‘केही प्रेम’

Laxmidatta, Bhatta, Satyapremi, लक्ष्मी दत्त भट्ट 'सत्यप्रेमी', pallawa, पल्लव

लक्ष्मी दत्त भट्ट ‘सत्यप्रेमी’,

केही प्रेम बिहानको छ पलको संस्कारको हुन्छ रे ।
केही प्रेम हिमालको र वनको जीवात्मको हुन्छ रे ।।
केही प्रेम नदी र ताल छहरा यो धर्तिको हुन्छ रे ।
केही प्रेम धरा सदै पवनमा शौन्दर्यकै हुन्छ रे ।।
(१)

केही प्रेम सुयोग्य यो कुशुमको बैसाखको हुन्छ रे ।
केही प्रेम छ यो शिला शिखरको पूर्बज कै हुन्छ रे ।।
केही प्रेम उषा छ काल जगमा श्रीभानु कै हुन्छ रे ।
सारै प्रेम सबै मनुश्यहरुमा आफ्न्त कै हुन्छ रे ।।
(२)

 

Continue reading


वसन्त पराग

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

(नयाँ वर्षको शुभकामना सहित वसन्तोपहार)
कविका कविता दमदार खुले
नवयौवनका मधुमास फुले ।
रसराग पराग पिए जसरी
मधुमास मनाउँछ दिव्य चरी ।।१

वनका लतिका नव-कोकिलका
अधुरा निमुखा अब लेख्छु कथा ।
कति छन् दिलमा अनमोल खरी
सरिता नव निर्मल नाद परी ।।२

 

Continue reading


नेपाल जागारण

Narayan, Baral, नारायण बराल, pallawa, पल्लव

नारायण बराल

सक्छौ मार्न भने कुभाव मनको, सर्लक्क मार्ने गर ।
सक्छौ जित्न भने स—क्रोध मनको, हाँसेर जित्ने गर ।।
सक्छौ खान भने बिभिन्न रसमा, त्यै रीस खाऊ बरु ।
सक्छौ प्यून भने सुशान्त मनले, श्री भक्ति पीए बरु ।।१।।

पैरन्छौ पहिरे इमान भनिने, त्यो शब्द बिश्लेषण ।
बोल्छौ बोल्न सिके सु—सत्य महिमा, मर्दैन कैल्यै मन ।।
लिन्छौ लेउ सुयोग्य के छ लिनमा, बिश्वाश औ साधना ।
दिन्छै देउ सुयोग्य के छ दिनमा, हो प्रेम संसारमा ।।२।।

 

Continue reading


सल्यान

Purna, Oli, Rukum,पूर्ण ओली, pallawa, पल्लव

पूर्ण ओली

ढुङ्गे छानु, चिटिक्कका घरहरू, बाटो सफा सुग्घर
थुम्का, फाँट, गुफा, बजार, बसती छन् सुन्दरै सुन्दर
सिस्ने छुन्छ कुमाखले जब उठी, अग्लिन्छ नीगाल्चुली
मूटू छुन्छ गुराँस, औ मखमली, ती लालुपाते फुली

कल्याणार्थ चुसाउँछिन् जल अनाज् यी शारदा यौवना
भेरी भल्भल बग्दछिन् जलधिको बोकेर सम्भावना
सात्विक्, शुभ्र, तिरस्कृता-पशुबली छत्रेश्वरी पीठ छिन्
खैराबाङ् भुवनेश्वरी भगतका ईच्छा पुरा गर्दछिन् ।

 

Continue reading


रामकृष्ण भट्ट को कविता

Ram, Krishna, Bhatta, Nuwakot, ‎रामकृष्ण भट्ट‎ , pallawa, पल्लव

‎रामकृष्ण भट्ट‎

जता हेर्छु तेतै पालुवा पलायो
मन मोहक छ मन नै विलायो
कोईली कुहु कुहु डाक्छ बनमा
अथाह उमङ्ग भरौं यी मनमा

जोडी ढुकुर सुन्दर पवनमा
कति मायाँ गास्छ हेर जीवनमा
हे मान्छे कति उदास भो जनम
अथाह उमङ्ग भरौं यी मनमा

 

Continue reading


सदैव उत्साह छाईरहोस !

Hari, Dhakal, हरि ढकाल, pallawa, पल्लव

हरि ढकाल

आहौ ! क्या छ फुलेर मोहक खुबै, देखिन्छ रम्यै त है ।
राताम्यै छ गुराँसले नि खुबनै, पाखा पखेरा त है ।
नौला अङ्कुर पालुवा वनभरी, रातै र सेतै छ है ।
भो प्रारम्भ वसन्त ऋतुसित नै, वर्षै नयाँ यै त है ।

यो छेहत्तर साल मोह रसले, भै पूर्ण आयो घुमी ।
त्यो बोकेर वसन्तकै नवरसै, टुप्लुप्प आयो घुमी ।
वर्षै यो खुब स्वस्थ बनेर सब त्यो, देहै निरोगी बनोस् ।
पाएरै सुख शान्ति वर्ष सबकै, उत्कृष्ट ज्यादै बनोस् ।

 

Continue reading


उम्रेन बाँझै बस्यो

Rajendra, Siluwal, Ghayal, राजेन्द्र घायल, pallawa, पल्लव

राजेन्द्र घायल

बारीमा खनजोत गर्नु गरियो होला भनी उब्जनी
राम्रो ब्यू छरियो र मख्ख परियो सन्तोष मान्यौ अनि
कुर्दैमा दिन बार याम सकियो इच्छा हिलोमा फस्यो
ब्यू पड्क्यो कि कुह्यो छिप्यो जमिनमै उम्रेन बाँझै बस्यो

माटोमा पसिना बगाउन गयौं त्यो दुःख त्यस्सै गयो
ब्यू छान्दै सकिएछ जीवन अहो आशा निराशा भयो
व्यापारी कति छट्टु तुच्छ कपटी छल्दै छुरा पो धस्यो
ब्यू बेच्यो किन नक्कली जमिनमा उम्रेन बाँझै बस्यो

 

Continue reading


होलीको कविता

Bindu, Dahal, बिन्दू दाहाल, pallawa, पल्ल्व

बिन्दू दाहाल

रङ्गिन्छ चोली जब चल्छ होली
खेलिन्छ मस्ती दिन आज भोलि
हाम्रो तराई र पहाड सम्म
रम्छौँ मजाले सब छौँ अचम्म ।

यो पर्व सारा जनले मनाए
हाँस्दै र खेल्दै सब यी रमाए
साथै वसन्ती रितुराज आयो
डाँफे चराले पनि गीत गायो ।

 

Continue reading


खै बुद्धको लुम्बिनी ???

Lila, Maski, Rana, लीला मास्की राना , pallawa, पल्लव

लीला मास्की राना

शान्ति छोरी-बुहारी, आमा शान्ति थापामगर
शान्तिको शान्त गाउँ, शान्तिनगर
रजत जयन्ती स्तम्भ स्वागतहेतु उभिएको प्रवेशद्वार
मेरो माइत कप्तान टोल सिद्धार्थनगर, डन्डा नहर

परिवर्तन, हवाई धावनमार्ग पर सारेर
बाटो छेउछाउ रोपेको वरपीपल चौतारो नभनेर
विकासका नाउँमा, ढालेछन् जरै नराखेर
दशकपछिको फरक, दाइभाइले अचम्मै पारेर

 

Continue reading


छिवीकिरण वलीका जोर कविता

Chhabi, Kirn, Oli, Dang, छविकिरण ओली, pallawa, पल्लव

छविकिरण ओली

१) वन बधू
अहो!अग्ला सेता हिमशिखर छन् शान्त अटल
सुधा झर्ने मीठो रस अमृत भै शीतल जल
झुले झुप्पा बाली असल सुनभै स्वर्णगहना
जता हेर्योउस्तै सम सयलमा जङ्गल घना ।।

फुले लाली राम्रा मधु सुमन झै चैतमहिना
अहो! क्वौली बोल्छे कुहुकुहु गरि गीत सुरमा
चल्योसुस्तै हावा फिरफिर मुना सुन्दर कति
उता उफ्रेका छन् मृग शिसु सबै चन्चल अती ।।

 

Continue reading


मोहन राज खनाल चतुर्वेदीका केही टुक्राहरूः

Chaturvedi, Mohanraj, Raj, Khanal, मोहन राज खनाल ‘चतुर्वेदी’,pallawa, पल्लव

मोहन राज खनाल ‘चतुर्वेदी’

समय नष्ट
निशाचर मन पाल्दा
ढाकिने शिर
नव जात जन्माउँ
सय साल चम्काऊँ ।
*
नियति आफ्नै
नियम अधुरोमा
अन्ध्यारो दिन
काल चक्र सबैमा
मान चक्र यसैमा ।
*

 

Continue reading


गृहिणसित संवाद

Mukunda, Sharma, मुकुन्द शर्मा, pallawa, पल्लव

मुकुन्द शर्मा

चल्दैछौँ अहिले दुवै गजबले साठी उता वा यता
यस्तैमा पनि तुन्दछन् कति अरू बूढा बनेका कथा
हामीले तर भर्नुपर्छ बिपना लम्ब्याउने योजना
मानौँ फुल्छ गुराँस शैलशिरमा ओडी तुसारो घना

पन्छी उड्छ अनन्तमा तर त्यहाँ होला नहोला जल
हाम्रा पङ्ख भने अझै सबल छन् बाँकी छ यो सामल
आफैभित्र पसेर पेयजलको खोजौँ नसुक्ने घडा
हे आत्मीय सखी ! यही पिउनुको उद्देश्य मानौँ बडा

 

Continue reading


“रमाइदिन्छु”

Krishna, Sharan, Paudel, Opadhyaya,, कृष्ण शरण उपाध्याय, pallawa, पल्लव

कृष्ण शरण उपाध्याय

सङ्कष्ट छाऊन् अति नै म माथि ।
तूफान आऊन् जति नै म माथि ।।
आनन्द – मस्ती म जमाइदिन्छु ।
हाँसेर गाएर रमाइदिन्छु ।।

अज्ञान उस्तै छ अभाव उस्तै ।
बानी छ उस्तै र स्वभाव उस्तै ।।
जाडो बढेमा म घमाइदिन्छु ।
हाँसेर गाएर रमाइदिन्छु ।।

 

Continue reading


बूढीगंगा अब त जाग !

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

बूढीगंगा बग बग तिमी छालमा छाल गन्दै
पाखा बस्ती विकट वनमा चेतना प्रेम भर्दै ।
डोल्मा भन्छिन् मन मन कथा वेदना छन् दुखेका
साक्षी बस्छ्यौ कति दिन तिमी आँसुका मात्र भाका ।।

आशा बोकी जुलु पनि यहाँ घुम्दछिन् मार्तडीमा
तिम्रै बाटो शिर उपरमा चुम्दछिन् शैल छाना ।
कैयौं बाटा सुख र दुखका प्रेमका छन् कहानी
आफै नै छौ करुण दिलकी शील सैपाल रानी ।।

 

Continue reading


कृष्ण शरण उपाध्याय का चार कविता:

Krishna, Sharan, Paudel, Opadhyaya,, कृष्ण शरण उपाध्याय, pallawa, पल्लव

कृष्ण शरण उपाध्याय

१) “कपिमञ्च नहोस्”
कवि बन्धन को अवरोधक हो
कवि नै गुण-गौरव बोधक हो
कवि पुग्छ त्यहाँ रवि हुन्न जहाँ
कवि को गति सीमित हुन्छ कहाँ ?

कवि बोल्दछ ज्ञान-मुहान दिन
कवि खोल्दछ दृष्टि बिहान दिन
कवि को कति शब्द बुझिन्न किन ?
कवि लेख्दछ किन्तु पुजिन्न किन ?

 

Continue reading


‘उठाउँ देशको ध्वजा घसेर मृत्तिका’

, Shreejana, Sarovar, सृजना सरोवर , pallawa, पल्लव

सृजना सरोवर

रहेन धर्म कर्म नै जताततै दलाल भो ।
गरीब पिल्सिए सधैं र न्यायको हलाल भो ।।
डुबे गरीब पीपमा सडे सधैं गुलाम भै ।
रुँदै छ शान्ति देशमा अधर्मको लगाम भै ।।

सधैं अँधेर भो यहाँ हुँदैन आश शुभ्रको ।
र आश के रहन्छ खै पुच्छर बनेर छुद्रको ।।
तमाम लामबद्ध छन् भएर मूकदर्शक ।
अवाक छन् सबै यहाँ छ जिन्दगी निरर्थक ।।

 

Continue reading


बूढीगंगा अब त जाग !

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

बूढीगंगा अब त जाग !
बूढीगंगा बग बग तिमी छालमा छाल गन्दै
पाखा बस्ती विकट वनमा चेतना प्रेम भर्दै ।
डोल्मा भन्छिन् मन मन कथा वेदना छन् दुखेका
साक्षी बस्छ्यौ कतिदिन तिमी आँसुका मात्र भाका ।।

आशाबोकी जुलु पनि यहाँ घुम्दछिन् मार्तडीमा
तिम्रै बाटो शिर उपरमा चुम्दछिन् शैल छाना ।
कैयौं बाटा सुख र दुखका प्रेमका छन् कहानी
आफै नै छौ करुण दिलकी शील सैपाल रानी ।।

 

Continue reading


नारायण प्रसाद पौडेल सर का पद्यात्मक टुक्राहरूः

Narayan, Prasad, Paudel, नारायण प्रसाद पौडेल, pallawa, पल्लव

नारायण प्रसाद पौडेल

नबोल हुन्न हुन्न है कबोल प्यारमा मन
विधान जन्म मृत्युको बुझेर बाँध बन्धन
नखेल खेल हैन यो नसोच पापका कुरा
सजीव प्रेम भाव होस् नघोच स्वार्थका छुरा ।।

ढलक्क चाल हाँस झैँ लचक्क पाउ लच्कियो
नदीज नाद निर्झरी छलक्क छाल छल्कियो
छ रूप चाँद चम्किलो चसक्क कृष्ण चस्कियो
झरेछ स्वर्ग भूमिमा झसङ्ग इन्द्र झस्कियो ।।

 

Continue reading


के गरायो ?

Radha, Rijal, Pokharel, राधा रिजाल पोखरेल, pallawa, पल्लव

राधा रिजाल पोखरेल

कहीले के गरायो, कसले के गरायो
चोरलाई साधु त साधुलाई चोर बनायो
कालो धन,सुन तस्कर,बलत्कारी जोगाई
रुपैयाँ सम्झी खोटो पैसो मोहोर बनायो |

पाडा ,बाच्छा जुधीरहे सिंहदरबार भित्र
गोठालो लाई अनशन बस्ने खोर बनायो
वाहियात उखान टुक्का मन्त्रालयमा मन्त्र बने
जायज मागलाई लत्याइदिदै फोहोर बनायो ||

 

Continue reading


सम्झना गाउँको

Kalpana, Ghimire, कल्पना घिमिरे, pallawa, पल्लव

कल्पना घिमिरे

पानी परे पछिको आकाश झललल
उत्तर तिर माछापुच्छ्रे टल्क्यो टललल
सुन्दरताको खानी हो म जन्मेको ठाउँ
काखैमा छ काली गङ्गा स्नान गर्न जाउँ ।

सुसाउँदै बग्दछ बेशी ज्याग्दी खोला
झुल्दाखेरी धान गहुँ क्या राम्रो होला
हरियाली जताततै पखेरा र पाखा
सालैजो, झ्याउरेका घन्किन्छ्न भाका ।

 

Continue reading