वाशुदेव पाण्डेयका एकजोर गजल

Basudev, Pandey,वाशुदेव पाण्डेय,pallawa, पल्लव

वाशुदेव पाण्डेय

बहरबद्ध गजल– १,
हिजो बन्धु आफ्ना बनायौ सखाप
गरी धर्म ऐले पखालिन्न पाप

भनेथ्यौ नयाँ राष्ट्रनिर्माण गर्छौ
भयो युद्धमात्रै कहाॅ भो मिलाप

छली भ्रष्ट नेता विलासी हुनाले
युवामा त्यसैको परेको छ छाप

 

छ बिन्ती सबैमा निजी स्वार्थ राखी
‘जलाएर यो देश आगो नताप ‘

गरे काम राम्रो उही हुन्छ दोषी
परेको हुनाले सतीकी सराप ।।

छन्द: भुजङ्गप्रयात, बहरे मुतकारिब मुसम्मन सालिम
रुक्न: फऊलुन् × चार

बहरबद्ध गजल– २,
छ टिस्टा र बर्मा पुगेको कहानी
कहीँ छैन हामी लुकेको कहानी ।

दुई पाखुरामा हुँदा शौर्यधारा
कतै छैन हामी झुकेको कहानी ।

खपे पीर गोली सहे युद्ध गर्दा
कतै छैन छाती दुखेको कहानी ।

रहन्थे शिला भै र पो शत्रु डर्थे
कहाँ हुन्छ हामी चुकेको कहानी ।

लगे भूमि केही, भरे एक गाग्री
कहाँ हुन्छ गङ्गा सुकेको कहानी ।

छन्द: भुजङ्गप्रयात, बहरे मुतकारिब मुसम्मन सालिम
रुक्न : फऊलुन् × चार

Leave a Reply

Connect with:

Your email address will not be published. Required fields are marked *