लक्ष्मी पाण्डे ‘दीपिका ’
संविधान आएपछि देशको बिकास होस
हरेक समस्याहरुको सहजै निकास होस
बर्षौं देखिका जनताका चाहानाहरुलाई
समेट्दै अघि बढ्ने अधिकार होस ।।
दुख नि कति भोग्नु परेको हो जिन्दगीमा ।
सुख नि कति खोज्नु परेको हो जिन्दगीमा ।।
जति सोंच्यो त्यति भावुक बनिदिन्छ समय
यसैले कठोर दिल रोज्नु परेको हो जिन्दगीमा ।।
लक्ष्मी पाण्डे
अब केहि होलाकी आश छ
मन भरी सपनाको रास छ ।।
छोरो अब बिदेश पस्यो,
केहि गर्लाकी आश छ ।।
पानी चुहिने छानो मुनि,
दुखी आत्माको बास छ ।।
लक्ष्मी पाण्डे
सुक्सुकाउँदा आँखाबाट जति आँशु झारे पनि,
दु:ख समन आफै गरि सुख उनलाई पारे पनि,
जस जति उनकै भो अपजस आखिर मेरै शिरमा,
सत्यताको दिवालमा छु कर्म मेरो हारे पनि ।।
यो देशलाई माया गर्ने एक सच्चा सपुत थियौ
आँखामा राख्दा नबिझाउने एक बिभुत थियौ
नेपाल आमाको मुटुनै छिया-छिया हुने गरि
नेपालीलाई सदाका लागी टुहुरो पारेर गयौ ।।