यस्तो टिप्पणी गर्दै थिएँ . . . . .

Ramraja, Timilsina, Belkot, रामराजा तिमिल्सिना‎ , pallawa, पल्लव

रामराजा तिमिल्सिना‎

उपेक्षा आफ्नै हो, प्रगतिशिल नै छैन मनमा ।
सदा हारे जस्तो, हुन पनि गयो आगमनमा ।।
जुधेको हारेको, गजल कविता छन्द गलत ।
कुनै स्रष्टा ज्ञानी, रहन पनि सक्दैन फल त।।१

बरू लेखे राम्रो, बक बक गरी छन्द विहिन ।
पुरानो पुर्खाको, अचलन हुने गन्ध विहिन ।।
उसैले मार्ला है, युग बहनको बाजी भुवनमा ।
कुनै आभा छैनन्, छ गति यति के छन्द पनमा ।।२

 

Continue reading


रोयो कविता

Rama, Khatiwada, रमा खतिवडा, pallawa, पल्लव

रमा खतिवडा

तिमिले मात्रै गजल लेख्यौ,
खाली पानमा रोयो कविता।
बर्सियो बहार यो उस्को हैन,
गातामा लुकि रोयो कविता।।

आसा छ बाकी सपना छैन,
खुसिको सन्सार यो उस्को हैन।
हेरेर रहर तिम्रो गजलमा,
टुटेर भित्रै रोयो कविता ।।

 

Continue reading


मीत घाम हो

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

राप बर्सिए शीतले मजा
शीत आउँदा घामले मजा
छन्द आउने सुन्दरी भयो
शीत यामको मीत घाम हो।।१

छैन हातमा दूर हुन्छ झन्
शारदी छटा मग्न पर्छ झन्
चस्स देहमा घोच्छ यो चिसो
शीत यामको मीत घाम हो।।२

 

Continue reading


राजा र रानीहरू

Rajendra, Siluwal, Ghayal, राजेन्द्र घायल, pallawa, पल्लव

राजेन्द्र घायल

साथीबाट भयौ अचानक तिमी हाम्रा बडे मालिक
तिम्रो वर्ग पदोन्नति भइरह्यो लाग्यौ उँभो दैनिक
हाल्दै होम गराउ पूर्ण व्रत त्यो हामी बनौंला चरु
ठान्छौं धन्य भयौं कमाउन सक्यौं राजा र रानीहरू ।

गर्छौं फूल अबीर अर्पण यहाँ तिम्रो सवारी हुँदा
दिन्छौ के बरदान ख्वामित प्रभो तड्पेर हामी रुँदा
चाहे क्यै नमिलोस् तथापि प्रभु झैं क्वै छैन हाम्रो अरु
पायौं पुज्न असंख्य यो मुलुकमा राजा र रानीहरू ।

 

Continue reading


बाकसको घाउ

Bhim, Khatiwada, Dharan,डा. भीम खतिवडा, pallawa, पल्लव

,डा. भीम खतिवडा

को भन्दिन्छ हुँदैन टिप्न सजिलो पैसा मरूभूमिमा
भोग्नेका गहमा अनन्त बहका गाथा कठै दारुण
आमा-बासँग भन्दिऊँ कि नभनौँ कालो भयो यो दिन
आयो बाकसमा अनन्त सपना छोपेर छोरो किन?

बाआमा! म दिनेछु सौख अब ता गर्नेछु सेवा सधैँ
भन्नेछन् सब- “पुत्र भैकन अहा! बन्नू ठुलोबाबुझैँ”
मौनी छौ किन दौँतरी खबरले पाइन्न कल्पी रुन
आयो बाकसमा विदीर्ण सपना रोपेर साथी किन ?

 

Continue reading


नेपालीको चाड तिहार

Nanda, Lal, Baral, नन्दलाल बराल , pallawa, पल्लव

नन्दलाल बराल

चारबर्ष भो भाइ मैले , लाईन टीका पनि
धेरै साल बिते हेर्दै , भाइ आउला भनी ।
बाबुआमा तिम्रो बाटो , हेरि रुन्छन घर
देख्नै तिम्ले पाउन्नौ कि , के छ कालको भर ।।

चारबर्षमा एक बर्ष त , छुट्टी मिल्नु पर्ने
हाँसी खुशी रमाएर , खाना निल्नु पर्ने ।
आशा अनि भरोसा लि , तिम्लाई हुर्कायको
मेरो छोरो जन्म्यो भन्दै , गाउँले घुर्क्यायको ।।

 

Continue reading


पारसनाथ आचार्य का तीन कविता

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

१) सम्झना आइदिन्छ
हाँस्दै खेल्थ्यौ रमझम सधैं गाँउमा प्रेम बोकी
मीठो माया हृदयतलमा भावना माझ छोपी।
मेरै भाका कुहुकुहु गरी कोइली गाइदिन्छ
बिर्सूं भन्दा पनि किन उही सम्झना आइदिन्छ।।१

हाम्रो जस्तो मधुर रसिलो साथ कस्को रहन्छ
चोखो प्यारो मृदुल मननै चाहनामा बहन्छ।
नौलानौला रहर मनले भावना छाइदिन्छ
बिर्सूं भन्दा पनि किन उही सम्झना आइदिन्छ।।२

 

Continue reading


‘सब हुन् एउटै सिनो लुछ्ने’ !!

Kalanidhi, Dahal, कलानिधि दाहाल, pallawa, पल्लव

कलानिधि दाहाल

चाहे माओ मुखले बोलून्
चाहे कार्ल्माक्स् लेनिनवाद !
चाहे हामी इतर हौँ भन्दै
कङ्ग्रेस फेरून् मुखको स्वाद !

चाहे हामी, हौँ भूत भन्दै
माहेन्द्रीका मारून् बात!
सब हुन् एउटै सिनो लुछ्ने
स्याल,सिँह, चितुवा,हाइना साथ!
कुर्सी न पाउञ्जेलका भिन्न
छेपाराका रङ्ग हजार !

 

Continue reading


कृष्ण शरण उपाध्यायका जोर कविता

Krishna, Sharan, Paudel, Opadhyaya,, कृष्ण शरण उपाध्याय, pallawa, पल्लव

कृष्ण शरण उपाध्याय

१) “प्राण जल्दोछ है दन्दनी”
ती मेरा सपनाहरू क्षितिज मा, अड्की बसेका कति ?
ई मेरा जपनाहरू हृदय मा, धड्की बसेका कति ?
वर्षौं देखि अभुक्त गुप्त सपना, उस्तै त छन् चोटिला !
बन्दैनन् किन रूपयुक्त कहिल्यै, अग्ला घना पोटिला ?

आँखा सामु नआउनू अब तिमी, चाहन्न है देख्न म ।
तिम्रा स्वर्ण गजूर माथि कविता, चाहन्न है लेख्न म ।।
हावा बाट निकालिँदैछ बिजुली, चारै दिशा हेर त !
ऊर्जाशील विकास को प्रगति को, लाली उषा हेर त !!

 

Continue reading


जयदेव गोविन्द का जोर कविता

Jaya, Gobjnda, Nuwakot, जयदेव गोविन्द, pallawa, पल्लव

जयदेव गोविन्द

१) राष्ट्रचीत्कार
मसी छर्कीछर्की लघु कलम तन्द्रातिर पस्यो
मसीभन्दा ज्यादा नयनजलको निर्झर खस्यो
रुँदै बोलिन् दुब्ली चिर विरहकी एक जननी
‘म नै तिम्री आमा क्षत विकल नेपाल हुँ’ भनी

म साह्रा ढुङ्गाका बिच तरुलझैं चेपिनगएँ
म टाढाका माग्ने पथिक जनझैं खेदिनगएँ
हिजोजस्तो खुल्ला परिधि अहिले छैन मसित
हिजोकोझैं सङ्लो मसित मन नै छैन मुदित

 

Continue reading


म रहे नरहे पनि

Govinda, Raj, Binodi, गाेविन्दराज विनाेदी, pallawa,पल्लव

गाेविन्दराज विनाेदी

बोक्लान् सौन्दर्यको भारी लाखौं फूलहरू फुली
खोज्लान् सुगन्ध आआफ्नै कस्तूरी वनमा डुली
निचोरी शैलको छाती दूधे झर्ना रसाउलान्
पोखेर वेदना आफ्नै न्याउली गीत गाउलान्

ऐना हेरेर फेवाको मुख बादलले धुँदै
अन्नपूर्णा चुली हाँस्लिन् किशोरीझैँ रमाउँदै
खेत बारीहरू नाच्लान् अन्न बाली फलाउँदा
खुशी किसानले साँच्लान् श्रमको फल पाउँदा

 

Continue reading


शम्भु गजुरेल का जोर कविता

Shambhu, Gajure, Nuwakot, शम्भु गजुरेल, pallawa, पल्लव, Nuwakot,

शम्भु गजुरेल

१) माहाकवी मा बन्दना
सयपत्री र मखमली ,धर्ती सजिएको
मैलो हटी स्वच्छ ,आकाश खारिएको
बागमती किनार पाक पशुपति नाथ
बाली झुली लह लह लोभ्याउने कांठ

ऋतु शरद प्यारोदिन मैना कार्तिक को
तिहार को रङ्गिचङी देउसी अनि भैलो
तिलमाधव पण्डित को देवकोटा थर
अ्मर राज्यक्ष्मीको कोख बनाइ घर!

 

Continue reading


नेपाल चिनारी (खण्ड १ र २)

Koshballav, Regmi, कोषबल्लभ रेग्मी, pallawa, पल्लव

कोषबल्लभ रेग्मी

खण्ड– १,
ठेकी कुँडे मुसल कोल ढिकी मदानी
हर्पे भुने र करुवा गरियो सिरानी।
जाँतो तुलो खडकुडो खुकुरी र मानी
नेपाल चिन्नुछ भने छ यही निशानी॥

पाथी र मानु छपनी तरबार खाँडो
नेती सरो चमर ओखल भात भाँडो।
चौठो पिपा कलम कप्पु खराउ घानी
नेपाल चिन्नुछ भने छ यही निशानी॥

 

Continue reading


सम्झना आइदिन्छ !!!

Himalaya, Paudel,हिमालय पौडेल, pallawa, पल्लव

हिमालय पौडेल

लालाबाला सडकतटमा देख्छु खेल्दै गरेका
हाँस्तै नाच्दै तरुणवयको देख्छु बुट्टा भरेका
ऊ बेलाको मृदुपल सधैं चित्तमा ल्याइदिन्छ
बिर्सूँ भन्दा पनि किन उही सम्झना आइदिन्छ ।

मेरा प्यारा जनक जननी छन् असी वर्ष पारी
लाडे बन्दै नजिक तिनकै खोज्छु नौलो छहारी
आफैं सानो छु कि म जसरी कल्पना छाइदिन्छ
बिर्सूँ भन्दा पनि किन उही सम्झना आइदिन्छ ।

 

Continue reading


रारा सधैं सुन्दर

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

यौटा दृश्य हिमालको नजिकमा हाँस्दै छ रारासित
सेता चन्द्रअमूर्त रूप छ सुधा वात्सल्य भो मूर्छित ।
आफ्नै लोचन माझ तस्बिर बनी नेपथ्यमा रङ्गिदै
नाच्दै छिन् सरिता निकुञ्ज वनमा संसारमा चम्किदै ।।

फेवा ताल अहा! मनोरम छ यो रारा छ झन् सुन्दर
साँच्चै स्वर्ग समान हो विकटको छाँया परेको तर ।
हेर्दै छक्क अनेक दृश्यहरूले पार्ने छ लालायित
आफ्नै भाव सुरम्य बन्छ रमिता लालित्यले सज्जित ।।

 

Continue reading


कस्तो रचूँ काव्य म

Sirjana, Sharma, सिर्जना शर्मा, pallawa, पल्लव

सिर्जना शर्मा

छैनन् राम यहाँ न लक्ष्मण कुनै या कृष्ण नै जन्मिए
खाली रावणको भयो बिगबिगी मान्छे खुवै मारिए ।
रुन्छिन् मातृ बगाइ आँसु गहमा सम्झेर नै मर्म ती
आमाको ममता भुलेर अहिले विग्रे कठै ! सन्तति ।

बाँच्ने औषधको अभाव अति भो हुम्ला र जुम्ला तिर
खाने अन्न भएन आज घरमा रोल्पा र डोल्पा तिर
भत्केको घर बन्छ की सपना जस्तै छ हाम्रो गति
चिप्ला भाषण के सुनन् जनहरू देखिन्न क्यै उन्नति ।

 

Continue reading


नाङ्गै हिडौँ सगौरव

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

छोटा छोटा धुजाधाँजा लुगा लगाउँदा मजा
देखिने भित्र जामामा सुहाउँछ अझै मजा ।
फाटेका छिद्रमा प्वाल आँखीझ्याल कलैकला
स्वतन्त्रता यही नै हो भोगौँ यौवन चञ्चला ।।

पाखेहरू उतै रुन्छन् पखेरा खेतका गरा
डोकेहरू उतै चुम्छन् आदर्श रीतका कुरा ।
ढिँडो र सिस्नुको खोले खानेको बुद्धि के छ र ?
ब्यूटिपार्लरमा थाइ मसाज रुप सुन्दर ।।

 

Continue reading


पसिना बर्षा

Hira, Bhatta,हिरा भट्ट ', pallawa, पल्लव

हिरा भट्ट

मेरो देह चुह्यो विदेश छरियो हाँस्यो रुखो बालुवा
खै देखिन्न मभित्र आज हरियो फूल्दो टुसा पालुवा
गर्थेँ स्वागत आउनू नव उषा घन्काउँदै मादल
पानी हैन अभाव छैन पसिना बर्साइदे बादल
।१।
मेरा पूर्वज वीरता र पसिना संसार छर्दै गए
थोपा खोज्दछु आज सिन्धु म हरे! बाँझो र प्यासी भएँ
ताजा याद छँदै छ सिंहसरिको गर्जी हिँडेको पल
मेरै भूमिविषे अमूल्य पसिना बर्साइदे बादल
।२।

 

Continue reading


“आदर्श बनेर आउनू”

Krishna, Sharan, Paudel, Opadhyaya,, कृष्ण शरण उपाध्याय, pallawa, पल्लव

कृष्ण शरण उपाध्याय

मेरो महान् अंश र रूप हौ तिमी !
सत् चित् र आनन्द-स्वरूप हौ तिमी !!
जन्मी धरामा महझैं रसाउनू !
मसामु आदर्श बनेर आउनू !!

जे कामका लागि तिमी झरेथ्यौ !
त्यो पूर्ण गर्ने प्रण जो गरेथ्यौ !!
सम्झेर दायित्व सबै निभाउनू !
मसामु आदर्श बनेर आउनू !!

 

Continue reading


जयदेव गोविन्द का तीन कविता

Jaya, Gobjnda, Nuwakot, जयदेव गोविन्द, pallawa, पल्लव

जयदेव गोविन्द

१) मान्छे हुन … !
केही ज्ञान सिकेर बाँड्न नसके होइन्न अध्यापक
भित्रैसम्म डुबेर खोज नगरे होइन्न अन्वेषक
गाह्रो हुन्छ सबै विधा, विषयमा सामर्थ्य देखाउन
त्योभन्दा पनि नौ गुणा दस गुणा गाह्रो छ ‘मान्छे’ हुन ।।

राष्ट्राध्यक्ष बनिन्छ धेर मतले ‘हो हो’ जनाएपछि
नेता बन्न सकिन्छ धेर जनता आफ्ना बनाएपछि
गाह्रो पर्दछ लोकको मन जिती उत्कृष्टता पाउन
त्योभन्दा पनि नौगुणा दसगुणा गाह्रो छ ‘मान्छे’ हुन ।।

 

Continue reading