मनोज काफ्ले ‘मनसुन’
गन्दैछु तारा यहाँ सम्झेर प्यारी तिमी
एक्लै रुँदैछौ त्यहाँ तड्पेर प्यारी तिमी ।
आभास भो रातमा आँखा रसायो जब
धारा बगे आँसुका झल्केर प्यारी तिमी ।
यो भाग्यले ठग्दछ भन्ने सुनेको थिएँ
साँच्चै पुग्यो त्यै कुरा लौ हेर प्यारी तिमी ।
भुल्नै नसक्ने भएँ टाडा भएको बखत
काट्दैछु यो जीन्दगी पर्खेर प्यारी तिमी ।
मेरै हियामा बस्यौ मानेर आफ्नै पति
आमा बुबा जन्मघर त्यागेर प्यारी तिमी ।
अर्कान 2212 212 2212 212
बहर बसीत
मनोज मनसून
