लक्ष्मी दत्त भट्ट ‘सत्यप्रेमी
बहरबद्ध गजल– १,
गुलावी छ देख्दा फुलेको जवानी
बगैचा छिरेको छ हाम्रो कहानी ।
म जादै छु टाढा न खोजे तिमीले
न सोचे पराई न सम्झे बिरानी ।
रुवाएर आ’को थिएँ साँझ बेला
अनौठो म देख्थेँ दुखेको परानी ।
म एक्लो छु आफैँ सधैँ याद तिम्रो
लिएको छु आशा सुनौलो बिहानी ।
सधैँ साथ पाए खुशी जिन्दगानी
अझै सम्झनाकै दिएथ्यौ निसानी ।।
छन्दः भुजङ्गप्रयात, बहरे मुतकारिब मुसम्मन् सालिम
सूत्रः फऊलुन्, ISS × ४
बहरबद्ध गजल– २,
छ आत्म र प्रेम खुले छ जहान
असत्य बिचार भुलेछ जहान
नया छ निकास नयाँ छ मुकाम
सधै दिन रात डुले छ जहान
शुखै शुखको घर दिवार खोज्न
रिनै रिनमा चुले छ जहान
घमण्ड गरेर समाज छुटाई
छ मात महान घुलेछ जहान
कुलै रितमा पनि आज पराई
छ साथ भनेर हुलेछ जहान
छन्दः मौक्तिकदामः बहरे मुतकारिव मुसम्मन मख्बून
गण जगण × ४
सूत्रः फऊलु, ISI ४
