मैया सुवेदीका केही मुक्तकहरूः

Maiya, Subedi, Pokhara, मैया सुवेदी, pallawa, पल्लव.

मैया सुवेदी

माया छेक्यो काँडेतारले, अचेल यस्तै छ
मुटु रेट्यो फुलको धारले,अचेल यस्तै छ।
तिमीबाट मैले पाए, उपहार दुख पीडा
जित्ने शिक्षा दिन्छ हारले, अचेल यस्तै छ ।।

तिहार यादहरुको लहर
तिहार यादहरुको रहर ।
भुल्नै नसकिने त्यो क्षण
तिहार यादहरुको सहर ।।

 

Continue reading


मैया सुवेदीका केही मुक्तकफरूः

Maiya, Subedi, Pokhara, मैया सुवेदी, pallawa, पल्लव.

मैया सुवेदी

घाउमा परे नुनले पनि रुवाउछ सानू
बैगुनिलार्इ गुनले पनि रुवाउछ सानू
स्वोर्थ परे मेरै आफ्नो नत्र कोही न कोही
आखिर आफ्नै खुनले पनि रुवाउछ सानू ।

दुख पीडा सुनाउदा ,कठैबरा भन्ने हुन् कि !
हात थापी दया माग्दा ,कर्महारा भने हुन् कि!!
मनै रै छ सबै कुरा ,राम्रो सोच सधैं भरी
जिउनै गाह्रो मर्छु भन्दा,हुतिहारा भन्ने हुन् कि!!

 

Continue reading


मैयाँ सुवेदीका केही मुक्तकहरू

Maiya, Subedi, Pokhara, मैया सुवेदी, pallawa, पल्लव.Pokhara,,

मैया सुवेदी

कदम कदममा हार भएपछि थाहा भएन म के गरुँ ?
संसार देखि दिक्दार भएपछि थाहा भएन म के गरुँ ?
दुनियाँमा मान्छे सबै ज्ञानि बनुन भन्थ्ये म त
मनभरी कुविचार भएपछि थाहा भएन म के गरुँ ??

सुनेको छु समस्याका हुन्छ स्वरुप भिन्न सानू ।
संघर्षलाई साथै राखे हुन हुन्न खिन्न सानु ।
निस्चल ती आँखाबाट तप्प आँसु झार्यौ भने,
मन धुन्छ आँसुले त समाधान दिन्न सानु ।।

 

Continue reading


‘मेरी आमा’

Maiya, Subedi, Pokhara, मैया सुवेदी, pallawa, पल्लव.Pokhara,,

मैया सुवेदी

‘मेरी आमा’
संसारकी महान
तर उनलाई आज
जीवनले पिडा दिएको छ
तिमीलाई लागेको छ दु:साध्य रोग
अर्बुद त्यसैसगँ लडेका छन्
तिम्रा हरेक रक्तकोषहरु।
जीवन हुदो रहेछ अचम्मको
सन्तानको लागि जीवन
बाच्दै गर्दा
चन्द्र्माको शितलता
तिम्रो भागमा पर्यो वा परेन!
तिम्रो आङमा न्यानो घाम
कहिल्यै लाग्यो वा लागेन!
कस्तो अचम्म !

 

Continue reading


र पनि उज्यालो दिन उदाउने छ

Maiya, Subedi, Pokhara, मैया सुवेदी, pallawa, पल्लव

मैया सुवेदी

यौटा दिन
साँच्चै दिन हुन सकेन
हिजो साझँ अस्ताएको घाम
आज उस्तै बनेर उदाउनु पर्ने
न प्रभात, न मध्यान्ह नत सन्ध्या
हरेक बिहानी फरक भइदिन्छ आजकल
त्यही छट्पटीमा बाँचेको छ ऊ
भोलिको प्रर्खाइमा ।
सायद समय
नदीको दुई किनार जस्तै बनेको छ
साथ छ तर बेमेल छ
कठिन जीवनको दौरानमा
बिना नदीको किनार
र किनार बिनाको नदी जस्तै ।

 

Continue reading


‘म र मेरो माटो’

Maiya, Subedi, Pokhara, मैया सुवेदी, pallawa, पल्लव

मैया सुवेदी

जति बेला जीवन
साँचो र पुर्ण थियो
त्यति बेला थिएन
मान्छेसँग आदर्श
र पनि
निश्चल,निष्कपट र स्वतन्त्र
थियो मेरो बाल्यकाल ।

सम्झिदा अनौठो लाग्छ
छचल्किन्छन् आँसुका बुँदहरु
किन की
यो मेरो माटोको आत्मकथा हो ।

Continue reading


‘बिछोडिएको मन’

Maiya, Subedi, Pokhara, मैया सुवेदी, pallawa, पल्लव.

मैया सुवेदी

बालेर आगो हृदयमा
खोज्नु जूनको सितलता खोज्नु
कति सार्थक हुन्छ कुन्नि ?
चोट र पीडाहरूको असहज यात्रामा
दृढ सगरमाथा रहेछ जीवन
तर पनि जीवनको गोरेटोमा
असंख्य परिकल्पनाहरूमा
एउटा स्वाभीमानको आकास
बोकेर हिड्न
खोजिरहेको छु म ।
मन फुकाउदै गर्दा मैले
आँखाका डिल भत्किने गर्दछन्
र पोखिने गर्दछन् आँसुका भेल
पीडा संग तछाडमछाड गर्दै–

 

Continue reading


झरी

Maiya, Subedi, Pokhara, मैया सुवेदी, pallawa, पल्लव.Pokhara,,

मैया सुवेदी

असार महिनाको यो झरी
रुझाउने पानीसंगै
तर रुझेन मेरो मन
कसैको यादसंगै खसिरहदाँ बलेनी
भुल्न सक्दिन त्यो क्षण
झरी बनेर तिमीले पठाएको मन
गुटुमुटु पार्न धेरै कोशिश गर्दा गर्दै
तर कठै अनियंत्रित मनहरु
आफै झरी बन्न आतुर भए ।
झमझम बर्सिएको झरी संगै
खोल्सा खहरे उर्लिएर
नदीको रुप लिँदै गर्दा
उर्लिन खोज्दै छ मरो मन
कोशौ पारीको सम्झ्नालार्इ ।

 

Continue reading


भावना

Maiya, Subedi, Pokhara, मैया सुवेदी, pallawa, पल्लव.Pokhara,,

मैया सुवेदी

खै किन हो कुन्नि आज ?
मन शून्य भएकोछ
मात्र मनभित्र चलेको छ हुरी
भावनाहरु निमोठिएका छन्
बिगत नियाल्दा
र आगतलाई कल्पना गर्दा
निर्दोष खुशीहरु
अपहरित भएजस्तै लाग्दछ ।
जीवनमा आउन सकेन वर्षा
र त पलाउन सकेनन् पालुवाहरु
न रोप्न सकियो नयाँ विचार
नत फलाउन सकियो
गन्तब्यको फल
सायद त्यसैले होला
आएको भावनामा भुइचालो ।

 

Continue reading


मैया सुवेदीका केही मुक्तकः

Maiya, Subedi, Pokhara, मैया सुवेदी, pallawa, पल्लव.Pokhara,,

मैया सुवेदी

कसरी भनौं खै यहाँ आफ्नै आँतको कुरा
पर्दा पछाडि बितेको सिङ्गै रातको कुरा
क्यै शब्द त नभन्दै गोप्य राख्न ठिक होला
सुनाउँ त आफ्नै घरवार बरवादको कुरा ।।

सिकाउनु छ पाठ युद्धको किनकि म गुरु हुँ
बढाउनु छ साथ बुद्धको किनकि म गुरु हुँ
यै समाजका मानव बिल्लाधारी पशुहरूबाट
जोगाउँछु अस्मिता परार्धको किनकि म गुरु हुँ ।

 

Continue reading


मनको उज्यालो

Maiya, Subedi, Pokhara, मैया सुवेदी, pallawa, पल्लव.Pokhara,,

मैया सुवेदी,

मनको उज्यालो
मिर्मिरे उज्यालो सँगै
आगोको खोजीमा छिन् मेरी आमा
जहाँ आफ्नै समीप चिसो चुल्हो छ
हुनसक्छ
दर्दनाक पीडाले भिजेको छ
कहिल्यै नओभाउने गरि
तैपनि रित्तो भान्सा सँगै
मरेको छैन आमाको
सन्तानको पेट भर्ने चाहना ।
सन्तानको लागि
जतिसुकै चोट सहेर पनि
चुल्होमा आगो बाल्ने प्रयासमा–

 

Continue reading


गजल

Maiya, Subedi, Pokhara, मैया सुवेदी, pallawa, पल्लव.

मैया सुवेदी

तिम्रै छेउ डेरा सर्न मन ला’छ आज किन?
लुकाएर माया गर्न मन ला’छ आज किन?

निष्ठुरी नै हौ कि तिमी बुझेनौ दिलासा मेरो !
लोभको मोहनी छर्न मन ला’छ आज किन ?

सुटुक्क मन्मा काउकुती लाउने तिमी को हौ?
त्यै मायालु भेल तर्न मन ला’छ आज किन ?

 

Continue reading


मैया सुवेदीका मुक्तकहरू

Maiya, Subedi, Pokhara, मैया सुवेदी, pallawa, पल्लव.Pokhara,,

मैया सुवेदी

म छु अनेकै राम्री अनि काली नठान
केवल तिमीझैँ म पनि जाली नठान
सधैं आड भरोसा मान्य बडाजनहरूको
सुरा सुन्दरीमै रम्ने मनवाली नठान ।

मेरो मनको स्वस्तिक छापमा तिम्रो प्यार छ
लाग्छ जीवनको हरेक मौसम सदा बहार छ ।
तिमी सँगको हरेक मोडमा हर्षित छु कालू म
किनकि यो मायावी यात्रामा न जीत छ न हार छ ।।

 

Continue reading


चिरफार

Maiya, Subedi, Pokhara, मैया सुवेदी, pallawa, पल्लव.Pokhara,,

मैया सुवेदी

लाग्छ अचेल
लडबडिएको छ मेरो कलम
अचेतन बनेर
सायद उसलाई लागेको छ
शल्यक्रिया गरियोस् उसको पनि
चेतना र मानवीयता सँगै
मान्छेरुपी पशुहरूको
सोंचलाई बदलिएको छ
उसको शल्यक्रिया सँगै ।
मैले सुन्न सकेकी छैन चिच्याह्ट
मध्यरातको समय
सडकपेटिको घर
संगै रहेका ठुला रिसोर्ट
अनि चिच्याहट छर्न पुग्छन् –

 

Continue reading


मैया सुवेदीका केही मुक्तकहरूः

Maiya, Subedi, Pokhara, मैया सुवेदी, pallawa, पल्लव.

मैया सुवेदी

सिकाउनु छ पाठ युद्धको किनकि म गुरु हुँ तिम्रो
पढाउनु छ साथ बुद्धको किनकि म गुरु हुँ तिम्रो
यो समाजका मानव बिल्लाधारी पशुहरुसगँ अब
जोगाउनु छ अस्मिता नारीको किनकि आमा हुँ तिम्रो ।

मेरो मनको स्वस्तिक छापमा तिम्रो प्यार छ।
लाग्छ जीवनको हरेक मौसम सदा बहार छ।।
तिमी सँगको हरेक मोडमा हर्षित छु कालू म
किनकि यो मायाबी यात्रामा न जीत छ न हार छ ।।

 

Continue reading


मैया सुवेदीका केही मुक्तकहरूः

Maiya, Subedi, Pokhara, मैया सुवेदी, pallawa, पल्लव.

मैया सुवेदी

कसैसँग विश्वास घट्न थाले पछि के हुन्छ कुन्नी ?
यो कोमल हृदय लुट्न थाले पछि के हुन्छ कुन्नी ?
कैलेकाहीँ त उड्छ मडारिँदै दिल आकाशमा प्रिय
निर्दोष नैनमा मूल फुट्न थाले पछि के हुन्छ कुन्नी ?

फुल छोडेर काँडा रोजेका छौ र कहिल्यै ?
पीडा आफैँ भित्र खोजेका छौ र कहिल्यै ?
शीतका मोती हेरी रमाउने बानी तिम्रो
कतै आफ्नै भविश्य सोचेका छौ र कहिल्यै ?

 

Continue reading


मैया सुवेदीका चार मुक्तक

Maiya, Subedi, Pokhara, मैया सुवेदी, pallawa, पल्लव.

मैया सुवेदी

एक बारको यो जुनिमा घात हुन्छ कि राजा ?
तिम्रो मौनताले दिन नै रात हुन्छ कि राजा ?
न केही बोल्छौ न अरुले बोलेको नै सुन्छौ
आसै आसमा बस्दा आघात हुन्छ कि राजा ??

भाग्यरेखा मेरो भन्थे, तक्दिर तिम्रै रै’छ सानू
मनमुटु मेरो भन्थे, तस्वीर तिम्रै रै’छ सानू ।
म त रै’छु बाँधिएको तिम्रै प्रेमको बाँचासँगै
कदम मेरो भन्थे तर मन्दिर तिम्रै रैछ सानू ।।

 

Continue reading


यात्रा जीवनको

Maiya, Subedi, Pokhara, मैया सुवेदी, pallawa, पल्लव.Pokhara,,

मैया सुवेदी,

यात्रा जीवनको
कहिले हुरीबतास
र कहिले असिना पानीले चुटिएको मन
चट्याङ संगै तर्सिन्छ बेला बेलामा
समयको लामो झरी पछि
बल्ल थामिएको छ पानी
आसा पलाएको छ मधुर किरणको ।
समयको बेग सँगै
अनगिन्ती कठोर रातसंग
गर्दा गर्दै तछाडमछाड
घाम उदाउने प्रतीक्षामा
हातको सिरानीको भरमा
कोल्टे फेर्दै
समय गुजार्दै छु ।

 

Continue reading


‘आमा’

Maiya, Subedi, Pokhara, मैया सुवेदी, pallawa, पल्लव.Pokhara,,

मैया सुवेदी,

हो !
मेरी आमालाई
घाम मन पर्छ
अँध्यारो बस्तीमा प्रकाश छर्न
शीत मन पर्छ जूनसगै
अनि डोकाभरी उत्साह बोकेर
आस्थाको शिखर चढ्न
अनि आफ्नै अनुभुतिले चुमेको
उचाई मन पर्छ उनलाई ।
संघर्षकी प्रतिमूर्ति
इतिहास रच्नका लागि तयार
महान हाम्राी आमा
अहिलेजीवन र मृत्युको दोसाँधमा
पुग्दा सम्म पनि
सन्तानप्रतिको अटुट प्रेम
अघात स्नेह
घटेन कहिले हृदयमा ।

Continue reading


खै !! बनेन आज कविता . . . . .

Maiya, Subedi, Pokhara, मैया सुवेदी, pallawa, पल्लव

मैया सुवेदी

आज धेरै पछि
जमर्को गर्दछु कोर्ने केही हरफहरू
मनभित्र चाङ्ग लगाउदै छु अक्षरको
अक्षरहरू पनि उकुसमुकुस गर्दै
सल्बलाउँदै छन् मभित्र
मूर्त रुप लिने आसमा ।
बिशाल गगनमा चम्किने
ताराहरूले उज्यालोको परिचय नभेटेपछि
कलकल बग्ने नदीले
दुई किनारको सम्बन्ध नबुझेपछी
आदर्शमय जीवन बाँचिरहेकाहरूले
बाँच्नुको सार्थकता नभेटेपछि
म कसरी लेख्न सक्छु कविता हँ !

 

Continue reading