गोविन्दबहादुर मल्ल ‘गोठाले
श्रीराम श्रेष्ठ
काठमाडौंको ओमबहालमा ऋद्धिबहादुर र आनन्दमाया मल्लको जेठा सुपुत्रको रूपमा जन्मनु भएका गोविन्दबहादुर मल्ल गोठाले (१९७९-२०६७) नेपाली साहित्यका विशिष्ठ प्रतिभा हुन् । उहाँको बाल्यकाल मधेसतिर बितेको थियो भने पढाइको सुरूवात बनारसको थियोसफिकल स्कुलबाट भएको थियो । बनारसमा तीन वर्षो बसोबास पश्चात् परिवारका साथ गोठाले काठमाडौं आउनुभएको थियो । काठमाडौंको दरबार हाइस्कुलमा करिब आठ वर्षति अध्यापन गर्नुभयो । आइ.एस्सी. सम्मको औपचारिक शिक्षा प्राप्त गर्नु भएको उहाँले स्वाध्ययनद्वारा नेपाली, अंग्रेजी र हिन्दिमा लिखित् पूर्वीय पश्चात्य साहित्य, दर्शन, समाजशास्त्र तथा मनोविज्ञान आदि बिषयहरूको प्रयाप्त मात्रामा ज्ञान हासिल गर्नु भएको थियो ।
