म र आजको परिवेश

Keshav, Raj, Aamodi, केशवराज आमोदी, pallawa, पल्लव

केशवराज आमोदी

पराइ भो समाज झन् बिरानु देश भो घर-
सुखान्तका कथाहरू हुँदै गए निकै पर ,
म भित्रका व्यथाहरू अकाशिएर झ्याड्’गिए-
कसो गरूँ ?स्वबान्धवादि इष्ट-मित्र बाड्’गिए ।

जताततै घृणा, स्पृहा र राग, द्वेष छन् बडा-
अनेक लोभ – मोहका बनेलु वृक्ष छन् खड़ा,
कतै छ सेप छिप्छिपे, हिलो छ गज्गजी कतै-
कतै छ उच्च टाकुरो, अनेक भीर छन् कतै ।

 

Continue reading


‘फर्किएका पद्चापहरू’

Radha, Rijal, Pokharel, राधा रिजाल पोखरेल, pallawa, पल्लव

राधा रिजाल पोखरेल

हर साल झैं
यस्पालि पनी
तिम्रा यादहरू
अन्तर्मनको पुरानो आँगनीमा
हुरुरुरु पस्दै देउसी भैलो खेल्न लागे |

कोही भट्याउन लागे
कोही स्वरमा स्वर मिलाउन लागे
कोही गाउन लागे
त कोही नाँच्न लागे
मेरो मौनताले मलाई यसरी झक्झक्यायो
यस्तरी झुकायो की
मेरो बिगत रंगिन पारदर्शी हुँदै
बर्तमानमा सात्क्षत्कार भयो ।

 

Continue reading


चेली

Narayan, Nirasi, नारायण निरासी, pallawa, पल्लव

नारायण निरासी,

अर्काको वशमा परे दिनदिनै जम्दैन त्यो आसन
हे नारी नसहे कुनै पुरुषको अन्यायको शासन
के बस्छौ दिनरात चोट सहँदै भान्सा पँधेरा कुरी ?
आऊ निस्क चिराग बाल्न पथमा बन्दै तिमी हुन्डरी ।

बढ्दै छन् घटना हरेक पलमा हिंसा बलात्कारका
सारा मौन भई त्यसै बसिरहे संयन्त्र यो राज्यका
मोल्दै छन् खतरा सदैव महिला छैनन् सुरक्षा दिने
निर्दोषी परिबन्दमा परिरहे दोषीहरू उम्किए ।

 

Continue reading


डॉ मिनाक्षी कहकशां की कुछ हिन्दी कविताएँ

Dr, Meenakshi, Kahkashaan, डॉ मीनाक्षी कहकशां, pallawa, पल्लव

डॉ मीनाक्षी कहकशां

१) कल रात
उसे बड़े दिनों बाद
मेरी याद हो आयी
और आ गया
अपने प्यारे साज़,
छैनी और हथौड़ा लेकर
और शुरू हो गया
मेरे सुफ्त भावों पर
चोट कर कर
छील डाला मेरा जिस्म
सँवारने की कोशिश में–

 

Continue reading


महा-भूकम्प जानै पर्छ

Dhanwantari, Mishra, धन्वन्तरी मिश्रा ‘कात्यायन’, pallawa, पल्लव

धन्वन्तरी मिश्रा ‘कात्यायन’

भूइंचालो ! हो फेरि एकपल्ट तिमी आउनै पर्छ !
फूलहरू नझर्ने गरी
फलफूलका चिचिंडाहरू नझार्ने गरी
हो यहि ऋतुमा, जति सक्यो चांडो तिमी आउनै पर्छ !

पैरोले वस्ती नखस्ने गरी
बाढीले बालीहरू नबिगार्ने गरी
कलिला मनहरू नकठाँग्रिने गरी
चरम उष्णता नहुने गरी …
हो अनिवार्य छ, आउनै पर्छ
तिम्रो आगमनको प्रतिक्षारत छन् सबै !

 

Continue reading


लीला दाहाल अधिकारी केही मुक्तकहरूः

Lila, Dahal, Sayal, लीला दाहाल सयाल, pallawa, पल्लव

लीला दाहाल सयाल

फुल्न देउ फुलहरुलाई फक्रिएर रमाई
चुम्न देउ भमरा लाई रसै रसले भराई
फूललाई पनि थाहा हुन्न बिहान पुग्छु कहाँ
मन्दिर वा मुर्दामा पुराउँछन हातमा समाई ।

हँसिलो यो मुहारमा सधैं खुशी छाइरहोस
सङ्धर्षका पाइलाहरू प्रगति मा लम्किरहोस
जन्म दिनको धेरै धेरै शुभकामना भाउजू लाई
नछोए कुनै रोगले पनि र्दिघायुले छाइरहोस ।

 

Continue reading


गजल

Mira, Gyawali, मिरा ज्ञवाली, pallawa, पल्लव

मिरा ज्ञवाली

बोट पनि ठूलो हुन्छ, मलजल राखे पछि
ति सपना पुराहुन्छ, भित्री मनले ताकेपछि

मान्छे पनि पाको हुन्छ व्यवहारमा डुबेर
नराम्रा नै राम्रा लाग्छ भित्री माया जागे पछि

दिन पनि रात झैँ लाग्छ, बाँच्ने इच्छा नभएर
प्रिय लाग्छ अर्को मान्छे उमङ्गमा ढाले पछि

 

Continue reading


बिर्खे अन्जानका केही मुक्तकहरूः

Birkhe, Anjaan,बिर्खे अञ्जान, pallawa , पल्लव

बिर्खे अञ्जान,

अन्याय त गर्न हुन्न रगतको आहाल होला
बाँच्ने रहर अधुरो भै जिन्दगीको काल होला
बारूदसँग खेल्छु अचेल बन्दुक मेरो साथी भाछ
नजिस्क्याउ आगो हुँ म खरानीको हाल होला ।

समयको आगो भित्र खुर्सानीको खार सहेँ
कयौंपटक अचानो भै खुकुरीको मार सहेँ ।
पहाड हुँ म ढल्नेछैन नजिस्क्याउ आँधी तूफान
रगतको होली खेल्दै हतियारको धार सहेँ ।

 

Continue reading


“ढुक्ककी रेश्मा”

Gom, Bicram, Bikram, गोम बिक्रम, pallawa, पल्लव

गोम बिक्रम

“माछा पानीमा पौडिए सरी नसोध जीवनमा कति खाइयो …..” मोहन तालमा गाउँदै फर्किँदै थियो । रेश्माले देख्ना साथ हुक्न थाली ।
“फेरि आज पनि त्यही ताल ? न छोराको स्याहार छ न घरको दु:ख-सुख ! हे भगवान कुन दशाले म यस घरमा भित्रिएँ हुँला ? ” खाएपछि मोहनले प्राय : घटना घटाएकै हुन्थ्यो, निहुँ खोज्ने, कुट्ने- पिट्ने, मिटिङ् बस्ने । चौकीमा २/४ रात काट्ने यी सब उसका दैनिकी जस्तै थिए । कतिचोटी त भागेर ३५ दिन काट्न सिमानापारी समेत पुगेको हुन्थ्यो ।

 

Continue reading


गजल

Bhim, Khatiwada, Dharan,डा. भीम खतिवडा, pallawa, पल्लव

,डा. भीम खतिवडा

किनार मातिएछ वा सुखा बगर खराब हो
उजाड मन बतासियो कि वा नजर खराब हो

नहाँस भन्छ, सापटी लिएर बाँच भन्छ ऊ
म गाउँ, राति चम्किने कि ऊ सहर खराब हो

स्वभाव भो कमाउने, रमाउने, जमाउने
प्रभाव लोभको परे सबै असर खराब हो

मुसुक्क मुस्कुराउँदै विषाक्त पेयले भन्यो
जसोजसो भन्यो उसै गर्यौ सदर खराब हो

ढलेँ, ढल्यौ तिमी पनि प्रसुप्त चेतना उठ्यो
चलेछ बातको हुरी चल्यो खबर खराब हो


गजल

Shanti, Adhikari, Pokhrel, शान्ति अधिकारी पोख्रेल, pallawa, पल्लव

शान्ति अधिकारी पोख्रेल

परदेशी हुँदा युवा आँगन खाली खाली भयो ,
मायामा सधै लुट्पुटिने मन खाली खाली भयो ।

जिन्दगीलाई चलाई राख्ने धारा अनि उपधारा ,
बनाएर पारित गर्ने सदन खाली खाली भयो ।

लागेन खै बिश्वास किन हिजो भन्दा पनि आज
पूरा गर्न दिईएको वचन खाली खाली भयो ।

 

Continue reading


जयदेव गोविन्द का जोर कविता:

Jaya, Gobjnda, Nuwakot, जयदेव गोविन्द, pallawa, पल्लव

जयदेव गोविन्द

१) चिन्तन र दृष्टान्त
हेर्ने शक्ति घट्यो भने नजरमा लाइन्छ चस्मा तर
औंला कान र नाकको भरविना केमा अड्याइन्छ र ?
चस्माको उपयोग माग रहने आँखा रहेसम्म हो
त्यस्तै पात्र र नाम चर्चित हुने चर्चा भएसम्म हो

रोगी नै नभए जगत्-भर कतै बिक्तैनथे औषधी
पानी नै नभए सलल्ल कसरी उर्लेर बग्थे नदी ?
मर्छन् सीप र दक्षता समयमा खाँचो परेनन् भने
शोभा दिन्छ वसन्त के शिशिरमा पत्ता झरेनन् भने ?

 

Continue reading


छोडें बुहारी घर

Dharmanand, Bhatt, धर्मानन्द भट्ट, pallawa, पल्लव

धर्मानन्द भट्ट

आँखा आँसु दिई तिमी किन गयौ भन्छन् मुमाबाहरू
यस्तो शब्द सुनेर सोच्छ मनले बस्नेछु एक्लै बरु ।
आमाको मनभित्र बस्न म सकूँ ठूलो त्यही हैन र
शिक्षा लिन्छु भनी बसें शहरमा छोडें बुहारी घर ।।

मेलापात कसो गरी अब गरूँ एक्लै यता लौ भन
तिम्रो साथबिना यता त घर औ औसी भयो यो मन ।
एक्लो बाँच्छु म नै खुशी मन सधैं आमा बुहारी गर
पाऊँ मार्ग यही भनी कहरले छोडें बुहारी घर

 

Continue reading


मिरा तिमिल्सिना ‘धरा’का केही मुक्तकीय टुक्राहरूः

Mira, Meera, Timilsina,,मिरा तिमिल्सिना ‘धरा‘, pallawa, पल्लव

मिरा तिमिल्सिना ‘धरा‘

तिम्रो साथ टुटे पनि भुल्न सक्छु संसारमा
बालुवाको टापु बीच फुल्न सक्छु संसारमा
मायालाई छोड्न सक्ने निष्ठुरी म कति रुनु
मग्मगाउँदो फूल बनी डुल्न सक्छु संसारमा ।।

हर ठाउँमा श्रम शोषण किन हुन्छ यहाँ
न्यून तलब पसिनाको खोली मन् रुन्छ यहाँ
मात्र निमुखो चुसी उँभो लाग्ने हो र दुनिया?
कात्रोमा बगली भरी लाने भन कुन्छ यहाँ?

 

Continue reading


सम्झेर आफ्नै घर

Dhundi, Raj, Aryal, ढुण्डीराज अर्याल, pallawa, पल्लव

ढुण्डीराज अर्याल

आमाको पटुकी अहा ! हृदयको मातृत्व पोल्टा भरि
साँच्चै सुन्दर चाँदवाग जननी भूस्वर्गकी हुन् परी ।
आफ्नै प्यार सुगन्ध चिन्न नसकी दौडेर कुद्ने पर
साथी फर्क न फर्क देशतिर नै सम्झेर आफ्नै घर ।।

काला ती कनिका मकै मयलका टाला सधैँ खोज्दछन्
थैलीका खुजुरा सुका डबलले ऐश्वर्य सम्झाउँछन् ।
पाक्चे काफल छैन खै मरिसक्यो धारा सुक्यो मास्तिर
साथी फर्क न फर्क देशतिर नै सम्झेर आफ्नै घर ।।

 

Continue reading


गजल

Radha, Bhujel, राधा भुजेल , pallawa, पल्लव

राधा भुजेल

तिमी भएनौ भने जिन्दगी कटाउन डराउँछु।
त्यसैले त आज्कल सपनीमै आउन डराउँछु।

केछ खबर भनी कहिल्यै सोध्दै नसोध मलाई
बेहाल भएकोछ यो जिन्दगी बताउन डराउँछु

भोलिपल्टै मन्दिरको फूल ओईलिएको हुन्छ
त्यसकारण मन्दिरमा फूल चढाउन डराउँछु।

 

Continue reading


सुभाव

Dinanath, Pokhrel, दीनानाथ पोख्रेल, pallawa. पल्लव

दीनानाथ पोख्रेल

छ प्रेम देशभक्तिको खुलोस् कला सुधारको ।
छ दण्डहीनता अझै रुँदै छ न्याय भाव त्यो ।।
सुधामयी सुशान्तिको छ मोह नित्य चेतमा ।
विचार भाव हुन् नयाँ सुधार हुन् स्वदेशमा ।।०१।।

उठोस् विचार कर्ममा खुलोस् विकास हारमा ।
रमाउँदै सुप्राप्तिले जुटौँ सबै सुधारमा ।।
सुतीसुती नछाँट रे अह्रोट भन्छ चेतले ।
उठेर लौ नबाझ रे सुप्राप्ति हुन्छ मेलले ।।०२।।

 

Continue reading


लक्ष्मी अच्यूत ढुङ्गाना का केही मुक्तक

Laxmi, Achyut, Dhungana, लक्ष्मी अच्यूत ढुङ्गाना, pallawa, पल्लव

लक्ष्मी अच्यूत ढुङ्गाना

यो पुलमा उभिएर हेर्दैछु म टिस्टालाई
इतिहाससँगै मनमा बेर्दैछु म टिस्टालाई
नेपालीको वीरताको चिनारी हो, गर्व लाग्छ
मनभरी मायासँगै घेर्दैछु म टिस्टालाई ।।

टिस्टा तिम्रो पानीसँगै हाम्रो इतिहास बोल्छ
नेपालीको पौरख र वीरताको शान घोल्छ
अपमानको सन्धी बोल्छ, अंग्रेजको झेल बोल्छ
विगतको कथा व्यथाले सबैलाई पिरोल्छ ।।

 

Continue reading


गजल

Laxmidatta, Bhatta, Satyapremi, लक्ष्मी दत्त भट्ट 'सत्यप्रेमी', pallawa, पल्लव

लक्ष्मी दत्त भट्ट ‘सत्यप्रेमी

दया आज कस्तो घटेको छ ऐले
बिके है त मान्छे रटेको छ ऐले

लुकेका लुटेरा जमानी बसेका
बिवेकै सबैको हटेको छ ऐले

बनेको बिगार्ने जमाना भयो है
अ हा गाउँ हाम्रो कटेको छ ऐले

 

Continue reading


शान्ति अधिकारीका केही मुक्तकहरूः

Shanti, Adhikari,शान्ति अधिकारी, pallawa, पल्लव

शान्ति अधिकारी

स्वर्णिम ती पलहरुको नासो बनाएर
छाडी दियौं दुनियाँको हाँसो बनाएर
बिश्वास टुटे जिन्दगीमा के रहन्छ बाँकी
मर्नै पार्‍यौ त्यहीँ मायाको पासो बनाएर ।।

आपत पर्दा भर बनेर कोहि आए देखि
केही त राम्रो गर भनेर कोहि आए देखि
जिन्दगीले साँच्चै कोल्टे फेर्ने थियो कि त
मन भित्रको डर खनेर कोहि आए देखि ।।

 

Continue reading