नीता केसी भट्टराई
एउटा हैन अनेक मेरा, कथा भित्र भरिन्छ उ
आफ्नो हैन बुझेकी छु, मुटु भित्र धड्किन्छ उ
लिनु छैन दिनु छैन, कुनै पनि साइनो छैन
रोज रोजै देखु लाग्ने सपनी भित्र छरिन्छ उ
आकाशमा जिन्दगीको मेरो आफ्नो जूनै छैन
साथ छैन तर पनि,छायाँ सरि झल्किन्छ उ
दुख्ने एउटा ठाउँ हुन्छ ,जहाँ उसको नाऊ हुन्छ
बिरक्तिमा नियस्रोमा,घाऊ सरि बल्झिन्छ ऊ
एउटा हैन अनेक मेरा, कथा भित्र भरिन्छ उ
आफ्नो हैन बुझेकी छु, मुटु भित्र धड्किन्छ उ – !
