मोहन राज खनाल का दुइ टुक्राः

Chaturvedi, Mohanraj, Raj, Khanal, मोहन राज खनाल ‘चतुर्वेदी’,pallawa, पल्लव

मोहन राज खनाल ‘चतुर्वेदी’

१)

उमेर बड्छ
अपराध टुङ्गेन
जीवन यात्री
एक पद घाटमा
अर्को पद घातमा ।
*
सुरिने मात
निधन धर्म कर्म
आचार भ्रष्ट
बलबाहू सुर्किने
धन दाऊ उफ्रिने।
*

Continue reading


नरेन्द्रराज प्रसाइ को गीत

Narendra, Raj, Prasai, नरेन्द्रराज प्रसार्इ,pallawa, पल्लव

नरेन्द्र राज प्रसाई

सङ्घीयता लागेपछि मेरो देश फुट्छ
चार वर्ण छत्तीस जात त्यसै बेला टुट्छ।

सैयौं मन्त्री हजारौंमा साँसद हुने भए
मुलुक नै ध्वस्त पार्ने खेल खेल्ने भए।

लुम्बिनी र मुक्तिनाथ अर्कैतिर लाँदा
सगरमाथा रूने भयो एक्लै छाडी जाँदा।

 

Continue reading


मिना चौलागाईंको एकजोर गीतः

Mina, Chaulagain, मिना चौलागाईं, pallawa, पल्लव

मिना चौलागाईं

गीत– १,
कसैलाई छैन दोष आफ्नै तक्दीर फुटेको छ
निर्दयी भई नियतिले बिच बाटोमा लुटेको छ

उही बाटो उही गल्ली हिँडेको नि वर्षौं भयो
सपना टुट्यो बाटोबिच जिन्दगी अधुरो रह्यो
बल्ल्तल्ल बाँकी जीवन जिउने साहस जुटेको छ
कसैलाई छैन दोष आफ्नै तक्दीर फुटेको छ ।

 

Continue reading


भवानी खतिवडाका केही टुक्राहरूः

bhawani, khatiwada, भवानी खतिवडा, pallawa, पल्लव

भवानी खतिवडा

१)
जहाँ पोलियो चम्किने झन् सुवर्ण
तपस्वीहरूको कहाँ जात वर्ण
बने बुद्ध नामी खपी घाम-पानी
विना त्याग सङ्घर्ष के जिन्दगानी !!
२)
चाणक्यनीति केही पद्य भावानुवाद
अँध्यारो निल्छ बत्तीले र गाजल निकाल्दछ ।
जस्तो आहार भो उस्तै हाम्रो सन्तान बन्दछ ।।

उखुले गुण छोड्दैन टुक्र्याऔँ जत्ति तैपनि ।
सुन झन् चम्किलो हुन्छ आगोमा पोलिए पनि ।।

फूलले छर्दछन् बास्ना गरौँ जत्ति किचीमिची ।
गुणी गुण बदल्दैनन् जस्तै आओस् परिस्थिति ।।

 

Continue reading


पारसनाथ आचार्य का तीन टुक्रः

Paras, Nath, Acharya, पारसनाथ अचार्य, pallawa, पल्लव

पारसनाथ अचार्य

१) नेपाल बन्दै छ रे
सस्तो भाषण सुन्दछौँ सदनमा आशा निराशा हुने
नारा चल्छ अझै सधैं सडकमा आक्रोश फैलाउने।
कैयौं पल्ट लडेर आज यसरी समृद्धि आयो अरे
चक्काजाम छ तोडफोड अहिले नेपाल बन्दै छ रे।।१

आयो तन्त्र अनेक यो मुलुकमा नेता हजारौं भए
लुट्ने मन्त्र जपे सुशासन कठै फर्केर टाढा गए।
जन्मे भ्रष्ट दलाल धुर्त चतुरा अज्ञानका सारथी
फेर्छन् कानुन व्यर्थ यो दिनदिनै भेटिन्छ के उन्नति ।।२

 

Continue reading


ए हल्ला !!

Rama, Khatiwada, रमा खतिवडा, pallawa, पल्लव

रमा खतिवडा

ए हल्लाहरू हो तिमी छौ नजाती
तिमी फैलिसक्छौ नसकिदै काँटी
उसले खुड्किलोमा के राख्यो गोडा
तिमी कुर्लिसक्छौ चढी धुरिमाथी ।

उठाउने हुनेलाइ झनी माथी माथी
रुवाउने रुनेलाइ टेकि उसकै छाती
चेपारे बोलिमा मीठो मान्दै निल्छौ
डकार्छौ अमिलो तिमी छौ नजाती ।

 

Continue reading


निकुञ्ज अभ्यासमाला: ३६५

निकुञ्ज अभ्यासमाला: , pallawa, पल्लव३६५

निकुञ्ज अभ्यासमाला

विषय :- श्रुत्यनुप्रासमा स्वतन्त्र लेखन
छन्द:- स्वेच्छिक
सङ्कलन: पारसनाथ आचार्य
यता फर्कने छन् उता फर्कने छन्
जता हेर कर्तव्यमा तर्कने छन्
विना वृष्टिकाे गर्जने व्याेम जस्ताे
कुनै चर्कने छन् कुनै झर्कने छन् ।।
-हाेम सुवेदी

हेरेर कविता लेखूँ केरेर कवि ता हुने।
घेरेर भाव के लेखूँ फेरेर भाव के हुने।।
सुनेका कविता हुन्छन् चुनेका सविता बनून्।
बुनेका कविता माला उनेका कविता भनून्।।

 

Continue reading


चिरञ्जीवि ढकालका जोर गीतः

Chiranjivi, Dhakal, चिरञ्जीवि ढकाल, pallawa, पल्लव

चिरञ्जीवि ढकाल

गीत- १, “धन हुनेलाई धनकै पीर”
धन हुनेलाई धनकै पीर,मन हुनेलाई मन्को!
हुर्किएकी वैँशालुलाई, पीरती कै रन्को!!

कता कता खै किन हो,खुल्दुल खुल्दुल हुन्छ?
त्यसै त्यसै मन मेरो ,चुल्बुल चुल्बुल हुन्छ!!
अौडाहा भै भित्र भित्रै, पोल्न थाल्छ तन!
किन यस्तो हुन्छ होला, लौन कोही भन?

धन हुनेलाई………………………………..!
हुर्किएकी………………………………….!!

 

Continue reading


रामराजा तिमिल्सिना का केही रचनाहरूः

Ramraja, Timilsina, Belkot, रामराजा तिमिल्सिना‎ , pallawa, पल्लव

रामराजा तिमिल्सिना‎

१) काव्य
यात्रा यो वनभोज रम्य हुन गो साथी र सङ्गी मिल्यौँ
च्वाडी पब्लिक ब्याजको सफलता सो सार गर्मी निल्यौँ
मायाँ प्यार बसाउँदै हृदयमा नाच्यौँ र गायौँ रम्यौँ
मीठो वात गर्यौँ नितान्त अधुरा मायाँ लगायौँ जम्यौँ

गल्छी वाटर किङ्डमै वगरमा जम्मा भयौँ जे जति
साटासाट गर्यौँ वियोग र ब्यथा भो प्यारको सम्मति
बाँचे सम्म अनन्त काल यसरी लाईन्छ मायाँ भन्यौ
साथी साथ सँधै सँधै हृदयमा चाहिन्छ मायाँ भन्यौं

 

Continue reading


जन्मघर

Rama, Khatiwada, रमा खतिवडा, pallawa, पल्लव

रमा खतिवडा

कन्चनजङा हिमसिखरले बार्दलिमा बोलायो
ढकमक्क फुलि गुराँसले पाखै रङिन बनायो
फुरफुर गर्दै भङेरी चरिले तिम्रै संदेस ल्यायो
जन्मघरको माया हृदयमा छाल बनेर आयो ।

फुले होलान मँगमँग भइ बुकि जाही र बेलि
चुल्ठोभरी सजाएर फुल हिँडे होलान सहेली
हातिढुङ्गे,बरडाँडा गडिले सम्झना यो पठायो
जन्म घरको माया नयनमा ताल बनेर आयो ।

 

Continue reading


रामराजा तिमिल्सिनाका केही मिक्स रचनाहरूः

Ramraja, Timilsina, Belkot, रामराजा तिमिल्सिना‎ , pallawa, पल्लव

रामराजा तिमिल्सिना‎

१) काव्य
’नेपाल सुन्दर सफा हुनुपर्छ भन्ने’
को को छ हात त उठाउनु है भनेर
नेपाल साथ नटुटाउनु है भनेर
धोको छ है मुलुकको सरकार बन्ने
नेपाल सुन्दर सफा हुनुपर्छ भन्ने

साना किसान महिला जनजाति हेर्ने
यो देशमा दलितले पनि सास फेर्ने
पात्रै बनून् जनक झैँ हलिया निखन्ने
नेपाल सुन्दर सफा हुनुपर्छ भन्ने ।

 

Continue reading


सृजना सरोवर का केही मिक्स रचनाहरूः

, Shreejana, Sarovar, सृजना सरोवर , pallawa, पल्लव

सृजना सरोवर

१) हेर न उ त्यो आकाश खुलेको ।
वाग पुतली रम्दै छ भुलेको ।
फूल छ फुलेको यौवन उस्तै ।
प्रेमिल इसारामा छ भुलेको ।

सारस र क्वैलीले धुन गाए।
पल्लव पताका झन् मुस्कुराए ।
साथ बनियो मीठो पन माया ।
आज रचियो यो प्रेमिल गाना।

छन्दः चम्पकमाला, ऽ।। ऽऽऽ ।।ऽ ऽ

Continue reading


ऋषिराम खनालका केही टुक्राटुक्रीहरू

Rishiram, Khanal, ऋषिराम खनाल,pallawa, पल्लव

ऋषिराम खनाल

थोरै रचना, छन्दः मालिनी
जतिजति वर हुन्छौ त्यतिनै मन् रमायो
जतिजति पर हुन्छौ त्यतिनै मन् डरायो
भनअब म गरुँ के? ओठले बोल्न खोज्यो
मधुर वचन वाणी भित्र भित्रै हरायो ।

परपर किन सर्छौ चित्त दी मन् भगाई
नजिक नजिकसर्दै आउ यी मन् बुझाई
छ मनभरि आशा काखमा साथ बस्ने
दिनदिन हुनथाल्यो तप्तपी आँसु खस्ने ।

 

Continue reading


‘स्वयंभित्रको शक्तिमा रम्न पाऊँ’

Kalpana, Kafle, कल्पना काफ्ले, pallawa, पल्लव

कल्पना काफ्ले

बिरानो छ माटो बिरानो छ पानी
म रच्दैछु यौटा बिरानो कहानी
बिरानो बनेको छु आफैँ यहाँ म
खुशी या गुनासो सुनाऊँ कहाँ म ?

न देखिन्छ कोही चिनेको मुहार
परार्इहरू छन् सबै वारपार
रुने छन् न कोही न हाँस्ने खुशीमा
म एक्लो छु एक्लो छु यो जिन्दगीमा ।

 

Continue reading


रामराज तिमिल्सिना का केही ट्रक्राटुक्रीहरूः

Ramraja, Timilsina, Belkot, रामराजा तिमिल्सिना‎ , pallawa, पल्लव

रामराजा तिमिल्सिना‎

१) गजल
मुठ्ठी पो कस्सियो भन्छ लाने छ ऊ मरेपछि
लाखौं भोका बनाउँदै खाने छ ऊ मरेपछि

मै खाऊँ न भनेक‍ो छ खोस्दै छ ऊ भए जति
कर्मले भन्छ नर्कमा जानेछ ऊ मरे पछि

धनी बन्दै घमण्ड त पालेको छ समाजमा
पैसाकै छोप्पिने कात्रो छाने छ ऊ मरेपछि

 

Continue reading


शिशिरको माया मीठो

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

शिशिरको माया मीठो वैशाखको पानी
आरु फुल्न थाले सखा चुलबुले नानी
धर्ती मेरो फुल्ला अब जाडो घट्दै जाला
पियारीको गला राम्रो साइतको माला ।

डाँडाकाँडा रुखासुखा पतझर बेला
वैरागी भै हिडेका छन् मायाकै छ खेला
न्याउलीको न्या हो न्या हो मायालुको आँखा
उजाड नै मीठो लाग्छ शिशिरको पाखा ।

 

Continue reading


गृहिणीसित संवाद

Mukunda, Sharma, मुकुन्द शर्मा, pallawa, पल्लव

मुकुन्द शर्मा

मैत्रेयी अनि याज्ञवल्क्य ऋषिले जस्तो गरेथे अघि

यो संसार असार हो र यसको आकार निःसार हो
भित्री तत्त्व विचार गर्न नसके शिक्षा निराधार हो
के हो त्यो अघि धीर दार्शनिकले खोजी गरेथे जुन
यी न्याना दिनमा बसेर गृहिणी ! गर्दै रहौँ गुन्गुन

धेरैपल्ट प्रमाणपत्र बटुले सम्मान पाए ठुला
औँला माथि लगाउँदै पनि गरे व्याख्यान झन् दर्बिला
अर्काका मतमा दिए विमतिका आधार चर्का पनि
ल्याए पक्षविपक्षवाद कतिले आफ्ना र अर्का भनी

 

Continue reading


रामराजा तिमिल्सिना का केही रचनाहरूः

Ramraja, Timilsina, Belkot, रामराजा तिमिल्सिना‎ , pallawa, पल्लव

रामराजा तिमिल्सिना‎

१) मेरो नुवाकोटमा
निन्द्रामा म थिएँ उठेँ हजुरको त्यो साथ पाए पछि
लेखेँ शब्द विचार भित्र मनका , निन्द्रा ब्युँझाए पछि
मेरै निम्ति समाउँदै दुख हरू , जो पाउँदै चोटमा
खल्लो स्वागत पोष्टराज गुरुको, मेरो नुवाकोटमा

यौटा साधक हुन् वडा गजलका , ती छन्द अन्वेषक
पुर्खाको इतिहास जीवन दिने , हुन् काव्य संरक्षक
लाखौँ छन्द बहर फुले कलमले, ती फूलका बोटमा
त्यो सम्मान दिने कथावत भयो ,मेरो नुवाकोटमा

 

Continue reading


चिरञ्जीविका जोर गीत

Chiranjivi, Dhakal, चिरञ्जीवि ढकाल, pallawa, पल्लव

चिरञ्जीवि ढकाल

गीत- १,
(ढली गइन पिपलु त)
ढली गइन पिपलु त, एक्लो भयो बर !
यो बर को मन बुझाउने, अब को नै छ र ?

पूर्वे आँधी उनी छेक्थिन,
पश्चिमे चल्दा मैले!
एक अर्काको भर थियो,
दुख पर्दा जहिले !!
सम्झी सम्झी पिपलुलाई, मर्ने भयो डर !
यो बर को मन बुझाउने, अब को नै छ र ?

 

Continue reading


चिन्ता भयो हे हरे !!

Badri, Prasad, Dahal, बद्री प्रसाद दाहाल , pallawa, पल्लव

बद्री प्रसाद दाहाल

चिन्ता भयो हे हरे !
छोटा औ कसिला छ पाइँट कठै, अग्ला त जुत्ता अझ।
ढोका झ्याल मनग्य छन् वसनमा, हिँड्नै महा-सङ्कट।।
भ्वाँङै ठाउँ- कुठाउँमा शरम भो, टाल्नै नमिल्ने हरे ।
ऐले फेसन एम्बुसै सरह भो, कस्तो हुने हो भरे ??

धूलो व्याप्त हिलो र काइ ढलले, बाटा भए जोखिम ।
अग्ला हील अडिन्न चिप्लन गए, कस्ता भयौँ सोखिन।।
चस्मा छेक्छ प्रकाश केश फिँजिदा, बाटै अँध्यारा भए ।
लड्लिन् फेसनकी परी अकबरी, चिन्ता भयो हे हरे ।।

 

Continue reading