रामचन्द्र बस्याल ‘बिखर्ची’
केभयो आज सम्झना आयो अँधेरी रातमा॥
ऐठन भयो यो स्वार्थी माया बसेर माथमा ॥
क्षणिक होला मायालु पारा शितलु पारामा।
जूनले पनि के सार्हो चुम्यो लौ हेर पातमा॥
उर्लेर आयो अन्धो त्यो बैंश खहरे बनेर ।
भोग्नु नै पर्यो अश्रुका धारा झारेर हातमा॥
लजाएँ सारा मान्दिएँ लाज बनेर चमेली ।
बैंशको बेला झपक्कै फूलें नासो छ साथमा॥
मोहनी रुप बिनायो भाका बनेर सपेरा ।
लौहेर मलाई केपर्यो यस्तो लुटिएँ बातमा॥
बितेछ दिन रामको आज सम्झेर कहानी।
जवानी बेंचे यो मन भुँटे धनको खातमा ॥
“विखर्ची राम”चितवन॥
