गोम बिक्रम का केही मुक्तकहरूः

Gom, Bicram, गोम बिक्रमका केही मुक्तकहरू, pallawa, पल्लव

गोम बिक्रम

सपनाहरू ठूलै देखौं, कसैले देख्न छेक्ने छैनन्
पौरखीलाई फल मिल्छ, नगर्नेले पाउने हैनन्
योजना बनाई हिन्नुपर्छ, क्षमता आफ्नो चिन्नुपर्छ
रित्तो हात त ईश्वरले, कसैलाई नि पठाउँदैनन् ।

कतै जीवन अस्तित्व र, कर्तव्यको भारमा देख्छु
बाध्यताले अल्मल्याउँदा, न वारमा न पारमा देख्छु
र पनि सानले ज्यूँनै पर्छ, आँसु पनि त प्यूँनै पर्छ
सोझाहरू नै सधैभरी, बाङ्गाहरूको मारमा देख्छु ।

 

Continue reading


गोम बिक्रमका पाँच मुक्तकहरूः

Gom, Bicram, गोम बिक्रमका केही मुक्तकहरू, pallawa, पल्लव

गोम बिक्रम

अहिले कतै नगनेर, स्वार्थी चालमा चल्दै गर
दुनियाँलाई छारो हाली, हर कुरामा छल्दै गर
छलेको सत्ता पल्टिनेछ, समस्या तब सल्टिनेछ
नसकिन्जेल दम्भहरू, आफ्नै ईर्ष्याले जल्दै गर ।

चुनाव जित्न पनि अब , पापड कैयौं बेल्नुपर्छ
बितर्किए कि मतदाता, पट्ट्याउनै सास्ति झेल्नुपर्छ
र पनि माछो पर्दैन कि,अाफ्नै पोल्टामा झर्दैन कि ?
जौ-तिल पकाई नानाथरी, लाक्पा अनेक खेल्नुपर्छ ।

 

Continue reading


गोम बिक्रमकाकेही मुक्तकहरूः

Gom, Bicram, Bikram, गोम बिक्रम, pallawa, पल्लव

गोम बिक्रम

पहिले भने नजिक हुन, अति सारो गर्थ्यौ हुरूक्कै
ससाना कुरा बढाएर, असाध्यै पार्थ्यौ फुरूक्कै
कुनले कुरा लगाइदियो, मनको सद्भाव भगाइदियो
दु:ख दिंदै सताइकन, पार्न थाल्यौ झन धुरूक्कै ।

नजिक हुने बाहनामा, साइनो जोर्न आइहाल्यौ
तिर्नै नसकूँला जस्ता, गुनको पैँचो लाइहाल्यौ
मन फेरिँदै गएपछि, आफू बलियो भएपछि
त्यति मिठो सम्बन्ध पनि, निहुँ खोजेर भत्काइहाल्यौ ।

 

Continue reading


गोम बिक्रमका केही मुक्तकहरू

Gom, Bicram, गोम बिक्रमका केही मुक्तकहरू, pallawa, पल्लव

गोम बिक्रम

सपना बाँड्छौ विकासको, आदत अझै ‘छुच्चै’ रह्यो
आफू नबनी दिन्न कोही, स्वभाव उस्तै ‘लुच्चै’ रह्यो
कहिले दिन आउँछ कुन्नि, नेपालीको पुकार सुन्नि
लंका सुनकै भए पनि, कान त यता ‘बुच्चै’ रह्यो ।

भाषण हुन्छ नारा हुन्छ, ठेला उठेका हातका सधै
संसार फेर्ने आश्वासन र, मजदूरका बातका सधै
जितेर अबीर घसेपछि, कुर्सीमा गइ बसेपछि
देखाइहाल्छौ पारा उही, व्यवहार पक्षपातका सधै ।

 

Continue reading