दशैंको दस औतार

Nirmohee, Shankar‎, निर्मोही शङ्कर, pallawa, पल्लव

निर्मोही शङ्कर

अहा ! योअनुकुल् याम,जाडोगर्मी बराबर
बोली बिचारआचार ,विपरीत छ है तर ।
ऋतु वा मास छोपेर ,चलेका चाड-पर्व ती
पक्ष बिपक्षमा पारी , बनाइंदै छ दुर्गति ।

देखासिकी र होडैले ,ठेल मठेल भो दशैं !!
कुहिराको हुंदा काग,पाकेको बेल भो दशैं ।२।

पूजाको हातमा थाली ,मनमा पापको मल
कोहि एकाग्र भेटिन्न, हुनाले चित्त चञ्चल ।
तिर्थ मन्दिरमा जांदा दांजिने हैसियत् पुरा
अलापी राग नौरङ्गी ,कैयौंका काटिए कुरा।

 

Continue reading


सिर्जना शर्मा

Sirjana, Sharma , सिर्जना शर्मा, pallawa, पल्लव

सिर्जना शर्मा

आफ्नै स्वार्थ ढुकी सिकार वनमा खोज्दै हिँडेकाहरू
बिर्सन्छन् “घरका प्रसून, सबको उस्तै त हो आबरू
यो हाम्रो पहिचानको धरहरा भत्काउनेले बुझून्
देवी हुन्, जननी अझै भगवती सम्झी स्वयं ती पुजून्

बाटो छैन कतै हिडूँ वरपरै ब्वाँसाहरूको भय
जाने खै कुन मार्गबाट कसरी बन्दै अहो निर्भय !
नारी हिँड्न हुँदैन आज पथमा व्याधाहरू ढुक्तछन्
ज्यूँदै च्वाम्म चपाउने नियतले मौका सधैं खोज्दछन् !

 

Continue reading


जयदेव गोविन्द का तीन कविताः

Jaya, Gobjnda, Nuwakot, जयदेव गोविन्द, pallawa, पल्लव

जयदेव गोविन्द

१) ‘भुँडी’
खाई टन्न अघाउँदा चसचसी चस्कन्छ घोची तन
खाली बस्नुपरे निकाल्छ पलमै विद्रोह, आन्दोलन
धावा बोल्छ हडप्छ वक्षमुनिको सेरो र फेरो भुँडी
छापामार, सशस्त्र सैन्यगण झैं बन्दै छ मेरो भुँडी ।१।

यात्रा गर्न हिँड्यो उतै सँगसँगै झुण्डिन्छ भारी भुँडी
सातो लिन्छ मडारिई कमरमा आतङ्ककारी भुँडी
बाँधी हात बसूँ भने कलहले छड्कन्छ बोक्रे भुँडी
केही गर्न हिँडे सँगै मफतमा तेर्सिन्छ धोक्रे भुँडी ।२।

 

Continue reading


कुकर्म यसरी बढ्दै छ लज्जित् न भै ??

, Shreejana, Sarovar, सृजना सरोवर , pallawa, पल्लव

सृजना सरोवर

प्यारा फूल बगानमा झुलिरहे हेर्ने छु जूनी भरी
आऊ कोकिल हो सुरम्य नभको बाटो यतैको गरि ।
ठूलो व्यर्थ भयो म लेक्छु जगमा पीडा भरेको कथा
पानामा कपिका भरूँ म कसरी त्यो जिन्दगीको व्यथा ।।

लामा लाम भएर घेर्दछ यहाँ पीडा व्यथा साथ भै ।
हुन्छ्न् यी किन हो म जान्दिन सबै यो भेद के हो अझै ।
हे अम्बे जग यो छ रोशन भनी भन्छन् त ज्ञाताहरू ।
देख्दैनन् किन चच्छुले गगनमा तारा कतै के गरूँ ?

 

Continue reading


‘जाग्दा ज्ञानको भोक’

Giriraj, Joshi, गिरिराज जोशी, pallawa, पल्लव

गिरिराज जोशी

(गिरिराज जोशी द्वारा संस्कृत नीतिश्लोकहरूको रूपान्तरण)
विद्वत्वं च नृपत्वं च नैव तुल्यं कदाचन ।
स्वदेशे पूज्यते राजा विद्वान् सर्वत्र पूज्यते ॥१॥

विद्वत्ता–नृपको सत्ता हुँदै हुन्न बराबर
राजा स्वदेशमा मान्य विद्वान् मान्य सबैतिर ।
क्षमताले बडो हुन्छ, हुँदैन परिधानले
राजा बन्छ अवस्थाले, विद्वान् बुद्धि–प्रयत्नले ॥१॥
०००
माता शत्रुः पिता वैरी येन बालो न पाठितः ।
न शोभते सभामध्ये हंसमध्ये बको यथा॥२॥

 

Continue reading


हिरा भट्ट का जोर कविता

Hira, Bhatta,हिरा भट्ट ', pallawa, पल्लव

हिरा भट्ट

१) त्यो दसैं पो दसैं
खोर म्याँम्याँ गरी गाउँ हल्लाउँथे
व्यस्त जाँतो ढिकी साँझमा आउँथे
साँझले बाल्दथ्यो तेल प्यूँदै टुकी
ज्योतिले छाम्दथ्यो चाडको ढुक्ढुकी
।१।
भोकले डाक्दथ्यो शीघ्र चिम्नी-धुवाँ
मृत्तिका गन्धको साथ आमा बुवा
झ्याउरे गीतमा नाच्दथ्यो रेडियो
लाहुरे दाइको काँधमा जो थियो
।२।

 

Continue reading


“प्रणय – प्रसङ्ग”

Krishna, Sharan, Paudel, Opadhyaya,, कृष्ण शरण उपाध्याय, pallawa, पल्लव

कृष्ण शरण उपाध्याय

यो मेरो मुटु भित्र एक मधुरो, पीडा दिने को भन ?
पीडा मा अझ व्यङ्ग्य मिश्रित कडा, क्रीडा दिने को भन ?
को हो ऊ दिनरात यी नयन मा, झल्झल् गरी झल्कने ?
को हो ऊ झरना बनी हृदय मा, छल्छल् गरी छल्कने ?

यौटै मात्र छ आश ती नयन को, सौन्दर्य हेरी बसूँ !
यौटै मात्र छ प्यास ती अधर को, माधुर्य हेरी बसूँ !!
गर्जी खस्छ सदैव बादल – झरी, यो चित्त मा को भन ?
ठट्टा गर्छ सदैव ऊ छल गरी, यो चित्त मा को भन ?

 

Continue reading


वाशुदेव पाण्डेय का केही टुक्राहरूः

Basudev, Pandey,वाशुदेव पाण्डेय,pallawa, पल्लव

,वाशुदेव पाण्डेय

शार्दूलछर्छन् सुन्दरता तथा मधुरता लालित्य दिव्य स्थल
झर्छन् निर्झरसाथ रत्न जलका थोपा बनी चञ्चल।
लाग्छन् निश्चल शैल धीर मुनिझैं धर्ती तपस्यास्थल
मेरो सुन्दर शान्त पश्चिम अहा ! हो दिव्य देवस्थल ।।
शार्दूलविक्रीडित
माटो उर्वर शक्ति बोट नभए यी फूल फुल्थे कहाँ
पर्दै लट्ठ मिलिन्द लाख पुतली आएर डुल्थें कहाँ।
बामे सर्न सिकें जहाँ विगतमा बाटो कहाँ भुल्छु म
आमाबा गुरुतुल्य देश र त यो माटो कहाँ भुल्छु म ।।
शार्दूलविक्रीडित

 

Continue reading


हिंसामुक्त समाज निर्मित गरौं

Sirjana, Sharma , सिर्जना शर्मा, pallawa, पल्लव

सिर्जना शर्मा

मारी मानिस यो धरा रगतले रातै बनाई दिए
लाग्ने छैन यहाँ त ऎन तिनमा नेता उसैको भए
घुम्छन् आज तिनै स्वतन्त्र रुपले हत्यागरी गाउँमा
बाच्नै मुस्किल भो कठै गरिबले को सोच्छ यो ठाउँमा

हिंशाले मनमा अशान्त अझ भो नर्कै भयो राष्ट्रमा
सानो चित्त भयो कलङ्कित बन्यो नेपाल यो देशमा
सत्तामा अझ मख्ख पर्दछ सबै चर्चा बटुल्ने भनी
आगो दन्दनले बले समरमा बर्षौ बिताए अनि !

 

Continue reading


कृष्ण शरण उपाध्याय का जोर कविता

Krishna, Sharan, Paudel, Opadhyaya,, कृष्ण शरण उपाध्याय, pallawa, पल्लव

कृष्ण शरण उपाध्याय

“लोग्ने मानिस आजको”
लोग्ने मानिस मा कलङ्क गहिरो, बढ्दैछ बढ्दैछ झन् ।
लोग्ने मानिस आज दानव बनी, सड्दैछ सड्दैछ झन् ।।
पीडा हुन्छ कताकता हृदय मा, लोग्ने हुँ भन्दा पनि ।
लाजै हुन्छ यदाकदा नयन मा, लोग्ने म बन्दा पनि ।।

लोग्ने मानिस अङ्ग को कडकले, साह्रै घमण्डी भयो ।
ऊ आगो सरि काम को भडकले, साह्रै वितण्डी भयो ।।
बिर्सेको छ विवेकहीन मति ले, कर्तव्य ऊ सुस्तरी ।
भट्केको छ पशुत्व को प्रगतिले, गन्तव्य ऊ सुस्तरी ।।

 

Continue reading


आमा

Ambika, Adhikari, अम्बिका अधिकारी , pallawa, पल्लव

अम्बिका अधिकारी

ठुलो स्वप्न सजाउँदै हृदयमा आमा तिमीले सधैँ
जन्मायौ अनि प्यार साथ खुसले हुर्की वढायौ अझै
शिक्षा ज्ञान र चेतना सव दियौ वात्सल्यतामा कुनै
दोषी खोट नपार्इ हुर्कन पुग्यौ त्यो छत्र छायाँ मुनी ।

भोको पेट र क्यै अभाव नपरी हुर्केर ठूलो भएँ
दु:खै दर्द विमारले पनि कठै छोएन बढ्दै गएँ ।
आफू खाइ नखाइ वंश सवको देख्भाल गर्दै रह्यौ
केही सुख्ख नपाइ जीवन भरी आमा तिमी नै गयौ ।

 

Continue reading


छाती भरी देश छ

Hira, Bhatta,हिरा भट्ट ', pallawa, पल्लव

हिरा भट्ट

यौटा दृश्य छ चर्म चक्षुसितको नाता रुचाउन्न जो
यौटा नृत्य छ सृष्टिमा अटलता आभा गुमाउन्न जो
वासन्ती पलका उषा किरणमा क्यै लिप्त सन्देश छ
जङ्घा तुल्य मधेस शैल शिरमा छाती भरी देश छ
।१।
मेची चुम्छ तमोरका तटतटै कोशी झरेको मन
कालीको जल बन्छ टेक्छ पलमै सैपालको आँगन
ए आमा जुन दुग्ध साथ चुलियो छाती यही बेस छ
जङ्घा तुल्य मधेस शैल शिरमा छाती भरी देश छ
।२।

 

Continue reading


‘सङ्घीयता’

Basudev, Pandey,वाशुदेव पाण्डेय,pallawa, पल्लव

,वाशुदेव पाण्डेय

राणा हटायौं अनि पञ्च सत्ता
ल्यायौं प्रजातन्त्र मिलेन पत्ता।
ल्यायौं नयाँ यो गणतन्त्र कस्तो
सङ्घीयता यो ‘गलगाँड’ जस्तो।।
(१)
भण्डार सानो घरखेत थोरै
खाने थपिन्छन् प्रतिवर्ष धेरै।
थेग्नै नसक्ने करको छ भारी
हेरौं न चस्मा भ्रमको उतारी।।
(२)

 

Continue reading


जयदेव गोविन्द का तीन कविता

Jaya, Gobjnda, Nuwakot, जयदेव गोविन्द, pallawa, पल्लव

जयदेव गोविन्द

१) नेपाली मन
जहाँ आँखा खोली प्रथम धरती दर्शन गरें
जहाँ च्याहाँच्याहाँ प्रथम सुरिलो गायन भरें
जहाँको हावाले घुरघुर लिएँ सास लहरी
यही नै हो मेरो अतुल मठ नेपाल नगरी 01

यहीँ पाएँ प्यारा जनक-जननी, सुन्दर कुटी
पिएँ छाती खोली मृदु रस हिमाली जडिबुटी
यहीँ तेते ताते थिरथिर सिकायो समयले
चिची पापा नाना गणित-कखरा दीपक बले 02

 

Continue reading


केशवराज आमोदीका तीन कविताः

Keshav, Raj, Aamodi, केशवराज आमोदी, pallawa, पल्लव

केशवराज आमोदी

१) चेतना
तिम्रो तागतले समस्त जग यो पारेर नै सोत्तर
वा आफैं परमाणु भै सकल यो ब्रह्माण्ड टुक्रा गर
चाहे अग्नि बनेर हर्हर बली यो सृष्टि स्वाहा गर
मेरा ती पथ रोक्न हिम्मत भने कैले नगर्ने गर ।
१.
फुट्लान् पत्थर ती असंख्य तटका चट्टान टुट्लान् कतै
होला ध्वस्त फुटेर विश्व-रचना ज्वालामुखी दन्किंदै
आँधी उग्र बगेर सोत्तर सबै गाँवै उड़ाए पनि
मेरो अन्तर हुन्न खल्बल यहाँ पहाड़ बज्रे पनि ।
२.

 

Continue reading


‘‘जननी’’

Laxmidatta, Bhatta, Satyapremi, लक्ष्मी दत्त भट्ट 'सत्यप्रेमी', pallawa, पल्लव

लक्ष्मी दत्त भट्ट ‘सत्यप्रेमी

तिम्रा सधै सतकथा मनकी दुलारी ।
आमा सधै जनमको म भए दुखारी ।।
ब्यथा रहे गहभरी मन खिन्न पारी ।
आमा नपाइ जगमा म दुखी निहारी ।।
(१)
त्यो प्रेम काख जननी तन चाल सार ।
आलाप यो सकलको मन यो अपार ।।
सोचेर यो जनमको मन भावनामा ।
त्यस्तै रमेर मनले शुभ कामनामा ।।
(२)

 

Continue reading


कृष्ण शरण उपाध्याय का जोर कविता

Krishna, Sharan, Paudel, Opadhyaya,, कृष्ण शरण उपाध्याय, pallawa, पल्लव

कृष्ण शरण उपाध्याय

१) “जस्तो त्याग गरिन्छ………”
जित्ने हो यदि युद्ध भीषण भने,धाकीपना हो लिने ।
चुम्ने हो यदि लक्ष्य उत्तम भने,त्यागीपना हो लिने ।।
धाकी आँत हुनेहरू समर का,हुन्छन् विजेता महान् ।
त्यागीभाव हुनेहरू मुलुक का,बन्छन् सुनेता महान् ।।

जस्तो त्याग गरिन्छ त्यै किसिम का,उत्पन्न हुन्छन् फल ।
त्यागैले उपलब्ध हुन्छ जन मा,आनन्ददायी पल ।।
त्याग्छन् जो सुख भोज मोज सुबिधा,ती बन्दछन् अब्बल ।
तेस्ता सन्त मनुष्य ले भुवन मा , गर्छन् सदा मङ्गल ।।

 

Continue reading


दीनानाथ पोख्रेल का जोर कविताः

Dinanath, Pokhrel, दीनानाथ पोख्रेल, pallawa. पल्लव

दीनानाथ पोख्रेल

१) छ्नोट
धर्म ज्योतिष कला सब खोजी ।
पढ्छ शास्त्र पनि मानिस रोजी ।।
बढ्दछन् मनविषे किन दोष ?
कृत्यतर्फ मन मान्दछ खोट ।।०१।।

त्याग गर्न जन पढ्दछ हिंसा ।
गर्न बढ्दछ खुदै नर हिंसा ।।
दोष देख्छ मन यो परमात्र ।
हेर्न भुल्छ मन यो निज गात्र ।।०२।।

 

Continue reading


सिसा चौधरी‎ का जोर कविताः

Shisha, Sisa, Tharu, Chaudhari, Jhapa, सिसा थारू, pallawa, पल्लव

सिसा थारू

१) ‘पीडा’
पिता रुँदै छन् मुटु नै दुखाई
गर्दै छ छोरो किन हो ढिलार्इ
हुर्काउँदाको सब दुःख भार
पीडाहरू छन् मनमा हजार ।१।

आमा रुँदै छिन् ममता फिंजाई
छोरो भएको किन हो पराई
लुट्यो खुशी भाग्य भयो किनार
पीडाहरू छन् मनमा हजार ।२।

 

Continue reading


उपाधि, सम्मान र विभूषण

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

चाहिन्नन् पदवी विभूषण कुनै सम्मानका खातिर
तक्मा सुन्दर स्वर्णका पदकले झुक्दैछ मेरो शिर ।
छैनन् उच्च कला पुरस्कृत कतै खोटो छ रारा पनि
फेवामा किन चाहियो जलपको सन्त्रास लाग्ने जुनी ।।१

आमाको मन खिन्न हुन्छ कसरी थापूँ अलङ्कार म
साँच्चै इज्जत धान्छ के रहरले रुञ्चे कलाकार म ।
लेकाली सुन प्याउली र पसिना फैलाउने ज्ञान खै ?
पाखा पर्वत टारमा पदकका उत्कृष्ट सम्मान खै ?? २

 

Continue reading