स्याङ्जाली रमेश
दुःख पीडा दर्शन गर्दै जीवनरोटी बेल्दै आएँ !
संसारमञ्च नाटककारकै इशारामा खेल्दै आएँ !!
हिँड्दा हिँड्दै गोडेटो त्यो टुङ्गिए झैँ लाग्दा पनि !
एक्लो यात्रा थाकेँ तर बलैसँग ठेल्दै आएँ !!
जमाना नै खराब भयो इमानदार कोही छैन !
चिन्दा चिन्दै सबका सामु आफूलाई हेल्दै आएँ !!
जिउनै पर्ने रैछ यहाँ मरिजान सकिएन !
बेरङ्गी यो जिन्दगीलाई जसोतसो रेल्दै आएँ !!
छोडी गयौ मलाई भयो मर्नुभन्दा जिउन गाह्रो !
जिन्दगीमा आएजति बाधाअडचन पेल्दै आएँ !!
मरुभुमिको छातिबाट
स्याङ्जाली रमेश
स्थाई घर अर्जुनचौपारी स्याङ्जा
