मिना चौलागाईं का केही मुक्तकहरूः

Mina, Chaulagain, मुना चौलागाईं, pallawa, पल्लव

मुना चौलागाईं

जिन्दगी जिवीत राख्न झस्काउनेहरू पनि भेटिन्छन्
दिक्क पार्न विनाकाम जिस्काउनेहरु पनि भेटिन्छन्
भेटिन्छन् यहाँ अनेक प्रकारका मान्छेहरू पाइलैपिच्छे,
रुख चढाएर फेद काट्न उक्साउनेहरू पनि भेटिन्छन् ।

सकारात्मक सोचको बास छ मनमा
त्यसैले होला सधै उल्लास छ मनमा
शिशिर या ग्रीष्म जेसुकै होस् बाहिर,
आफ्नो त सधै मधुमास छ मनमा !

 

Continue reading


सरस्वती अधिकारी पन्त का केही मुक्तकहरूः

Saraswati, Adhikari, Pant, सरस्वती अधिकारी पन्त, pallawa, पल्लव

सरस्वती अधिकारी पन्त

अलिकति डर खुरापाती हरूसँग छ
अलिकति डर आत्मघाती हरूसँग छ
प्रतिस्पर्धि हरूसँग त कहिलै गलिन म
धेरै डर त मलाई पक्षपातीहरूसँग छ ।

मेरो आफ्नै शहर म सँग बिरानो भएको छ
र युगौँ लगाएको लुगा झैँ पुरानो भएको छ
एकैछिन आएर चोट दिएर जान्छ्न सबैले
अचेल आदत पर्यो दिल अचानो भएको छ ।

 

Continue reading


विष्णु तिमिल्सिना का जोर गजलः

Bishnu, Timilsina, विष्णु तिमिल्सिना, pallawa, पल्लव

विष्णु तिमिल्सिना

गजल– १,
सल्बलियो पुरै तन भित्र कोही लुकेको छ
दिव्य नशा हतारिई चक्षुलाई ढुकेको छ ।

अदृश्य भै कैल्हेँ बोल्ने कैल्हेँ मनको घर कुर्ने
बिस्वासले भारी हुँदै शीर सदा झुकेको छ ।

छैन आफ्नो ताप तर उज्यालो त छर्छ चन्द्र
पूर्णिमाको जून जस्तै मनको चन्द्र फुकेको छ।

 

Continue reading


सिर्जना शर्मा का छन्दात्मक मुक्तकहरूः

Sirjana, Sharma , सिर्जना शर्मा, pallawa, पल्लव

सिर्जना शर्मा

म निर्धक्क नै हूँ सधैँ हुन्छ मान
हिमाली, पहाडी, तराई छ शान
यही चोकमा भेट्छु पूर्खा सधैँ नै
सदा झल्कियोस् राष्ट्रको यो इमान !!

न पानी कुवामा नहोला पधेरो
नबत्ती छ हाम्रो सधैँ नै अँधेरो ।
धनी देश मेरो छ चुस्दो छ नेता
भुँडीमात्र ठूला अनौठो पतेरो ।।

 

Continue reading


शान्ति अधिकारीका केही मुक्तकहरूः

Shanti, Adhikari, Pokhrel, शान्ति अधिकारी पोख्रेल, pallawa, पल्लव

शान्ति अधिकारी पोख्रेल

लुके सत्य पाटो कहाँ हाँस्न सक्छु
दुखेको छ माटो कहाँ हाँस्न सक्छु
यता देश लुट्दा उता दाजुभाइ
बिचैमा छ फाटो कहाँ हाँस्न सक्छु ।।

दिलैको कुनामा लुकाएर राखे
भिजेका परेली सुकाएर राखे
जसै टेक्न खोज्यौ मनैको मझेरी
रहरको भकारी फुकाएर राखे ।।

 

Continue reading


गजल

Ambika, Yamfu, Anmol, अम्बिका याम्फु ‘अनमोल’, Pallawa, पल्लव

अम्बिका याम्फु ‘अनमोल’

पिरतीमा सँगै बाच्ने मर्ने धोको ठूलो उनको
बग्दै आयो यहाँसम्म प्रेमरसको कुलो उनको

जातीभेद वर्ग श्रेणी नछुट्याई ब्यावहार गर्ने
प्रेम कित्ता नाप्ने रैछ साचै राम्रो तुलो उनको

गाँस बास कपास आहा कति सुरक्षित घर
भोक लाई भोजन बनाउने सुन्दर चुलो उनको

 

Continue reading


रामराजा तिमिल्सिनाका केही टुक्राहरूः

Ramraja, Timilsina, Belkot, रामराजा तिमिल्सिना‎ , pallawa, पल्लव

रामराजा तिमिल्सिना‎

१)
मेरी तिमी मुटुमा आएर बस्नु पर्छ
यी सास धड्कन लम्बाएर कस्नु पर्छ
यात्रा तिमीसित होस् है जिन्दगी पियारी
संसार जीवनमै रोपिन्छ फूलबारी

बेला बनोस् बलियो ती हातमै समाऊँ
पाईन्छ साथ भने त्यो रातमै रमाऊँ
मीठा गरौं छन् वात छन् पियारी
खाँचै छ है पिरती चाहिन्छ फूलबारी

 

Continue reading


हिरा गौतम (सुवेदी) “हिरु” का केही मुक्तकः

Hira, Gautam, Hiru, हिरा गौतम ‘हिरु’ , pallawa, पल्लव

हिरा गौतम ‘हिरु’

चित्र होइन चरित्र असल हुनु पर्छ
बाहिर होइन भित्र असल हुनु पर्छ
यो जिन्दगीको लामो यात्रामा हात
समाइ हिड्ने मित्र असल हुनु पर्छ ।।

मेरो सर्वस्व माथि कब्जा जमाऊ
तर सधैँ भरी मेरै हात समाऊ
प्रसङ्ग बसका कुरामा संका होइन
केवल बोल्ने बाहाना बुझी रमाऊ ।।

 

Continue reading


नारायण प्रसाद पौडेल सर का पद्यात्मक टुक्राहरूः

Narayan, Prasad, Paudel, नारायण प्रसाद पौडेल, pallawa, पल्लव

नारायण प्रसाद पौडेल

नबोल हुन्न हुन्न है कबोल प्यारमा मन
विधान जन्म मृत्युको बुझेर बाँध बन्धन
नखेल खेल हैन यो नसोच पापका कुरा
सजीव प्रेम भाव होस् नघोच स्वार्थका छुरा ।।

ढलक्क चाल हाँस झैँ लचक्क पाउ लच्कियो
नदीज नाद निर्झरी छलक्क छाल छल्कियो
छ रूप चाँद चम्किलो चसक्क कृष्ण चस्कियो
झरेछ स्वर्ग भूमिमा झसङ्ग इन्द्र झस्कियो ।।

 

Continue reading


उमा दाहाल का केही मुक्तकहरूः

Uma, Dahal‎, उमा दाहाल, pallawa, पल्लव

उमा दाहाल

बाँझो खनी रोपे बीउ लह लह भा’छन
हिजोका ती ठेलाहरु निको हुँदै गा’छन
पसिनाका थोपा भिजी उम्रेका थिए बीउ
मौलाएर आफुभन्दा अग्ला हुन पा’छ्न ।

प्रेम प्रस्ताव नपठाउ है हेर्ने फुर्सद छैन
बिहे गर्न तिमिसगँ दाइजो मेरो छैन
लेक बेसि तराई पहाडकी छोरी परे म त
यी भिर पाखा सगै रमाएकी छु अरु सपना छैन ।

 

Continue reading


केशवराज आमोदी का केही मुक्तकहरूः

Keshav, Raj, Aamodi, केशवराज आमोदी, pallawa, पल्लव

केशवराज आमोदी

आफ्नै नियति-गङ्गामा बग्ने म नित्य छाल हुँ
गैरो चिन्तनको नौलो अभिशप्त म ताल हुँ
हुँ रूप राजनीतिको यद्वा दर्शनको कुनै-
चुनाबी मञ्चमा खुल्ने सत्ताको भ्रम-जाल हुँ ।

सभ्यता संस्कृति भर्ने पीयूष करुवा म हुँ-
खडेरी जति नै फैलोस् नसुक्ने जरुवा म हुँ ,
जे जे हुँ नभनूँ खोली मनका पत्र नै तर-
पर निर्भरतावादी गफाडी भरुवा म हुँ ।

 

Continue reading


युगल सुनुवार का पाँच मुक्तक

Yugal, Sunuwar, युगल सुनुवार, pallawa, पल्लव

युगल सुनुवार


म एक्ली छु साथी पठाई दिनु
सके सम्म राती पठाई दिनु
प्रतिक्षा गरेर बस्ने छु साहु
धेरै बदमासी पठाई दिनु ।

नेपाल र नेपालीको माया लाग्छ
अझै धेरै कर्णालीको माया लाग्छ
के खाएर बाँच्छ मान्छे पहाडको भन्दा
अझै हिमाल र हिमाली माया लाग्छ ।

 

Continue reading


शाया मोक्तान थिङ का केही मुक्तकहरूः

Shaya, Moktanthing,शाया मोक्तान थिङ, pallawa, पल्लव

शाया मोक्तान थिङ

मायामा हारजित को खेल झैँ बाजी भए पछि
एकाएक मायाले नै बसाइँ सर्न राजीभए पछि
म रहनु र नरहनु को कुनै अर्थ छैन अब
आफ्नै नजरमा गिरेर म आफैं पाजी भए पछि ।

पिपल हुनुको के अर्थ भयो र बरै ढले पछि
पिरतीको डोरी के बाँट्नु खै घरै जले पछि
सुवास बिहिन फुल रोप्नुमा मज्जा छैन कुनै
फूलको डाली ओइलि गयो जरै गले पछी ।

 

Continue reading


जीवनहरि शर्मा का केही ज्ञान बर्द्धक रचना

Jiwanhari, Sharma, जीवनहरि शर्मा , pallawa, पल्लव

जीवनहरि शर्मा

सातै सात दुवो सिसौ र तुलसी त्यो वेलको पात होस्
दाना चार रहुन् त्यहाँ टिमुरका निम्पत्र तिन्पात होस्
लाग्यो रोग चिनी तथा सुगरको हो औषधी यो गरे
खाली पेट विहान खाउँ यि सबै जाती सुनिश्चित् भरे।।

मोही मासुखसी दही मटरका दाना र कोषाहरू
फर्सीको यति मात्र बार्न सकियोस् गट्टा र मुन्टाबरु
पानी त्याग्नु चिसो र मौसम चिया मीठो र छुर्पी चना
गोल्भेडा टमटर् अचार अदुवा यूरिक एसीडमा ।।

 

Continue reading


मिना चौलागाईं का केह मुक्तकहरूः

Mina, Chaulagain, मिना चौलागाईं, pallawa, पल्लव

मिना चौलागाईं

भएका यी दुई कान तितामिठा सुन्न रै’छ
किन बन्यो मन भन्थेँ अनेक कुरा गुन्न रै’छ
जब दुख्छ चसक्क मान्छे भित्र कता कता ,
धामीझाँक्री या औषधी केहिले पनि छुन्न रै’छ !

तिमीलाई माया गर्ने मुटु चुकाएर के पायौ
अबिरल बग्ने प्यारको नदी सुकाएर के पायौ
जिन्दगी भिखमाग्दै दु:खी सागरमा पौडिदै छु
तिम्रै लागि अर्पेको मन दुखाएर के पो पायौ ?

 

Continue reading


शिव त्रिपाठी का केही मुक्तकहरूः

Shiva, Tripathi, शिव त्रिपाठी, pallawa, पल्लव,

शिव त्रिपाठी

मुक्तक- १,
चितामा अवश्यै जलेको म हुन्छु
सबै लास जस्तै ढलेको म हुन्छु
तिमी सक्दछ्याै प्रेमको रागसुन्नु
लिदै नाम तिम्रो बलेको म हुन्छु ।

मुक्तक- २,
लेख हे कवि हे कवयित्री वाचन म गरूँ
कविता, गीत, गजल का सारा बगैंचा म चरूँ
म गर्न सकूँ आदर, सम्मान र श्रद्धा स्रष्टा को
तिम्रा सिर्जना मा मीठा लय र स्वर म भरूँ ।

 

Continue reading


सृजना सरोवर का केही टुक्रा रचनाहरूः

, Shreejana, Sarovar, सृजना सरोवर , pallawa, पल्लव

सृजना सरोवर

१) टिलपिल टिलपिल नयन भरिन्छ ।।

वरपर सब तिर रहर छरिन्छ ।
मनसँग मन जब चुलबुल हुन्छ ।।
मगमग मगमग पवन वहन्छ ।
सरगम सुमधुर अधर झुमिन्छ ।।

प्रिय मन विगत पनि गर न याद ।
किन अझतक पर पर पर साथ ।।
अलमल अलमल अलमल हुन्छु ।
अधिर अधिर अधिर अधिक बन्छु ।।

 

Continue reading


भवानी खतिवडाका केही टुक्राहरूः

bhawani, khatiwada, भवानी खतिवडा, pallawa, पल्लव

भवानी खतिवडा

१)
जहाँ पोलियो चम्किने झन् सुवर्ण
तपस्वीहरूको कहाँ जात वर्ण
बने बुद्ध नामी खपी घाम-पानी
विना त्याग सङ्घर्ष के जिन्दगानी !!
२)
चाणक्यनीति केही पद्य भावानुवाद
अँध्यारो निल्छ बत्तीले र गाजल निकाल्दछ ।
जस्तो आहार भो उस्तै हाम्रो सन्तान बन्दछ ।।

उखुले गुण छोड्दैन टुक्र्याऔँ जत्ति तैपनि ।
सुन झन् चम्किलो हुन्छ आगोमा पोलिए पनि ।।

फूलले छर्दछन् बास्ना गरौँ जत्ति किचीमिची ।
गुणी गुण बदल्दैनन् जस्तै आओस् परिस्थिति ।।

 

Continue reading


राधा रिजाल पोखरेल का केही मुक्तकहरूः

Radha, Rijal, Pokharel, राधा रिजाल पोखरेल, pallawa, पल्लव

राधा रिजाल पोखरेल

अरुलाई सिसाकलम अनी आँफुलाई चैं इेरेजर ठान्ने
लेख्नु भन्दा मेटाउनु ठुलो भनी स्वयमलाई महान मान्ने
लेख्नेले अनवरत लेखिरहे तिमी मेटाउनै तल्लिन भइरह्यौ
मेटायौ अरुलाई खिइयौ आँफै तिमीले कहिले हो जान्ने !!

संसार छोडेसी देखाउने सद्भाब जीवन हुँदै पाय जाती
तेरो ,मेरो आफ्नो र पराइ कुरा हुन्छन नाना भाँती
गै गयो श्वास निस्प्राण भो देह आत्मा उडेर गयो
जव रहेन शरीरै नै के काम भो गुनगान गाएर अती !!

 

Continue reading


गोम बिक्रमका १० मुक्तकहरूः

Gom, Bicram, Bikram, गोम बिक्रम, pallawa, पल्लव

गोम बिक्रम

मुक्तक- १,
मेटाऊँ कसै मेटिदैन, दिलमा नामै हटेको छैन
सम्झना उस्तै आइरन्छ, माया कत्ति घटेको छैन
कसरी चित्त बुझाऊँ म, आँसुले कति रुझाऊँ म
तिम्लाई नसम्झे त कतै, रातै पनि कटेको छैन ।

मुक्तक- २,
तिम्रो यादले सताएर, रात अनिंदो पारी सक्यो
एक्लै जिउने सम्भावना, पापी मनले मारी सक्यो
तिमी भने होइन भन्छौ, सबका सामु मौन बन्छौ
मौनताकै भाषा पनि, हृदयले स्वीकारी सक्यो ।

 

Continue reading