गोम बिक्रम को विकृतिमाथिका ५ मुक्तकिला प्रहारहरूः

Gom, Bicram, Bikram, गोम बिक्रम, pallawa, पल्लव

गोम बिक्रम

मुक्तक-१
दु:खै परे नि जिन्दगीमा, हिम्मत थियो टेरिएन
तिम्रो आशमा कुर्दा-कुर्दै, कम्ति त बाटो हेरिएन
आदर्शवादी कुरा गर्छौ, अनेकथरी भ्रम छर्छौ
सामन्ती तिम्रा संस्कारहरु, कहिले पनि फेरिएन ।

 

Continue reading


गोम बिक्रमका पाँच मुक्तक

Gom, Bicram, Bikram, गोम बिक्रम, pallawa, पल्लव

गोम बिक्रम

मुक्तक- १
सीधा- सादा जनतालाई, मुटुभित्रको काँडो भा’छ
पहुँच हुने चतुरेलाई, कमाइ खाने भाँडो भा’छ
देश डुबाइ जानाजानी, नेता-दलको खिचातानी
हाम्रो देशको लोकतन्त्र, साँच्चै अचेल घाँडो भा’छ ।

मुक्तक-२
घरको सानो किचलोले, पनि बालिए टायरहरू
विरोध, बन्द, कर्फ्यु लागे, भए हवाई फायरहरू
वेथिति यति बढ्दै भए, खराब कुरा चढ्दै गए
सबको भण्डाफोर गर्न, खटिनु पर्यो सायरहरू ।

 

Continue reading


“दशैको खुशी”

Gom, Bicram, Bikram, गोम बिक्रम, pallawa, पल्लव

गोम बिक्रम

रनबहादुर दाईका धेरैजसो दशैं अभाव-समस्या र पिडाहरुसित बिते । निमेक नगरी खान नपुग्ने हुँदा सबै खाले दु:खहरु उठाएका छन् ।
यसपालीको दशैंमा अलि आशावादी छन् उनी । घरको लिपपोत, केटाकेटीलाई कपडा, अष्टमी पूजा, मासु-चिउरा लगायतका कुराको व्यबस्था मिलाइसके ।
गाउँलेसित सामाजिक रुपमा बाटो-घाटो, पिङ र सराएँ सबैको तयारी र सहभागितामा खटिए । केटाकेटीमा जस्तो रौनक नभए पनि मनमा कतै केही आश लाग्दो रहेछ ।

 

Continue reading


गोम बिक्रमका पाँच मुक्तकहरूः

Gom, Bicram, Bikram, गोम बिक्रम, pallawa, पल्लव

गोम बिक्रम

मुक्तक -१,
खियाइ खान्छ दस नङ्ग्री, धर्तीमा दु:ख मानेको छैन
हेपून कतै वैरीहरू, कम्जोर रत्ति ठानेको छैन
स्वाभिमानले फुल्छ छाती, बन्दैन कहिले विश्वासघाती
अस्तित्व रक्षामा जुट्छ सधै, नेपाली झुक्न जानेको छैन ।
मुक्तक -२,
जस्ता लगाऊ नाराहरू, निम्छरा सास्ती पाइरहे
कागजी कुरा मिलेपछि, खानेले मिलाइ खाइरहे
दोषीलाई नि दण्ड हुन्न, निर्दोषीलाई न्याय हुन्न
नीतिका कुरा चिल्लै भए, बेथिति मात्र फस्टाइरहे ।

 

Continue reading


“थुनिएको दशैं”

Gom, Bicram, Bikram, गोम बिक्रम, pallawa, पल्लव

गोम बिक्रम

पल्लाघर दशैंलाई राखेको बडेमानको खसी ढालेका छन् । साने र मानेको घर लिपेर कस्तो बनाएका छन् । रमेशको बाबा विदेशबाट कत्रो झोला गुडाउँदै आए । गाउँका सबैको हरमा रंगीचंगी कपडा फेरिए । गाउँभरीका मान्छेहरू जम्मा भएर दिनका दिन तास खेल्छन् । सबै गाउँलेहरू कोटमा जम्मा भएर अष्टमीपूजामा जुट्छन् । गाउँ छेउको
चौरमा ठूल्ठूला बाँस गाडेर लिंगे पिङ राखेका छन् । गाउँका तरूनी-तन्देरीहरू दिनभर रमाइलो गरेको देखिन्छ ।

 

Continue reading


गोम बिक्रमका पाँच मुक्तकहरूः

Gom, Bicram, Bikram, गोम बिक्रम, pallawa, पल्लव

गोम बिक्रम

रत्ति प्रवाह हुन्न आफ्नै, सुकोस् जीउमा रक्तहरू
मरी मेटेर लागि पर्छन्, अरुका निम्ति आशक्तहरू
सत्यता के हो बुझ्ने हैन,अस्तित्व आफ्नो खोज्ने हैन
चुप्चाप तलुवा चाट्दा हुन्छन्,अरुका अन्धभक्तहरू ।

आफू अगाडी जान पनि, चलाख छन् खुट्टा तान्नेहरू
थोरै उकासे चढीहाल्छन्, आफैमा महान् ठान्नेहरू
नपाउने पद पाए भने, निमुखा पछि लाए भने
नजाने जस्तो गर्नुपर्छ, गम्किन्छन् आफै जान्नेहरू ।

 

Continue reading


गजल

Netra, bikram,Tolangi, नेत्र बिक्रम तोलाङ्गी, pallawa, पल्लव

नेत्र बिक्रम तोलाङ्गी

पहिला राम्रोसंग एकअर्कामा चिनाजानी हुनुपर्छ
अनि सबै मनका कुरा खोलेर कुराकानी हुनुपर्छ

एक अर्काको प्रेम सागरमा बेस्सरी डुब्दै गएपछी
सब दुनियाँलाइ सम्झाउने प्रेम कहानी हुनपर्छ

चोखो माया त भित्री मनमा हुनुपर्छ देखावटी हैन
माया स्नेहको अपारामपार मनको खानी हुनुपर्छ

 

Continue reading


गोम बिक्रमकाकेही मुक्तकहरूः

Gom, Bicram, Bikram, गोम बिक्रम, pallawa, पल्लव

गोम बिक्रम

पहिले भने नजिक हुन, अति सारो गर्थ्यौ हुरूक्कै
ससाना कुरा बढाएर, असाध्यै पार्थ्यौ फुरूक्कै
कुनले कुरा लगाइदियो, मनको सद्भाव भगाइदियो
दु:ख दिंदै सताइकन, पार्न थाल्यौ झन धुरूक्कै ।

नजिक हुने बाहनामा, साइनो जोर्न आइहाल्यौ
तिर्नै नसकूँला जस्ता, गुनको पैँचो लाइहाल्यौ
मन फेरिँदै गएपछि, आफू बलियो भएपछि
त्यति मिठो सम्बन्ध पनि, निहुँ खोजेर भत्काइहाल्यौ ।

 

Continue reading


गोम बिक्रमका केही मुक्तकहरू

Gom, Bikram, Palpa, गोम बिक्रम,pallawa, पल्लव

गोम बिक्रम

दुनियाँलाई ढाँटी ढाँटी, व्यर्थै आँखा छलाइ भयो
तिम्लाई सुर्ता नभएर, मेरै मुटु जलाइ भयो
आखिर टाढा हुनै रैछ, आँसुले मुख धुनै रैछ
तिमीले गर्यौ गल्तिहरू, सजायँ पो मलाई भयो ।

आफ्नो हैकम चलुन्जेली, थर्काइ थर्काइ भुक्छ मान्छे
कसैको आड नपाएसी, ठाउँ मिलाई लुक्छ मान्छे
भुक्ने लुक्ने जेसुकै होस, जहाँ जस्तो हर्कत् गरोस
जस्तै चलाख भए पनि, खास कुरामा चुक्छ मान्छे ।

 

Continue reading


बहरबद्ध गजल

Bikram,Timilsina, साहित्यिक विक्रम, pallawa, पल्लव

साहित्यिक विक्रम

प्रथम चोटी, भेटेको झै, नयन मात्रै, रहे बोली
न बोलेँ मै, न बोली सैँ, नयन मात्रै, रहे बोली

समाएका, चुराले नि, अया-ऐया, भनी राछन
भनेनन् ती, अधरले चै, नयन मात्रै, रहे बोली

नयनका ती, बगे गाजल, भएँ भावुक, अनी सोधेँ
कि नौडाँडा, कटम् आजै, नयन मात्रै, रहे बोली

 

Continue reading


असार विशेष

Sahityik, Bikram, साहित्यिक विक्रम, pallawa, पल्लव

साहित्यिक विक्रम

बिर्खे हिड्यो, तल तिर लयो, गोठको गोरु तारी
बाटुल्नीको, तन मन भरी, त्यो झरिको सवारी
ओढ्यो घुम्टो, समय सरिगो, मीत आषाढ आयो
गड्गड् गर्दै, गजल कविता, गीत आषाढ गायो

नाच्यो हास्यो, गरिब जन त्यो, खेतमा हेर्छ कर्के
ब्युझ्यो चाँडै, जमिन र हलो, साथमा लिन्छ हर्के
मानो रोपी, ढलपल गरि, भर्छ क्यारी भकारी
दैबै जस्तो, जन कहलियो, अन्नको हो पुजारी

Continue reading


महाकवि देवकोटा

Ram, bikram, Thapa, रामविक्रम थापा,pallawa, पल्लव

रामविक्रम थापा

देवकोटा कविताका अनन्त हुन् खानी
शिर उनको सगरमाथा उच्च स्वाभिमानी
दिनरात अविरल खेती कविताको
आफ्नै ठूलो विश्व रच्दै राम-रमिताको

‘लक्ष्मी’ नाम भन्नु मात्रै पुत्र-सरस्वती
अभावको आगो ताप्दै काव्यको प्रगतिर्
कर्मवादी, भौतिकवादी, साहित्यका रवि
कैयौँ वर्षपुग्यो तर सदा उच्च छवि

 

Continue reading


गजल

Rahasya, Bikram, Chimariya, रहस्यविक्रम चिमरिया, pallawa, पल्लव

रहस्यविक्रम चिमरिया

आज आयौ गजल सुनायौ भोलि पनि आउनु।
गाजल लगाइ लाली धसि राम्री बनि आउनु।।

बा आमालाई खुशी तुल्याए गर्नु हुँदैन गाली।
त्यसकालागि तिमीले कोठेबारी खनि आउनु।।

केही कुरा नढाटि त भेटघाट नै हुन्न हाम्रो।
मेरी साथीकामा पढ्नलाई जान्छु भनि आउनु।।

 

Continue reading


महाकवि देवकोटा

Ram, bikram, Thapa, रामविक्रम थापा,pallawa, पल्लव

रामविक्रम थापा

देवकोटा कविताका अनन्त हुन् खानी
शिर उनको सगरमाथा उच्च स्वाभिमानी
दिन, रात अविरल खेती कविताको
आफ्नै ठूलो विश्व रच्दै राम-रमिताको

‘लक्ष्मी’ नाम भन्नु मात्रै पुत्र-सरस्वती
अभावको आगो ताप्दै काव्यको प्रगतिर्
कर्मवादी, भौतिकवादी, साहित्यका रवि
कैयौँ वर्षपुग्यो तर सदा उच्च छवि

 

Continue reading