गजल

Spread the love
Gita, Ghimire, Gita Ghimire , pallawa, पल्लव

गीता घिमिर

तिमीलाई चोट लाग्दा मेरो मुटु दुख्छ किन?
तिमी दु:खी हुँदा मेरो खुशी को मुल सुक्छ किन?

मुटु भित्र बसि सधैं मनको दरबार सजाउंछौ
तिम्रो मुहार नचम्किंदा मेरो जुन लुक्छ किन?

सधैं जीत मात्रै हात कहाँ लाग्छ र ? जीवनमा
तिमीले बाजी हार्दा खेरी मेरो शिर झुक्छ किन?

 

मिल्ने भए खुशी जति तिम्रै लागी किनिदिन्थें
तिम्रो ओठको हांसो पर्खी मेरो आंखा ढुक्छ किन?

चुनौतीहरु त आइरन्छन् जीबन यो रहे सम्म!
तिम्रो मिसन सफल हुँदा गर्वले छाती फुक्छ किन?

Leave a Reply

Your email address will not be published. Required fields are marked *