दिव्यचन्द्र आचार्य का जोर कविता

Dibya, Chandra, Acharya, दिव्यचन्द्र आचार्य, pallawa, पल्लव

दिव्यचन्द्र आचार्य

१) राजधानी
उता नदी बग्छ गरा गरामा
पानी रसाउन्न यता धरामा ।
रित्तो छ तिम्रो दिलभित्र खानी
आउन्नँ साँच्चै अब राजधानी ।।१।।

चमक्क चम्के नि मुहार तिम्रो
आत्मा असाध्यै छ कुरूप तिम्रो ।
चाहिन्न तिम्रो धमिलो जवानी
अाउन्नँ साँच्चै अब राजधानी ।।२।।

 

Continue reading


लजाउँछु म बेसरी

Dibya, Chandra, Acharya, दिव्यचन्द्र आचार्य, pallawa, पल्लव

दिव्यचन्द्र आचार्य

कलाकार कहाँ सक्छ जति नै पोख्त होस् तर ।
सक्दैन उसले राख्न मुटुका भावना पर ।।
भित्री व्यथा भुलूँ भन्दै हाँसो छर्छ मुहारमा ।
थुनोस् जतिसुकै पीडा पोखिन्छ अनुहारमा ।।

द्रष्टा निष्पक्ष होस् भन्छन् हुन सक्दैन सत्य हो ।
हाँसेझैँ गर्न खोज्दैछन् रोएको चित्तले अहो ।।
कलाकार उता नाच्छ म कलाकार झैँ यता ।
भित्री कला छचल्किन्छ पोखिँदैछ जतातता ।।

 

Continue reading


अतिथिलाई निम्तो

Ramesh, Chandra, Ghimire, रमेशचन्द्र घिमिरे ,pallawa, पल्लव

रमेशचन्द्र घिमिरे

बस्छन् अग्ला हिमशिखर ती श्वेत टोपी भिरेर
मेची–काली अविरल यतै बग्छ छाती चिरेर ।।
बस्छन् शम्भु पशुपति ठूला बाग्मतीका तटैमा
बस्छिन् सीता जनकपुरको भव्य राम्रो मठैमा ।।१।।

सल्ला–सिसौ हरित वनले ढाकिएका यतै छन्
अग्लाअग्ला सिमल रूख छन् सालका वृक्ष यैँ छन् ।।
याहीँ हाम्रो धवलगिरिको उच्च शृङ्गार देख्छौ
देख्छौ चाक्ला समथर भूमि फाँट या टार देख्छौ ।।२।।

 

Continue reading


अतिथिलाई निम्तो

Ramesh, Chandra, Ghimire, रमेशचन्द्र घिमिरे ,pallawa, पल्लव

रमेशचन्द्र घिमिरे

बस्छन् अग्ला हिमशिखर ती श्वेत टोपी भिरेर
मेची–काली अविरल यतै बग्छ छाती चिरेर ।।
बस्छन् शम्भु पशुपति ठूला बाग्मतीका तटैमा
बस्छिन् सीता जनकपुरको भव्य राम्रो मठैमा ।।१।।

सल्ला–सिसौ हरित वनले ढाकिएका यतै छन्
अग्लाअग्ला सिमल रूख छन् सालका वृक्ष यैँ छन् ।।
याहीँ हाम्रो धवलगिरिको उच्च शृङ्गार देख्छौ
देख्छौ चाक्ला समथर भूमि फाँट या टार देख्छौ ।।२।।

 

Continue reading


आद्यक्षरी_ओखती

Ram, Chandra, Ghimire, रामचन्द्र घिमिरे , pallawa, पल्लव

रामचन्द्र घिमिरे

(मानवोचित नियमले सहज होस् रक्षा सबै देहको)
मा-न्छन् डाक्टर यी कुरा सहज हे लेख्दैछु मैले यहाँ!
न-ल्याऊ मनमा विकार मनुवा भन्दैछु मैले यहाँ!!
बो-कौँ आठ गिलास प्यून जल नै मूला र सागै जुन।
चि-न्ता व्याधि छ?कागती जल लिए हट्ने कुरा यो सुन।।

त-त्कालीन हुने छ जो फलहरू गर्नू तिमी सेवन!
नि-ल्दा क्याप्प चिसो हुने किसिमको पानी नहोस् भोजन!!
य-द्वा हुन्न कफी असाध्य पिउनू,बेर्ना उमारीकन
म-स्तै झोल पकाइ खान्छ जसले,सप्रन्छ उस्को तन!!

 

Continue reading


भानुभक्त उवाच….

Ram, Chandra, Ghimire, रामचन्द्र घिमिरे , pallawa, पल्लव

रामचन्द्र घिमिरे

कवि कवित बनाई सम्झियौ जो मलाई।
व्यथित मन थियो है भानु नै भै उदाई।।
मन बिच जन छाडे राख्न भाषा र भेस।
कलह अति गरेरै छाड्दछन् जो स्वदेश।।

खलबल किन गर्छन् हुन्न भाषा नमानौं।
मुलुक भर चलेको के छ दङ्गा नजानौं।।
अबुझ सठ बसेका मातृ सम्मान गर्न।
सब जन अगुवामा सोध पर्दैन मर्न??

 

Continue reading


कहिल्यै नथाकूँ

Dibya, Chandra, Acharya, दिव्यचन्द्र आचार्य, pallawa, पल्लव

दिव्यचन्द्र आचार्य

म शिष्टताको पगरी लगाऊँ
चाहन्छु भित्री मुटुबाट गाऊँ ।।
विनम्रता भर्न सिकूँ गलामा
सादापना पस्किरहूँ कलामा।।

न ठेस लाग्ने कटु शब्द खोजूँ
न चाकरीकैसरि भाव रोजूँ ।।
यो लेखनी तप्प मसी चुहाओस्
पढ्नेहरूको मुटुमा रसाओस् ।।

 

Continue reading


राजधानी

Dibya, Chandra, Acharya, दिव्यचन्द्र आचार्य, pallawa, पल्लव

दिव्यचन्द्र आचार्य

उता नदी बग्छ गरा गरामा
पानी रसाउन्न यता धरामा ।
रित्तो छ तिम्रो दिलभित्र खानी
आउन्नँ साँच्चै अब राजधानी ।।१।।

चमक्क चम्के नि मुहार तिम्रो
आत्मा असाध्यै छ कुरूप तिम्रो ।
चाहिन्न तिम्रो धमिलो जवानी
आउन्नँ साँच्चै अब राजधानी ।।२।।

 

Continue reading


बन्दिपुर सम्बन्धी दुई गीतिकविता

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

१. बन्दिपुरको सम्झनाले …
कुहिराको घुम्टो ओढी मान्थ्यौ तिमी लाज
बन्दिपुरको सम्झनाले सताउँदै छ आज

गुरुङ्चेको डाँडाबाट तिमीलाई देखेँ
थानीमाईमा बसी जब यौटा गीत लेखेँ
त्यै दिनदेखि बस्यौ तिमी यो मुटुको माझ
बन्दिपुरको सम्झनाले सताउँदै छ आज

सुखौरा र तिन्धारेको झारगाउँ रानीवनको
पार्चे अनि बाहुन भन्ज्याङको घुमी एक फन्को
लगाइदिने मन छ तिम्लाई शिरमा नौलो ताज
बन्दिपुरको सम्झनाले सताउँदै छ आज

 

Continue reading


बालगजल

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

माथि हेर्दा हिमाल टल्क्यो टलल्ल
तल मधेश रमाइलो देख्दै झलल्ल

उता नदी खोला छन् यता छहरा
वनको बाटो झरेर बग्छन् सलल्ल

पहाडमा खेताला डल्ला फोर्दैछन्
पसिनाले भिजाई जिउ खलल्ल

 

Continue reading


रमेशचन्द्र घिमिरे का केही मुक्तकीय हरू

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

कहिले नगरबस त कहिले ट्याक्सीको पछि हिँडिन्छ, जिन्दगी यस्तै छ
चिन्दै जाँदा आफन्तीले चिन्छन् पराइलाई चिनिन्छ, जिन्दगी यस्तै छ
म मूर्ख भएँ कि गरिब, कि पागल के भएँ ? हजुरले नै भन्दिनु पर्‍यो
पहिले घोडा बेचिन्छ, अनि बल्ल काठी किनिन्छ, जिन्दगी यस्तै छ ।

पीडामा सँगै रोयौँ, अनि सन्चो भयो
आँसुले मुहार धोयौँ, अनि सन्चो भयो
ज्वरो आएको बहानामा के बर्बराएथेँ ?
मेरो निधार छोयौँ, अनि सन्चो भयो !

 

Continue reading


रमेशचन्द्र घिमिरेका तीन बालकविता

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

१. जून मामा !
आउँछौ अरे तिमी
राति अँधेरामा
म सुतेको बेलामा
मेरा प्यारा जून मामा !

कसले छेक्यो आउन
दिउँसो उज्यालामा
घाम लागेको बेलामा
मेरा प्यारा जून मामा !

नसुतेर भोलि
हेर्छु भिर पाखामा
तिमी झर्ने बेलामा
मेरा प्यारा जून मामा !

 

Continue reading


रमेशचन्द्र घिमिरेका जोर बालकविताः

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

१) मेला
मेला गई बाले कुन्नि
के–के ल्याउनुभो
घरमा चाहिने सामान किनी
आमा आउनुभो

हामी मात्र घरमा किन
बस्ने यस्तो बेला
सबैजना सँगै मिली
हेर्न जाऔँ मेला

 

Continue reading


बाको हात समाउँदै …

Ramesh, Chandra, Ghimire, रमेशचन्द्र घिमिरे ,pallawa, पल्लव

रमेशचन्द्र घिमिरे

(बालकविता)
बाको हात समाउँदै स्कुलमा गा’को
फर्किँदा त बाभन्दा नि म पो पैला भा’को

हाम्रा बाचाहिँ ठुला सरलाई भेट्न जानुभयो
बालाई अफिस चिनाउन मिसले लानुभयो
त्यै मौकामा सुर भयो कक्षा छोडी भाग्ने
मेरो बानी नराम्रो छ पढ्न झ्याउ लाग्ने

 

Continue reading


रमेशचन्द्र घिमिरेका बालकविता चार टुक्राः

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

१. भाइ रमायो
जाडो भयो असाध्यै
मुटु कमायो
स्विटर लाउन पाएर
भाइ रमायो

किताब-कापी फिँजायो
कलम समायो
कम्मल अोढ्न पाएर
भाइ रमायो

अगेनाकै छेउमा
आसन जमायो
आगो ताप्न पाएर
भाइ रमायो

 

Continue reading


म कवि हुन सकिनँ

Ramesh, Chandra, Ghimire, रमेशचन्द्र घिमिरे ,pallawa, पल्लव

रमेशचन्द्र घिमिरे

मैले काँधमा भाटा बोकेर
सकी नसकी हिँड्दै गरेको र
मुस्किलले अडिएर मलाई
नमस्ते गर्दै गरेको चेलालाई भेटेँ
मेरो गुरुत्वले उसलाई
एक हातले अभिवादन फर्कायो
मैले उसको श्रमले पछ्याएको
गुरुभक्तिको आदर्शलाई बेवास्ता गरेँ
मलाई लाग्यो –
गुरुभक्तिको कष्टकर सम्मान बुझ्न नसक्ने मान्छे
म कसरी कवि हुन सक्छु ?

 

Continue reading


पहिचान

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

मैले तिमीसँग शीतलता मागेँ,
स्वच्छता र पवित्रता मागेँ
तिमीले मलाई चन्द्रमा दियौ
त्यो शुक्ल पक्षको चन्द्रमा थियो
त्यो जुनेली रात थियो
मैले त्यस बङ्किम चन्द्रज्योतिमा
वसन्तको बहार पाएँ,
गृष्मको मध्यरातको उखुमलाई हटाउने
चिसो पाएँ,
शारदीय सौन्दर्य पाएँ ।

 

Continue reading


गजल

 

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

कति कामले किन आयौ आज मायालु
मलाई भयो कस्तो कस्तो लाज मायालु

मौका साइत मिलाएर आए के हुन्थ्यो
कल्ले आउन भन्यो तिम्लाई साँझ मायालु

परेवाझैँ निर्दोषी र सोझी देखिँदा
काँ मिल्यो र मैले हुन बाज मायालु

 

Continue reading


रमेशचन्द्र घिमिरेका एकजोर बालकविता

Ramesh, Chandra, Ghimire,रमेशचन्द्र घिमिरे, pallawa, पल्लव

रमेशचन्द्र घिमिरे

१.छुच्चो मुसो
थोत्रो गाना गाउँदै कुद्छस् घरको छाना–छाना
ठीक् लागेन मुसा मलाई तेरो तानाबाना

बस्ने घर छैन तेरो मेरो घरमा बस्छस्
राति–राति हल्ला गर्छस् दिउसो कुना पस्छस्
किताब काट्न, लुगा काट्न अघि सर्नुपर्ने
मेरो घरमा बसी मेरै अहिरो गर्नुपर्ने

मुलाको झैँ चाना पारी काट्छस् मेरो नाना
ठीक् लागेन मुसा मलाई तेरो तानाबाना

 

Continue reading


पर्खूँ कि के गरूँ ?

Ramesh, Chandra, Ghimire, रमेशचन्द्र घिमिरे ,pallawa, पल्लव

रमेशचन्द्र घिमिरे

दिन ढल्दै गयो, साँझ पर्न लाग्यो फर्कूँ कि के गरूँ ?
अाउँछ्यौ कि भन्ने अाशामा अझै पर्खूँ कि के गरूँ ?
दायाँ र बायाँ जाँ बस्छ्यौ त्यहीँ बस्ने ठाउँ खाली छ
जतन गरि राख्या छु दिल पस्ने ठाउँ खाली छ ।

मुखले बोल्न नमिल्ने मनको भाषा छ मसित
थाके नि नजर भेट्नलाई झिनो अाशा छ मसित
बादलले किरण छरेर बाटो देखाउन ख‍ोज्दै छ
जूनको ठुन्को बिस्तारै मुन्टो उठाउन खोज्दै छ ।

 

Continue reading