शंकर ढकालका केही मुक्तकहरू

Sankar, Dhakal, Palpa, शंकर ढकाल, pallawa, पल्लव

शंकर ढकाल

सदा लाेकापवाद् काम नगरी सत्य काम गर्नु कहिल्यै हुदैन लव,
यसै बाट व्यक्ति,परिवार समाज र देशकाे बुझ्न सकिन्छ वास्तव,
भाषा,धर्म,जात विरुद्ध भेदभाव अन्त्य गरि भष्टाचार राेके,
दरिद्र दीन दुखी धनाढ्य मनुजहरू पनि एउटै फूल झैँ हुन्छन् अब ।

सिस्नाे ढिँडाे गुन्द्रुक अाँटाे खाई गुजारा गरेर
झण्डाका रवि चन्द्र झैँ चहकिने उद्देश्य राखेर,
अाफ्नै जन्मभूमिमा बाँझाे बारी खनेर बसिरहे
दिगाे काम विकास गरी देश सिगार्न माैरी झैँ जुटेर ।

 

Continue reading


“सम्झना”

Sankar, Dhakal, Palpa, शंकर ढकाल, pallawa, पल्लव

शंकर ढकाल

खेल्ने आँगनमा क्रिकेट चिमुखी गट्टा र डण्डीबियो।
गर्थेँ धेर रमाइलो समुहमा छ्यापेर बर्खे हिलो।।
चोर्दै माम लुकीलुकी घर तिरै खाने गरेका दिन।
प्यारो बन्न सक्यो हुदाँ चकचके गर्ने गरेका दिन।।

गाई वस्तु लिई चराउन सधैँ जाने पखेरो तिर।
चढ्दै रूख असाध्य शीतल हवा खाने उठाई शिर।।
आमा लेख्न र पढ्न सम्म घरमै सक्दो सिकाई दिने।
राखेँ बल्ल म लक्ष्य फूल पथकै आकाश भेटी छुने।।

 

Continue reading


सपना

Sankar, Dhakal, Palpa, शंकर ढकाल, pallawa, पल्लव

शंकर ढकाल

छर्ने ज्योति अमूल्य गाउँघरमा नाैलाख तारा तल।
राती चन्द्र र सुर्यले दिनभरी पार्ने सधैं उज्ज्वल ।।
भन्दै दाउ हलो कुटो र हँसिया अाफै उचाल्ने गरि।
खन्दै खेत पवित्र ती जमिनमा खाद्यान्नले नै भरी।।

पानी मन्दिर चैत्य पर्वतहरू माटो नदी जङ्गल।
लाखाै लाख छ सम्पदा मनुजका निक्कै हुने अव्वल।।
रक्षा गर्न दिगो नमेट्न कहिल्यै नाैलाख तारा सरि।
भत्केको पनि सम्पदा मिलिजुली निर्माण गर्ने गरि।।

 

Continue reading


छोडिजानेलाई´

Sankar, Dhakal, Palpa, शंकर ढकाल, pallawa, पल्लव

शंकर ढकाल

आमा बाबु दिदी सधै भर दिने नि:स्वार्थ माया पनि।
स्वार्थी छौ र पवित्र जन्मजननी छोडेर जान्छौ अनि।।
छौ के काम कता विदेश तिर गै लाचार भो जीवन।
कालो दाग भई पवित्र मनमा छायो अध्यारो पन।।

अर्को देश गई हिमाल जसरी उद्देश्य राख्ने तिमी।
आफै ले पसिना सरी रगत ती फालेर हाँस्ने तिमी।।
तिम्रो नाम सरी शरीर अब ता ज्यूँदो मरे झैँ भयो।
अर्काकै जलपानमा कुकुर झैँ बाँचे मरे भै गयो।।

 

Continue reading


चिरञ्जीवि ढकालका केही मुक्तकहरूः

Chiranjivi, Dhakal, चिरञ्जीवि ढकाल, pallawa, पल्लव

चिरञ्जीवि ढकाल

दिल ले दिल गिथलेर, खिल बनायो,
आँखामा मूल फुटालेर,झिल बनायो।
आँखै चिम्लेर,सम्बन्धको व्यापार गर्दा,
चुकाउनै नसक्ने गरि, विल बनायो।।

आँखा र आँखाहरू बिच,लुकामारी भो,
अनि मिलेका दुई दिल, वारीपारी भो।
बखरेल्ती सम्झनाका, मूल फुट्न थाले,
नसा भरियो जवानी काँचो, सुपारी भो ।

 

Continue reading


सन्तान प्रति आमा बाबुको सपना

Sankar, Dhakal, Palpa, शंकर ढकाल, pallawa, पल्लव

शंकर ढकाल

आमा बाबु दुबै निकै रहरले सन्तान जन्माउँछन्।
हो साँच्चै नगरी कुकर्म, खुकुरी मा हिड्न सम्झाउँछन्।।
हामी आज हिमाल जित्नु छ भनी सन्तान जन्म्यो घर।
सक्दो प्रेम दिने बुबा र जननी मानेर साह्रै भर।।

राखून् लक्ष्य अमूल्य जीवन भरी ती चन्द्र तारा छुने।
तिम्रो नाम सरी सुकर्म सहजै यो विश्व सारा हुने।।
यो सन्तान सुवासकै नयनले संसार देखोस् भनी।
आमा बाबु पुर्‍याइ दु:ख सुखमै शिक्षा र दीक्षा पनि ।।

 

Continue reading


बहरबद्ध गजल

Sankar, Dhakal, Palpa, शंकर ढकाल, pallawa, पल्लव

शंकर ढकाल

दरिद्र दु:खी मनुष्यलाई धनाढ्य बन्ने रहर त होला।।
पहाड बोकेर छाक टार्दै हिमाल देख्ने नजर त होला।।

कुकर्म मेट्दै सुकर्म गर्दै उठी ,उठाई समाज देश।
सुवास जस्तै सुगन्ध छर्दै समाज राख्ने अमर त होला।।

चली रहेको असाध्य प्यारा र सत्य ती चालचलन बुझेर।
सधै रमाएर लेँकबेसीँ असाध्य गर्ने सफर त होला।।

 

Continue reading


कस्तो स्वाधिनता ??

Rajan, Dhakal, राजन ढकाल ,pallawa , पल्लव

राजन ढकाल

सोच्थे देश अहो यो गौरव थलो गोर्खालिको हो भनी
विश्व देख्ने जहाँ थिए नयन झै सर्बोच्च शिखर पनि
गोर्खाली विरको चिनो समानको सानै भएता पनि
के हेप्छौ तिमी हौ गुलाम जगको ठुलै बनेता पनि ।।

आफ्नु रुप देखिन्छ दर्पण सरि पल्टाउ पानाबरु
गोर्खाली खुकुरी झिकी नउजिउन यी कालू पाण्डे हरू
हेप्नुको पनि हुन्छ साँध र सिमा यो त अति नै भयो
हाम्रो लुट्न खोज्यौ फगत जिवनभर आफै लुटिदै गयौ ।।

 

Continue reading


नेपाल हाम्रो घर

Sankar, Dhakal, Palpa, शंकर ढकाल, pallawa, पल्लव

शंकर ढकाल

फुल्ने फूल सुनाखरी मखमली जाई गुहेँलीहरू।
गाई गीत अजम्बरी वन चरा डाँफे मलेवाहरू।।
हाम्रो सत्य समाज लोक लयमा मीठो बनी गुञ्जने।
झन् माटो मलिलो भयो जमिनको खाधान्न नै उब्जने।

डाँडा चाैर सधै असाध्य हरियो देखिन्छ प्यारो वन।
नेपाली हुन सक्नुमा मनुजका निक्कै सफा जीवन।।
भाषा सस्कृति धर्म लोक नृत्य छन् लाखौँ कला झल्कने।
ठूल्ठूला छ हिमाल पर्वतहरू निक्कै यहाँ चम्कने।।

 

Continue reading


फर्की आऊ

Sankar, Dhakal, Palpa, शंकर ढकाल, pallawa, पल्लव

शंकर ढकाल

जान्छौं बाहिर काम गर्न किन हो बाँझो छ नेपालमै।
गर्नैपर्छ छ उब्जनी जमिनमा नेपाल संसारकै।।
चाले हात हुँदैन के इलममा आधार बाँच्ने हरू।
हुन्छन् त्रास र कष्ट बाहिर निकै फर्केर आऊ बरू।।

गर्दैमा धन लोभ जीवन सदा लाचार साँच्चै हुने।
के भो लक्ष्य भविष्य बाहिर गए हो चन्द्रमा ती छुने।।
साहूको करले विदेश रहँदा बाँच्ने कि मर्ने डर।
छन् कालो अझ गाउँठाउँ सबमा फर्की उज्यालो छर।।

 

Continue reading


मेरो साथमा तिमी भए . . . . . .

Rajan, Dhakal, राजन ढकाल ,pallawa , पल्लव

राजन ढकाल

कस्तो हुन्थ्यो होला भन मेरो साथमा तिमी भए
नयाँ वर्ष यस्तो रमझम आफू यहाँ एक्लि भएँ
तिमी कतार साउदी तिर दुख गर्दै छौ रे
दुख पछि सुखको दिन पक्कै आउँछ रे ।

मेरो राजा कहिले आउँछौ सिन्दुर पोते बोकि
जन्ती लहर साथमा डोलि पन्चे बाजा ठोकि
तिम्रो घरमा बेहुली बनी जाने छिटो मन छ
छिट्टै फर्क मेरो राजा यो मन मेरो भन्छ ।

 

Continue reading


१६ अक्षरीय गजल

Chiranjivi, Dhakal, चिरञ्जीवि ढकाल, pallawa, पल्लव

चिरञ्जीवि ढकाल

(समाजको वर्तमान स्थिति)
सबको मनमा धुलो, उडाउने रहर छ,
यै बाटोमा, त्यो पजेरो गुडाउने रहर छ ।

सतहमा खुम्चिएको, आफ्नो हैसियतलाई,
दुई चार तला माथि, उठाउने रहर छ ।

कि देऊ गाउँ कि त, छोड्छु ठाउँ भन्दै करार्इ,
भन्छ नत्र ट्यापे मुन्द्रे, जुटाउने रहर छ ।

 

Continue reading


भरिया

Sankar, Dhakal, Palpa, शंकर ढकाल, pallawa, पल्लव

शंकर ढकाल

हुर्क्यो ऊ भरिया भई जगतमा माटाे सितै खेल्दथ्याे।
के शिक्षार्जन पढ्न लेख्न नसकी बाेल्ने कला जान्दथ्याे।।
नाङ्गाे अाड लिई गरी इलम ऊ साह्रै थला पर्दथ्याे।
खाना खान बिहान साँझ पखमा भारी सधै बाेक्दथ्याे ।।

नाना बेस कुनै हुदैन उसकाे फाेहाेर नै लाउँछ।
बाटाे नै घर हाे हिमाल छ भनी ऊ गीत त्याे गाउँछ।।
पैसा काम गरी सकेर कहिल्यै साहू दिदै दिन्न रे।
अर्काे बार भनी लिने बचनमा साहू त भेटिन्न रे।।

 

Continue reading


बहरबद्ध गजल

Sankar, Dhakal, Palpa, शंकर ढकाल, pallawa, पल्लव

शंकर ढकाल

म सम्झि अाप्नो सदैव माया थिएँ गरेको तिमी करायाैँ।
सदैव तिम्रो म दु:ख पीडा सधैं सहेको तिमी करायाैँ।।

मुहार तिम्रो सधै उज्यालो म देख्न चाहेँ सुखी दिलाएँ।
पहाड बोक्ने हिमाल जित्ने भनी उठेको तिमी करायाैँ।।

म साथ हाम्रो नमेट्न ज्यादै कसम र बाचा सबै गरेथे।
म बुझ्छु भन्दै तिमी भनेथ्याैँ,सबै भुलेको तिमी करायाै।।

 

Continue reading


“गजल”

Chiranjivi, Dhakal, चिरञ्जीवि ढकाल, pallawa, पल्लव

चिरञ्जीवि ढकाल

लेख्नेलाई भन्दा,देख्नेलाई खास हुनुपर्छ,
अाउने चौहत्तर साल, झक्कास हुनुपर्छ।

हट्नु पर्छ राजनितीको,ग्रहण यो देश बाट,
कुना कुना सम्म उज्यालो, प्रकाश हुनुपर्छ।

समाउनु पर्छ गति, अब अग्रगमनको,
पश्चगामीहरु बिल्कुल, हतास हुनुपर्छ।

 

Continue reading


कोटको टाँक

Viplav, Dhakal, विप्लव ढकाल, pallawa, पल्लव, Dhakal

विप्लव ढकाल

अब फेरि तपाईँ—
डढेलोले खाएको जङ्गल जस्तो
कि पहिरोले भत्काएको बगर जस्तो
यो सुनसान र अनकन्टार गाउँमा फर्किनुहुन्छ
र हाम्रो अँध्यारो झुपडीको आँगनमा उभिनुहुन्छ !
.
हामीलाई थाहा छ— त्यसपछि तपाईँ
दुवै हात जोडेर ‘नमस्कार’ भन्नुहुन्छ,
हाम्रै भाषाको लय टिपेर
कि ‘सेबारो’ भन्नुहुन्छ, कि ‘ल्हास्सो’ भन्नुहुन्छ !

 

Continue reading


“गजल”

Chiranjivi, Dhakal, चिरञ्जीवि ढकाल, pallawa, पल्लव

चिरञ्जीवि ढकाल

कलम र कापी, मेरो पास भएपछि,
साहित्यको म अचेल,दास भएपछि।

रोएको रोएई छ, यो कलम मेरो त,
इतिहास र संस्कृति ,नास भएपछि।

डाक्टरले देख्दैन,ज्योतिषले भन्दैन,
लुट्ने नै ध्यय उनको,खास भएपछि।

 

Continue reading


किसान

Sankar, Dhakal, Palpa, शंकर ढकाल, pallawa, पल्लव

शंकर ढकाल

जहान प्यारो छ उच्च कोटी,विवस्त्र सानै छ खेतबारी
सुकार्य गर्दै जुटेर खाने र मेट्छ ऊ अन्नको भकारी।
हलो जुवा गोरु मान्छ आफ्नो,जहान बोकेर पाल्छ भारी
सदैव लाखौं छ दु:ख पीडा,सहेर ऊ देख्छ फूलबारी।।

खनेर बाँझो सुबीज छर्दै हराभरा पार्छ लेकबेसीँ
सफा छ बानी दिनेछ सेवा,हुनेछ साह्रै युगान्तकारी।
कुनै नयाँ आउदा छिमेकी,प्रभुत्व पाएँ भनी रमाई
दिनेछ उस्ले अपार माया सुखी छ आँटोपिठो खुवाई।।

 

Continue reading


शंकर ढकालका केही मुक्तक

Sankar, Dhakal, Palpa, शंकर ढकाल, pallawa, पल्लव

शंकर ढकाल

चन्द्र जस्तो तिम्रो मुहार हेरिरहूँ झै लाग्ने।
निकै गर्छौ होला शृङ्गार सम्हालिरहूँ झै लाग्ने।
जस्तो रूप बाहिर हुन्छ भित्रि रुप त्यस्तै भए।
सपूत हौँ तिमी देश सुधार भनिरहूँ झै लाग्ने।।

भाग्यबाट समय होईन समयबाट भाग्य चल्छ।
भोली कहिले भेटाउदैन मानिस पशु अाजै मर्छ।।
जीवन हो दुईदिन हाँसि खेली बितोस् रुन किन पर्यो।
हरेक मोडमा सत्य काम गर्दा पनि सजाय आउन सक्छ ??

 

Continue reading


न्याउली रोयो निरमाया !

Viplav, Dhakal, विप्लव ढकाल, pallawa, पल्लव, Dhakal

विप्लव ढकाल

निधारको पसिना र आँखाको आँसु पुछिदिने
मायालु बताससँग कुरा गर्दागर्दै
डोकामा आधा घाँस र आधा जीवनको भारी बोकेर
कालीखोलाको अँध्यारो जङ्गलबाट उकालो चढ्दाचढ्दै
टिनिनि टिनिनि
पोल्टोभित्र बज्न थाल्यो रिङटोन !
ए निर्मली !
झिक मोबाइल
क्याच्च थिच र ‘हेलो’ भन !
मनमा यसरी काउकुती लाग्ने गरी
फेरि यति चाँडै कसले गर्यो होला यो फोन ?

कि फेरि कुबेतको तेलखानीबाट
‘सञ्चै छ्यौ मेरी रानी ?’ भन्नलाई
आफ्नै मनको राजाले गरेको हुनुपर्छ यो कल !

 

Continue reading