हिरा भट्ट का जोर कविताः

Hira, Bhatta,हिरा भट्ट ', pallawa, पल्लव

हिरा भट्ट

१) गङ्गामाया
पैलो टुक्रा मृदुल दिलको पुत्रका लास साथ
दोस्रो टुक्रा पति-निधनको आँसुका सिन्धु माझ
तेस्रो टुक्रा दिल चुँडिलग्यो ज्येष्ठ-मातृत्व चङ्गा
टुक्राटुक्रा दिल सँगसँगै बग्दछिन् मौन गङ्गा
।१।
तड्पी तड्पी अगणित व्यथा घाउमा वेदनामा
भिक्षा रूपी मन मनुजता माग्दछिन् एक आमा
लाखौं बन्छन् नयनजलमा आशका दिव्य फोका
प्यासी गङ्गा मनुजदिलको माग्दछिन् आज थोपा
।२।

Continue reading


“आमा” दुख्यौ के गरूँ ?

खोकीले मधुमेहले अपचले यो देह हल्लाउँदा

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

हाडे रेबिज भ्यागुते र खटिरा म्यादे-ज्वरो आउँदा ।
जे मिल्थ्यो विष-औषधी मुसुमुसू हाँसेर खान्थेँ बरु।
आमा! आज त चस्स चस्स मुटुमा “सुस्ता” दुख्यो के गरूँ ??

मेरै वक्ष-बगान सिञ्चित गरी मेची र काली जल
लाखौँ लाख सुसेल्दथे हृदयका संवाद ती कल्कल ।
रोयो व्याकुल भो सुक्यो दिल-घडा पानी कहाँको भरूँ ?
आमा ! आज त चस्स चस्स मुटुमा “कोशी” दुख्यो के गरूँ ??

 

Continue reading


हिरा भट्ट का तीन कविता

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

१) आमाको सम्झना
आमा आज म जान्छु कान्तिपुरमा पुग्नेछु छिट्टै भरे
प्रज्ञाले प्रतियोगिता चरणमा निम्तो गरेकी छ रे ।
जस्तो चातक चाल त्यो गगनमा उस्तै धराको व्यथा
प्रज्ञा माझ सुनाउनेछु जननी माटो मुछेको कथा ।।

माटो रुन्छ असह्य हुन्छ मुटुमा क्वै मौनता छाउँछ
आमाको शिशुकालको र घरको झल्को झनै आउँछ ।
सोच्दैमा पनि दृष्टि बन्छ मधुरो आँखा बने टिल्पिल
आमा खोज्छु म भोलि कान्तिपुरमा “मेरो बगेको दिल” ।।

 

Continue reading


हिरा भट्ट का जोर कविता

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

१) पात्रो सुधारौँ अब
पात्रो खेत भरी असार दुलही शृंगारमा आउँथ्यो
बाजा मेघ बजाउँथ्यो गगनले पीयूष बर्साउँथ्यो
माटोमा दिल नै चुहे सरि हुने भै स्याखु मेरो गिलो
ती रोपार र बाउसे सँगसँगै नाच्थ्यो असारे हिलो

कुद्थे मोटर वेगमा हुरुरुरू तारे र माले जब
दाँते माझ म नाच्दथेँ घर घरै नाँच्थ्यो भकारी तब
सुन्ने को छ र यो बडा सहरमा पोखूँ कुरा कोसित
पात्रो भित्र असार रुन्छ जननी पात्रो लुकाऔँ कि त

 

Continue reading


मेरो बगेको दिल

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

बर्षामास चल्यो बतास छिनमै दर्केर पानी पर्‍यो
चौपाया र जहान साथ दिलमा उर्लेर कोशी झर्‍यो
क्वै कङ्काल र भग्न-खण्ड छरिए कोशी किनारा तिर
खोजूँ खै म कता? कता अलप भो मेरो बगेको दिल
।१।
कोही भन्छ बिहान साझ दिउँसो टिस्टा पुगी हाँस्छ रे
कोही भन्दछ जादु झैँ निमिषमै किल्ला पुगी नाच्छ रे
के भो कुन्नि छ स्वाभिमान मुटुमा भूकम्प झैँ हल्चल
कोही बोल न बोल आज छ कता मेरो बगेको दिल
।२।

 

Continue reading


हिरा भट्टका जोर कविता

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

१) मालती
राम्री छ्यौ ,ऋतु-राजका गगनको क्वैली सरी गाउछ्यौ!
चिन्ता लाग्दछ यौबना किन तिमी यो साँझमा आउछ्यौ?
खाली छैन कुनै कुना-हृदयको, जिद्धी गरेको कति?
सिंगो देश जलीरहेछ पिरती ”लाइन्न भो मालती”!

हाँस्थ्यो देश भने खुला पवनमा लान्थे टपक्कै टिपी!
छाती भित्र रुँदैछ-देश, तर त्यो उस्तै छ तिम्रो ढिपी!!
‘ढुंगे-मन्दिरमा’ झुटा कसम ती ”खाइन्न भो मालती”!
सिंगो देश जलीरहेछ पिरती ”लाइन्न भो मालती”!

 

Continue reading


हिरा भट्ट का जोर कविता

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

१) “नारी गुञ्जन”
रामे भन्छ हिमालमा छ कविता ल्याऊ न दाजै टिपी
झर्नाको जलभित्र बग्छ कविता गर्दैछ श्यामे ढिपी
आमाको स्वर पो बुलन्द सुनियो “मिथ्या सबैका कुरा
मेरै आँचलमा नियाल सब ती झर्ना गुफा टाकुरा”
।१।
सन्ध्याकाल छ सुँक्क सुँक्क ननिको चीत्कार चिच्याहट
बिच्छी सर्प विराज दूर घरमा देखिन्छ क्वै बालक
वाणी एक विलीन भो हृदयमा “लम्की हिँडेको कता
पन्छेकी कविता छ छाउघरमा भो भो नजाऊ त्यता”
।२।

 

Continue reading


हिरा भट्ट को कविता

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

रामे भन्छ हिमालमा छ कविता ल्याऊ न दाजै टिपी
झर्नाको जलभित्र बग्छ कविता गर्दैछ श्यामे ढिपी
आमाको स्वर पो बुलन्द सुनियो “मिथ्या सबैका कुरा
मेरै आँचलमा नियाल सब ती झर्ना गुफा टाकुरा”
।१।
सन्ध्याकाल छ सुँक्क सुँक्क ननिको चीत्कार चिच्याहट
बिच्छी सर्प विराज दूर घरमा देखिन्छ क्वै बालक
वाणी एक विलीन भो हृदयमा “लम्की हिँडेको कता
पन्छेकी कविता छ छाउघरमा भो भो नजाऊ त्यता”
।२।

Continue reading


“आमा” दुख्यौ के गरूँ ?

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट 

खोकीले मधुमेहले अपचले यो देह हल्लाउँदा
हाडे रेबिज भ्यागुते र खटिरा म्यादे-ज्वरो आउँदा ।
जे मिल्थ्यो विष-औषधी मुसुमुसू हाँसेर खान्थेँ बरु।
आमा! आज त चस्स चस्स मुटुमा “सुस्ता” दुख्यो के गरूँ ??

मेरै वक्ष-बगान सिञ्चित गरी मेची र काली जल
लाखौँ लाख सुसेल्दथे हृदयका संवाद ती कल्कल ।
रोयो व्याकुल भो सुक्यो दिल-घडा पानी कहाँको भरूँ ?
आमा ! आज त चस्स चस्स मुटुमा “कोशी” दुख्यो के गरूँ ??

 

Continue reading


अनलाइन

hira, kaji, kumal, हिराकाजी कुमाल, pallawa, पल्लव

हिराकाजी कुमाल

“हेल्लो ! अनुभव जि नमस्कार ।”
मेरो पनि नमस्कार! आराम हुनुहुन्छ ?
“हजुर ठिकै छु, तपाईंलाई कस्तो छ ?”
म पनि ठिक छु ।
एउटा साहित्यिक पेज मार्फत देखादेख भएपनी हाम्रो बोलचाल भएको थिएन। म साहित्यमा रमाउने मान्छे । गजल, मुक्तक केहि छोटा कथाहरू पनि लेखेर पोस्ट गर्थें। उहाँ पनि फाट्टफुट्ट लेख्नुहुन्थ्यो। उहाँले मेरोमा मैले उहाँको मा लाइक कमेन्ट गर्न सायदै छुट्थ्यो।  निकै अगाडिदेखि’नै बोल्न मन खोजिरहेको कुरा व्यक्त गर्नुभो। यहाँ मेरो फुर्सदिलो काम छ । तपाईंको समय मिल्दा जतिसुकै बेला पनि बोलाउन सक्नुहुन्छ मैले भनेँ ।

 

Continue reading


‘सोंच’

hira, kaji, kumal, हिराकाजी कुमाल, pallawa, पल्लव

हिराकाजी कुमाल

म एक दशक लामो बिदेशको बसाइँलाई बिट मार्दै भर्खरै गाउँ फर्किएको थिएँ, अब आफ्नै देशमा सानोतिनो ब्यापार ब्यबसाय गर्ने सोंच लिएर । रामलाल दाजु गाउँमै पशुपालन गरेर बसेको थाहा पाएपछि केहि सल्लाह लिनुपर्‍यो भनेर उनैकहा पुगेको थिएँ। काका केहि दिनदेखि बिरामी परेर थला परेका रहेछन् । कुराकानीको क्रममा “आफ्नै देशमा परिवारको साथमा बसेर सानोतिनो ब्यापार ब्यबसाय गरेर खानलाउन पुग्छ भने किन जानुपर्‍यो बिदेश ? केटाकेटी पढाएको छु, मलाई पुगेकै छ, अलिकति बचत पनि गरेकै छु । विडम्बना गाउँका युवाजति सबै बिदेशिए दुखबिमार पर्दा अस्पताल लाने मान्छे समेत छैनन्” भन्नुभो रामलाल दाजुले।

 

Continue reading


‘‘सोंच’’

hira, kazi, Kumal हिरा काजी कुमाल pallawa, पल्लव

हिरा काजी कुमाल

म एक दशक लामो बिदेशको बसाइँलाई बिट मार्दै भर्खरै गाउँ फर्किएको थिएँ, अब आफ्नै देशमा सानोतिनो ब्यापार ब्यबसाय गर्ने सोंच लिएर । रामलाल दाजु गाउँमै पशुपालन गरेर बसेको थाहा पाएपछि केहि सल्लाह लिनुपर्‍यो भनेर उनैकहा पुगेको थिएँ। काका केहि दिनदेखि बिरामी परेर थला परेका रहेछन् । कुराकानीको क्रममा “आफ्नै देशमा परिवारको साथमा बसेर सानोतिनो ब्यापार ब्यबसाय गरेर खानलाउन पुग्छ भने किन जानुपर्‍यो बिदेश ? केटाकेटी पढाएको छु, मलाई पुगेकै छ, अलिकति बचत पनि गरेकै छु । विडम्बना गाउँका युवाजति सबै बिदेशिए दुखबिमार पर्दा अस्पताल लाने मान्छे समेत छैनन्” भन्नुभो रामलाल दाजुले ।

 

Continue reading


ॐ स्वाहा !!

hira, kazi, Kumal हिरा काजी कुमाल pallawa, पल्लव

हिरा काजी कुमाल

उता घरबाट कहिले आउँछस छोरा बिदा मिलाएर छिटो आइज भनेर बा फोन गरिरहनुहुन्थ्यो। यता बिदा लेखेर पेश गरेको दुई हप्तामा पनि पास भएको थिएन । हवल्दार मेजर, सुबेदार मेजरलाई कतिपटक भनें अहँ घर गएको अर्को नआइ तेरो बिदा पास हुन्न भन्ने उपाय नलागेपछि सिधै कार्यलय प्रमुखकोमा पेश गएँ समस्या बताएँ, पन्ध्र दिनको बिदा बल्लतल्ल दस दिनमात्र पास भयो।
तत्कालै हिँडिहालेँ साँझपख घर पुगेँ पर्सिको दिन बिहे छ टाढाको पाहुना आइसकेका सबै कराउन लागे बिदा मिलाएर छिटो घर आउन पर्दैन ? म मौन रहें । केटि पहिल्यै हेरिसकेको कुरो छिनोफानो गरि छोडेको घरमा सबै चाँजोपाँजो मिलिसकेको। सामान्य तरिकाले बिहे सम्पन्न भयो।

 

Continue reading


हिरा भट्टका तीन मुक्तक

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

लुकामार खेल्दै सयौं घाम पानी।
रुखो बालुवामा बनेको कहानी।।
जरा जिन्दगीको नियाल्दैन कोही।.
सबै टिप्न खोज्छन् फुलेको जवानी।

दुई पाखुराको बनाएर द्वार।
गरेकै हु प्यारी प्रतीक्षा हजार।।
बिराएर बाटो तिमी दूर बग्दा।
कुरे बालुवा झैं नदीको किनार।।

 

Continue reading


हिरा सर्वनामका चार टुक्रा

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

छोप्ने कुरा छोप न
मुन्द्री छन् नि बिशाल चक्र सरिका ती कान भन्दा ठुला!
छोटो त्यो तनको लुगा सँगसँगै भो बक्ष आधा खुला!!
यौवन् त्यो बिजुली सरी क्षणिक हो शालीनता रोप न!
भो छर्लङ्ग अनेक अंग किन हो? छोप्ने कुरा छोप न!

प्यारी प्रति
न्यानो यौवनमा दुई ढुकुर झैँ भाथ्यौं नि कन्या वर।
सुन्दर् पश्चिम बैतडी बिजुलमा भो आज हाम्रो घर।।
आठौं बर्ष शुरु भएछ प्रियसी दाम्पत्य यो जीवन।
हीराको शुभकामना छ दिलको हाँसी अँगालो भर।।

Continue reading


साथीहरुलाई धन्यबाद ………

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

धोकेबाज रहेछ केश-शिरको, सोद्दै-नसोधी फुल्यो!
नौलो याम सुरू गरी हृदयमा नौलो बिहानी घुल्यो!!
उस्तै लाग्दछ चन्चले हृदय यो उस्तै छ काचो मन!
बूढो भैछ हिरा नभन्नु पुतली-”ताजै छ बालापन”!!

फुल्ने धर्म थियो, फुलेछ शिरमा, फुल्नेछ फेरी हगी!
लाखौ केश फुलाउथे हृदयमा, फुल्ने भए जिन्दगी!!
उस्तै गीत हरे, उही छ कविता, उस्तै गलाको धुन!
बूढो भैछ हिरा नभन्नु पुतली ”ताजै छ बालापन”!!

 

Continue reading


बज्यैको सम्झना–नेपाल यो देशमा

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

यौटा मानब भो ‘हिमाल’ तिरको अर्को ‘पहाडी’ घरे ।
तेस्रो भन्छ खुशी भएर, घर हो, उस्को ‘तराई’ अरे ।।
फुल्छन पुष्प अनेक भन्थिन बज्यै,यौटै भुषा-भेषमा।
नेपाली कुन हो?चिनिन्छ कसरी?नेपाल यो देशमा।।

थारु,लिम्बु र खुम्बुवान कति हुन्?लाखौं यहाँ ”वान” छन् ।
ताम्सालीङ,”मगरात” झैं सय थरी भन्छन अरे ”रात” छन् ।।
नाच्छन फूल मिलेर, भन्थिन बज्यै,यौटै परीबेशमा ।।
नेपाली कुन हो?चिनिन्छ कसरी?नेपाल यो देशमा।।

 

Continue reading


हिरा भट्टका तीन टुक्रा

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

प्यारी क्वैली…
एक्लो शासन फूलको छ वनमा काँडाहरू हो उठ!
घुर्की लाउँछ मेघले गगनमा डाँडाहरू हो जुट!!
क्वैली गाउ न गीत वीर-रसको संसार हल्लाउने!
यौटा खान्छ नि दाल-भात सुनको अर्को छ भोकै रुने!!
….शार्दूल बिक्रीडित छन्द

शीत
कालो धुम्म, धुँवा सरी गगनमा बर्षातको बादल!
उर्लेका खहरे,हिलाम्य धरती छन् तृप्त काकाकुल!!
फक्रे फूल फुल्यो अहो झिलिमिली सर्बत्र रानी वन!
वर्षा हुन्न उदास भो नि कविता मेरो बयेली मन!!
…शार्दूल बिक्रिडित छन्द

 

Continue reading


कस्तो बिचित्र मन ???

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

लाखौं शब्द फुलेर काब्य रुखका हाँगा झुकेका वन!
मौरीका रुपमा विशाल दिल यो आफैं डुल्यो भुन्भुन!!
यौटा फूल चुम्यो,उड्यो गगनमा,भो शान्त रानी वन!
हाँसीन् आँगनमा बसेर कविता हाँस्यो नि मेरो मन!!

आफ्नै मन सित
सल्लेरी वनको खुला पवनको सल्लो सुसायो अरे!
क्वैली स्वागतमा बसन्त घरमा डाली टुसायो अरे!!
न्यास्रो लाग्छ, उराठ यो शहरमा एक्लो बनेको पल!
माया-सागर बग्छ यो कलममा आत्मा छ काकाकुल!!

 

Continue reading


हिरा भट्टका चार टुक‍्रा

Hira, Bhatta,हिरा भट्ट ''सर्वनाम'', pallawa, पल्लव

हिरा भट्ट ”सर्वनाम”

फूलै फूल थिए र फूल मनमा फूलै बनेकी थियौ!
जूनै जून थिए र जून मनमा जूनै बनेकी थियौ!!
मेरा फूल र जूनका सागरमा क्वै शुन्यता थ्यो अघि!
देखे आज,बुझे,गुने ‘क्षणिक हो त्यो फूलको जिन्दगी’!!

आफ्नै मन सित
सल्लेरी वनको खुला पवनको सल्लो सुसायो अरे!
क्वैली स्वागतमा बसन्त घरमा डाली टुसायो अरे!!
न्यास्रो लाग्छ, उराठ यो शहरमा एक्लो बनेको पल!
माया-सागर बग्छ यो कलममा आत्मा छ काकाकुल!!

 

आफै पो हराए त!!!!
थाहा छैन नि जिन्दगी-समरमा आफै बिलाए कता?
जस्तो कोकिल चाल त्यो शिशिरमा उस्तै छ यो मौनता!!
शंका लाग्छ कता कता हृदयमा आफै हराए सरी!
सारंगी-दिलको न तार बलियो बज्ला र खै के गरी!!

उनैको यादमा …
मेरो त्यो नव-कल्पना नगरमा छाना ‘सुनैको’ थियो!
छातीमा,दिलका मुना-कुसुममा छायाँ ‘गुनैको’ थियो!!
हाँस्ने दाँत थिए रुखा,बदनमा हाँसो ‘कुनैको’ थियो!
जस्तो थ्यो सपना दुरुस्त जपना झल्को ‘उनैको’ थियो!!
शार्दूल बिक्रीडित छन्द