हिरा भट्ट का जोर कविता

Hira, Bhatta,हिरा भट्ट ', pallawa, पल्लव

हिरा भट्ट

१) नाङ्गो गणतन्त्र
भान्साभित्र म दूध कुर्दछु भनी ढाडे बिराला सुते
हात्ती अंकुशमुक्त भैकन डुले छाडा भए माहुते
देख्नेले पनि लाज मान्छ तनमा सक्छौ खरानी घस
नाङ्गै छौ गणतन्त्र लाज छ भने धोती लगाई बस ।
।१।
मुद्दा हाल्छ किसान धान नभई ती खेत रित्तै हुँदा
खुल्लेआम मुसाहरू कुदिरहे छन् जेलमा भ्यागुता
खोज्छौ धान भने मुसा सँगसँगै आफै दुलोमा पस
नाङ्गै छौ गणतन्त्र लाज छ भने धोती लगाई बस ।
।२।

Continue reading


जयदेव गोविन्द का चार कविताः

Jaya, Gobjnda, Nuwakot, जयदेव गोविन्द, pallawa, पल्लव

जयदेव गोविन्द

१) प्रकृति र कविता
आऊ डाँफे प्रणय रसका झ्याउरे गाइदेऊ
चुच्चा जोडी मुजुर लचिला तालमा नाचिदेऊ
घाँटी तानी वक गहकिलो ध्यानविद्या सिकाऊ
हेरी तिम्रा तपस म नयाँ काव्य लेखी सुनाऊँ

प्यारा हात्ती मृदुल धुकुरी घन्न घन्काइदेऊ
आऊ मैना मधुर सनही राग रन्काइदेऊ
वर्षा थापी पतकरहरू ठोक ताली दमाहा
नाच्छिन् प्यारी सरस कविता नौमतीभित्र आहा !

 

Continue reading


रामराजा तिमिल्सिना का केही टुक्राहरूः

Ramraja, Timilsina, Belkot, रामराजा तिमिल्सिना‎ , pallawa, पल्लव

रामराजा तिमिल्सिना‎

१)
वाइड् वडी सुन तस्करी हो
पिएर होली मुन नक्कलीको
छ निर्मलाको खल न्याय दाता
निन्दा गरौं है यमराज खाता

साँच्चै कह्यौ गीत सुनाउँदै जो
खले खरावी यमराज त्यै हो
गाऊ सुनाऊ न दुखिन् माता
निन्दा गरौं है यमराज खाता

 

Continue reading


जङ्गलका पात्रहरू

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

कैयौं दिन बिते यस्तै निराशाभित्र छिन्छिन
नौलो कार्य कतै छैन संवृद्धि म त देख्दिन ।
बिहानी राप नै छैन उषा छैन उराठ छ
सूर्यमा कान्ति नै छैन शंकाको अनुहार छ ।।

ऐजेरु जाल बुन्दैछ हाँगा सुक्दै झरे कतै
रुखमा पात नै छैन जरा पत्थरमा कठै ।
सिंह शिकार गर्दैछ लुछाचुँडी छ स्यालको
ब्वाँसाले जिउँदै लुच्छ कल्चौँडो अग्र भागको ।।

 

Continue reading


राष्ट्रचिन्ता

Dharmanand, Bhatt, धर्मानन्द भट्ट, pallawa, पल्लव

धर्मानन्द भट्ट

राजा एक गए अचेल घरमा आए अनेकौँ अनि
खाए राष्ट्र लुछी भरे सब भुँडी मारी पछारे पनि
पारे खण्ड अखण्ड राष्ट्र यिनले बाँडे घरेडी बुझी
आआफ्ना दरबारभित्र दिनमै हुस्की झरीमा रुझी ।।

जन्मे बालकसाथ मस्त दिलले लाखौँ उठाए कर
भ्रष्टाचार गरी त्यही रकमले रातौँ ठड्याए घर ।
यस्ताकै छ अमेरिका घर अझै छन् बैंक पैसा कति
चुस्दै छन् उपियाँ बनी सुँड तिखा गाडेर सस्तो मति ।

 

Continue reading


पीडा !

 

Uttam, Kumar, Pokhrel, उत्तम कुमार पोखरेल, pallawa, पल्लव

उत्तम कुमार पोखरेल

बुझिन मैले के भयो आज कलमले लेख्दैन
पीडाले आज छट पट भयो कसैले देख्दैन
यो मेरो मन उडेर गयो त्यो पारी पाखामा
भेटिन मैले परिको रूप रूखको डालिमा !!१!!

सूर्यलाई मैले हात जोडी भने तिमिले देख्यौकी
नदेख्ने ठाउँ थिएन उस्को मलाई नै ढाँट्योकी
अँध्यारो भयो त्यो पाखा बिच देख्दिन उनिलाई
चन्द्र लाई पनि बिन्ति नै गरें बचाउ उनिलाई !!२!!

 

Continue reading


स्वर्गीय वीर पुर्खालाई चिठी

Mukunda, Sharma, मुकुन्द शर्मा, pallawa, पल्लव

मुकुन्द शर्मा

वीर पुर्खाहरू ! मेरो बारबार प्रणाम छ
त्यहाँको हाल कस्तो छ ? यहाँ भनिनसक्नु छ
छरी पौरखको रक्त जानुभो स्वर्गमा अघि
हामी सबै रमाएथ्यौ देशलाई उभो लगी

देशभक्ति थियो मेची—महाकाली सबैतिर
आफ्नो इज्जतमा बाँच्ने गरी ईश्वरमा भर
आज आए कहाँबाट देशलाई भँड्याउने
खरानीमा गरी द्वन्द्व आफ्नै छानो डढाउने

 

Continue reading


जयदेव गोविन्द का जोर कविता

Jaya, Gobjnda, Nuwakot, जयदेव गोविन्द, pallawa, पल्लव

जयदेव गोविन्द

१) दल, सम्प्रदाय र देश
हामीमा दल, राजनीति रहने हामी भएसम्म हो
नेपाली हुन पाइने दशगजा, सीमा रहेसम्म हो
देशै छैन भने करोड मनमा आशा कहाँ घुस्तछन् ?
आमा नै रहिनन् भने शिशुहरू लाम्टा कहाँ चुस्तछन् ?

के हाम्रा ‘बलभद्र,भक्ति’ दलका वक्ता प्रवक्ता बने ?
हाम्रा बुद्ध सुखी बनेर कहिले चाहिन्छ सत्ता भने ?
साँच्चै देश उठाउने मन भए चाहिन्न कुर्सी पद
मौरी मिष्ट बनाउँछन् महसुधा हून् जत्ति साना कद

 

Continue reading


केशवराज आमोदी का केही मुक्तकिय टुक्राहरू

Keshav, Raj, Aamodi, केशवराज आमोदी, pallawa, पल्लव

केशवराज आमोदी

मेरो देश भनेर गर्व गरिने आधार खोज्दै छु म,
इन्द्रेनीमय रंगदार छविको सौन्दर्य रोज्दै छु म ,
थाकेको छु नयाँ सुमार्गतिरको संकेत मिल्दा पनि –
नेताका किन कानबन्द अझ छन्? गैरेर सोच्दै छु म ।

मस्किंदै सुगन्धित माला लगाइदियौ सुर हराई सम्मोहित भइरहें-
यौवनमा मात कि मातमा यौवन थियो म निकै रोमाञ्चित भइरहें,
मान या नमान फूलमा , सुगन्धमा र सौन्दर्यमा तिमी नै त थियौ-
म सपनीमा रहें,बिपनीमा रहें जहाँ रहें तिमीमै आलिङ्गित भइरहें ।

 

Continue reading


‘रसमय कवितामा मेल होस् फूलजस्तो’

Savita, Bhattarai, सविता भट्टराई, pallawa, पल्लव

सविता भट्टराई

सरल सरस भाषा लेखनी सिद्धहस्त
नरम नरम पारा बोल होस् नम्रसुस्त
अविरल झरना झैँ शैलको मूल जस्तो
रसमय कवितामा मेल होस् फूल जस्तो ।।

मगमग मग बास्ना फैलियोस् कन्दरामा
मृदुल मृदुल आशा झल्मलाओस् धरामा
पवन सरि बहेको चालमा चल्मलाओस्
रसमय कविता नै वाणीमा बस्न आओस् ।।

 

Continue reading


वार्द्धक्य र विवशता

Jaya, Gobjnda, Nuwakot, जयदेव गोविन्द, pallawa, पल्लव

जयदेव गोविन्द

मातापिता बितिसके अब आउँदैनन्
हुर्के-बढे शिशुहरू घरमा हुँदैनन्
फर्क्यो यता अनि उता घर लाग्छ बेग्लै
यो वृद्ध जीवन थचारिन थाल्छ एक्लै ।१।

बास्छन् चिरिर्र चिडिया गुँडमा सबेरै
बोले कि पुत्र नजिकैसरि लाग्छ मेरै
त्यो नीडको स्वर शनैः जब बन्द हुन्छ
हर्षानुभूति मनमा द्रुत मन्द हुन्छ ।२।

 

Continue reading


यथार्थ !!

Uttam, Kumar, Pokhrel, उत्तम कुमार पोखरेल, pallawa, पल्लव

उत्तम कुमार पोखरेल

शिर शिर गरि चल्दछ हावा शरिरमा छोएर
अदृश्य रूपको महसुस गर्छु सितल पाएर
स्वासको गति चलाउँछ त्यसले आत्मामा बसेर
प्रणको स्वरूप लिएर बस्छन् जीवमा पसेर !!

आकाश माथी बसेर हेर्ने ती ईश्वर रूप हुन
सूर्य र चन्द्र दिन रात सधै हेरेर बस्दैछन
सक्दैनौ छल्न तिनको आँखा प्रकृति तिनै हुन
कु-कर्म सारा लेखेर राख्ने निर्णायक तिनै हुन !!

 

Continue reading


भो, सम्झना यो किन . . . . . ??

Kalanidhi, Dahal, कलानिधि दाहाल, pallawa, पल्लव

कलानिधि दाहाल

भो, सम्झना यो किन– १,
नाता नैकटको छ सुन्न रसिलो-बानी उता मेलको
सारा देह मुसारदै खुशखुशी-क्या खेल यो खेलको ?
टीका टाँस्न हतार पाउ तलमा-ढोग्ने भएका मन
भित्री चाल अझै उता अरु उता-भो,सम्झना यो किन ??

गर्नैपर्छ भने खुला रहि गरे-कोट्याउने को छ र
नाना नाटकका हिडे भ्रमणमा-पत्याउने को छ र ?
निर्लिप्ती सब चाल ढाल तनको-पर्दा छ खुल्ने छिन
जम्मै ह्वाङ्ग हुनेछ साइत कडा-भो,सम्झना यो किन ??

 

Continue reading


म र आजको परिवेश

Keshav, Raj, Aamodi, केशवराज आमोदी, pallawa, पल्लव

केशवराज आमोदी

पराइ भो समाज झन् बिरानु देश भो घर-
सुखान्तका कथाहरू हुँदै गए निकै पर ,
म भित्रका व्यथाहरू अकाशिएर झ्याड्’गिए-
कसो गरूँ ?स्वबान्धवादि इष्ट-मित्र बाड्’गिए ।

जताततै घृणा, स्पृहा र राग, द्वेष छन् बडा-
अनेक लोभ – मोहका बनेलु वृक्ष छन् खड़ा,
कतै छ सेप छिप्छिपे, हिलो छ गज्गजी कतै-
कतै छ उच्च टाकुरो, अनेक भीर छन् कतै ।

 

Continue reading


चेली

Narayan, Nirasi, नारायण निरासी, pallawa, पल्लव

नारायण निरासी,

अर्काको वशमा परे दिनदिनै जम्दैन त्यो आसन
हे नारी नसहे कुनै पुरुषको अन्यायको शासन
के बस्छौ दिनरात चोट सहँदै भान्सा पँधेरा कुरी ?
आऊ निस्क चिराग बाल्न पथमा बन्दै तिमी हुन्डरी ।

बढ्दै छन् घटना हरेक पलमा हिंसा बलात्कारका
सारा मौन भई त्यसै बसिरहे संयन्त्र यो राज्यका
मोल्दै छन् खतरा सदैव महिला छैनन् सुरक्षा दिने
निर्दोषी परिबन्दमा परिरहे दोषीहरू उम्किए ।

 

Continue reading


जयदेव गोविन्द का जोर कविता:

Jaya, Gobjnda, Nuwakot, जयदेव गोविन्द, pallawa, पल्लव

जयदेव गोविन्द

१) चिन्तन र दृष्टान्त
हेर्ने शक्ति घट्यो भने नजरमा लाइन्छ चस्मा तर
औंला कान र नाकको भरविना केमा अड्याइन्छ र ?
चस्माको उपयोग माग रहने आँखा रहेसम्म हो
त्यस्तै पात्र र नाम चर्चित हुने चर्चा भएसम्म हो

रोगी नै नभए जगत्-भर कतै बिक्तैनथे औषधी
पानी नै नभए सलल्ल कसरी उर्लेर बग्थे नदी ?
मर्छन् सीप र दक्षता समयमा खाँचो परेनन् भने
शोभा दिन्छ वसन्त के शिशिरमा पत्ता झरेनन् भने ?

 

Continue reading


छोडें बुहारी घर

Dharmanand, Bhatt, धर्मानन्द भट्ट, pallawa, पल्लव

धर्मानन्द भट्ट

आँखा आँसु दिई तिमी किन गयौ भन्छन् मुमाबाहरू
यस्तो शब्द सुनेर सोच्छ मनले बस्नेछु एक्लै बरु ।
आमाको मनभित्र बस्न म सकूँ ठूलो त्यही हैन र
शिक्षा लिन्छु भनी बसें शहरमा छोडें बुहारी घर ।।

मेलापात कसो गरी अब गरूँ एक्लै यता लौ भन
तिम्रो साथबिना यता त घर औ औसी भयो यो मन ।
एक्लो बाँच्छु म नै खुशी मन सधैं आमा बुहारी गर
पाऊँ मार्ग यही भनी कहरले छोडें बुहारी घर

 

Continue reading


सम्झेर आफ्नै घर

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

आमाको पटुकी अहा ! हृदयको मातृत्व पोल्टा भरि
साँच्चै सुन्दर चाँदवाग जननी भूस्वर्गकी हुन् परी ।
आफ्नै प्यार सुगन्ध चिन्न नसकी दौडेर कुद्ने पर
साथी फर्क न फर्क देशतिर नै सम्झेर आफ्नै घर ।।

काला ती कनिका मकै मयलका टाला सधैँ खोज्दछन्
थैलीका खुजुरा सुका डबलले ऐश्वर्य सम्झाउँछन् ।
पाक्चे काफल छैन खै मरिसक्यो धारा सुक्यो मास्तिर
साथी फर्क न फर्क देशतिर नै सम्झेर आफ्नै घर ।।

 

Continue reading


सुभाव

Dinanath, Pokhrel, दीनानाथ पोख्रेल, pallawa. पल्लव

दीनानाथ पोख्रेल

छ प्रेम देशभक्तिको खुलोस् कला सुधारको ।
छ दण्डहीनता अझै रुँदै छ न्याय भाव त्यो ।।
सुधामयी सुशान्तिको छ मोह नित्य चेतमा ।
विचार भाव हुन् नयाँ सुधार हुन् स्वदेशमा ।।०१।।

उठोस् विचार कर्ममा खुलोस् विकास हारमा ।
रमाउँदै सुप्राप्तिले जुटौँ सबै सुधारमा ।।
सुतीसुती नछाँट रे अह्रोट भन्छ चेतले ।
उठेर लौ नबाझ रे सुप्राप्ति हुन्छ मेलले ।।०२।।

 

Continue reading


महामहिम भन्नुहुन्छ !!!

Dhanraj, Giri, Aananda, धनराज गिरी ‘अानन्द’, pallawa, पल्लव

धनराज गिरी ‘अानन्द’

गाह्रो भो “धनराज ” लिन्न सुबिधा गाडी पजेरो सबै
सारा यी जनता कता अब कता बाँचे घडेरी नभै
यत्रो थोक करोड़ यो अति भयो बेकार हो कार यो
भो भो देश अठार खान्न अहिले यो भार हो भार हो

हल्ला यो गरियो म सुस्त मनकी थाहा नपाई बसें
यो कुर्सी पनि भो बिचित्र धनजी खाँदै नखाई फंसें
झेली काम भयो गयो मदनको जो साख पैले थियो
रातो नाम गयो शहीद हुन गो हा मार्क्स सातो लियो

 

Continue reading