलो रात्री, दिवा-प्रातमा ।।

 

Continue reading


नयाँ बर्ष २०७४,को हार्दिक शुभकामना !!!

 

Gorkhe,Sailo,Rishi, prasad, Lamichhane, chitwa, गोर्खे साइँलो , pallawa, पल्लव

गोर्खे साइँलो

17916363_10208932864499911_483062361_oतपाईं हामी सबैको घर आँगनमा सुख, शान्ति, समृद्धिको प्रकाश छर्दै प्रवेश गरेको नूतन बर्ष २०७४ को पावन अवसरमा तपार्इं र तपार्इंका सम्पूर्ण परिवारजनहरूमा सुख, समृद्धि, उत्तरोतर प्रगति, यसोवृद्धि, ऐश्वर्य प्राप्तीका साथै सु-स्वास्थ्यमयी दीर्घ जीवनका लागि हार्दिक मङ्गलमय शुभकामना !!!
‘गोर्खे साइँलो’ (ऋषिप्रसाद लामिछाने)
अध्यक्ष तथा
समस्त पल्लव साहित्य प्रतिष्ठान परिवार चितवन ।
र समस्त लामिछाने परिवार चितवन ।

 

Continue reading


बहरबद्ध गजल

Gorkhe,Sailo,Rishi, prasad, Lamichhane, chitwa, गोर्खे साइँलो , pallawa, पल्लव

गोर्खे साइँलो

दुखेको छ आत्मा निराशै हुनाले
भिजेको छ आँखा उ भित्रै रूनाले ।

नशामा बगेका सबै रक्त मेरा
सुकेको छ आफैँ दिलैमा छुनाले ।

कहाँ पोख्नु मैले लुकेको छ पीडा
खुबै दर्द भर्दै छ आजै मुनाले ।

 

Continue reading


जस्मा मेरो ठाम छैन !!!

Sumitra, Lamichhane, Durasha, सुमित्रा लामिछाने ‘दूरशा’, pallawa, लामिछाने

सुमित्रा लामिछाने ‘दूरशा’

त्यो मन के कामको जस्मा मेरो नाम छैन
त्यो दिल के काम को जस्मा मेरो ठाम छैन।।

त्यो घर के कामको जस्मा बस्ने ठाम छैन
त्यो गाउँ के काम को जस्मा मेरो नाम छैन।।

त्यो सिन्दुर के काम को जस्मा मेरो हक छैन
त्यो पोते के कामको जस्मा मेरो बस छैन।।

 

Continue reading


छाडी जाने मायालुलाई,

Ramesh, Lamichhane, रमेश लामिछाने, pallawa, पल्लव

रमेश लामिछाने

छाडी जाने मायालुलाई,
कोहि भन्छ्न घरबार उठाएर गयौ,
कोहि भन्छ्न मुटु टुटाएर गयौ,
तर म भन्छु तिमिले म भित्रको
सिर्जनाको मुहान फुटाएर गयौ।

छाडी जाने मायालुलाई,
कोहि भन्छ्न तनमा खोट लगाएर गै,
कोही भन्छ्न मनमा चोट लगाएर गै,
तर म भन्छु उस्ले म भित्र
सिर्जना को बोट लगाएर गै।

 

Continue reading


पृथ्वि र देश प्रति . . . .

Gorkhe,Sailo,Rishi, prasad, Lamichhane, chitwa, गोर्खे साइँलो , pallawa, पल्लव

गोर्खे साइँलो

हेर्दै राम्रो सकल सबमा राष्ट्र माया खिलेको
नेपाली हौँ तन–मन सबै भेष–भाषा मिलेको ।
लेकालीका रस पवनले गाउँ – बेशी रमायो
खोला–नाला सलल बगदा त्यो मधेशै रसायो ।।

मेची काली सब जगतमा नाम राख्दै छ हाम्रो
पानी बत्ती जमिन रसको काम गर्दै छ राम्रो ।
तोडी, फोडी किन त टुकुरा पार्न आयौ अगाडि ?
नेपालीको मन, मुटु अझै जान्न कैल्यै पछाडि ।।

 

Continue reading


देश र नेता

Gorkhe,Sailo,Rishi, prasad, Lamichhane, chitwa, गोर्खे साइँलो , pallawa, पल्लव

गोर्खे साइँलो

आफ्नै देश बचाउने सपुत क्वै नेता भए मान्दछौँ
कोही छैन भने बिकार किन हो सङ्ग्राम यो गर्दर्छौ ?
नाङ्गेझार गरी लुछेर कपडा लाग्दै छ हुर्मत् लिन
खायो देश छिमेकले सब लुछी बोल्दैन कोही किन ?

घेरो बार लगाउ त्यो दशगजा कैल्यै नचेप्ने गरी
ब्वाँसोका सँगमा हुदैन गतिलो ढोगेर पाऊ परी ।
गर्ने हिम्मत नै हुँदैन मनमा नेता कहाँ बन्दछौ ?
तिम्रो शक्ति अझै रहेन तनमा वेकारमा भुक्दछौ ?

 

Continue reading


हार्दिक मंगलमय शुभकामना !!!

Meen, Mina, Lamichhane, मिना लामिछाने, pallawa, पल्लव

मिना लामिछाने

आज परेको १०७ अन्तराष्ट्रिय श्रमिक नारी दिवशको पावन अवसरले नैसर्गिक अधिकारका साथै सुख– सन्तोष, शान्ति, समृध्दी उत्तरोतर बाैद्धिक प्रगति, ऐश्वर्यमय लाभ प्राप्तीका साथै आरोग्य सु-स्वास्थ्यमयीक दीर्घ जीवनकालागि हार्दिक मङ्गलमय शुभकामना टक्र्याउँछु ।

शुभेच्छूकः

मिना लामिछाने

कोषाध्यक्षः पल्लव साहित्य प्रतिष्ठान–चितवन ।

Continue reading


Respected teacher,

Subhadra, Lamichhane,, शुभद्रा लामिछाने, pallawa, पल्लव

शुभद्रा लामिछाने

Every parent craves for his/her child’s academic progress.The support to be given by the teacher plays a vital role to ensure the academic success of an individual. Teachers are expected to provide interesting and inspiring sources of knowledge not only on the basis of curriculum and books but also from the other outer related- world which the child would experience later. Children could appear to be too innocent and shy to learn about new things going on in the world. So every parent expects for a pleasant and purposeful support of a teacher in psychological and social growth of children related to many fields. Schools are often called second home and teachers as second parents. In the past,

 

Continue reading


जीवन चक्र

Gorkhe,Sailo,Rishi, prasad, Lamichhane, chitwa, गोर्खे साइँलो , pallawa, पल्लव

गोर्खे साइँलो

यौटा याम थियो अगाडि पथमा बाघै बसेता पनि
बढ्थ्यो हिम्मत बाघ सँगमा आफैँ म लड्ने भनी ।
मेलामा गइयो अगाडि भइयो जोतेर क्यै छेकमा
कोदाली खनियो सिलोक भनियो आली बसी खेतमा ।।

कालो केश कतै लग्यो समयले बिर्सेर के भन्छ खै ?
दाह्री पेन्टिङ भो कपाल बहुतै भर्दै छ सेतो अझै ।
फुक्ली दाँतहरू झरे जमिनमा टोक्ने कुरा बन्द भै
कुप्रो ढाड भयो परन्तु किन यो लोभिन्छ आत्मा अझै ।।

 

Continue reading


सुशिला लामिछानेका एकजोर गजल

Sushila, lamichhane, Nuwakot, सुशिला लामिछाने, pallawa, पल्लव

सुशिला लामिछाने

गजल–१,
कत्ति गर्ने हो र घमन्ड, मरिजान पर्छ एकदिन
सुवास छरेपनि फुलले, झरिजान पर्छ एकदिन

जति गर्छोै पुण्य अनि, जति गर पाप तिमी
जे गरेनी कालको मुखमा,परिजान पर्छ एकदिन

छुपेको छ अपराध, भनि ढुक्क छोै होला
तोैलिदै पानापाथी ,भरिजान पर्छ एकदिन

 

Continue reading


बहरबद्ध गजल

Gorkhe,Sailo,Rishi, prasad, Lamichhane, chitwa, गोर्खे साइँलो , pallawa, पल्लव

गोर्खे साइँलो

बालुमा पानी भयो जिन्दगानी
रै’छ मायामा स्वार्थ प्रेमी जवानी ।

दैवको यो लाठो छ ठाडो भएको
आशमा ढुङ्गाले दुखायो नधानी ।

प्रेममा ब्यर्थैको वितृष्णा भरेको
बिग्रिएला भन्ने विचारै नठानी ।

 

Continue reading


‘म त लुटाउन तयार छु’

Baburam, Lamichhane, बाबुराम लामिछाने, pallawa,पल्लव

बाबुराम लामिछाने

म त लुटाउन तयार छु
मानिसहरू अचम्मका छन्
जहाँ पनि साँध-सिमाना बनाउँछन्
आकाशको कता भित्तो कता कान्लो
आलोकको कुन आफ्नो कुन पराइ
पवनको कुन जाती कुन नजाती
आगोको कुन पवित्र कुन अपवित्र
जलको के इच्छा के अनिच्छा
म त एकमुस्ट हुँ
विभाजन मलाई स्वीकार छैन
मान्छेका यी कस्ता खेल हुन्
मान्छेले बनाएका यी कस्ता सिद्धान्त हुन्
मानव निर्मित यी कस्ता मूल्य, मान्यता हुन्
जहाँ एउटा सिंगो मान्छे अटाउंदैन–

 

Continue reading


बडप्पन किन भित्रियो ?

Maya, Devee, Sharma, Lamichhane, Kathamandu, मायादेवी शर्मा , pallawa, पल्लव

मायादेवी शर्मा

आफ्नो परम्परालाई कायम राख्र्दै असी, नब्बे वर्ष पार गरेका बुढाहरूले आडैमा बसेर सुरापान गर्ने सन्तानलाई के भन्न सकुन् र ? उनीहरूका पाला इतिहासको पानामा पुगिसके । आफ्नो पालामा श्रीमतीलाई एउटा धोतीमात्रै शरीरमा बेरेर दिनैभरि दाउराको धुवाँमा भान्सा कुराउँथे । कसैले ठूलो हिम्मत गरेर महिलाले यसरी नाङ्गै भएर भात पकाउनु राम्रो होइन । व्लाउज अथवा उनीको सुइटरसम्म त लगाउन दिनुप¥यो भन्यो भने त्यो व्यक्ति जात फलामा गनिन्थ्यो । पुरुषले भात खाएपछि चुठ्नलाई जुनसुकै अस्थामा पनि तातो पानी तयार पारिदिनु पनि महिलाकै कर्तव्य हुन्थ्यो । तर महिलालाई वषौंवर्ष तातो,चिसो, दुःख सुख कुनै कुरामा मतलवै नगरेर उमेर नपुग्दै कालको मुखमा धकेल्ने यो समाजका कतिपय पुरुष देखेर वाक्क लाग्छ । त्यस्तै मध्येका मर्दहरूले छोराले आचरण विरोधी काम गर्दा पनि टुलुटुलु हेरेर कुनै प्रतिक्रिया नदिएको देख्दा त घृणा नै लाग्दो रहेछ ।

 

Continue reading


‘कम्पन’

Gorkhe,Sailo,Rishi, prasad, Lamichhane, chitwa, गोर्खे साइँलो , pallawa, पल्लव

गोर्खे साइँलो

घरै टुट्लाजस्तै थरथर गरी कम्पन भयो
बसेको कोठा नै चरचर गरी चर्कन गयो ।
अँधेरो छायो यो मनमुटु पुरै थर्किँन गयो
अहो ! भन्दाभन्दै फरफर गरी फर्किँन गयो ।।

सबै नै भत्कायो घर-जमिन नै चूर्ण भइगो
भएको जेजे हो धनजन सबै नष्ट भइगो ।
न ता सोचेको थ्येँ गरिब जनको बास उठिगो
भरे खाने के हो – अब भन सखे आश सकियो ।।

 

Continue reading


समान सम्मान

Maya, Devee, Sharma, Lamichhane, Kathamandu, मायादेवी शर्मा ,  pallawa, पल्लव

मायादेवी शर्मा

कुनै बिहान रेडियो नेपालबाट महिला अधिकारका बारेमा मन्तव्य आउँदै थियो । मन्तव्यको सार यस्तो थियो -नेपालका कतिपय गाउँमा छोरीलाई बाबुले, पत्नीलाई पतिले र बहिनीहरूलाई दाजुले घरमा बस्ने स्थान दिँदैनन् । उनीहरूले ती छोरी, पत्नी र बहिनीलाई बेचेर पैसा समाउँछन् ! कति चेलीहरू झुक्किएर भारतको वेश्यालयमा पुगेका हामीहरूले भेटाएका छौं । कतिपय चेली बेचिएर अरबमा पनि पुगेका छन् भन्ने सुनिन्छ । हामीले ती ठाउँबाट कति चेलीहरूलाई उद्धार गरेर ल्याउँछौं । उनीहरूका आफन्तलाई जिम्मा लगाउन खोज्दा ती चेलीहरूलाई लिन मान्दैनन् । त्यस्ता घटना हामीसित धेरै छन् । साथै, बेचिएका छोरीको नागरिकता बनाउनका लागि हाम्रो देशमा बाबु, श्रीमान् र दाजु यीमध्ये जसको संरक्षणमा ऊ बसेकी छ उसैको सिफारिस चाहिन्छ । त्यो सिफारिस बेचिएका चेलीलाई नदिएका घटना पनि हामीहरूले काम गर्ने क्रममा थुप्रै भोगेका छौं ।

 

Continue reading


१४ अक्षरीय गजल

Gobinda, Lamichhane, गोबिन्द लामीछाने, pallawa, पल्लव

गोबिन्द लामीछाने

मनमै आएर बसेपछि मन फिर्ता
आफ्नाले गरेपछि समर्थन फिर्ता ।

फर्किदैन सोचेर मैले दिएको पैला
उनीले गरेकी थिइन चुम्बन फिर्ता ।

गुडियासँग खेलेको नै सम्झिनु पर्छ
अब हाम्रो हुँदैन त्यो बचपन फिर्ता ।

 

Continue reading


लक्ष्मण लामिछानेका केही मुक्तकः

Laxman, Lamichhane,लक्ष्मण लामिछाने,pallawa, पल्लव

लक्ष्मण लामिछाने

केहि पाए जस्तो केहि गुमाए जस्तो
लाग्छ मेरै वरिपरी झन नपाए जस्तो ।
दिल भित्र गहिरो चोट हुदा हुदै पनि,
बाहिर कतै हराए कतै मुस्कुराए जस्तो ।।

तिमिले मेरो दिल बिगार्यौ मन बिगार्यौ
हेर्दै छु दिनानु दिन झन झन बिगार्यौ ।
प्रेमको यो फुलबारिबाट मलाइ हटाइ,
पराइ सँग मन साट्दै जोवन बिगार्यौ ।।

 

Continue reading


अविस्मरणीय वाराणसी यात्रा

Maya, Sharma, Lamichhane, Kathamandu, मायादेवी शर्मा ,  pallawa, पल्लव

मायादेवी शर्मा

मैले विगत तीन दशक यता हरेक वर्षश्राद्ध गर्ने सरजाम तयार पार्दै आएकी छु । आज बनारसको गङ्गाकिनारमा रहेको पञ्चगङ्गा घाटमा पितृदेव भइसकेका आफन्तलाई पूजा र पिण्डदान गरियो । हरेक कामको समय आउनु पर्छ । काम बन्दछ । हामी पतिपत्नी र लक्ष्मीकान्त गुरु चारदिन पहिले नेपालबाट वाराणसीतिर लागेका थियौं । बसमा चढी रमाइला दृश्यहरू हर्र्दै भैरहवा आफन्तकहाँ पुग्यौं । भोलिपल्ट खाना खाइवरी त्यहाँबाट बिदा भयौं । हामी तीनजना सुनौल हुँदै गोरखपुर आयौं । गोरखपुरमा रहेको गोरखनाथ मन्दिरमा घुम्यौं । त्यहाँबाट हामीहरू गोरखपुरमै रहेको संस्कृत महाविद्यालयमा पुग्यौं । हामी जति अगाडि बढ्थ्यौं उति रमाइलो हुन्थ्यो । अनेक क्षेत्रमा भारतले अभूतपूर्व विकास गरेको देखिन्थ्यो । हामी गीताप्रेस गोरखपुरको छापाखाना समेत भएको कार्यालयमा गयौं । गीताप्रेसको कार्यालयको भूमि र आकाशभरि आध्यात्मिक परिवेश भएको मैले पाएँ ।

 

Continue reading