गजल

Sadhana, Bhandari, साधना भण्डारी, pallawa , पल्लव

साधना भण्डारी

सबै मलामिहरूकै भिड्भाड् जमातमा आउनु
सक्छौं मलाई हेर्न तिमी मसान घाटमा आउनु !

थियो ठुलै सपना पुरा गर्न नसकी मरिछ भन्लान्
अन्तिममा भेट्न तनावको अँधेरी रातमा आउनु !

हिजो तिम्रै नाममा अर्पिन्छु भन्दा मान्दै मानेनौं
कौडीको भाउमा छ मुटु किन्न बजारमा आउनु !

 

Continue reading


टका भएनन् ,,

Taranath, Bhandari, तारानाथ भण्डारी , pallawa, पल्लव

तारानाथ भण्डारी

सिद्धिन्छ बिज्ञान जहाँ गएर ।
जन्मिन्छ अध्यात्म कडा भएर ।।
मर्दैन आत्मा अति सूक्ष्म रूप ।
मर्ने उनै हुन् मति भै कुरूप ।।

जो कर्म गर्छन् निज धर्म ठानी ।
निश्पक्षता भै बहुतै इमानी ।।
नौका चढी सिन्धु अवस्य तर्छन् ।
बाधाहरू झट्ट परै दगुर्छन् ।।

 

Continue reading


गजल

Tek, Bhandari, टेक भण्डारी, pallawa, पल्लव

टेक भण्डारी

हार्नेहरु सधैँ हारिरहे जित्नेले पो खै के पायो
भजन गाउँदै झ्याली पिट्नेले पो खै के पायो।

जित्ने पनि उही मान्छे…..हार्ने पनि त उही
उनको मेरो सिमाना मिच्नेले पो खै के पायो।

अलग थिए गर्वधारण तर जन्मेपछि एउटै माटो
फेरि नातावादका पत्ती फिट्नेले पो खै के पायो।

 

Continue reading


तारानाथ भण्डारीका एकजोर गजल

Taranath, Bhandari, तारानाथ भण्डारी , pallawa, पल्लव

तारानाथ भण्डारी

बहरबद्ध गजल
प्रियाले मलाई टिपिन् फूल ठानी ।
जसै मुस्कुराएँ म जानी नजानी ।।

लिइन् रूप नौला हजारौं हजार ।
शशी उर्वशीको समेटी जवानी ।।

अहो रूप रानी छुँदा दाग लाग्ला ।
दिलै कम्प पार्ने तिमीमा छ बानी ।।

 

Continue reading


सबै जान्नेबुझ्ने,,

Taranath, Bhandari, तारानाथ भण्डारी , pallawa, पल्लव

तारानाथ भण्डारी

सबै जान्ने बुझ्ने अब न-त हुनन् यो जगतमा ।
भनेका छन् पैल्यै ऋषिमुनिहरू भागवतमा ।।
दुखी हुन्छन् मान्छे कलुषित विचारै हुन गये ।
हुदैनन् आफ्ना ती मनमगजमा स्नेह नभये ।।

उनै नाता सच्चा प्रमुदित हुनेछन् हृदयमा ।
उनै भ्राता पक्का अविरल छुनेछन् हृदयमा ।।
पिताको माताको मनमगजको सुन्दछ कुरा ।
उनै पूज्या हुन्छन् सरलमनका जीवन सुधा ।।

 

Continue reading


तारानाथ भण्डारीको एकजोर कविता

Taranath, Bhandari, तारानाथ भण्डारी , pallawa, पल्लव

तारानाथ भण्डारी

छन्द स्नेह
छन्द आनन्दको साथ यो पाउँदा ।,
हर्ष यो प्रेमको चित्तमा छाउँदा ।।
कुल्चँदा कुल्चँदा छन्दको आँगनि ।
स्नेहको रापमा दन्किएँ दन्दनी ।।

छन्दकै भात होस् छन्दकै गास होस् ।
छन्दकै रात होस् छन्दकै प्रात होस् ।।
सत्यता शिष्टता नित्यता दृश्यता ।
दिब्यता भब्यता प्राप्यता द्रब्यता ।।

 

Continue reading


कविता-उत्सव

Ma Knows, Bhandari, मनोज भण्डारी, pallawa, पल्लव

मनोज भण्डारी

बेलीले कविता भनोस् गजलका माला उनोस् बामरी ।
ए काकाकुल पोखिदे मधुरता ल्याएर पोल्टाभरि ।
इन्द्रेणी ! सब पोतिदे हूदयका भित्ताहरू प्यारले ।
भित्र्याऊन् अमरावती धरणिमै भाका अलङ्कारले ।१

जा ब्यूँझा अब क्वै घुरेर नरहून् पल्टेर ओछ्यानमा ।
यौटा फूल बगाइदे जलपरी साहित्य-सम्मानमा ।
हो त्यै फूल किनारमा फुलिरहोस् खेलेर ढुंगासित ।
काँडाले पनि वैरभाव नगरोस् बिर्सेर थुंगासित ।२

 

Continue reading


मांगल्य दोषी हुँदा

Taranath, Bhandari, तारानाथ भण्डारी , pallawa, पल्लव

तारानाथ भण्डारी

बारौ मंगल होस् कि वा लगनमा द्वितीय चौथो अनि ।
सातौंमा अनि आठमा कुज भए लाग्नेछ दोषै पनि ।।
बारौ मंगलले दिनेछ सहजै दाम्पत्य बाधा सबै ।
खुट्टामा पनि दोष दिन्छ हलुका आँखा खराबी हुँदै ।।

यात्रामा पनि खर्च हुन्छ अति नै बस्दा त्यहीं बाह्रमा ।
पैसा खर्च हुँदा-हुँदा त ऋणले च्याप्नेछ यो दोषमा ।।
सच्चा बन्धु विचारमा पर हुनन् सानातिना तर्कले ।
पत्नीमा पनि रोग कष्ट हुन गै आत्तिन्छ संघर्षले ।।

 

Continue reading


’पिंजराकी चरी’

Taranath, Bhandari, तारानाथ भण्डारी , pallawa, पल्लव

तारानाथ भण्डारी

परें पिंजरामा अताली रहन्छु ।
सधै भोकभोकै म केके सहन्छु ।।
म आहार खोज्दै उडें भुर्र भुर्र ।
थियो एक ब्याधा दगुर्दै खुरुर्र ।।

गुलेली समाई सिकारी छ डुल्दै ।
यतै मार्छ झैं भो कुटीमा नपुग्दै ।।
लिने भो कि मेरो सफा स्वच्छ आत्मा ।
म मर्नेछु राती बचाऊ विधाता ।।

 

Continue reading


‘शंका,’

Taranath, Bhandari, तारानाथ भण्डारी , pallawa, पल्लव

तारानाथ भण्डारी

शंकाले जल्छ लंका पल पल मनले सोच्न थाल्नेछ कच्चा ।
भत्के ! हल्का मनैका घर महल सबै गिर्न थाल्नेछ पक्का ।।
फुल्छन् पाखा-पखेरा तरह-तरहका फूल लाली गुराँस ।
अफ्ठेरोमा फलेको सुमधुरफलले दिन्छ धेरै मिठास ।।

उल्टो उल्टो कुराले स्वजनसुजनमा पार्छ फाटो मजाले ।
शंका-शंका जुधेमा रवि-शशि-मुखमा लाग्छ टाटो मजाले ।।
कस्तो आयो जमाना सकल जगतमा छैन संतुष्ट मान्छे ।
राम्रै बोल्दा त उल्टै मति-विमति दिदै बन्छ झन् रुष्ट मान्छे ।।

 

Continue reading


आह्वान

Ma Knows, Bhandari, मनोज भण्डारी, pallawa, पल्लव

मनोज भण्डारी

तिम्रा खुट्टा अझ नकुँजिऊन् छाडिद्यौ लोकलाज ।
आओ अग्ला शिखर, मसँगै बुर्कुसी मार आज ।
ए पानीहो! किन बरफझैँ जम्दछौ बग्न छाडी
बग्दै जाओ समयजसरी चढ्नुपर्दैन गाडी ।

बुन्दै केही सरस सपना जून फुल्ने निशामा
आए बाँड्दै किरण हँसिला सूर्य पूर्वी दिशामा ।
जल्दाबल्दा जलह्रदहरू देखिएझैँ धपक्क ।
ए पन्छी हो ! नडुल यसरी, हेर सारा थपक्क ।

 

Continue reading


खै त खै ! भन्दिनू . . . . . .

Taranath, Bhandari, तारानाथ भण्डारी , pallawa, पल्लव

तारानाथ भण्डारी

अश्रुको तालमा पौडँदा हे प्रिय ।
प्रेमको जालमा दौडँदा हे प्रिय ।।
बुझ्न को सक्छ यो दर्द यो मर्म यो ।
निश्ठुरी निश्ठुरी रौरगी कर्म यो ।।

आततायी हरू घुम्दछन् रोडमा ।
पौरखी हात हुन् भन्दछन् जोसमा ।।
प्रेमको मूल्य को बुझ्दछन् क्रोधमा ?
मोहका पारखी के हुनन् होसमा ।।

 

Continue reading


नेपाल खाने भय

Taranath, Bhandari, तारानाथ भण्डारी , pallawa, पल्लव

तारानाथ भण्डारी

जन्मेथ्यो अब केहि गर्दछु भनी श्री बुद्धको देशमा ।
कल्पिन्थ्यो नव स्वर्गको म गरुँला निर्माण यो देहमा ।।
आँखामा कति वर्षिए कति अहो आमाहरूमा यता ।
सु्न्छौं भाषण शब्दवाण भरका अत्यन्त लाग्छन् फिका ।।

आमा हुन् धरणी विशुद्ध मनकी रुन्छिन् कठै धर्धरी ।
खोलो बग्छ सधै सधैं रगतको भन्छिन् नि नारायणी ।।
आत्मा शान्ति निमित्त झट्ट अब लौ त्याग्नै पर्यो क्लेश यो ।
कालीदास विचारले अब तिमी बद्लीदिनू भेष यो ।।

 

Continue reading


मुस्कुराऊ न प्यारी ,,

Taranath, Bhandari, तारानाथ भण्डारी , pallawa, पल्लव

तारानाथ भण्डारी

पति हुँ म कमलाको गर्व यै गर्छु प्यारी ।
सकल मन मझेरी हर्ष छर्नेछु प्यारी ।।
कति छ कति तिमीमा प्रेमको धार प्यारी ।
छर न अब उषाको लाल झन्कार प्यारी ।।

तन मन धन तिम्रो शील हो शील प्यारी ।
म पनि त सँग नै हूँ अल्प त्यो देह प्यारी ।।
नव नव नव आऊन् हर्ष यो वर्ष प्यारी ।
किन दुखित हुँदैछौ माग जो दिन्छु प्यारी ।।

 

Continue reading


भेटिन्न मानवता

Basundhara, Bhandari, वसुन्धरा भण्डारी, pallawa, पल्लव

वसुन्धरा भण्डारी

राम हैन सीता हैन यँहा देख्दैछु म दानव
हत्या हिंसा विकृति मच्चाई भन्छ हुँ म मानव
आफ्नै दिदी आमा छोरि बेचि गर्छाै नि कठोरता
सोझा नारि पुगे कोठिमा भेटिन्न मानवता

हसाई बुद्ध डुल्थे परेवा शान्ति धुन बजाई
गाउथिन कोहिलिले गित नाच्थ्यो डाँफे रमाई
छैन शान्ति,दया र करूणा कहाँ पाउ ममता
भन्छ पैसा हो सर्वस्व मान्छे भेटिन्न मानवता

 

Continue reading


विज्ञान – सिद्धान्तले,,

Taranath, Bhandari, तारानाथ भण्डारी , pallawa, पल्लव

तारानाथ भण्डारी

अर्को सत्य यथार्थ छैन जगमा प्रारब्ध भन्दा ठुलो ।
यो विज्ञान हुँदै-हुँदैन कहिल्यै प्रारब्ध भन्दा ठुलो ।।
गर्जन्छौ किन होर सत्य नबुझी प्रारब्ध नै खेल हो ।
कुर्लन्छौ किन व्यर्थमा भुजग हे सन्सार नै जेल हो ।।

एकाएक हुनेछ विघ्न दुगुना प्रारब्ध टप्केपछि ।
कस्तै मानिसको उदार दिलमा दुख्नेछ भोगेपछि ।।
पुग्छन् पुग्न त चन्द्र सम्म सहजै ती भाग्यमानी नर: ।
अर्को छैन कदापि दूर नभ त्यो अद्ध्यात्म भन्दा पर ।।

 

Continue reading


गजल

Basundhara, Bhandari, वसुन्धरा भण्डारी, pallawa, पल्लव

वसुन्धरा भण्डारी

दु:ख कष्ट केही नभनि शरीर गालेर
पालेकै हुन् आमाले छोरा बालुवा चालेर

अभावै अभावमा बित्यो उनको जिन्दगी
भोकै सुत्थिन् लगाउथिन फरिया टालेर

छोराको सुख अनि खुसिको वर माग्थिन उनी
हरेक साँझ मठ मन्दिरमा दियो बालेर

 

Continue reading


याद बालपनको . . . . .

Ambika, Bhandari, Pokhara. अम्बिका भण्डारी, pallawa , पल्लव

अम्बिका भण्डारी

डाँडा काट्यो जिन्दगीले याद बालपनको।
समझिएर मेटाई दिन्छु रहर जति मनको।।

झल्को आऊँछ आमा सँग मीठो मीठो खाको ।
पछि लाऊँदै मामा घरमा आमा सँगै गा’को ।।

मडारीन्छन मन भित्रै यादहरू घरी घरी ।
नदी जस्तै बग्ने मनलाई रोकौँ कसोगरी ।।

 

Continue reading


गजल

Taranath, Bhandari, तारानाथ भण्डारी , pallawa, पल्लव

तारानाथ भण्डारी

उसकै यादमा रोइ रोइ जीवन धान्न सकिएन ।
रहेछ मुटु पत्थरको माया मान्न सकिएन ।।

वैगुनीलाई सुम्पिए थेँ पुरै गुण जिन्दगीको ।
औशी समान पूर्णिमाको मूल्य जान्न सकिएन ।।

राधा–मीराको जस्तो प्रेम भेटिन्छ र गल्लीमा ?
हरेक दिलमा विराजमान कृष्ण तान्न सकिएन ।।

 

Continue reading


बहरबद्ध गजल

Taranath, Bhandari, तारानाथ भण्डारी , pallawa, पल्लव

तारानाथ भण्डारी

चलाएर गोली लगातार भन्छौ ।
सिकेछौ सदा यै सदाचार भन्छौ ।।

छल्यो जिन्दगीले भताभुङ्ग पारी ।
तिमी फूल टेक्दै बिझ्यो धार भन्छौ ।।

अचम्मै छ सुन्दा यो प्यासी शहरमा ।
सबै मूल थुन्छौ र हो द्वार भन्छौ ।।

 

Continue reading