१३ अक्षेरीय गजल

सुमित्रा पाैडेल ‘सुमी’

आउँछु असीम प्यार दिएर जान्छु ।
फर्कदा उपहार दिएर जान्छु ।।

हर धड्कनको एकै चाल् बनाउन ।
कम्पन हूँ लगातार दिएर जान्छु ।।

मात्र एउटा गुलाफ के माग्छौ तिमी ।
सुनगाभा नै हजार दिएर जान्छु ।।

देलान कसैले मन कसैले मुटु ।
तिमी जीउने आधार दिएर जान्छु ।।

नभेटिएदै र नछोईएरै पनि ।
प्रेमको पूर्ण आकार दिएर जान्छु ।।

‘सुमी’ अरुकै कोहीको मान्छे भएपनि ।
तिमीलाई नै सन्सार दिएर जान्छु ।।

SUMITRA PAUDEL RIMAL
त्रिशुली, नुवाकोट ।NUWAKOT