भवानी खतिवडा
काटी बाँस दुवै तिरै दुध दुहे कैले भरी हुन्छ र?
काटी केश जमीनमा पुरिदिदा कस्ले उमार्या छ र ?।।
पेली वालु चुहिन्छ तेल कहिले ब्यार्थै परिश्रम् गयो ।
त्यस्तै संघियता बढी वहस भो झै मृग तृष्णा भयो ।।
खोस्रीदा मरुमा त वालु विचमा पानी कहा मिल्छ र ।
आफ्ना अड्डि लिएर मार्ग थुनिदा वार्ता कहा मिल्छ र ।।
ब्यार्थै फाल्नु छ मुल्यवान घटिका निष्कर्ष के मिल्छ खै ।
साँढेका फल आशमा दशक गो झर्दैन झर्दैन है ।।
मन्त्री बन्नु शिवाय कानुन कतै बन्दा नि बन्दैन खै ।
गाउँमा जनको नभै प्रतिनिधी बन्दैन नेपाल है ।।
चारो छर्न र टिप्नमा समय गो चिन्ता गयो देशको ।
सारा कानुन शक्ति केन्द्रित भयो अन्यायको राज भो ।।
