हिरा भट्ट का चार कविताः

Hira, Bhatta,हिरा भट्ट ', pallawa, पल्लव

हिरा भट्ट

१) होली नआओस् अब
सम्झी बादल लाग्न खोज्छ गहमा काँप्छन् परेलीहरू
फुल्दैनन् किन खै बगान बिचका कैयौं चमेलीहरू
खुल्दो आगतले व्यथा विगतको घोली नआओस् अब
मेरो आँगनमा बगी रगतको होली नआओस् अब
।१।
कैयौं जीवन टल्किने जल बनी छन् कर्कलो-पातमा
आँखामा सपना,खुसी अधरमा,छैनन् चुरा हातमा
भो सिन्दूर चुरा बगाउन कुनै खोली नआओस् अब
मेरो आँगनमा बगी रगतको होली नआओस् अब
।२।

 

Continue reading


गजल

Laxmidatta, Bhatta, Satyapremi, लक्ष्मी दत्त भट्ट 'सत्यप्रेमी', pallawa, पल्लव

लक्ष्मी दत्त भट्ट ‘सत्यप्रेमी

पहाडी गरामा घडेरी छ साथी
छ पानी बगेको पधेरी छ साथी

ढुंगाले बनेको चिटिक्कै मिलेको
पुरानो पराको कटेरी छ साथी

फुलैको बगैचा फुलेको छ ऐले
र मान्छे बिना या खडेरी छ साथी

 

Continue reading


के दाङ के दार्चुला

Hira, Bhatta,हिरा भट्ट ', pallawa, पल्लव

हिरा भट्ट

राम्री-दाङ समीप अस्ति बसले टोकेछ विद्यालय
रात्काठा मुनि दार्चुला तिर हिजो पल्केछ उस्तै भय
गर्जी डुल्दछ काल यो मुलुकमा छन् द्वार जम्मै खुला
उस्तै दुर्घटना सबै सडकमा के दाङ के दार्चुला ।।
।१।
मात्रै भाषणमा मिठा छल छरी स्वार्थी पजेरो गयो
टाढा छेउ किनारका गरिबको ऐना दुरुस्तै रह्यो
बिर्स्यो गन्न कि राज्यको गणितले बल्दै निभेका चुला
बग्दा आँसु समानता छ गहमा के दाङ के दार्चुला ।।
।२।

 

Continue reading


वसन्त

Tirtha, Raj, Bhatta, तिर्थराज भट्ट, pallawa, पल्लव

तिर्थराज भट्ट

पाक्दो काफल भन्छ के सकलमा, ऐसेलु के भन्दछ ?
उल्लासै परिवेशमा वन हुँदा, मीठो त्यहीं छन्द छ,
फुल्छन् पुष्प जता-लता लहरमा, पाक्छन् गुहेली फल,
वासन्ती ऋतुराजमा मन भने, औधी भयो चञ्चल ।

शैलीमा सुरिलो उमंग रसका आत्मीय भाकाहरू,
डाकिन्छन् नव सूत्रमा हृदयले स्वीकार्य डाकाहरू,
हांगा पात जरा विभाज्य रुखझैं बांडिन्छ मेरो मन,
यौटै काण्ड महां ठसक्क उभिदा शिक्षा छ सम्प्रेषण ।

 

Continue reading


ह्वाँको सवारी भयो

Hira, Bhatta,हिरा भट्ट ', pallawa, पल्लव

हिरा भट्ट

तन्नेरी जति सिन्धुपार उनिए छोडेर आफ्नो घर
वृद्धा वृद्धहरू पुगे सदनमा छन् लस्करै लस्कर
ताली खोज्न हतार भो सहरमा हेर्दै ढिला भैगयो
रोक्नोस् लौ अब एम्बुलेन्स गुरुजी ह्वाँको सवारी भयो
। १।
बाख्राखोरहरू कुलो र कलको गर्नैछ उद्घाटन
माला क्विन्टलको तयार गरियो सुन्दै थिएँ गन्थन
चिल्लो कार कुदेछ साइरनमा झस्केर सातो गयो
रोक्नोस् वारुणयन्त्र साइड गरी ह्वाँको सवारी भयो
।२।

 

Continue reading


गजल….!

Parbati, Bhatta,पार्वती भट्ट, pallawa, पल्लव

पार्वती भट्ट

अचम्म लाग्दैछ ! छोरीहरूले आफ्नै बासित डराउने दिन आए
च्यातेर कोपिलालाई डि.एन.ए. परिपक्षण गराउने दिन आए ।

सकेसम्म आउनै दिईंदैन डिम्बासयमा छोरीहरूका जातलाई
आइहाले नि किनिएका डाक्टरहरूबाट मराउने दिन आए ।

उम्रिए पछि त बिउहरूले फूल्न, फक्रिन, मग्मगाउन पाउनु पर्थ्यो
यहाँ त ब्वाँसाहरूले फक्रिनु पूर्व नै फूलको सिनो मन पराउने आए ।

 

Continue reading


गजल

Laxmidatta, Bhatta, Satyapremi, लक्ष्मी दत्त भट्ट 'सत्यप्रेमी', pallawa, पल्लव

लक्ष्मी दत्त भट्ट ‘सत्यप्रेमी’

छ माघे झरीमा रमाएर आए
दिलैको कुनामा सजाएर आए

घरी मख्ख पारी घरी छक्क पारी
फुलै यो दिलैमा धसाएर आए

परीको मिठो कोइली स्वरमा मै
मिठो गीत मन्मा सुनाएर आए

 

Continue reading


हाहा ! कार

Hira, Bhatta,हिरा भट्ट ', pallawa, पल्लव

हिरा भट्ट

कैयौं पेट समक्ष गुन्द्रुकहरू हाँस्छन पसी झोलमा
कैयौं नेत्रहरू धुरुक्क चुहिँदै पस्छन् सिटामोलमा
हाहाकार छ गाउँमा तर रुघा खोकी भए लक्षण
हाहा!कार चढी विदेशतिर छौ स्याबास मन्त्रीगण
।१।
कैयौं जीवन शीतका सँगसँगै पुग्छन् बगी घाटमा
कैयौं दोमन रात राहत कुरी बस्छन् रुझी खाटमा
हाहाकार छ गाउँमा,सहरमा आफ्नै हुँदा मन्जिल
हाहा!कार चढी बहाल असुल्यौ स्याबास मन्त्रीदिल
।२।

 

Continue reading


गजल

Ram, Krishna, Bhatta, Nuwako6, ‎रामकृष्ण भट्ट‎ , pallawa, पल्लव

‎रामकृष्ण भट्ट‎

मान्छेले मानवतालाई नाजुक बनायो
अनि पो प्रत्येक घटनाले भावुक बनायो ।।

ठुलै खेती हुन्छ अधिकार दिन्छु भन्नेको
जब ईती श्री भैसक्छ जागरुक बनायो ।।

समय अनुसार सेवा सुविधा बुझेन
प्रविधिको दुरुपयोग कामुक बनायो ।।

 

Continue reading


सधै बाँचोस मेरो जन्मथलो

Laxmidatta, Bhatta, Satyapremi, लक्ष्मी दत्त भट्ट 'सत्यप्रेमी', pallawa, पल्लव

लक्ष्मी दत्त भट्ट ‘सत्यप्रेमी

छर्दै मिर्मिरमा उषा किरणले आभा सुनौलो यहाँ ।
ज्योत्स्ना खस्छसधै म देख्छु धरणी यो जन्मदाता उहाँ ।।
मेरो सुन्दर शान्त प्रेम जनको आभाष बर्साउँछ ।
जन्मै प्यास नमेटिने प्रहर यी आभा सधैँ छाउँछ ।।
(१)
बासन्ती पल राग का नव छटा यो प्राणको कुञ्जमा ।
रोदी रम्य वनिरहोस् मिलनमा प्राणै सरी प्रीतमा ।।
सारा बाँच्न सकुन् यसै भुवनमा सत्भावका साथमा ।।
फैलुन् शान्ति र सत्य साथ जगमा एक्लो सधैँ रातमा ।
(२)

 

Continue reading


पार्वती भट्टका केही मुक्तकहरूः

Parbati, Bhatta,पार्वती भट्ट, pallawa, पल्लव

पार्वती भट्ट

मलाई सपनाहरू सँगै उडेर बादल भित्र हराउन मन छ
मिल्ने भए यो वस्ती नै त्यो व्योम भित्र सराउन मन छ
सम्झिदा..उधारोमा नचल्ने भएको आफ्नै जिन्दगीलाई
साटेर ~तमसुकका ताउसितै राजिनामा गराउन मन छ ।

हेर्दिन भैगो भन्दा पनि बारबार हेर्न मन लाग्छ
आफैंलाई बिर्सिने गरी लगातार हेर्न मन लाग्छ
जिन्दगीका सारा थकान बिसाउन खोज्दै यहाँ
चौतारीमा मुस्कुराएका अनुहार हेर्न मन लाग्छ ।

 

Continue reading


हिरा भट्ट का जोर कविता

Hira, Bhatta,हिरा भट्ट ', pallawa, पल्लव

हिरा भट्ट

१) नाङ्गो गणतन्त्र
भान्साभित्र म दूध कुर्दछु भनी ढाडे बिराला सुते
हात्ती अंकुशमुक्त भैकन डुले छाडा भए माहुते
देख्नेले पनि लाज मान्छ तनमा सक्छौ खरानी घस
नाङ्गै छौ गणतन्त्र लाज छ भने धोती लगाई बस ।
।१।
मुद्दा हाल्छ किसान धान नभई ती खेत रित्तै हुँदा
खुल्लेआम मुसाहरू कुदिरहे छन् जेलमा भ्यागुता
खोज्छौ धान भने मुसा सँगसँगै आफै दुलोमा पस
नाङ्गै छौ गणतन्त्र लाज छ भने धोती लगाई बस ।
।२।

Continue reading


लक्ष्मीदत्त भट्ट का जोर गजल

Laxmidatta, Bhatta, Satyapremi, लक्ष्मी दत्त भट्ट 'सत्यप्रेमी', pallawa, पल्लव

लक्ष्मी दत्त भट्ट ‘सत्यप्रेमी’

गजल– १,
कैलाशको शिखरमा सधै टल्की बस्छौ तिमी
पुनमको जुन सरी दिल्मा झल्की बस्छौ तिमी

कुशमको सुभाश छरी लठ्ठ पारी सबैलाई
दिपकमल ज्योती बनी सधै सल्की बस्छौ तिमी

परानीका मोडहरू उकाली र ओरालीमा
शान्ति बनि यो दिलमा सधै छल्की बस्छौ तिमी

 

Continue reading


पार्वती भट्टका केही रचनाहरू

Parbati, Bhatta,पार्वती भट्ट, pallawa, पल्लव

पार्वती भट्ट

जन्मदिनको लाखौंलाख शुभकामना..!
ठुलो भन्दा पनि असल बन्ने चाहाना बनोस्
हरेक जन्मदिन खुशी साट्ने बाहाना बनोस्
सरल,स्वच्छ ,स्वस्थ र दीर्घायु बनिरहनु तिमी
यही नै हामीले व्यक्त गर्ने शुभकामना बनोस् …..!

मुक्तक…….
यदाकदा आउने गर्छन् यी प्रणयका दिवसहरू
गुलाव भरी छाउने गर्छन् ती विचरा ! विवशहरू
ऋतु जस्तै घुमिफिरि वर्षदिनमा मात्र एक दिन
प्रेमका भाका गाउने गर्छन् प्रणयका दिवसहरू।

 

Continue reading


गजल

Laxmidatta, Bhatta, Satyapremi, लक्ष्मी दत्त भट्ट 'सत्यप्रेमी', pallawa, पल्लव

लक्ष्मी दत्त भट्ट ‘सत्यप्रेमी

दया आज कस्तो घटेको छ ऐले
बिके है त मान्छे रटेको छ ऐले

लुकेका लुटेरा जमानी बसेका
बिवेकै सबैको हटेको छ ऐले

बनेको बिगार्ने जमाना भयो है
अ हा गाउँ हाम्रो कटेको छ ऐले

 

Continue reading


हिरा भट्ट का जोर कविता

Hira, Bhatta,हिरा भट्ट ', pallawa, पल्लव

हिरा भट्ट

१) प्रसवमा कर्णाली
ल्यायो डोली क्रम समयले बैंसको पन्ध्र टेकी
घुम्टो खोल्दा शिर उपरमा हाँस्छ सिन्दूर रेखी
पीडा खेप्दै रजरगतले छाउगोठे शिलाको
हेर्दाहेर्दै उदर चुलियो बैंसकी कोपिलाको
।१।
मुङ्ग्रो हान्दा दिनदिन रुढी खाद्यमा तारबार
गर्भावस्था शिशु र जननी मर्दछन् बारबार
डोको नाम्लो प्रतिपल सँगै बेरियो जिन्दगीमा
रारा खोज्दै कतिकती बग्यो आँसुको छैन सीमा
।२।

 

Continue reading


गजल

Laxmidatta, Bhatta, Satyapremi, लक्ष्मी दत्त भट्ट 'सत्यप्रेमी', pallawa, पल्लव

लक्ष्मी दत्त भट्ट ‘सत्यप्रेमी

सधैँ साथ माग्दै जवानी गयो
भयो भोर ऐले विहानी गयो

भयो बोल्न गाह्रो हरायो खुशी
छ या घोर पीडा परानी गयो

थिए स्वप्न मेरा दिलैमा यहा
सबै आग लागी खरानी गयो

 

Continue reading


गजल

Ram, Krishna, Bhatta, Nuwako6, ‎रामकृष्ण भट्ट‎ , pallawa, पल्लव

‎रामकृष्ण भट्ट‎

नछुट्ने आदत बस्यो
कस्तो यो चाहत बस्या ।।

तान्यो हृदय मोहले
फजुल ताकत बस्यो।।

छल्क्यो आँसु गहभरी
कर्मको बापत बस्यो ।।

 

Continue reading


गजल

Laxmidatta, Bhatta, Satyapremi, लक्ष्मी दत्त भट्ट 'सत्यप्रेमी', pallawa, पल्लव

लक्ष्मी दत्त भट्ट ‘सत्यप्रेमी’

छुटे प्रेम के भो तिमी बम्क साथी
सदा काम गर्दै खुशी छम्क साथी

उनै जन्म दाता र शाखाहरूको
समाएर पंखा तिमी हम्क साथी

सफा राख आत्मा हटाएर ईर्ष्या
अबिश्वास तोडी तिमी गम्क साथी

 

Continue reading


पसिना बर्षा

Hira, Bhatta,हिरा भट्ट ', pallawa, पल्लव

हिरा भट्ट

मेरो देह चुह्यो विदेश छरियो हाँस्यो रुखो बालुवा
खै देखिन्न मभित्र आज हरियो फूल्दो टुसा पालुवा
गर्थेँ स्वागत आउनू नव उषा घन्काउँदै मादल
पानी हैन अभाव छैन पसिना बर्साइदे बादल
।१।
मेरा पूर्वज वीरता र पसिना संसार छर्दै गए
थोपा खोज्दछु आज सिन्धु म हरे! बाँझो र प्यासी भएँ
ताजा याद छँदै छ सिंहसरिको गर्जी हिँडेको पल
मेरै भूमिविषे अमूल्य पसिना बर्साइदे बादल
।२।

 

Continue reading