ढुण्डीराज अर्यालका जोर कविताः

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

१) हाम्रो शान हाम्रो गौरव
मेरो देश पहाड खोँच छहरा सौन्दर्यको संगम
अग्ला शान बिहानका हिमचुली छन् स्वर्ण झैं चम्चम ।
खुल्छन् चाँद मुसुक्क हाँस्छ हिउँमा संगीत बज्छन् घरि
डाँफे नाच्छ हिमाल हाँस्छ वनमा कालिज हुन् उर्वशी ।१

रारा सुन्दर प्याउली सुनचरी हुन् स्वर्गकी अप्सरा
फोक्सुण्डो घर देश घुम्छ अहिले संकल्पमा कन्दरा ।
फेवामा म छु पोखरा हृदयमा छन् अन्नपूर्णा धुरी
गंगासागर बुन्न खोज्छ मिथिला सद्भावना मञ्जरी ।।२

 

Continue reading


छन्दमा जीवन

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

छन्द जीवनको भाका छन्द नै ब्रम्ह सिर्जना
सुसेलीमा बगेको छ छन्दको लय मूर्च्छना ।
गाउँ पाखा पखेराले छन्दमा गीत गाउँछन्
छन्दमै मुटु फोक्सोले सारेगम बजाउँछन् ।।१

छन्दमा चन्द्रमा घुम्छन् छन्दमै वायुमण्डल
छन्दमा सास फेर्दैछौं जीवनी चाल चल्मल ।
कालिदास यतै घुम्छन् शाकुन्तल सुसाउँछ
छन्दमा भानुभक्तको घाँसी पो गुन्गुनाउँछ ।।२

 

Continue reading


‘काठमाडौं’

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

काठमाडौं तँ होस् पापी स्वार्थी जाली र निष्ठुर
अरूको पसिना सित्तै खाने तँ सुन तस्कर ।
धुलो धुवाँ उडाएर वायुपङ्खी त नर्कट
ढुङ्गा हृदयमा जोड्ने कलाकार तँ कंकट ।।१

ढिलासुस्ती महामस्ती कुम्भकर्ण प्रतीक तँ
हिलाम्मे खेत झैं बाटो ठेक्का दे धान रोप्छु म ।
मेलम्चीको कुलो खन्दै काकाकुल बनेको तँ
दाताको आशमा ढुक्दा झिंगा झैं झोल माथि तँ ।।२

 

Continue reading


वैशाख फर्की किन आउँदो हो ??

Sirjana, Aryal, Adhikari, Adhikary, सृजना अर्याल अधिकारी, pallawa, पल्लवDhading

सृजना अर्याल अधिकारी

यो घामछाया अनि मेघ पानी
बाढी र वर्षा सरि जिन्दगानी
सम्झेर छाती कति चर्किँदो हो
वैशाख फर्की किन आउँदो हो ?

पानी परोस् या त चलोस् बतास
हुन्थे सबै ती दिन रात खास
खाटो बसेको खत बल्झिँदो हो
वैशाख फर्की किन आउँदो हो ?

 

Continue reading


‘आमा’

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

आमा हुन् मुटु ढुक्ढुकी हृदयकी निश्वार्थ लेख्ने खरी
आमा हुन् लय गण्डकी मधुरिमा संकल्प धाैलागिरि ।
आमाका पद पाइला मनभरी टाँसेँ र गाँसेँ जब
साँच्चै सुन्दर काखको मधुरता सम्झेर आएँ अब ।।१

स्वप्नामा पनि देख्छु स्नेह ममता पोख्दै हिडेकी तिमी
उज्यालो नहुँदै हिमाल सुषमा लाली बनेकी तिमी ।
मेरो लेक पहाड जङ्गल छटा मुस्कानका माधुरी
आमाकै लय छन्दमा कुसुमका फुल्छन् मुना चाँचरी ।।२

 

Continue reading


अनिता नेपाल का केही मुक्तकीय टुक्राहरूः

Anita, Aryal, Nepal, अनिता अर्याल नेपाल, pallawa, पल्लव

अनिता अर्याल नेपाल

दुबै मुटु बराबरी धड्किए पो मजा
एकअर्का बीच नजर अड्किए पो मजा
त्यो मन कतै बहकिएर सयर गर्न खोज्दा
संझी मलाई चस्स छाती चर्किए पो मजा ।।

मनको यो तार छिने देखि मौन छु
र स्वार्थी दुनिया चिने देखि मौन छु
नसम्झनु शान्ति मेरो मौनतालाई
तिमी सँग आसु किने देखि मौन छु ।।

 

Continue reading


‘वैशाख फर्की किन आउँदो हो’

Sirjana, Aryal, Adhikari, Adhikary, सृजना अर्याल अधिकारी, pallawa, पल्लवDhading

सृजना अर्याल अधिकारी

यो घामछाया अनि मेघ पानी
बाढी र वर्षा सरि जिन्दगानी
सम्झेर छाती कति चर्किँदो हो
वैशाख फर्की किन आउँदो हो

पानी परोस् या त चलोस् बतास
हुन्थे सबै ती दिन रात खास
खाटो बसेको खत बल्झिँदो हो
वैशाख फर्की किन आउँदो हो !

 

Continue reading


हाम्रो पितृसत्तात्मक सोच!

Srijana, Aryal, Adhikai, सृजना अर्याल अधिकारी, pallawa, पल्लव

सृजना अर्याल अधिकारी

श्रीमती उवाच:
हे प्यारा तनमा छ दर्द अति नै लौ के भयो के भयो
छाती कम्मर ढाड कोख सबमा चस्केर दुख्दो भयो
दुख्छन् यी पिँडुला कठै! कटकटी खायो असाध्यै भयो
गर्दा मालिस तेलले यदि कतै हुन्थ्यो कि वा यो निको

श्रीमान उवाच:
गर्छेस् स्वाङ अलच्छिनी तँ जहिल्यै आएर मेरो घर
लोग्ने साथ हुँदा बिमार जहिल्यै सन्चो कहाँ हुन्छ र!
लाजै छैन नकच्चरी कति कुरा गर्छेस् र लोग्नेसित
स्वास्नीको शुश्रुषा गरेर म बसूँ? गर्छेस् कि बेइज्जत

 

Continue reading


गजल

Kamal, Aryal, कमल अर्याल 'धादिङ्गे', pallawa, पल्लव

कमल अर्याल ‘धादिङ्गे’

घर बनाएको छु रहरमा यतै बगरमा ।
म कसरी आउनु साथी तिम्रो शहरमा ।

म फर्कनु निकै खतरा छ बगर बाट ,
सिसाको झ्याल ढोका छ घर घरमा ।

बगिरहे पछि पसिना पुछिएन निधारको ,
बरु लुकेर आँसु खुब पुछियो डरै डरमा ।

 

Continue reading


आलस्य महिमा

srijana, aryal, adhikari, सृजना अर्याल अधिकारी‎ , pallawa, पल्लव

सृजना अर्याल अधिकारी‎

मीठा सुन्दर भावना मगजमा आएर घुम्दा पनि
“लेख् लेख् लेख्ँन छिटो भनी कलमले हैरान गर्दा पनि
मेरा हातहरू समाइ यसरी आलस्य आईकन
बिस्तारा तिर लान्छ भन्छ-“अब सुत्” लोरी सुनाईकन

हेरौं पुस्तकमा तथापि उसले आँखा उसै लाउँछ
नौलो क्यै जब हुन्छ फेसबुकमा आएर ब्यूँझाउँछ
धन्दा काम यता बसे कति उसै पर्दैन गर्नै भनी
मोड्यो ध्यान कता कता अधमले मोडिन्न भन्दा पनि

 

Continue reading


सचिन प्रयास अर्यालका मुक्तकहरू

सचिन प्रयास अर्याल

मनकॊ कुरा भनु भने बि-जायर जान्छकी।
अनि तिम्रॊ कॊमल मन दु-खायर जान्छकी।
अह म चाहान्न तिम्रॊ मन दुखाउनलाई!
बरु नभनेर जिन्दगी क-टायर जान्छकी।

मेरॊ बारेमा उस्ले सॊधे रुदैछरे भनिदिनु।
तिमि आउछौ कहिले भनि कुर्दैछरे भनिदिनु।
बुझ्छिन हॊला अबत मेरॊ पिडा ब्यथाहरू!
आशु झार्दै तिम्रॊ तस्बिर छुदैछरे भनिदिनु।

 

Continue reading


अनिता नेपाल अर्याल का केही मुक्तकहरूः

Anita, Aryal, Nepal, अनिता अर्याल नेपाल, pallawa, पल्लव

अनिता अर्याल नेपाल

तिमी शिखर चढ्दा साथ दिन पाउँ
पाइला डगमगाउँदा हात दिन पाउँ
नबिराई बाटो अघि बढ्दै जाउ
सद्भावको मीठो बात दिन पाउँ ।

जीवनमा सुनामी चलेको बेलामा
दिलमा ज्वालामुखी बलेको बेलामा
आएनौ खै तिमी राहत बनेर
आँसुले सिरानी गलेको बेलामा ।

 

Continue reading


गजल

Aditee, Aryal, Gyawali, अदिती अर्याल ज्ञवाली, pallawa, पल्लव

अदिती अर्याल ज्ञवाली

बढ्नुपर्ने तिम्रो माया घट्दै गयो आजभोलि!
शंका लाग्न थाल्यो मलाई त्यो दिलमा कोही होलि !

मलाई भने भेटिएर छुट्ने मन हुन्न कहिल्यै;
किनारामा छोड्यौ पापी तार्छु भन्दै मलाई खोली !

जसोतसो बाँचेकोथेँ हात थाम्छु भन्यौ किन?
आजसम्म रित्तै छु म भर्छु भन्थ्यौ होइन झोलि ?

 

Continue reading


१८ अक्षरिय गजल

Aditee, Aryal, Gyawali, अदिती अर्याल ज्ञवाली, pallawa, पल्लव

अदिती अर्याल ज्ञवाली

पहिलो भेटमा अाफैँ समाएको हात बिर्सेको हो र?
बेसरी रुँदारुँदै बिताएको त्यो रात बिर्सेको हो र?

अझैपनि ताजाछन् ती बाचाहरू मेरो मनभित्र;
सजाएका थियौ सपनाका ती खात बिर्सेको हो र?

तिमीबिना एकपल पनि ज्यूँन सक्दिन भन्दैथियौ
अतितमा गरेका तिम्रा ती सबै बात बिर्सेको हो र?

 

Continue reading


अनिता अर्याल नेपालका केही मुक्तकहरूः

Anita, Aryal, Nepal, अनिता अर्याल नेपाल, pallawa, पल्लव

अनिता अर्याल नेपाल

रोपेको छु खाडीमा पैसा फल्ने एउटा बूटो
तेसैले त मेरी आमा ज्यान डडेर भाछ ठूटो
बुहारीलाई भन्दिनु है जति मोज गरे नि हुन्छ
झारिराछु अनगिन्ती पठाउँने छु मूठो मूठो ।

हजूर आमा गाँउनु हुन्थ्यो विरह तीजका गीतमा
स्वतन्त्रता खोज्नु हुन्थ्यो आमा गाँउदै सबका हीतमा
हामीले पनि जनताका आवाज मिसार्इ गीत गायौं
संस्कृति जोगाउ है छोरी नभुल्नु नि पश्चिमा रीतमा ।

 

Continue reading


म जन्माउँछु

Kashika, Aryal, काशिका अर्याल, pallawa,

काशिका अर्याल

मैले जन्म दिएँ भने गगनका तारा म जन्माउँछु
सीता बुद्ध र भानु वा अरनिको सारा म जन्माउँछु
जन्मे यै घरमा उमा र भृकुटी यै बुद्ध जन्मस्थल
अर्को व्यास बनाउँदैछु म अझै प्यारा म जन्माउँछु ।

खाँचो खड्किरहेछ भक्ति अहिले ज्यूँदै भएका भए !
पृथ्वी अौ भिमसेन ती समरमा लड्दै रहेका भए!
टिष्टा साथ हुने थियो दशगजा रुन्थेन कैल्यै पनि
किल्लामा बलभद्रले कुशल भै खट्दै गरेका भए !

 

Continue reading


काशिका अर्यालका दुइ टुक्रा कविता

Kashika, Aryal, काशिका अर्याल, pallawa,

काशिका अर्याल

सम्बन्ध यी झूट हुन्
तिम्रो प्रेम त खेलमात्र, अनि ती बाचाहरू झूट हुन्
न्यानो साथ सँगै थिए मिलनका आशाहरू झूट हुन्
अङ्गालो कसिलो र ती रहरका पानाहरू झूट हुन्
मोती झैं गहबाट तप्प चुहिने दानाहरू झूट हुन ।

मीठा बात सँगै बिते प्रहर ती झूटै थियो आखिर
सारा झूट रहेछ त्यो निकटता सामिप्यता आखिर
हाँसो,खेल खुसी त आखिर सबै सोच्दैछु झूटो थियो
सारा याद र सम्झना अनि चिनो सम्पुर्ण झूटो थियो ।

 

Continue reading


सृजना अर्याल अधिकारीका तीन टुक्रा

Srijana, Aryal, Adhikai, सृजना अर्याल अधिकारी, pallawa, पल्लव

सृजना अर्याल अधिकारी

रातो खूब सुहाउने कलर हो रातै लगाऊ तिमी
सर्दी लाग्छ गरेर ख्याल कपडा तातै लगाऊ तिमी
रूघाले पनि ग्रस्त पार्दछ चिसो पानी नखाऊ न है
खोकी लागिरहन्छ बाहिर कतै केही नखाऊ न है!

तिम्रा रोग र शोकले मनभरी आँधी हुरी चल्दछ
ऐया!मात्र भन्यौ भने हृदयमा आगो उसै बल्दछ
आँखामा नबगाउनू न सरिता त्यो छाल उर्ल्यो भने
मै बग्नेछु सँगै त्यसै लहरमा रोकिन्न कस्तै गरे

 

Continue reading


रमेश अर्यालका केही मुक्तकहरूः

Ramesh, Aryal, Syanjali, रमेश अर्याल , pallawa, पल्लव

रमेश अर्याल

गार्हो छैन सजिलो छ बाँच्न जानेपछी
पिर ब्यथा हाँसो संग साट्न जानेपछी
थाहै नपाई जिन्दगी यो चलिदिदो रैछ
मुस्कानले आफैलाई ढाट्न जाने पछी ।

साझँ जोगी घरघर आऊछन गाजा खाएपछि
बलिया नि लर्बराऊछन गाजा खाएपछि
धर्ति घुम्छ यताऊता रुन्छन् कोही हास्छन्
सद्दे पनि बर्बराऊछ गाजा खाएपछि ।

 

Continue reading


बहरबद्ध गजल

Srijana, Aryal, Adhikai, सृजना अर्याल अधिकारी, pallawa, पल्लव

सृजना अर्याल अधिकारी

म आमा हुँ यौटा कुरा बुझ्न सक्छु
म बच्चाहरूका कुरा बुझ्न सक्छु ।

कतै भोक लाग्यो कतै नींद लाग्यो
सही हो म यस्ता कुरा बुझ्न सक्छु ।

अनौठो छ चाला अनौठो छ भाषा
र के भन्छ आँखा कुरा बुझ्न सक्छु ।

 

Continue reading