नीता केसी भट्टराई
सकिन बुझाउन मैले आँशुको मुल्यलाई
सस्तिदै जादो रहेछ जब बहन्छ धेरै
सकिन बुझाउन मैले बहको मान्यतालाई
बाढी झैं उर्लिएर बहन्छ जब चर्किन्छ धेरै ।
अबमुल्यन हुन्छ आत्मसम्मानको तब
आँशुले छेक्छ प्रगतिको मार्ग जब
अन्तरमनमा जन्मन्छ अन्तरघात तब
अस्मिता माथि नै दृष्टिपात हुन्छ जब ।
हुँदै हैन रहेछ आँशु, तरबार कहिल्यै
बरु साँध लगाउने पानी बनाउनु पर्ला आँशु
रोएर बसु म कतिन्जेल,एकंकिलाई खोज्दै
पीडा र.उत्पीडन बहाई उर्जा बनाउनु पर्ला आँशु – !!!
