सिर्जना शर्मा का केही टुक्राहरू

Sirjana, Sharma , सिर्जना शर्मा, pallawa, पल्लव

सिर्जना शर्मा

अचेल हजारौं सपना बुन्दै घरमा पाइला टेक्छु
सन्तान भेट्ने आशमा बा को आखामा खुसी भेट्छु
मलाई मेरा दाजुहरूको सम्झना बेहद हुन्छ साथी
जब म घरको आगनको डिलमा सयपत्री देख्छु !!

लागेको थिएन यस्तो जात्रा गर्न सक्छौ
पठाइदिन्छु को संग वार्ता गर्न सक्छौ ?
कति सजिलै मलाई बिर्सी दिनु भन्यौ
के मेरो सिङ्गो मुटु फिर्ता गर्न सक्छौ ?

 

Continue reading


कस्तो रचूँ काव्य म

Sirjana, Sharma, सिर्जना शर्मा, pallawa, पल्लव

सिर्जना शर्मा

छैनन् राम यहाँ न लक्ष्मण कुनै या कृष्ण नै जन्मिए
खाली रावणको भयो बिगबिगी मान्छे खुवै मारिए ।
रुन्छिन् मातृ बगाइ आँसु गहमा सम्झेर नै मर्म ती
आमाको ममता भुलेर अहिले विग्रे कठै ! सन्तति ।

बाँच्ने औषधको अभाव अति भो हुम्ला र जुम्ला तिर
खाने अन्न भएन आज घरमा रोल्पा र डोल्पा तिर
भत्केको घर बन्छ की सपना जस्तै छ हाम्रो गति
चिप्ला भाषण के सुनन् जनहरू देखिन्न क्यै उन्नति ।

 

Continue reading


सिर्जना शर्मा का केही मुक्तकहरूः

Sirjana, Sharma, सिर्जना शर्मा, pallawa, पल्लव

सिर्जना शर्मा

पाइला टेक्नुपर्ने रहेछ साथी भिरमा पनि
बाधेर हिडेकी छु कफन आज शिरमा पनि
जिन्दगी जिउँदै गर्दा मैले मुस्कुराउन सिकें
जसरी आमा मुस्कुराउनु हुन्थ्यो पीरमा पनि !!

अचेल हजारौं सपना बुन्दै घरमा पाइला टेक्छु
सन्तान भेट्ने आशमा बा’को आँखामा खुसी भेट्छु
मलाई मेरा दाजुहरूको सम्झना बेहद हुन्छ साथी
जब म घरमा आगनको डिलमा सयपत्री देख्छु !!

 

Continue reading


गजल

Sirjana, Sharma , सिर्जना शर्मा, pallawa, पल्लव

सिर्जना शर्मा

पैताला राख्नुपर्ने रहेछ साथी भिरमा पनि
बाधेर हिडेकी छु कफन आज शिरमा पनि

सिद्धान्त जतिसुकै बन्देज गर्न खोज तर
सल्बलाउछ बिचार हडबडाउँने धीरमा पनि

जिन्दगीले के के गरायो कहाँ कहाँ पुर्‍यायो
हेर्नुहोस् न ठगिएछु म आखिर तक्दिरमा पनि

 

Continue reading


सिर्जना शर्मा

Sirjana, Sharma , सिर्जना शर्मा, pallawa, पल्लव

सिर्जना शर्मा

आफ्नै स्वार्थ ढुकी सिकार वनमा खोज्दै हिँडेकाहरू
बिर्सन्छन् “घरका प्रसून, सबको उस्तै त हो आबरू
यो हाम्रो पहिचानको धरहरा भत्काउनेले बुझून्
देवी हुन्, जननी अझै भगवती सम्झी स्वयं ती पुजून्

बाटो छैन कतै हिडूँ वरपरै ब्वाँसाहरूको भय
जाने खै कुन मार्गबाट कसरी बन्दै अहो निर्भय !
नारी हिँड्न हुँदैन आज पथमा व्याधाहरू ढुक्तछन्
ज्यूँदै च्वाम्म चपाउने नियतले मौका सधैं खोज्दछन् !

 

Continue reading


हिंसामुक्त समाज निर्मित गरौं

Sirjana, Sharma , सिर्जना शर्मा, pallawa, पल्लव

सिर्जना शर्मा

मारी मानिस यो धरा रगतले रातै बनाई दिए
लाग्ने छैन यहाँ त ऎन तिनमा नेता उसैको भए
घुम्छन् आज तिनै स्वतन्त्र रुपले हत्यागरी गाउँमा
बाच्नै मुस्किल भो कठै गरिबले को सोच्छ यो ठाउँमा

हिंशाले मनमा अशान्त अझ भो नर्कै भयो राष्ट्रमा
सानो चित्त भयो कलङ्कित बन्यो नेपाल यो देशमा
सत्तामा अझ मख्ख पर्दछ सबै चर्चा बटुल्ने भनी
आगो दन्दनले बले समरमा बर्षौ बिताए अनि !

 

Continue reading


छोरी को सुरक्षा ?

Sirjana, Sharma , सिर्जना शर्मा, pallawa, पल्लव

सिर्जना शर्मा

आफ्नै भाग ठूलो लगाउन गए आफन्त टाढा भए
आँखा नै रसिला भए हरघडी सोझा यहाँ मारिए
कस्तो दुर्मति हो अझै पनि यहाँ मान्छे त जाली भए
ठग्ने कै दिन यो रहेछ, जनता अन्यायमा पारिए !

नानाभेद विभेद यो बढिरह्यो ठूलो र सानो भयो
नेपाली पन भत्कियो अनि यहाँ दुष्कर्म बढ्दै गयो
चित्कारी मनका ब्यथा क्षितिजमा बढ्दै छ यस्तो किन
रोक्नै पर्छ सखे सबै जनमिली देशै भयो रोदन !

 

Continue reading


गजल

Sirjana, Sharma, सिर्जना शर्मा, pallawa, पल्लव

सिर्जना शर्मा

जिन्दगी सम्झेर केही गरौं भन्ने चाहना हो
अनि मात्रै यो नदी तरौं भन्ने चाहना हो

चुनौतीका पहाड अगाडि देखिए अलिकति
मन्जिल भेट्न अघि सरौं भन्ने चाहना हो

ख्याल ठट्टामै त्यसै बित्नु हुन्न वसन्तहरू
‘बा’को आँखामा खुसी भरौं भन्ने चाहना हो

 

Continue reading


‘हराऊँ तिमीमै’. . . . .

Sirjana, Sharma, सिर्जना शर्मा,  pallawa, पल्लव

सिर्जना शर्माव

सहेँ घाम मैले अझै धेर पानी
बिताऊँ तिमीसङ्ग यो जिन्दगानी
लुकाएर पीडा म हाँसी रहन्छु
र तिम्रो खुसीमा म बाँची रहन्छु !!

म यो आँगनीमा तिमी देख्न पाऊँ
कलेजी भरी यो तिमी लेख्न पाऊँ
पिई प्रेम नै साथमा बाँच्न पाऊँ
र त्यो काखकै स्वप्न मैं साँच्न पाऊँ ।

 

Continue reading


गजल

Sirjana, Sharma, सिर्जना शर्मा,  pallawa, पल्लव

सिर्जना शर्मा

पैसा जग्गाजमिन यो चुरिफुरी के का लागि ?
अनि बिना बादल यो हावाहुरी के का लागि ?

प्रत्येक दिन हजुर घरमा हेपिनुपर्छ भने आमा
सम्मान बिनाको फेरि यो मजदुरी के का लागि ?

सत्तामा रहदा देखिएकै छ सबैको चर्तीकला
बाहिर रहदा आज फेरि कुरीकुरी के का लागि ?

 

Continue reading


हामी एक . . . . .

Sirjana, Sharma , सिर्जना शर्मा, pallawa, पल्लव

सिर्जना शर्मा

हाम्रो यो महनीय संस्कृति सदा चम्किन्छ तारा बनी
आर्यावर्त र भारतीय सबमा सद्भावना सूत्र नि ।
बन्दै हैम छटा हिमाल शिर भै नेपालमा झाङ्गियो
सारा भारत वर्षको गुणमयी शिक्षा यतै फैलियो ।।

पूर्खा हुन अनमोल रत्न सबका साक्षात् तपस्वीहरू
हाम्रै गौरव वृद्धिमा सब दिनै लाग्थे मनीषीहरू ।
चारैवेद पुराण सिर्जन यतै हैमावती देशमा
गर्दै यो उपहार विश्वभरमा छोडी गए सारमा ।।

 

Continue reading


सिर्जना शर्माका केही मुक्तकहरूः

Sirjana, Sharma , सिर्जना शर्मा,  pallawa, पल्लव

सिर्जना शर्मा

यहीँ बसन्त वाग छन् यहीँ अनन्त रत्न छन्
यहीँ समस्त स्वर्गको बहार ती प्रशस्त छन्
नदी हजार बग्दछन् धरा पबित्र जङ्गल
अनन्य पूजना गरे यहीँ छ पूर्ण मङ्गल !

साथमा छौ तिमी नित्य यो चित्तमा
छौ तिमी नै तिमी नै तिमी सृष्टिमा
हेर्छु बाटोभरी प्यारकै पाइला
छौ सधैं नै तिमी लाख यो दृष्टिमा !!

 

Continue reading


सिर्जना शर्मा का तीनटुक्राः

Sirjana, Sharma , सिर्जना शर्मा, pallawa, पल्लव

सिर्जना शर्मा

१) ‘हराऊँ तिमीमै’. . . . .
सहेँ घाम मैले अझै धेर पानी
बिताऊँ तिमीसङ्ग यो जिन्दगानी
लुकाएर पीडा म हाँसी रहन्छु
र तिम्रो खुसीमा म बाँची रहन्छु !!

म यो आँगनीमा तिमी देख्न पाऊँ
कलेजी भरी यो तिमी लेख्न पाऊँ
पिई प्रेम नै साथमा बाँच्न पाऊँ
र त्यो काखकै स्वप्न मैं साँच्न पाऊँ ।

 

Continue reading


नयाँ सिर्जनाले जुरुक्कै उचालौं’

Sirjana, Sharma , सिर्जना शर्मा, pallawa, पल्लव

सिर्जना शर्मा

छ स्वार्थीपना बन्छ यो देश कैले?
यहाँ युद्ध मात्रै चलेको छ जैल्यै
गरी भागबन्डा बसे खान स्याल
सधैं देशमा नै चुहाएर र्‍याल।

अरे ! देश बिर्ता कसैको हुँदैन
लुछेको लुछ्यै छौ सिनो -साग हैन
लडे वीर पुर्खा दिई ज्यान आफ्नो
बनायौ कठै ! देशभित्रै बिरानाे ।

 

Continue reading


लेखौं म कविता

Sirjana, Sharma , सिर्जना शर्मा, pallawa, पल्लव

सिर्जना शर्मा

म भोको मान्छे हूँ सुखसयलमा बस्छु कसरी ?
छ पीडाको मान्छे फरक तर बाचेँ मरि मरी
यही नै भाका लेख्नसकुँ म सधैँ नै अघि सरी
उतारी सारा दर्द ति कलमले देश पगरी !!

छहारीमा बस्दै रचुँ म कविता यावत कुरा
छ चिन्ता धेरै नै त कलम नलेखोस अपुरा
निरासाले हाम्रो सुखसयल नै गायब गरे
सबैको चाहाना छ हृदय भरी प्रेम भरे !

 

Continue reading


सिर्जना शर्माका केही मुक्तकहरूः

Sirjana, Sharma , सिर्जना शर्मा,  pallawa, पल्लव

सिर्जना शर्मा

राखेकै छु तिमीलाई मनभित्र लुकाएर
नगर्नु है चिन्ता कुनै आँत आफ्नो सुकाएर
यात्रा हाम्रो एउटै हो बाटो भिन्न भिन्न होला
बाधेकी छु प्रेम गाठो ठुलै मूल्य चुकाएर !!

नभेटे निराशा कतै निस्किदिन्छ
नखोजे मनै यो कतै बिच्किदिन्छ
लगायौ टुना या मुना के तिमीले
तिमीमै सधै यो मुट चिप्किदिन्छ !

 

Continue reading


रमणीय रोल्पा

Sirjana, Sharma , सिर्जना शर्मा, pallawa, पल्लव

सिर्जना शर्मा

भारी युद्ध हुँदा मिल्यो सफलता के रूपमा हेरियो ?

हाम्रो गौरव त्यो थियो तर अझै रोल्पा कहाँ फेरियो ?

मन्त्री धेर भए लिवाङ नगरी क्यै ध्वस्त पार्नेहरू

भोली बन्छ भनेर आज कसरी विश्वास मैले गरुँ ?

 

त्यो जन्मस्थल हो महापुरुषको हो धर्मको क्षेत्र नै

जस्को उद्गम भो र विर्सन पुगे खुल्दैन के नेत्र नै ?

माओवाद यहीँ विकास हुन गो पैदा भएका क्षण

उर्जा धेर दिने थबाङ अहिले भुल्दै गएका किन ?

Continue reading


साँच्चो लडाई लड्नेको त शानै बेग्लै हुन्छ

Sirjana, Sharma , सिर्जना शर्मा,  pallawa, पल्लव

सिर्जना शर्मा

भनिन्छ नि
मति बिग्रेपछि गति पनि बिग्रन्छ
कतै हामी त्यस्तै बनेका त छैनौ <
भनिन्छ नि
अबसरबादले गाँजे पछि जे पनि चल्छ
कतै हामी त्यही बाटोमा चलेका त छैनौ ?
भनिन्छ नि
सिद्धान्तच्यूत बनेपछि लाज शर्म सकिन्छ
कतै हामी त्यस्तै त्यस्तै गरिरहेका त छैनौ ?
भनिन्छ नि
सत्ताको मात लागेपछि सही गलत उस्तै लाग्छ
कतै हामी त्यस्तै लतले अलमस्तत छैनौ ?

 

Continue reading


‘मेरो प्यारो रुकुम’

Sirjana, Sharma , सिर्जना शर्मा,  pallawa, पल्लव

सिर्जना शर्मा

प्यारो लाग्छ मलाई रुकुमको डाँडा र पाखा भरी
बस्छन मानव यैँ मिलेर घरमा उधम आफ्नै गरी ।
स्यार्पु ताल यहाँ मनोरम दिने सिस्ने छ माथी तिर
भेरीको छ बहाव धेर गतिलो ! हेर्दा खुबै सुन्दर ।।

जिल्ला यो छ पवित्र तिर्थ स्थल यो सार्इकुमारी पर
फुल्छन् धेर यहाँ गुराँस वनमा देख्दै हुने सुन्दर ।
सिस्ने हाँस्छ हिमालको समिपमा सेतो सबै देखिने
नेपाली पनका झकास कपडासारा सबै लेखिने ।।

 

Continue reading


सिर्जना शर्मा का केही मुक्तकहरूः

Sirjana, Sharma , सिर्जना शर्मा, pallawa, पल्लव

सिर्जना शर्मा

किनारामा पर्यो सत्य मौलायो खेती झूटको
ए कता ए कता भन्दै चल्यो हुण्डरी फूटको
रणभुल्ल परी जनता टाउकोमा हात लाउँछन्
टाढाबाठा गरी मस्ती सत्तामा सल्बलाउँछन् ।!!

तारिन्छ कि यो जिन्दगी लाग्छ त्यही डुङ्गाबाट
हास्न सिकौँ जिन्दगीमा यौटा फूलको थुङ्गाबाट
देखिन्छन् अचेल मानिस खोइ किन निराश सबै
उम्रन्छ नि पिपल पनि आखिर फोडी ढुङ्गाबाट !!!

 

Continue reading