जयदेव गोविन्द
तिमीमा महादम्भ खानी छ नानी
सुरा झैं चढेको जवानी छ नानी !
युगौं साथ बाँच्ने तिमीले गरेको
सही-छाप ल्याप्चे किटानी छ नानी !
दुई धार राख्यौ उही दाप-भित्रै
यही एक मेरो रिसानी छ नानी !
दही-दूध चोरेर ठेकी हरायो
ठुटो काठ ठिङ्गो मदानी छ नानी !
निभेको चुलामा बढी के छ बाँकी !
जुठोमा मिलेको खरानी छ नानी !
निहत्था बनाएर पर्दा खसेको
तिमीसाथ मेरो कहानी छ नानी !
छन्द: भुजङ्गप्रयात, – बहरे मुतकारिब मुसम्मन सालिम)
१२ अक्षर, यगण – ISS – फऊलुन् x ४) रुक्नमा आधारित
● जयदेव गोविन्द (आचार्य)
