सृजना सरोवरका पाँच मुक्तकः

, Shreejana, Sarovar, सृजना सरोवर , pallawa, पल्लव

सृजना सरोवर

मान्छेहरूको अलौलिक बिचार देख्छु छक्क पर्छु ।
झुठको खेती मौलाएको संसार देख्छु छक्क पर्छु ।।
भित्र भित्रै पाकेकाछन् फर्सी कुहिए जस्तै गरि,,,,
बाहिर तिनकै सभ्यताको संस्कार देख्छु छक्क पर्छु ।।

नौटंकिका भरमा बाँच्नु कति दिन रमाएर ?
के आर्जेर दिने होला सन्ततिलाई थमाएर ?
खोक्रो आडम्बर भत्किएर आन्द्रा भुँडी देखिइँदा,,
कस्तो होला कुन्नी त्योदिन हिड्नु पर्दा सर्माएर ?

 

Continue reading


रामराजा तिमिल्सिना का केही टुक्राहरूः

Ramraja, Timilsina, Belkot, रामराजा तिमिल्सिना‎ , pallawa, पल्लव

रामराजा तिमिल्सिना‎

१)
वाइड् वडी सुन तस्करी हो
पिएर होली मुन नक्कलीको
छ निर्मलाको खल न्याय दाता
निन्दा गरौं है यमराज खाता

साँच्चै कह्यौ गीत सुनाउँदै जो
खले खरावी यमराज त्यै हो
गाऊ सुनाऊ न दुखिन् माता
निन्दा गरौं है यमराज खाता

 

Continue reading


पार्वती भट्टका केही रचनाहरू

Parbati, Bhatta,पार्वती भट्ट, pallawa, पल्लव

पार्वती भट्ट

जन्मदिनको लाखौंलाख शुभकामना..!
ठुलो भन्दा पनि असल बन्ने चाहाना बनोस्
हरेक जन्मदिन खुशी साट्ने बाहाना बनोस्
सरल,स्वच्छ ,स्वस्थ र दीर्घायु बनिरहनु तिमी
यही नै हामीले व्यक्त गर्ने शुभकामना बनोस् …..!

मुक्तक…….
यदाकदा आउने गर्छन् यी प्रणयका दिवसहरू
गुलाव भरी छाउने गर्छन् ती विचरा ! विवशहरू
ऋतु जस्तै घुमिफिरि वर्षदिनमा मात्र एक दिन
प्रेमका भाका गाउने गर्छन् प्रणयका दिवसहरू।

 

Continue reading


जानुका अश्रुधारा का केही मुक्तकहरूः

Januka, Ashru, Dhara, जानुका अश्रुधारा, pallawa, पल्लव,

जानुका अश्रुधारा

त्यो जुनतारा उदाउने आकाश हराउँदैछ
जीवनको वहार अनि मधुमास हराउँदैछ
खै कसरी रहन्छ मेरो प्राण तिमी आउन्जेल
मेरो घर आगनमा चल्ने बतास हराउँदैछ ।।।

ईश्वर मानिससँग के चाहन्छ भ्रम पठाएर
सोच्नै नसकिने जीवनको अनुक्रम पठाएर
छोरो आमाको महिमा गाउदै हिडेको छ हेर
वर्षौ पहिले आमालाई आश्रम पठाएर ।।

 

Continue reading


शिव त्रिपाठी का केही मुक्तकहरूः

जिन्दगी का दशैं, तिहार आऊन् तीज, होली
देख्न सकूँ तिम्लाई खुशी आज भन्दा भोलि
उल्लास र उमंग ले साथ दिऊन् सधैं
उत्साह को बगी रहोस् निरन्तर खोली ।।

मायाको पहिलो साल मीठा मीठा संवाद गर्यौ
दोस्रो साल खै के भो खालि वाद विवाद गर्यौ
तेस्रो साल मैले यत्ति भनेँ’ हामी सम्बन्धित थियौँ ‘
गज्जब छ बा! तिमी ले त्यस को पनि प्रतिवाद गर्यौ ।

 

Continue reading


मैया सुवेदीका केही मुक्तकहरूः

Maiya, Subedi, Pokhara, मैया सुवेदी, pallawa, पल्लव.

मैया सुवेदी

आउछु भन्यौ सराबको मातमा छु अहिले
पुर्णिामा को त्यो चाँदनी रातमा छु अहिले
कल्पना नै मिठो हुने रंगिन यो दुनियाँमा
धड्कन सगै मनको मिठो वातमा छु अहिले ।

कोही यस्तो नाता भेटे लुट्ने घरीघरी ।
कोहि भने खुट्टा तान्न जुट्ने घरीघरी ।।
बुझ्दैछु यो जिन्दगानी दुनियाँलाई चियाउदै
नबोलेरै व्यबहारले कुट्ने घरीघरी ।।।

 

Continue reading


उमा दाहालका केही मुक्तकहरू

Uma, Dahal‎, उमा दाहाल, pallawa, पल्लव

उमा दाहाल

झुपडीको बाँस भित्र प्रिय अपार माया तिम्रो पाएकी छु
सिस्नु र ढिडो पनि तिमिसगै बसि रमाउदै खाएकी छु
मायाको यो विशाल दरवार भित्र भित्रै नै रमाउदै
हर जुनि तिम्रै हुन पाउ भन्ने कसम खादै आएकी छु ।

तिम्रो माया गुलाफ बनी यो मनै भित्र फुलेको छ
तेसैले त यी दुनियाँ भरको सबै चिज भुलेको छ
तिम्रो प्रेमको यो मनमा बिशाल संसार बनेको छ
यसैले त हरदिन प्रेमको दिवस हामी सगै झुलेको छ ।

 

Continue reading


केशवराज आमोदी का केही मुक्तकिय टुक्राहरू

Keshav, Raj, Aamodi, केशवराज आमोदी, pallawa, पल्लव

केशवराज आमोदी

मेरो देश भनेर गर्व गरिने आधार खोज्दै छु म,
इन्द्रेनीमय रंगदार छविको सौन्दर्य रोज्दै छु म ,
थाकेको छु नयाँ सुमार्गतिरको संकेत मिल्दा पनि –
नेताका किन कानबन्द अझ छन्? गैरेर सोच्दै छु म ।

मस्किंदै सुगन्धित माला लगाइदियौ सुर हराई सम्मोहित भइरहें-
यौवनमा मात कि मातमा यौवन थियो म निकै रोमाञ्चित भइरहें,
मान या नमान फूलमा , सुगन्धमा र सौन्दर्यमा तिमी नै त थियौ-
म सपनीमा रहें,बिपनीमा रहें जहाँ रहें तिमीमै आलिङ्गित भइरहें ।

 

Continue reading


बिर्खे अञ्जानका केही मुक्तकहरू

Birkhe, Anjaan,बिर्खे अञ्जान, pallawa , पल्लवBirkhe, Anjaan,बिर्खे अञ्जान, pallawa , पल्लव

बिर्खे अञ्जान

चाहिँदैन देवी देउता बदलामा साटो तिमी
स्नेहको बोट बिरुवा हुर्काउँने माटो तिमी ।
हात मात्रै थामे पुग्छ मैले हिड्ने गोरेटोमा
तिम्रो माया प्राण मेरो जिन्दगीको बाटो तिमी ।

बालुवालाई तोरी भन्यौं तेल यस्तै हुन्छ
कुकुर अनि बिरालोको खेल यस्तै हुन्छ।
काल आएपछि स्याल शहरमा पस्छ अरे
राजनीतिमा कुस्ता कुस्ती झेल यस्तै हुन्छ।

 

Continue reading


करुना पौडेलका केही मुक्तकहरूः

Karuna, Paudel, palung, करुना पौडेल, pallawa, पल्लव

करुना पौडेल

के को शोभा हुन्छ र खै? फुलेको फूल झरेपछि
आत्मा विश्वास टुट्ने रैछ, भरोषा नै मरे पछि
ऐजेरुलाई चिने पछि रेखदेख पनि किन गर्नु ?
दोधारमा ब्यर्थै किन ? हसैह्य नै गरे पछि ।।

पिच्छालाग गर डाह तिम्ले गर्न सकेजति
समय छ अझै बोल क्षमताले बके जति ।
सूर्य पनि तिमीभन्छौ सधैँ ओझेल पारिदेला
विनाअर्थ समयलार्इ चाल्न खोज्छौ चले जति ।।

 

Continue reading


शिवा कार्की का केही मुक्तकहरूः

Shiva, Karki, शिवा कार्की, pallawa, पल्लव

शिवा कार्की

धेरै भयो भेट भाछैन साच्चै तिम्रो के हाल छ ?
म त निकै बिरामी छु सुन्छौ भने वेहाल छ !
माइती टाढा घर नि टाढा सक्रान्ति नि आयो गयो
हासी खुशी बस्नु तिमी लेखी पठाऊ जे हाल छ !!

उषा बनी आएर त्यो संन्ध्या बनी मेटीनलाई
किन आउँछ मेरो साथी दिलमा त्यसै रेटीनलाई
होलान कुनै बाध्यता र बिवषता त उस्का पनी
दुई दिनको जिवन हाम्रो छुट्टीन र भेट्टीनलाई ।।

 

Continue reading


उर्मिला पोखरेलका केही मुक्तकहरूः

Urmila, Pokharel, उर्मिला पोखरेल, pallawa, पल्लव

उर्मिला पोखरेल

कोही मिजासिलो त कोहि बदमास हुन्छन्।
कोही आफ्नो जीवन सँग नै उदास हुन्छ्न्।।
सुखदुःख यस्तै हो एकबारको जिन्दगी भन्दै;
कोही जति चिन्ता भए पनि बिन्दास हुन्छन्।।

भ्रष्ट र माफिया नेताहरु हो डलरमा बिक्छौँ कहिले सम्म?
दुई तिहाइ कै अहम् हो भने सत्तामा टिक्छौँ कहिले सम्म?
आफ्नो पहिचानलाई बिर्सिएर अरुको सिको गर्नेहरू हो;
स्वाभिमानी नेपाली भै गर्व गर्दै बाच्न सिक्छौँ कहिले सम्म?

 

Continue reading


लीला दाहाल अधिकारी केही मुक्तकहरूः

Lila, Dahal, Sayal, लीला दाहाल सयाल, pallawa, पल्लव

लीला दाहाल सयाल

फुल्न देउ फुलहरुलाई फक्रिएर रमाई
चुम्न देउ भमरा लाई रसै रसले भराई
फूललाई पनि थाहा हुन्न बिहान पुग्छु कहाँ
मन्दिर वा मुर्दामा पुराउँछन हातमा समाई ।

हँसिलो यो मुहारमा सधैं खुशी छाइरहोस
सङ्धर्षका पाइलाहरू प्रगति मा लम्किरहोस
जन्म दिनको धेरै धेरै शुभकामना भाउजू लाई
नछोए कुनै रोगले पनि र्दिघायुले छाइरहोस ।

 

Continue reading


बिर्खे अन्जानका केही मुक्तकहरूः

Birkhe, Anjaan,बिर्खे अञ्जान, pallawa , पल्लव

बिर्खे अञ्जान,

अन्याय त गर्न हुन्न रगतको आहाल होला
बाँच्ने रहर अधुरो भै जिन्दगीको काल होला
बारूदसँग खेल्छु अचेल बन्दुक मेरो साथी भाछ
नजिस्क्याउ आगो हुँ म खरानीको हाल होला ।

समयको आगो भित्र खुर्सानीको खार सहेँ
कयौंपटक अचानो भै खुकुरीको मार सहेँ ।
पहाड हुँ म ढल्नेछैन नजिस्क्याउ आँधी तूफान
रगतको होली खेल्दै हतियारको धार सहेँ ।

 

Continue reading


मिरा तिमिल्सिना ‘धरा’का केही मुक्तकीय टुक्राहरूः

Mira, Meera, Timilsina,,मिरा तिमिल्सिना ‘धरा‘, pallawa, पल्लव

मिरा तिमिल्सिना ‘धरा‘

तिम्रो साथ टुटे पनि भुल्न सक्छु संसारमा
बालुवाको टापु बीच फुल्न सक्छु संसारमा
मायालाई छोड्न सक्ने निष्ठुरी म कति रुनु
मग्मगाउँदो फूल बनी डुल्न सक्छु संसारमा ।।

हर ठाउँमा श्रम शोषण किन हुन्छ यहाँ
न्यून तलब पसिनाको खोली मन् रुन्छ यहाँ
मात्र निमुखो चुसी उँभो लाग्ने हो र दुनिया?
कात्रोमा बगली भरी लाने भन कुन्छ यहाँ?

 

Continue reading


लक्ष्मी अच्यूत ढुङ्गाना का केही मुक्तक

Laxmi, Achyut, Dhungana, लक्ष्मी अच्यूत ढुङ्गाना, pallawa, पल्लव

लक्ष्मी अच्यूत ढुङ्गाना

यो पुलमा उभिएर हेर्दैछु म टिस्टालाई
इतिहाससँगै मनमा बेर्दैछु म टिस्टालाई
नेपालीको वीरताको चिनारी हो, गर्व लाग्छ
मनभरी मायासँगै घेर्दैछु म टिस्टालाई ।।

टिस्टा तिम्रो पानीसँगै हाम्रो इतिहास बोल्छ
नेपालीको पौरख र वीरताको शान घोल्छ
अपमानको सन्धी बोल्छ, अंग्रेजको झेल बोल्छ
विगतको कथा व्यथाले सबैलाई पिरोल्छ ।।

 

Continue reading


शान्ति अधिकारीका केही मुक्तकहरूः

Shanti, Adhikari,शान्ति अधिकारी, pallawa, पल्लव

शान्ति अधिकारी

स्वर्णिम ती पलहरुको नासो बनाएर
छाडी दियौं दुनियाँको हाँसो बनाएर
बिश्वास टुटे जिन्दगीमा के रहन्छ बाँकी
मर्नै पार्‍यौ त्यहीँ मायाको पासो बनाएर ।।

आपत पर्दा भर बनेर कोहि आए देखि
केही त राम्रो गर भनेर कोहि आए देखि
जिन्दगीले साँच्चै कोल्टे फेर्ने थियो कि त
मन भित्रको डर खनेर कोहि आए देखि ।।

 

Continue reading


रामराजा तिमिल्सिना का केही टुक्राहरूः

Ramraja, Timilsina, Belkot, रामराजा तिमिल्सिना‎ , pallawa, पल्लव

रामराजा तिमिल्सिना‎

१) गजल
म पुर्खा सदा सम्झिने गर्छु आमा
म त्यै वीर भै लम्किने गर्छु आमा

म सेना सिपाही म मा राष्ट्र बाँच्छ
म वैरी सिधै झम्टिने गर्छु आमा

म यौटा धरा पुत्र नेपालकै हूँ
म जो शत्रु छन् छप्किने गर्छु आमा

 

Continue reading


सिर्जना शर्मा का केही मुक्तकहरूः

Sirjana, Sharma , सिर्जना शर्मा, pallawa, पल्लव

सिर्जना शर्मा

चुनौती छिचोल्दै हिँडून् पाइला यी
र अन्यायलाई किचून् पाइला यी
सदा कामना गर्दछे सिर्जना यै
कुना कन्दरामा पुगून् पाइला यी !!

उडेर आज चन्द्रमा छुने छ लक्ष्य साथमा
म कर्मशील भैरहूँ दिवा प्रभात रातमा
न हेप मूर्ख झैँ गरी, म यत्तिमात्र भन्दछु-
टिपेर सूर्य ल्याउने कला छ हेर हातमा !

 

Continue reading


वशिष्ट का केही टुक्राहरूः

Drb, Bashishtha, डा. भरत वशिष्ठ, pallawa, पल्लव

डा. भरत वशिष्ठ

भावनाले हेरे
आँखाले नदेखे पनि आकाशमा दिनरात तारा हराउन्न
तिमीले नदेखे पनि हृदयमा प्रतिपल स्मृतिधारा हराउन्न
छोपिएला जस्तो लाग्छ कहिलेकाहीँ मनको तलाउ
भावनाले हेरेपछि मानसमै रम्नेबाहेक अरू केही रहन्न ।

यसै छ गर्नु
आगोसँग खेल्नु छ र जिन्दगीको भट्टी चलाउनु छ
हुरहुरी भई बल्नु छ र भोकप्यासको पट्टी लाउनु छ
अघाउने लालसाले नछाड्ने यस खाली दुनियाँमा
आँधीहुरी झेल्नु छ र अन्तिम सुखको छुट्टी पाउनु छ ।

 

Continue reading