दशै

Ambika, Adhikari, अम्बिका अधिकारी , pallawa, पल्लव

अम्बिका अधिकारी

वर्षा वादल छैन लौ गगनमा सफा अहा सुन्दर
खुल्छन दिन र रात नै चहक भै देखिन्छ सारै पर
सेता ती हिमशैल्य पूर्ण हिमका ढाकी नया च्यादर
गर्छ्न् स्वागत खुसभई हृदयले लालित्यको आदर

फुल्छन् पुष्प हजार वाग वनमा सुगन्ध फैलाउन
छर्छन् पन्छी मधुर श्वर शुभ नै घन्कन्छ सारा वन
हावा सिरसिर चल्दछन् र सीतका सीतार्णु झर्छन तल
तप्क्न्छन वुँद तप्प तप्प रसिला मोती जसै निर्मल ।

 

Continue reading


गजल

Ambika, Adhikari, अम्बिका अधिकारी , pallawa, पल्लव

अम्बिका अधिकारी

घुमी रहेछ फनफनी दीवारको घडीसरी !
कहाँ थियो कहाँ पुग्यो यो जिन्दगी नदीसरी !!

रहेछ दाग छातीमा बनेर याद बल्झियो !
बढेर जान्छ घाउ झन् ऊ सङ्गको दूरीसरी !!

उराठ लाग्दो एकलो उदास जिन्दगी हुँदा !
यी दाग घाउ लाग्दछन् अमूल्य सम्पतीसरी !!

 

Continue reading


गजल

Ambika, Adhikari, अम्बिका अधिकारी , pallawa, पल्लव

अम्बिका अधिकारी

लैजान्छु त्यो जोवनलाई दिन्छ्यौ भने काली
मुटुका यी सारा धड्कन त्यसै भित्र हाली ।

कत्ति बस्छेउ टाढा अव नलजाई आउन
गर्ने छैनन आमा बा ले तिम्लाई अब गाली ।

रहर लाग्दो जवानीको उर्लिएको प्यास
बुझाइ दिन्छु पुरापुर ठानी प्यारो साली ।

 

Continue reading


आमा

Ambika, Adhikari, अम्बिका अधिकारी , pallawa, पल्लव

अम्बिका अधिकारी

ठुलो स्वप्न सजाउँदै हृदयमा आमा तिमीले सधैँ
जन्मायौ अनि प्यार साथ खुसले हुर्की वढायौ अझै
शिक्षा ज्ञान र चेतना सव दियौ वात्सल्यतामा कुनै
दोषी खोट नपार्इ हुर्कन पुग्यौ त्यो छत्र छायाँ मुनी ।

भोको पेट र क्यै अभाव नपरी हुर्केर ठूलो भएँ
दु:खै दर्द विमारले पनि कठै छोएन बढ्दै गएँ ।
आफू खाइ नखाइ वंश सवको देख्भाल गर्दै रह्यौ
केही सुख्ख नपाइ जीवन भरी आमा तिमी नै गयौ ।

 

Continue reading


‘तिमी’

रूप वान्की टहटह अहा पूर्णिमा जुन जस्तो
गोलो वर्ण चहक छ अझै नम्वरी सुन जस्तो

Ambika, Adhikari, अम्बिका अधिकारी , pallawa, पल्लव

अम्बिका अधिकारी

खुल्दा चोखोसँग मधुरता रश्मीलो तेज पाई
ईन्द्रेणी-कै प्रतिरूप जसै लाग्छ साच्चै मलाई

तप्के दाना टप टप वगी शीरका केशवाट
झर्छन ठान्छु शुर वीरहरू फर्कने देशवाट
नाक कान नयन चपला ओठ च्युडो मुहार
रक्तिम लाली सरी चहकिलो वर्षदा पूर्ण प्यार

 

Continue reading


आमा

Ambika, Adhikari, अम्बिका अधिकारी , pallawa, पल्लव

अम्बिका अधिकारी

ठुलो स्वप्न सजाउदै हृदयमा आमा तिमीले सधै
जन्मायौ अनि प्यार साथ खुसले हुर्की वढायौ अझै
शिक्षा ज्ञान र चेतना सव दियौ वात्सल्यतामा कुनै
दोष खोट नराखी हुर्कन पुग्यौ त्यो छत्र छायाँ मुनि

भोक प्यास अभावका दिन सवै तिम्ले वितायौ कति
दुख्ख दर्द विमारले पनि कठै रोकेन तिम्रो गति
आफु खाई नखाई हामी सवको देख्भाल गर्दै रह्यौ
केही सुख्ख नपाई जीवन भरीआमा तिमी नै गयौ

 

Continue reading


गजल

Ambika, Adhikari, अम्बिका अधिकारी , pallawa, पल्लव

अम्बिका अधिकारी

दैवले बनायो मलाई मनको काराबासी ।
बितार्इ रहेको छु दिन न बोली न हाँसी ।।

लाग्छ बाटो भुली भूमरी मा परेकी छु,
यौवन र त्यो तिम्रो चाहत बन्यो फाँसी ।

गोरेटो मा झाडी उम्रला फर्कँदा डुलेर,
धनको लोभ परार्इ मुलुक बन्यौ दासी।

 

Continue reading


गजल

 

Ambika, Adhikari, अम्बिका अधिकारी , pallawa, पल्लव

अम्बिका अधिकारी

मन त थियो तिमी जस्तै उडने आकास छुन म।
दैव किन अपाङ्ग बनायौ सकिन कसैको हुन म।।

शारीरिक कमजोरी मेरो दोष हैन न चाहना नै,
खै कस्तो भाग्य पाउदिन डाको छोडी रुन म।

मान्छे आफ्ना केही दिन सके हैछ हुने याह हेर,
म थला मा छु सक्दिन लाउन कसै लार्इ गुन म।

 

Continue reading