होलीको कविता

Bindu, Dahal, बिन्दू दाहाल, pallawa, पल्ल्व

बिन्दू दाहाल

रङ्गिन्छ चोली जब चल्छ होली
खेलिन्छ मस्ती दिन आज भोलि
हाम्रो तराई र पहाड सम्म
रम्छौँ मजाले सब छौँ अचम्म ।

यो पर्व सारा जनले मनाए
हाँस्दै र खेल्दै सब यी रमाए
साथै वसन्ती रितुराज आयो
डाँफे चराले पनि गीत गायो ।

 

Continue reading


खै बुद्धको लुम्बिनी ???

Lila, Maski, Rana, लीला मास्की राना , pallawa, पल्लव

लीला मास्की राना

शान्ति छोरी-बुहारी, आमा शान्ति थापामगर
शान्तिको शान्त गाउँ, शान्तिनगर
रजत जयन्ती स्तम्भ स्वागतहेतु उभिएको प्रवेशद्वार
मेरो माइत कप्तान टोल सिद्धार्थनगर, डन्डा नहर

परिवर्तन, हवाई धावनमार्ग पर सारेर
बाटो छेउछाउ रोपेको वरपीपल चौतारो नभनेर
विकासका नाउँमा, ढालेछन् जरै नराखेर
दशकपछिको फरक, दाइभाइले अचम्मै पारेर

 

Continue reading


गजल

Keshav, Raj, Aamodi, केशवराज आमोदी, pallawa, पल्लव

केशवराज आमोदी

म आउँदै छु हर्सिंदै भुलेर तिर्सनाहरू
छु ध्यानमा म राष्ट्रको गरेर वन्दनाहरू

मुहार मातृभूमिको प्रसन्न पार्न प्रातमै
म भित्र छन् कयौं यहाँ असीम चाहनाहरू

छ दर्द घाउको अझै गढेर भित्र फैलिदो
बढेर आउँछन् तिनै चढेर सम्झनाहरू

 

Continue reading


गजल

Shaya, Moktanthing,शाया मोक्तान थिङ, pallawa, पल्लव

शाया मोक्तान थिङ

रुदै रुदै न्याउली झै बिरहको गित गाउन छाडी सकेँ
तिम्रो खुशीको निम्ति मेरो इच्छा गुमाउन छाडी सकेँ

तिमी मेरै हौ भन्ने भ्रम मात्रै रैछ भन्ने बुझे पछी
काम धन्दा नै छाडेर तिम्रो पछी धाउन छाडी सकेँ

निर्धक्क सँग हिड तिमी तिम्रै खुसी को बाटोहरू
लुकि छिपी एकान्त मा हात समाउन छाडी सकेँ

 

Continue reading


छिवीकिरण वलीका जोर कविता

Chhabi, Kirn, Oli, Dang, छविकिरण ओली, pallawa, पल्लव

छविकिरण ओली

१) वन बधू
अहो!अग्ला सेता हिमशिखर छन् शान्त अटल
सुधा झर्ने मीठो रस अमृत भै शीतल जल
झुले झुप्पा बाली असल सुनभै स्वर्णगहना
जता हेर्योउस्तै सम सयलमा जङ्गल घना ।।

फुले लाली राम्रा मधु सुमन झै चैतमहिना
अहो! क्वौली बोल्छे कुहुकुहु गरि गीत सुरमा
चल्योसुस्तै हावा फिरफिर मुना सुन्दर कति
उता उफ्रेका छन् मृग शिसु सबै चन्चल अती ।।

 

Continue reading


गजल

Ambika, Karki, Bharatpur,अम्बिका कार्की ‘अमु’, pallawa, पल्लव

अम्बिका कार्की ‘अमु’

भत्किन त भत्किएका छन् छाउघरहरू।
कुरीती बनेर छिरोलिए झन् पतकरहरू ।

मेरो गाउँलाई पाखे भन्छन् हेलाँ गर्छन्
आधुनिकतामा नाङ्गिएका यी शहरहरू ।

लाखौं कोसिस गरेपनि रुपैयाँ मेरो भएन
बरु सपनामा आस देखाउन आए डलरहरू ।

 

Continue reading


गजल

Ram, Krishna, Shrestha, Fuchche, रामकुमार श्रेष्ठ "फुच्चे", pallawa, पल्लव

रामकुमार श्रेष्ठ “फुच्चे”

बुहारी त आफ्नै सुरमा चल्न थालेकी छे ।
आफन्तीको आखा समेत छल्न थालेकी छे ।।

बिदेशगाको महिना दिनमै डेरा गरि शहरतिर,
रमझम सगै फुल्न अनि फल्न थालेकी छे ।

एक कल फोन नि गर्दिन खै आउनै छाडी घर ,
ब्यूटिपार्लर छिरी पाउडर दल्न थालेकी छे ।

 

Continue reading


सिर्जना शर्मा का छन्दात्मक मुक्तकहरूः

Sirjana, Sharma , सिर्जना शर्मा, pallawa, पल्लव

सिर्जना शर्मा

म निर्धक्क नै हूँ सधैँ हुन्छ मान
हिमाली, पहाडी, तराई छ शान
यही चोकमा भेट्छु पूर्खा सधैँ नै
सदा झल्कियोस् राष्ट्रको यो इमान !!

न पानी कुवामा नहोला पधेरो
नबत्ती छ हाम्रो सधैँ नै अँधेरो ।
धनी देश मेरो छ चुस्दो छ नेता
भुँडीमात्र ठूला अनौठो पतेरो ।।

 

Continue reading


गजल

Jaya, Gobjnda, Nuwakot, जयदेव गोविन्द, pallawa, पल्लव

जयदेव गोविन्द

कतै शब्द आयो कतै सार आयो
हिजोअस्ति जस्तै समाचार आयो

जगल्टा घुमाई जुरो बाट्छ नाति
सराप्छन् हजुरबा ‘कुलाङ्गार आयो’

नशामा भुकी प्रश्न सोध्यो कुकुरले
‘मजस्तो यहाँ को बफादार आयो ?’

 

Continue reading


गजल

Sabina, Sapkota, सविना सापकोटा, pallawa, पल्लव

सविना सापकोटा

थाह छैन यो मुटु किन यसरी धड्किन्छ
कुन दिन यो एटम बम झैँ पड्किन्छ

किन होला श्वास पनि भित्र भित्रै अड्किन्छ
घरी घरी आकश को बिजुली झैँ चड्किन्छ

चाल यसको पत्तै हुन्न कुन बेला के होला
बेसुरमा हिडे जस्तो आफ्नै गति फड्किन्छ

 

Continue reading


शान्ति अधिकारीका केही मुक्तकहरूः

Shanti, Adhikari, Pokhrel, शान्ति अधिकारी पोख्रेल, pallawa, पल्लव

शान्ति अधिकारी पोख्रेल

लुके सत्य पाटो कहाँ हाँस्न सक्छु
दुखेको छ माटो कहाँ हाँस्न सक्छु
यता देश लुट्दा उता दाजुभाइ
बिचैमा छ फाटो कहाँ हाँस्न सक्छु ।।

दिलैको कुनामा लुकाएर राखे
भिजेका परेली सुकाएर राखे
जसै टेक्न खोज्यौ मनैको मझेरी
रहरको भकारी फुकाएर राखे ।।

 

Continue reading


मोहन राज खनाल चतुर्वेदीका केही टुक्राहरूः

Chaturvedi, Mohanraj, Raj, Khanal, मोहन राज खनाल ‘चतुर्वेदी’,pallawa, पल्लव

मोहन राज खनाल ‘चतुर्वेदी’

समय नष्ट
निशाचर मन पाल्दा
ढाकिने शिर
नव जात जन्माउँ
सय साल चम्काऊँ ।
*
नियति आफ्नै
नियम अधुरोमा
अन्ध्यारो दिन
काल चक्र सबैमा
मान चक्र यसैमा ।
*

 

Continue reading


गृहिणसित संवाद

Mukunda, Sharma, मुकुन्द शर्मा, pallawa, पल्लव

मुकुन्द शर्मा

चल्दैछौँ अहिले दुवै गजबले साठी उता वा यता
यस्तैमा पनि तुन्दछन् कति अरू बूढा बनेका कथा
हामीले तर भर्नुपर्छ बिपना लम्ब्याउने योजना
मानौँ फुल्छ गुराँस शैलशिरमा ओडी तुसारो घना

पन्छी उड्छ अनन्तमा तर त्यहाँ होला नहोला जल
हाम्रा पङ्ख भने अझै सबल छन् बाँकी छ यो सामल
आफैभित्र पसेर पेयजलको खोजौँ नसुक्ने घडा
हे आत्मीय सखी ! यही पिउनुको उद्देश्य मानौँ बडा

 

Continue reading


उधिँनढुंगा

Radha, Pandey, राधा पाण्डे, pallawa,पल्लव

राधा पाण्डे

मेरो वालापन
गोठ छेउमा राखिएको
त्यो ढुंगाको कथा सुनेर बित्यो
सायद त्यही करेसामा
दुई पुस्ता छिचोल्यो
त्यो उधिँन ढुंगाले !

हजुर आमा भन्नू हुन्थ्यो –
यस्लाई पखालि रहनुपर्छ
धुलो मैलो जम्न दिनु हुदैन
अनि बल्ल धार लाग्छ
कर्मका हतियार चम्काउँछ – यस्ले
यो उधिँन ढुंगा हो ।

 

Continue reading


“रमाइदिन्छु”

Krishna, Sharan, Paudel, Opadhyaya,, कृष्ण शरण उपाध्याय, pallawa, पल्लव

कृष्ण शरण उपाध्याय

सङ्कष्ट छाऊन् अति नै म माथि ।
तूफान आऊन् जति नै म माथि ।।
आनन्द – मस्ती म जमाइदिन्छु ।
हाँसेर गाएर रमाइदिन्छु ।।

अज्ञान उस्तै छ अभाव उस्तै ।
बानी छ उस्तै र स्वभाव उस्तै ।।
जाडो बढेमा म घमाइदिन्छु ।
हाँसेर गाएर रमाइदिन्छु ।।

 

Continue reading


बन्द झ्याल र ढोकाहरूः

Mira, Meera, Timilsina,,मिरा तिमिल्सिना ‘धरा‘, pallawa, पल्लव

मिरा तिमिल्सिना ‘धरा‘

को हो..?
सायद आफ्नो ठानेकोले सोध्यो
झम्के साँझ मौनता चिर्दै लम्केका पाइलाहरू
भक्कानिएको हृदय
अनायस
बीच आँगनमा रोकिएका पदचाप
घरको मझेरीमा परेका आँखाहरू
सर्दै झ्याल र ढोकामा पुगेर रोकिन्छन् ।
ताला झुन्डिएको ढोका
ढप्क्याइएका झ्यालहरू
मौनता छिचोल्दै
निस्कन्छ आवाज आमा………..!

 

Continue reading


बूढीगंगा अब त जाग !

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

बूढीगंगा बग बग तिमी छालमा छाल गन्दै
पाखा बस्ती विकट वनमा चेतना प्रेम भर्दै ।
डोल्मा भन्छिन् मन मन कथा वेदना छन् दुखेका
साक्षी बस्छ्यौ कति दिन तिमी आँसुका मात्र भाका ।।

आशा बोकी जुलु पनि यहाँ घुम्दछिन् मार्तडीमा
तिम्रै बाटो शिर उपरमा चुम्दछिन् शैल छाना ।
कैयौं बाटा सुख र दुखका प्रेमका छन् कहानी
आफै नै छौ करुण दिलकी शील सैपाल रानी ।।

 

Continue reading


गजल

Ambika, Yamfu, Anmol, अम्बिका याम्फु ‘अनमोल’, Pallawa, पल्लव

अम्बिका याम्फु ‘अनमोल’

पिरतीमा सँगै बाच्ने मर्ने धोको ठूलो उनको
बग्दै आयो यहाँसम्म प्रेमरसको कुलो उनको

जातीभेद वर्ग श्रेणी नछुट्याई ब्यावहार गर्ने
प्रेम कित्ता नाप्ने रैछ साचै राम्रो तुलो उनको

गाँस बास कपास आहा कति सुरक्षित घर
भोक लाई भोजन बनाउने सुन्दर चुलो उनको

 

Continue reading


ऋषि धिताल का तीन गजलः

Re-see, Dhital‎, Rishi, ऋषि धिताल, pallawa, पल्लव

ऋषि धिताल

गजल– १,
यो मेरो देशको माटो हराई रहेको बेला म कसरी हाँस्न सक्छु र
घरका यी ढुंगाहरू चिच्याई रहेको बेला म कसरी हाँस्न सक्छु र ।

हाम्रा चार वर्ण छत्तीस जातका बगैचाहरू सुन्दर छन् भन्दै गर्दा
सयौँ थुंगाहरू ओईलाई रहेको बेला म कसरी हाँस्न सक्छु र ।

मेरो देशमा कालो बादल मडारिँदै असिना खसिरहेको बेलामा
ख़बरदार भन्दै नदीहरू सुसाई रहेको बेला म कसरी हाँस्न सक्छु र ।

 

Continue reading


गजल…!

Parbati, Bhatta,पार्वती भट्ट, pallawa, पल्लव

पार्वती भट्ट

बम बारुद, बन्द हड्ता भएर सडकमा आम आम लाग्छ
सदन तताउनु छ साथी नसोध कहिले घैंटोमा घाम लाग्छ

देश बिखण्डन गर्नकै लागि हम्मे हम्मे परिहेका बेलामा
बेकारमा! नुन,पानी,मट्टीतेल अनि चामलको लाम लाग्छ

यहाँका तमासाहरूले गिज्याइरहेको देखेर नै हो सायद
छिमेकले सोध्ने,महामहीमहरूको बुद्धि कहिले काम लाग्छ

 

Continue reading